Wosasuc Fin Facluh Nohfohn

Sel Elder John B. Dickson

Ke U luhn Mwet Itngucul


Alu uh som nuh muhtuhnfacl nuh ke muhtuhnfacl, facsin nuh ke facsin, mwet nuh sin mwet ke pacl luhn Leum.

Kuhlwacnsap luhn Mwet Lahngo fin facluh tari. Kweok se lal ke imac luhn Gethsemane ac fin sahkseng soko tari. Kuht etwaclah ke puk luhn Orekma 1 lah: El forfor in kuhlwacnsap ke lwen angngaul tukun Sifilpac Moulyak Lal, “ac akihlen lah” sin Mwet sap ac “kahskahs ke … tohkohsrahi luhn God” (Orekma 1:3).

El fahk nuh selos “kowos ac fah eis kuh ke Nguhn Muhtahl ac tuhkuh nuh fowos, ac kowos ac fah mwet loh keik in acn Jerusalem, ac in acn Judea nohfohn, oacyacpac Samaria, ac nuh in acn nuh kwewa fin facluh” (Orekma 1:8).

Na, “utuckyak el nuh inkuhsrao ye muhtahlos, na puhkuhnyeng se kosracllah luhkwelos.

“Elos srackna suiyac acn lucng ke utuckyak el ah, na mwet luo sikme weluhlosyang, nukum nuknuk na fasrfasr;

“Ac fahk, Mwet Galilee, efuh kowos tu ngwet na nu lucng? Jisus se ma utucklac liki kowos nuh inkuhsrao inge, ac fah sifilpac fohlohkoh in luhmah se na ma kowos liye el som nuh inkuhsrao kac ah” (Orekma 1:9–11).

Ahok, Mwet Lahngo ac sifilpac tuhkuh ke tuhkuh ahkluo Lal, tuh met liki pacl pa ingen, wosasuc luhn Jisus Kraist enenuh som nuh ke “acn nuh kwewa fin facluh.”

Ke Mattu kuht etwaclah ke masap sacohk se nuh sin Mwet Sap in use wosasuc nuh ke muhtuhnfacl nuh kwewa:

“Jisus el kihluckyang nuh yohrohlos ac fahk nu selos, Kuh nuh kwewa inkuhsrao ac fin facluh ituhkuh nuh sik.

“Ke ma inge kowos som nu yurin mwet in muhtuhnfacl nuh kwewa fin facluh, ac oruh tuh elos Inen Papa, Wen ac Nguhn Muhtahl” (Mattu 28:18–19).

Ke pacl in muhtwacwacack ke Alu, ke pacl infulwac, wosasuc use nuh sin Mwet luhn Israel muhkwena; na fwackyuck tuhkuh nuh sel Peter, Mwet Sap mahtuh se, ke pacl in tuhkuh in ahluhkwelah Israel ac use wosasuc nuh sin Mwet gentiles. Ke sapta singucul ac singucul sie ke Puk luhn Orekma kahsruh kuht kahlwem ohiyac se in ahkyohkye Alu ac use nuh sin tuhlihk nuhtin God pa ahkkahlwemyeyuck nuh sin mwet kol ac mempucr emet ah.

Cornelius, suc pa Mwet Gentile se, solse se, oacyacpac mwet wo se, Leum el ahkkahlwemye nuh sel Peter ke wosasuc ac som nuh Mwet Gentiles, nuhnak sasuc se ac sakihrihk nuh sin Mwet Luhlahlfongi an ke pacl se inge. Mwe fwackyuck se inge ke ekuhlah ke ohiyacn Alu tuhkuh nuh sel Peter, Mwet Sap mahtuh se. Kuht etuh wosasuc pihsrpihsr in som nu yurin mwet in muhtuhnfacl luhn Gentiles ah.

Oasr srihkasrak ke Alu muhtwacwacack in yohkwelihk ke pacl luhn Paul, suc ekihn Mwet sap fokoko se nuh sin Mwet Gentiles. Oasr aruhrruhma se lal ke el oasr fin inkacnek luhn Damascus, ke el liye kahlwem se ac lohng puhsra se, auliyak ke ma koluk lal, ac pahngpahng sin God (liye Orekam 22:6–18) in mwet fokoko se in fahkwelihk wosasuc luhn Jisus Kraist.

Ingena kuht ac sro nuh yac tausin se alfoko uh ke pacl luhn Fohlohkyak luhn wosasuc, kuh sun pacl fal in ahksasucyeyuck ma nuh kwewa met liki Tuhkuh Ahkluo. Nga fahkwack lah sel Mwet pahluh Joseph Smith, Alu se inge fohlohkohnwack ac kalweni in fahsr ke kolyuck luhn Prestuhnsi Se Met ac U luhn Mwet Singucul. Ma kunaclos in use wosasuc nuh facluh oacna Mwet Sap ke mahtuh.

Ke pacl se ah in oracni Alu luhn Jisus Kraist luhn Mwet Luhlahlfongi Lal ke Lwen-sahflah ke yac 1830, Alu uh som nuh muhtuhnfacl nuh ke muhtuhnfacl, facsin nuh ke facsin, mwet nuh sin mwet, ke pacl luhn Leum.

Ke yac 1978, in ukwe akiyac ke ohiyac luhn fahkyuck sin Mwet Sap mahtuh, Prestuhn Spencer W. Kimball, fahkyuck se tuhkuh, pacl se inge ke pristut in lwelah mukul nwacsnwacs nohfohn fin facluh in eis pristut. Kalmac pa nohfohn ke tuhlihk nuhtin Pahpah Lucng fin facluh nohfohn kuh in wi mwe insewowo luhn wosasuc fohlohkihnyuckyak. Arlac wo nuh tohkohsrahi luhn God fin facluh ke lwen sun pacl luhn Tuhkuh Ahkluo luhn Kraist.

Ingena nga ac ahkuhtweyac efuh ma se inge kahsruh yuc. Nga tuhfahna ekihn prestuhn luhn misin ac Tahmtahel Dickson ac nga apkuhran in us sucu lasr in som nuh Mexico ke Elder Richard G. Scott, ke el mempucr ke U luhn Mwet Itngucul Se Met, el fahk nuh sik ke fahkyuck sacohk se inge. Nga esam ke nga tuhng ke el sramsram nuh sik ke ma sikyak ah. Nga arlac engan nuh pwacye, ke nga kahlwem lah pa ingen ma pwacye ac pa ingen pacl ke mwet nuh kwewa in eis akwuck, masap, ac mwe insewowo nohfohn ke wosasuc.

Pa ingen apkuhran yac 35 somlah ah, ac ke pacl se inge nga tena akihlen lah nga ac sang yac puhkantwen ke kuhlwacnsap luhk ke U luhn Mwet Itngucul ke Africa ke acn rohtoh luhn Alu uh yurin mwet luhlahlfongi, ac wo ke moul laltahl eklac ke fahkyuck ke yac 1978 luhn pristut. Tahmtahel Dickson ac nga muhta ingo ke yac ahkosr, ac ma kuht puhlakihn pa arlac wo ac ekuhlah moul lasr.

Ke u luhn mwet sefanna. Mwet African rohtoh elos luhlahlfongi ke God, elos tena mwekihn in fahkwelihk ac akacsruhi luhlahlfongi laltahl yurin mwet, ac arlac wo ke ohiyacn kol. Puhkantwen mwet nuh pwacye etahwi nuh ke Alu uh, ac apkuhran na wik nuh kwewa ward kuh pracns muhsaheack ke Africa ke acn rohtoh, ac apkuhran na pacl nuh kwewa, oasr mwet kol ke pristut ac u ke alu ke mwet Africa muhkwena.

Nga finsrak kom kuh in wi mwet luhlahlfongi an lun tempuhl ke Aba, Nigeria, kuh Accra, Ghana, na kom kuh in puhla kuhiyaclos ac tuhkuh in etuh mwet African suc pa prestuhnsi ke tempuhl. Kuh nga arlac kena in lwelah ahkkahlwemye kowos nuh sin Prestuhnsi luhn Itngucul ke Eria luhn Africa, suc oasr yohrohsr ngwe ke toeni se inge mihsenge ac attorneys, professors, ac business managers, kuh etuh sifacna mwet kol ke stek ac ward oacyacpac sucu laltahl.

Som nuh Africa, in wi Sacnri Skul, U ke alu uh, kuh pristut kuhlahs pa pacl sacohk ke akwucki luhn mwe lutlut ke Alu pa ukwe ac oasr yohk kahlwem ke wosasuc, luti, ac lutlut sin Nguhn Muhtahl.

Wosasuc ke Africa ac som nuh sin mwet engan, suc tena lohacng nuh ke ma mwet lohacng nuh ke moul luhn mwet ke acn rohtoh fin facluh. Elos tena fosrngah ke ma puhkantwen elos kuh in eis.

Oasr fahk se ke Mwet Africa lah tena ma puhkantwen ke ma tena sacohk nuh seltahl ac oasr ma puhkantwen ke ma sacohk nuh pwacye nuh seltahl. Eltahl tena kena ke lohm luhlahp ac sun stosah tuh yohk kena in etuh ke Pahpah Tuhmwaclos Inkuhsrao ac Wen se Nahtuhl Jisus Kraist, ac eis sucu ma pahtpaht. Ke srihpen luhlahlfongi lalos, Leum el srakelosack ke ohiyac sacohk.

In etuh eltahl oacna kuht, kuht tena lah elos ac yohk srihpac in kahsruh ahkyohkye Alu luhn Jisus Kraist ke lwen sahflah. Ke Daniel, mwet pahluh se ke Wuhlweacng Mahtuh, ke aruhrruhma se el liye tohkohsrahi luhn God ke lwen sahflah ipiplac fin facluh acn uh sie yot ma itucklac liki finohlah ma fin wacngihn paho eh koflah for met ne ke el nwacklah nohfohn facluh (liye D&C 65:2), arlac wo tamuhlwel ac tahmtahel lasr ke Africa arlac yohk srihpac in ahkpwacye pahluh se inge ac eltahl ac wi plwacn Leum el akiyac.

Nga fahkwack lah Pahpah lucng el luhngse tuhlihk nohfohn Lal, ac lah Jisus el pa Kraist, ac lah wosasuc sukohsohk nuh sin mwet nuh kwewa, kwewa moul ac misac. Ke inen muhtahl Jisus Kraist, amen.