2010–2019
Fare Gospel ngak Gubin e Fayleng
April 2013


Fare Gospel ngak urngin e Fayleng

Fare Galasia ma garar ulongob e fayleng nga urngin e nam, yalen, gidii’, u ngiyal’ rok Somoel nge Rogon.

Fare machib ku athapTathapeg u roy u fayleng i polo’. Fare gafgow ni tay u Gethsemane nge daken e kuruth i polo’. Kad filed ko Acts bin somm’on e guruy: Ke machib ko aningeg i ragage rran tomuren ni ke fas ko yam’, “i m’ug” ko fapi Apostles nge “i yog ngorad … boch ban’an nib soer fan ko gil’ilugun Got” (Acts 1:3).

Me yog ngorad “machane bay yib gelngimed, ko ngiyal’’ ni bay yib fare Kan Nthothup riy nga dakenmed ma aram mi gimed weliy murung’ageg u lan yu Jerusalem, ngu lan u Judea, ni polo ngu Samaria, nge yan i mada’ko yungi n’en ni yan i mus e fayleng ngay” (Acts 1:8).

Ma fini buchuw nga m’on, “mi ni fek ngalang; nga tharmiy ni yad be guy nge yan i chuw nga fithik’ bangi manileng nge dakur guyed.

“Ka yad be changar nga lanelang ni aram e ka be yan, me sak’iy l’agruw i mo’on nga to’obrad ni ka ron’ew e mad nib wech;

“Me lungurow, Gimed e girdi’ nu Galile, mang ni kaygum sak’iygad u wur gimed be sab nga lanelang? cha’nem i Jesus, ni kan fek romed ngalan e tharmiy, e bayi sul ni bod rogon ni kam guyed nike yan nga tharmiy.” (Acts 1:9–11).

Ri arragon, fare Tathapeg e ra yib bayay ko bin L’agruw Yay e Wub, machanae u m’on, fare gospel ku Yesus Kristus e ngan thapag “ko gubin yang u fayleng.”

Ku Matthew e ked filled e motochiyel nib thothup u marunga’gen fapi Apostles ni ngar feked fare Gospel ko gubin e nam:

“Mere yib Yesus me noon ngorad, ni g’ar, Gubin gelngig in pii’ ngog u tharmiy ngea fayleng.

Mu marrow, ngam machib nigew gubin e naam, mu tawfe nag row u daken fithngan Chitamngiy, nge Fak, nge Kan ni Thothup” (Matthew 28:18–19).

U nap’an somm’on ni tabab e Galasia, u lanengiyal’’ ni kanoeg lukngun e ngiyal’’, fare gaspel kemus ni un machib nag ko tabinaw ko yu Israel; me yib e yi’iy ku Peter, ir e tolong ko Apostles, ke taw ko ngiyal’ ni ngen fek fare gospel ko Gentiles. Fare 10th fa 11th guruy ko Acts e ke ayuwegdad ni ked nanged fan ko rogon i gagyeg nag mae garaer fare Galasia ko boch fak Got nge ngongol ko presiding officers nge fare general membership.

Nggu fana’ Cornelius, ni ba Gentile, ba centurion, ba mo’on nib fel’, fare Somoel gay thogthog ngak Peter ni fare gospel e nge yan ko Gentiles, ba mithmith nib bach nge u wuru’ ko gidii’en Got e ngiyal’nem. Fare thogthog ni buch e ke thiliyeg rogon e mithmith ko Galasia ni yib ku Peter, tolong ko Apostles. Gamad manang ni fare gospel ko ngiyal’nam e ke yan nib papay ko fare nam ko Gentiles.

Ba wok u nap’an ke garaer fare Galasia ko ngiyal’nam ke nap’an ni ke nichaen’ Paul,ni ke mang reb e Apostle ni ga’ fan ko Gentiles. Ke yib ba yi’iy ngak u nap’an ni ba yan nga Damascus, gin ni guy ba magal ma run’gag laman ba’, kalngaen’ ko denen rok, ma pinning Got (mu guy Acts 22:6–18) ma re nge mang a gelngin ga’ ni nge geraren e gospel ku Yesus Kristus.

Armae ngam pag mad reb 1,800 e duw ko fangiyal’ ni kan Fulweg fare gospel, fa fare sulweg ko urnging e ban’en kafram u nap’an e Yan l’agruw yay e Wub. Ku micheg ni u dakaen fare Profet Joseph Smith fare Galasia e kan fulweg ma ke sul bayay ni ba mithmith nga mo’on u tanggin a suwey ko fare Bin Somm’on e Presidency ko fare Ragag nge l’agruw e Apostles. Kar dugliyed ni ngar feked fare Gospel ko gubin yang u fayleng ni boed rogon fapi Apostles u kakrom.

U nap’an ni sum Fare Galasia ku Yesus Kristus ni fan ko Gidii’ ko Tin Tomur e rran u lan e 1830, fare Galasia e ke garar u lan e fayleng u dakean reb e nam nge nam, yalen nge yailen, gidii’nge gidii’u kanawo’ en Somoel nge nap’an e ngiyal’ Rok.

Me re u 1978, lek dakean fare ngongol in gagyegnag u dakean fare Apostle tolong, ko ngiyal’ney President Spencer W. Kimball, ni ke yib fare thogthog ko priesthood ni nge yog ko gubin e pum’on ni ker felag rogorad u gamngun yang u faileng ni nger thepaged fare priesthood nge gubin e taw’ath ko fare gospel nikan fulweg nga rogon. Ko ngiyal’ ney, gathi boch machane gubin fak Chitmangdad nu Tharmiy u fayleng ni yag nge rii’ laman fare taw’ath ko fare gospel. Marib fel’ rogon gil’ilungun Got u fayleng ko rran ni ke chuchgur ko yan L’agruw ay e Wub ku Kristus.

U rogog, Kan piningeg ni nggu mang reb e mission president nge Sister Dickson nge gag e gu fini fekew e chongin e tabinaw romow nga Mexico me Elder G. Scott, i’ir e chongin ko fare Medlip i ragag, i yog ngog marunga’gen fare thogthog. Ke yib ngan’ug e ngiyal’nam ni yib e luu’ u oewcheg u nap’an ni yog ngog marunga’gen e n’an ni buch. Ke fafalaen’ u wun’ug ni dabiyog nggu weliy’ ya gumnang ni ke taw nga nap’an ni moomw fare gam’ing, m’ag, nge taw’ath ko fare gospel ko gubin e gidii’.

Kanap’an e 34 duw ni ke yan, ma dagur nang nap’an fare ngiy’al nem ni nggu muruwel bukum a duw ko fare Medlip i ragag u Africa West Area ko galasia u fithik e michaen’, gidii’ nib yul’yul’ ni nge thil rogon e paer rorad ko fare thogthog ko priesthood ni yib ko 1978. Sister Dickson nge gag kug pirew u rom ni aningeg e duw nap’an,nge n’an ni buch ngomow u rom e rib mangil nge gay thiliyeg u yafas romow.

Gidii’en, African u gaal e ba mich u wun’ rad Got, dariy’ e tatamra’ rorow fa’an yow ra machib nigew marunga’gen e mich rorow ko gidii’, ma ba gel bugwan rad ko liiw ko tiyugang’. Yaed ba yig nga fare galasia i bo’or ni bo’or, nge dake gubin e wiik me sum boch e ward fa branch u boch yang u Africa ko lan e ngaal, dake gibin ni ngiyal’, cha’ yu Africa e ba priesthood nge Tiyugang’ ko auxiliary.

Mari ba’adag u gum’racha’eg fa’anra yog ni ngam un ko gidii’en Got nga temple u Aba, Nigeria, fa Accra, Ghana, e gin rayog ni ngam thamiy e bugwan ko gidii’en Got ma yog ni ngam mada’nag gubin-nge Tiygang’ ko temple u Africa, fa yog ngam mada’nag fapi Medlip i ragag i u Africa, armae yow ba’ rodad e di’ir u roy u Conference Center ni boch yad ba attorneys, professors, nge boch ba toygang ko boch e business, fa kayog ni ngam mada’ nag e toygang ko stake fa ward nge chongin e tebaw rorad?.

U Africa, Ni ngan un ko Sunday School, auxiliary, fa ulung ko priesthood e ba thothup e n’en nike buch rom ko fare Galasia ya i’ir raram gin ni yibe fil rogon e gospel ngea tin ni yimnang u fithik e kan ni Thothup.

Fare gospel u Afrika e bayan ko gidii’ nib falfalaen’, dariy bo’or e chugum roraedme ab pangiin rad ko paer ko gidii’ u Ngael. Dariy’ fan u wun’ row fa’anra may e chigum rorow.

Fanathin ko yu Africa ni “bay rorad buchuw ban’an ni rib achichig ni kan lamnag nib ga’ fan nge ban’an ni thirib ga’machnae rib ga’ fan.” Darma athapaged fa’anra yog e n’un ni rib ga’ fa karo nib mangil machnae yow ba athapag ni gar nangew Chitmangdad nu Tharmiy nge Fak, Yesus Kristus, mae yog ngorad e tabinaw ni mainimus. Puluwan e mich rorad, fare Somoel e ba pii’ rad nib ga’ angin u gubin yang.

Nged nanged yad ni bod rogon ni gad manang, dabi gin e tafnay rodad ngay ya kab ga’ angin rad ko rogon i gararag e Galasia ku Yesus Kristus ko tin tomur e rran. Fare Doctrine nge Covenants ba weliy’ nap’an Daniel, e Profet ko bin Kakrom M’ag ni ke lik’ay fare gil’lungun Got u tin tomur erran ra yaen ulongob e fayleng, woed e malong ni kan ker u burey ko dariy’ pa’ nge longiy, mada’ ko ke sug urngin e feyleng (D&C 65:2), thir rib kan ngay ni pi walagdad ni pum’on nge ppin nu Africa e yaed bagafan ko farae prophecy nge revelations ni nge polo’ ko rogon ni ba gagyeg nag Somoel.

Mich u wun’ug ni Chitmangdad nu Tharmiy e ba’adag gubin e bitir ni Fak, me Yesus i i’ir Kristus, nge fare gospel e ba soor fan ko gubin e gidii’, gidii’ nib fas nge gidii’ ke yim’, u daken fithngan nib thothup i Yesus Kristus nib thothup, amen.