Kowos In Etahwilac

Sel Bonnie L. Oscarson

Prestuhn Luhlahp luhn Muhtwacn Fuhsr


Eklac na pwacye uh sikyak ke kom kalweni in mukwikwi nuh ke mwe luti kom etuh muh pwacye ac liyacacng masap uh, lwen nuh ke lwen, mahlwem nuh ke mahlwem. 

Tamuhlwel ac tahmtahel, puhlakihn na insepuhsisacl se in tu ke acn in sramsram se inge ma mwet pucspucs sin mwet puhlaik ke moul luhk uh tuh tu kac. Nga luhngse in akacsruhi yuruwos kuhtuh puhla luhn insiuck ac sang ma inge yohkna nuh sin mwet fuhsr an.

Sie sin mwet puhlaik ke Olweacng Mahtuh uh pa mwet pahluh mweun Joshua. El tahfwelah solsol se inge nuh sin tuhlihk nuhtin Israel, suc el kol: “Kowos sulaclah mihsenge lah suc kowos fah kuhlwacnsapuh; … tuhsruhk nuh sihk ac sucu luhk, kuht fah kuhlwacnsapuh Leum.”1 Fahkwack lal Joshua ahkkahlwemye eklac pwacye nuh ke wosasuc uh. Nuh sel Joshua ac kuht nohfohn, eklac nuh ke ip yohk ke wosasuc uh tuhkuh ke moulkihn suwohswohs ip yohk ke wosasuc uh ac in pwacye nuh ke olwelah lasr yurin God.

Nga luhngse in akacsruhi soko sramsram in eklac ke ma mahtuh luhn sucu luhk ah ke siepac mwet puhlaik luhk. Inel pa Agnes Hoggan, ac el ac mukul tuhmwacl ah welah Alu uh fin acn Scotland ke 1861. Kweokkihn ahkkoluk yohk ke acn selos, elos tuhkuh nuh America wi tuhlihk nahtuhlos. Yac pucspucs tohkoh, Agnes el eklac sie katinmas yurin tuhlihk alkosr in tuhfahlah ac orekma upac in sang mongo ac nuknuk lalos. Tuhlihk muhtwacn matwac yac 12 se nahtuhl, Isabelle, el wolac ohiyac sokwack orekma se oacna sie mwet kuhlwacnsap nuh sin sie sucu kahsruhp, tiac LDS.

Isabelle el muhta lun lohm luhpahp selos an ac kahsruh liyacacng tuhlihk fuhsr nahtuhlos an. In ahol kuhlwacnsap lal an, sie luhpah srihsrihk moliyucklac kais sie wik nuh sin ninac kiyacl ah. Tok kuhtuh Isabelle el eisyuck oacna sie mempucr ke sucu sac ac muhtwacwacack in engankihn pacl wowo pucspucs pacna ingacn, ma oacna eis lesin ke tacn, nukum nuknuk kahto, ac wi nuh ke petsac ah. Ohiyac se inge kalweniyuck ke yac ahkosr, nuh ke sucu se ma Isabelle el la ah som nuh ke siepacna stet. Elos kapkapwack in luhngse Isabelle oruh elos ohsun nuh sin ninac kiyacl ah, Agnes, ac siyuck ke kuh in nuhtwellah na pwacye. Elos olwelah lah elos fah sang nuh sel lutlut wowo, liye lah el ac pahyuckyak wo, ac oruh elan eis pac usru in kahsruhp lalos uh wi tuhlihk nahtuhlos sifacna an. Elos ac kalweni pac in orwaclah moliyac nuh sel Agnes.

Katinmas ac ninac elyah se inge el eis sie sulaclah upac in orwaclah, tuhsruhk el tiacna ahlohloh ke kihtin pacl. Lohng kahs luhn tuhlihk muhtwacn nuhtin nahtuhl, sihmlac ke yac pucspucs tohkoh: “Fin luhngse lal an tiacna enenuh [elan] fahk moh, oasr srihpac se lal ma wo likina—el tuhkuh e Scotland me ac puhlakihn fohs ac ma upac uh ke Wosasuc, ac el tiacna srihke, fin mwet se kuh, in lwelah sie tuhlihk nahtuhl in tohllah ma el tuhkuh yen loessalah in orwaclah.”2 Sucu kahsruhp sac orekmakihn kain in akuhkuhin kuh nuh kwewa, ac Isabelle el sifacna tuhng ac ngihsre elan lwelahyuck in som, tuhsruhk Agnes el tu na kuh. Oacna ke kom kuh in nuhnkuh an, matwac yac 16 Isabelle el puhlakihn muh moul lal uh ahkkolukyeyucklac.

Isabelle Hoggan el ninac kiacn pahpah tuhmwacn ninac kiyuck ah, ac nga tarilacna ke fahkwack luhlahlfongi ac muhngnguh ma arulacna fokoko ke insiacn ninac kiacl ah, ma tiacna lwelah elan kihtaclah wi luhn tuhlihk muhtwacn se nahtuhl ah ke Alu uh nuh ke olwelah ke ma luhn facluh uh. Mihsenge, siofok sin mwet ke fihl nahtuhl suc engankihn mwe insewowo ke wi luhn Alu uh eis ma wowo ke luhlahlfongi ac eklac fokoko lal Agnes nuh ke wosasuc uh.

Kawuck fuhsr, kuht moul ke pacl ongaiyac luhlahp, ac sulaclah ma pahngonyuck kom nuh kac in orwaclah ke kais sie lwen, kuh finne ao nuh kwewa, oasr fohlohkihnyac ma pahtpaht kac. Sulaclah ma kom orwaclah ke moul lwen nuh kwewa lom uh fah sulaclah ma sikyak nuh sum tok uh. Fin kom soenna eis sie fahkwack luhlahlfongi fokoko ac muhngnguh muh Alu luhn Jisus Kraist luhn Mwet Luhlahlfongi ke Lwen-sahflah pa tohkohsrahi luhn God fin facluh, ingena pa pacl in oruh ma in eis muhngngweyuck sacn. In pahtlac in orwaclah kuh ma enenweyuck in eis kain muhngnguh se ingacn kuh in mwe sensen nuh ke nguhnum.

Eklac na pwacye el yohk likina in eis na sie etwacack ke ip yohk ke wosasuc uh ac sang yohk likina in eis sie fahkwack luhlahlfongi ke ip yohk ingacn. Ac kuh in eis sie fahkwack luhlahlfongi ke wosasuc uh ac tiac moulkihn. In eklac na pwacye kalmeyac kuht mukwikwi ke ma kuht luhlahlfongi ac lwelah in orwaclah sie eklac in kuht, kuh ke insiyacsr.”3 Lun puk srihsrihk Pwacye ke Luhlahlfongi, kuht lotwelah lah “eklac el sie ma kalweniyuck, tiac ma pacl sefanna se. Kom ac eklac oacna sie ma sikyak ke … srihke suwohswohs in ukwe Mwet Lahngo.”4 Ac eis kuhtuh pacl, kuh, ac orekma. Ninac kiyacn ninac mahtuh mahtuh kiuck ah oasr muhngnguh na fokoko se lal lah wosasuc uh yohk srihpac nuh sin tuhlihk nahtuhl uh likina ma facluh kuh in sang ke inkacnek in kahsruhp ac ahkkweye ke srihpen el kihsackuhnlah, muhtwacnglah, ac moulkihn wosasuc uh. Eklac lal tuhkuh ke moulkihnyen ip yohk ke wosasuc uh ac kihsackuhnlah nuh ke ip yohk ingacn.

Kuht enenuh in oruh ohiyac se pacna ingacn kuht fin ke eis kain olwelah se pacna ingacn. Mwet Lahngo El luti, “Fin kuhtwena mwet fah oruh kena lal, el fah etuh ke mwe luti, finne ma sin God, kuh finne nga sramsramkihn sihk sifacna.”5 Kuhtuh pacl uh kuht srihke in oruh pihtucklac. Nuh ke mwe srihkasrak, kuht kuh in oruh ke ohiyac se inge: Nga fah engan in moulkihn masap ke sie tahfuh singucul, tuhsruhk nga enenuh in etuh met muh pwacye. Sahp kuht pruhe in eis sie fahkwack luhlahlfongi ke sie tahfuh singucul ac finsrak tuh Leum Elan ahkinsewowoye kuht ke fahkwack luhlahlfongi sacn met liki kuht nwacklah pwepuh in sie tahfuh singucul se. Eis fahkwack luhlahlfongi ingacn tiacna orekma ohingacn. Leum El kena kuht in ahkyohkye luhlahlfongi. Kuht enenuh in moli pacl nuh kwewa sie tahfuh singucul fohnlah ac suwohs in kuh in eis sie fahkwack luhlahlfongi ke sie tahfuh singucul. Pactuhn se pacna inge kapsrweyuck nuh ke ip yohk nuh kwewa ke wosasuc uh finne pa masap ke tiac kosro, ip yohk ke nuknuk fal, Kahs in Lahlmwetmwet, kuh masap ke lalo.

Nga luhngse in akacsruhi sie srihkasrak ke ohiyac ma moulkihn sie ip yohk ac kahsrwe kuht in eklac nuh ke ip yohk sacn. Nga sie muhtwacn fuhsr ke 60’s ah ac pa tuhlihk muhtwacn LDS sefanna ke high school luhk ah. Sie pacl ma yohk eklac kac ma akihlenyuck ke sruhngwacyuck luhn moul nwacsnwacs luhn facsin, orekmakihnyacn ono kuh, ac ohiyacn “oruh kuhtwena ma kom nuhnkuh muh kom kuh in oruh.” Puhs sin mwet wiyuc an mwet wowo tuhsruhk fihsrwacsr in sruhflah ke mwe ahkpwacr luhn ohiyac wo luhn moul sasuc se inge, suc pwacyena pa pacna ohiyac koluk luhn moul mahtuh na. Ninac pahpah tuhmuhk ac mwet luti luhk ke alu ah ahkkahlwemye nuh sihk yohk srihpaciyac in ahkwoye monuk ke ahkfuhlwact, liyacacng sie nuhnak kahlwem, ac yohk liki nuh kwewa, luti in luhlahlfongi masap luhn Leum. Nga orwaclah sulaclah se in kahingkihn ohiyac ma nga etuh muh mwe sruhi uh ac oasr we ac in liyeyucyang sifacna liki tobacco ac ono kuh uh. Kwacna kalmeyac pa nga tiacna wi ke parti uh, ac nga suhkwac wi mukul fuhsr uh out. Orekmakihnyen ono kuh uh yohkwaclihk ac orek inmahsrlon mwet fuhsr nuh kwewa, ac mwe sensen kac uh tiacna etweyuck oacna mihsenge uh. Puhs sin mwet wiyuc ingacn tok kweokkihn muhsahllah yohk ke ono in ahkwelyelah luhn nuhnak kuh sruhflah ke pahlah na upac uh. Nga tarilacna in lutiyuck in moulkihn Kahs in Lahlmwetmwet lun lohm sihk ah, ac nga eis sie fahkwack luhlahlfongi loal ke ip yohk ke wosasuc ingacn ke nga ahkyohkye luhlahlfongi ac moulkihn uh. Puhla wowo ma tuhkuh nuh sihk ke moulkihn ip yohk ke wosasuc pwacye uh pa Nguhn luhn Nguhn Muhtahl ahkkweye lah ip yohk uh pwacye. Pa ingacn ke eklac pwacye uh muhtwacwacack in orekma uh.

Mwet pahluh Moroni, ke Puk luhn Mormon, el luti, lah luhlahlfongi pa ma ma finsrakkihnyuck ac tiac liyeyuck; ke ma inge, kuht tiac enenuh in akuhkuhin ke srihpen kuht tiacna liye, tuh kuht tiacna eis mwe lohoh nuh ke tukun srihkeyuck ke luhlahlfongi lasr uh.”6 Ke facluh lasr ma opi sa uh pa tuhpanyuck uh, kuht kwacna puhla suhfal ke eisyacn opi sahyen in orekma nuh kac. Nga luhlahlfongi lah Moroni el fahk nuh sesr lah kuht enenuh oruh orekma met ac ahkyohkye luhlahlfongi ke moulkihnyacn wosasuc, ac na kuht fah eis mwe lohoh muh pwacye. Eklac na pwacye uh sikyak ke kom kalweni in mukwikwi nuh ke mwe luti kom etuh muh pwacye ac liyacacng masap uh, lwen nuh ke lwen, mahlwem nuh ke mahlwem.

Pacl wolacna se pa inge in sie mwet fuhsr ke Alu uh. Kowos pa mwet emet in wi kuhlahs luhn mwet fuhsr Come, Follow Me, suc ma oasr sie sin srihpac yohk ke eklac lom nuh ke wosasuc luhn Jisus Kraist. Ma wo se in esam lah finne fuhkah mokleyuck luhn ninac pahpah tomom an ac mwet kol luhn mwet fuhsr an, “oasr kunohkohn lom emet ke eklac lom sifacna an. Wacngihn mwet kuh in eklac keim, ac wacngihn mwet kuh in ahkkohsye kom in eklac.”7 Eklac uh oreklac ke kuht oaru ke orweyacn pruhe lasr uh, lutlutkihn ma suhmuhslah nahtuhsr uh, wi alu, kuhlwacnsapuh mwet raunikuhtlac uh, ac in nwacsnwacs in wi ke akwuck luhn tempuhl uh. Eklac uh tuhkuh ke kuht mukwikwi ke ip yohk suwohswohs kuht etwaclah ke lohm sesr ac ke kuhlahs-rum lasr uh. Eklac uh tuhkuh ke kuht moul wo ac nwacsnwacs ac engankihn wi luhn Nguhn Muhtahl. Eklac tuhkuh ke kuht kahlwem ke Iwaclah luhn Jisus Kraist, akihlen Kacl in oa Mwet Lahngo ac Mwet in Molwelah, ac lwelah Iwaclah in mokle moul lasr uh.

Eklac lom sifacna fah kahsrwe kom ke kom ahkolah in orwaclah olwelah lun tempuhl, kuhlwacnsapuh misin uh, ac orwaclah sucu pacl fahsruh lom sifacna an. Ke kom eklac uh, kom fah eis sie kena in akacsruhi yurin mwet sahyac uh ma kom lotwelah, ac luhlahlfongi ac kuh lom in fahkwack luhlahlfongi nuh sin mwet sahyac ke muhngnguh ac kuh fah yohkwaclihk. Kena se in akacsruhi wosasuc yurin mwet sahyac inge ac luhlahlfongi in fahkwack suwohs ac sikyak fal ke eklac pwacye uh. Mwet Lahngo El lotwel Peter, “Ke kom eklac uh, ahkkweye mwet wiyom inge.”8

Kom esamuhl Joshua, mwet pahluh mweun sac? El tiac sifacna eklac muhkwena, tuhsruhk el orekma upac nuh ke sahflahiyen moul lal in uslah tuhlihk nuhtin Israel nuh yurin God. Kuht riti ke Olweacng Mahtuh: “Ac Israel kuhlwacnsapuh Leum ke lwen nuh kwewa lal Joshua.”9 Mwet se ma puhlakihn eklac pwacye uh fototoyang nuh ke kuh luhn Iwaclah ac eis molwelah ke nguhnal sifacna, na saplakyang in sang nohfohn sie ohiyac fokoko nuh sin mwet nuh kwewa suc etwacl uh.

Moulkihn wosasuc ac tu ke acn muhtahl uh tiacna fihsrwacsr kuh wo pacl nuh kwewa, tuhsruhk nga fahkwack luhlahlfongi lah oasr srihpac na pwacye! Leum El ahkkweyacl Emma Smith elan fihliyac nuh sahyac ma luhn facl se inge, ac suk ma ac wo liki.”10 Nga nuhnkuh lah kuht tiac kuh in muhtwacwacack in nuhnkwaclah na ohiyacn “ma ac wo likina” facluh ingacn uh!

Nga fahkwack luhlahlfongi lah oasr sie Pahpah Inkuhsrao luhngse tuhmwacsr suc kena yohk la emet pa in kahsruh ac ahkinsewowoye kuht ke orekma in moulkihn wosasuc ac in eklac. El fahklah kahlwem lah lohacng ac orekma yohk emet Lal pa moul kawihl ac moul ma pahtpaht lasr uh.”11 El kena in us kuht nuh lohm ah ye Muhtahl. Nga fahkwack luhlahlfongi lah ke kuht mukwikwi nuh ke mwe luti ke wosasuc uh ac fihliyac ma ingacn nuh ke ahkpah lwen nuh kwewa, kuht ac fah eklac ac fah oacna ohiyac in orwaclah ma wowo yohk ke sucu lasr uh ac fin facluh. Lwelah kuht nuh kwewa in ahkinsewowoyeyuck ke orekma lasr lwen nuh kwewa in sun finsrak sacn pa mwe pruhe luhk ke inen Jisus Kraist, amen.

Mostrar referencias

  1.  

    1. Joshua 24:15.

  2.  

    2. Fuschia Stringham,   “Sroal ke Moul lal Isabelle Hunter Hoggan Stringham ” (ma mahtuh la sifacna soenna fihlfihllac, 1934), 4.

  3.  

    3. Liye Mosiah 5:2.

  4.  

    4. True to the Faith: A Gospel Reference (2004), 41.

  5.  

    5. John 7:17.

  6.  

    6. Liye Ether 12:6.

  7.  

    7. True to the Faith , 43.

  8.  

    8. Luke 22:32.

  9.  

    9. Joshua 24:31.

  10.  

    10. Liye Doctrine and Covenants 25:10.

  11.  

    11. Liye Moses 1:39.