“Nakotika Yo Te mpe Nakosundola Yo te”

Na zulunale na ngai na butu ya lelo, Nakoki nakoma, “Ezalaki mayangani moko ya likita linene ya bofulami mingi nalandaki. Biloko nyonso ezalaki ya bonene mpe bozali ya molimo mingi.”

Bandeko ya Mibali mpe ya Basi, sanza motoba eleko tokutanaki elongo na likita linene na biso, mwasi na ngai ya boboto, Frances, alalaki na lopitalo, ezwaki ye mpasi ya bokweyi ya koboma kaka mwa mikolo liboso. Na sanza ya mitano, nsima baposo ya kobunda na mpiko, mpo na kolonga bampasi na ye, alalaki na boseko. Bobungisi na ye ezali ya mozindo. Ye mpe ngai tobalanaki na Tempelo ya na sanza zomi  7, 1948. Lobi elingaki kozala bokundoli ya mbala ya 65 ya libala. Azalaki bolingo ya bomoi na ngai, moto na ngai ya elikia, mpe moninga na ngai ya penepene mpenza. Koloba yango ete nazangi ye ebandi te kolimbola bozindo ya mayoki ma ngai.

Likita liye ekokisi mibu 50 uta nabiangemaki na Lisanga Likoki ya Bapostolo Zomi na Mibale na Mokambi David O. McKay. O ntaka ya mibu miye minso nayokaki eloko te, kasi lisungi ya mobimba mpe nyonso ya molingami na ngai ya boboto. Ezanga motango mabonza asalaki mpo ete nakoka kosala libiangi na ngai. Mokolo moko te nayokaki liloba moko ya komilela na ye ntango mbala mingi nasengelaki kolekisa mikolo mpe ntango mosusu baposo mosika na ye mpe bana na biso. Azalaki anzelu, mpenza.

Natombeli kopesa matondi ma ngai, mpe ya baye ya libota na ngai, mpo na bosopi ya mingi ya bolingo oyo eyelaki biso uta liwa na ye. Minkama ya nkasa mpe mikanda mitindamaki uta nzinganzinga na mokili kolakisaka boluli mpo na ye mpe mawa na libota na biso. Tozwaki bazomi na mibale ya mabongisi ya bafololo ya kitoko. Tozali na botondi mpo na kotia misolo oyo epasamaki na nkombo na ye na Misolo Minene ya Misio ya Eklezia. Na nkombo ya baye ya biso oyo atika nsima, napesi botondi mpo na bolakisi ya boboto ewuti na mitema.

Ya libondisi ya monene mingi mpo na ngai na ntango oyo ya bolingo ya bokabwani ezalaki litatoli na ngai ya Yesu Klisto mpe boyebi nazali na yango ete Frances na ngai ya bolingo azali naino na bomoi. Nayebi ete bokabwani na biso ezali ya mwa ntango. Tokangisamaki na ndako ya Nzambe na moko kozalaka na bokoki mpo na kokangisa na mabele mpe na lola. Nayebi ete tokosangana mokolo moko mpe tokokabwana lisusu mokolo moko te. Oyo ezali boyebi oyo esungi ngai.

Bandeko ya Mibali mpe ya Basi, ekoki kolobama na ntembe te ete moto azala naino te na bomoi na bosomi na mpasi mpe mawa, to ezala naino te eleko moko na mambi ma bato oyo ekabola te mobimba na yango ya monioko mpe bobola.

Ntango mwa nzela ya bomoi ezwi mbongwana ya nsomo, ezali na lisenginia ya kotuna motuna “Mpo nini ngai?” Ntango mosusu emonani te pole na nsuka ya engongolo, mobimi ya moi te na nsuka ya molili ya butu. Toyoki tofinami na boyoki nsoni ya bandoto epanzani mpe bozangi elikia mpo na elikia esili. Tosangani na eleli ya biblia, “Nkisi nde ezali kati na Gilada?”¹ te” Toyoki tosundolami, motema mpasi, biso moko kaka. Tolingi komona bampasi na biso na nzela ya kitalatala ebukana bukana ya bozangi elikia. Tozangi bompikiliki mpo na eyano na mituna na biso, kobosanaka ete mbala mingi bolamu ya lola ya bompikiliki esengami.

Bakpokoso oyo eyeli biso elakisi biso na momekano ya solo ya bokoki na biso mpo na kokanga motema. Motuna moko ya ntina etikali mpo na koyanola na moko na moko na biso: NaKOKI kolemba, to nakosilisa? Boko bakolemba mpenza ntango bamimoni bakoki te kotombwama likolo ya mikakatano. Kosilisa ekwi kokanga motema tii na nsuka mpenza ya bomoi yangomei.

Ntango tomanyoli makambo maye makoki kokomela biso banso, tokoki koloba lokola Yobo ya kala, “nde moto abotami mpo na mpasi. .”² ” Yobo azalaki moto moko “abonga mpenza mpe ya bosembo” oyo “”azalaki kobanga Nzambe, mpe aboyaki mabe. .”³ moto ya bonzambe na ezaleli na ye, ya bofuluki na bozwi na ye, Yobo asengelaki kotelemela momesano moko oyo ekokaki kobebisa moto nionso. Abungisaki bozwi na ye, atolamaki na baninga na ye, atungisamaki na mpasi na ye, abukanaki na bobungisi ya libota na ye, atindamaki “Lakela Nzambe mabe mpe kufa.”⁴ Atelemelaki lisenginia oyo mpe asakolaki uta na bozingo ya molimo na ye ya bonkumu:

“Tala, litatoli na ngai azali epai na likolo.”⁵

“Ngai nayebi ete Mosikoli na ngai azali na bomoyi.”⁶

Yobo abombaki bondimi. Ekosala biso lolenge moko ntango tokutani na mikakatano oyo ekoya?

Ntango kino tolingi koyoka tokumbi bozito na makofi ya bomoi, tika tomikundola ete basusu balekaki nzela wana kaka, bakangaki motema, mpe nde balongaki.

Mambi ma kala ya Eklezia na oyo, eloko ya litondi ya bantango, etondi na makambo ya baoyo babundaki mpe kasi oyo batikalaki na molende mpe elongi ya esengo. Ntina? Basalaki nsango malamu ya Yesu Klisto na kati ya bomoi na bango. Oyo ezali nini ekobenda biso kati ya nini ekoya na nzela na biso. Tokomona lisusu mikakatano ya mpasi, kasi tokokoka kotelemela yango, kokutana na yango mutu likolo, mpe kobima na elonga.

Uta na mbeto ya bolozi, uta na ekata epoli na mpizoli, totombolami na nzela ya lola na bobangi te ya bonzambe mpe elaka ya ntalo mingi: “Nakotika Yo Te mpe Nakosundola na Yo Te.”⁷ Libondisi ya boye ezali na ntalo te.

Ntango natamboli mosika mpe na mokili mobimba kokokisa mikumba ya libiangi na ngai, nayei koyeba makambo mingi—eleki moko te na yango ezali ete mawa mpe mpasi ezali ya bato banso. Nakoki te kobanda komeka nionso ya mpasi ya motema mpe mawa nazali nzeneneke na yango ntango natali baye bazali na mpasi, bazwi bokono, babomi libala, babundi na mwana mobali to mwasi apengwi, to azwi mpasi ya mbano ya lisumu. Molongo ekoki kokende se kokende, mpo ezali na bakpoko ekotangama te ekoki kokomela biso. Mpo na kozwa ndakisa moko ezali mpasi, mpe kasi epai nionso nakanisi mikakatano, makanisi ma ngai mabaluki epai ya Ndeko mobali Brems, moko ya bateyi ya Eteyelo ya Eyenga ya bomwana na ngai. Azalaki mondimi moko ya botongono ya Eklezia, moto moko na motema ya wolo.Ye mpe mwasi na ye, Sadie, bazwaki bana mwambe, mingi na bango bazalaki na mibu moko na oyo ya libota na biso.

Nsima Frances mpe ngai kobalana mpe kolongwa na palwasi, tomonaki Ndeko Mobali mpe Ndeko mwasi Brems mpe baye ya libota na bango na mabala, matanga, mpe na makita ma palwasi.

Na 1968, Ndeko mobali Brems abungisaki mwasi na ye, Sadie. Mibale ya bana na ye mwambe bakufaki lokola mibu milekaki.

Mokolo moko penepene na mibu 13 eleki, nkoko ya mwasi ya liboso ya Ndeko mobali Brems abengaki ngai na telefoni. Alimbolaki ete nkoko na ye akokisaki bokundoli ya mbala ya 105 ya mbotama na ye. Alobaki, “Azali na mwa ndako ya lisalisi kasi akokutanaka na libota na ye mobimba eyenga nionso, wapi apesaka liteya ya nsango malamu.” Akobi, “Eyenga eleki, Nkoko asakolaki na biso, ‘ Balingami na ngai, nakokufa poso oyo. Nasengi bino bobenga Tommy Monson. Akoyeba nini kosala.’”

Natalaki Ndeko mobali Brems mpokwa elandaki kaka. Namonaka ye te mpo na mwa ntango. Nakokaki te koloba na ye, mpo abungisaki boyoki na ye. Nakokaki te kokoma nsango mpo na ye atanga, mpamba te abungisaki bomoni na ye. Nayebisamaki ete libota bazalaki kosolola na ye na kokamataka mosapi ya loboko na ye ya mobali mpe nsima kokomaka na mbata ya loboko na ye ya mwasi nkombo ya moto ayei kotala. Nsango nionso esengelaki kolakisama na lolenge moko. Nalandaki lolenge wana na kokamataka mosapi na ye mpe kokomaka “ T-O-M-M-Y M-O-N-S-O-N, kaka lolenge ayebelaki ngai ntango inso. Ndeko mobali Brems asepelaki mpe, kokamataka maboko na ngai, atiaki yango likolo ya moto na ye. Ayebaki mposa na ye ezalaki kozwa lipamboli ya bonganganzambe. Bokumbimotuka oyo amemaki ngai na ndako ya lisungi asanganaki na ngai ntango totiaki maboko na biso na moto ya Ndeko mobali Brems mpe topesaki ye lipamboli alingaki. Nsima na yango, mpizoli ekitaki na miso na ye ya komona te.Akangaki maboko na biso na botondi. Atako ayokaki te lipamboli topesaka ye, Molimo ezalaki makasi, mpe nandimi afulamaki mpo na koyeba topesaka lipamboli oyo alingaki. Moto oyo ya boboto akokaki lisusu te komona. Akokaki lisusu te koyoka. Akangamaki butu mpe moi na mwa kisuku moko na ndako moko ya lisalisi. Mpe kasi mwa koseka na elongi na ye mpe maloba alobaki etutaki motema na ngai. “Natondi yo,” alobaki, Tata na Ngai ya Lola azali malamu mpo na ngai.”

Na kati ya poso moko, kaka lokola Ndeko mobali Brems abikulaki, akufaki. Akangamaki ata moke te na nini azangaki; ksi, ntango inso azalaki na botondi ya mozindo mpo na mapamboli na ye mingi.

Tata na biso ya Lola, oyo apesi biso mingi boye mpo na kosepela na yango, lisusu ayebi ete tokoyekola mpe tokokola mpe tokokoma makasi mingi koleka ntango tokutani mpe totelemeli momekano na kati na yango tosengeli koleka. Toyebi ete ezali bantango oyo tokomona mawa ya mpasi na motema, ntango tokozwa kpokoso, mpe ntango tokoki komekama kino na nsuka na biso. Nzokande, kpokoso ya boye ekopesa biso nzela tobongwana mpo na bolamu mingi koleka, mpo na kotonga lisusu bomoi na biso na lolenge Tata na biso ya lola akoteya biso, mpe mpo na kokoma eloko moko ya bokeseni na nini tozalaki—malamu mingi koleka tozalaki, na bososoli mingi koleka tozalaki, na mawa mingi koleka tozalaki, na matatoli ya bokasi mingi koleka tozalaki na yango liboso.

Oyo esengeli kozala ntina na biso—mpo na kotia molende mpe kokanga motema, iyo, kasi lisusu mpo na kokoma ya petwa mingi ntango tozali kokende na nzela na biso kati na bobimi ya moi mpe mawa. Soki ezalaki te mpo na mikakatano ya kolonga mpe bakpokoso ya koyanola, tolingaki kotikala mingi lokola tozali, na mwa bokoli to te na nzela ya ntina ya bomoi ya seko. Mokomi ya ntoki alobala mingi likanisi yango kaka na maloba:

Bobele Nkolo ayebi bozindo ya mimesano na biso, bolozi na biso, mpe mpasi na biso. Ye kaka akopesa biso kimia ya seko na bantango ya bokeseni. Ye kaka akosimba milimo na biso ya koniokwama elongo na maloba ya libondisi:

“Boya liboso na ngai, bino banso bozali kolemba na mosala mpe kokumba bozito mpe nakopemisa bino.

“Bokamata ekanganeli na ngai likolo na biso mpe boyekola na ngai; zambi ngai nazali na bopolo mpe na motema mosokemi; bokozwa kopema mpo na milimo na bino.

“Mpo ete ekanganeli na ngai ezali na pete, mpe mokumba na ngai ezali na bozito te.”⁹

Ezala na ntango ya malamu mingi koleka to ya mabe mingi koleka, Ye azali elongo na biso. Ye ataki ete yango ekobongwana te.

Bandeko ya mibali mpe ya basi, ekoka biso kozala na mokano moko na Tata wa biso na lola oyo ekomata te mpe ekokita te na mibu to bambongwana ya bomoi na biso. Tosengeli komona mpasi mpo na kokundola Ye, mpe tosengeli te kokumbana na bosawa liboso ya kopesa Ye bondimi mpe elikia na biso.

Ekoka biso kobunda mpo na kozala penepene na Tata na biso ya Lola. Mpo na kosala yango, tosengeli kosambela Ye mpe koyokamela Ye mokolo na mokolo. Tozali na mposa na Ye ya solo na bangonga nionso, ezala ngonga ya bobimi ya moyi to ya mvula. Ekoko elaka na Ye ezala ntango nionso liloba ya mokano na biso: “Nakotika Yo Te mpe Nakosundola Yo Te.”¹⁰

Na bokasi nionso ya molimo na ngai, natatoli et Nzambe azali na bomoi mpe alingi binso, ete Mwana Mobotami se Moko na Ye azalaki na bomoi mpe akufaki mpo na biso, mpe et nsango malamu ya Yesu Klisto ezali pole wana ekokotaka na kati ya molili ya bomoi na biso. Ekoka kozala bongo ntango nionso, nasambeli na nkombo ya bule ya Yesu Klisto, amene.