Momes er Uchei e Moumerang

Se ra kekerei el buik, eng mle ta el kulngeseu er a delak el nga er a sers, ngulsisecheklak er a imol kmal klou a ututelel el suobel er a klechad. Tia mla imiit er a kmal dirk tutau, eleng mla ngmasech a sils e kemam a melaml ea kumelchesiu eng kora kmal kemengeta el taem. Ak mle stob e ulmes er a ki blam ketmeklii e melkinga er a delak el uase, “Mesa a bla de ketmeklii!” A delak a dimlak el du el mongerang. A kulemdasu el kmo ng dimlak el rengesak, me ak liluut el mo klou a ngerek el omelekl er a kdilii. Ng dirrek el dimlak a ngerang el dung. Ng liluut el mo klou a ngerek el melekoi. Tiaikid eng mecha chemau ngak e kmo “Edward, llak momes er ruriur, e bai momes er ruchei el kmo ngera a dirk kired el mengetmokl.”

Rudam me a Rudos er ngak, a telbiil el milketmokl lokiu a Dios er a denguu a techolb el chelid a kmo “e mo dechor el sioning er a Dios er a rokui me a taem me a rokui el tekoi, me a ngii di el basio” (Mosiah 18:9), tiang a diak a ulebengelel el iaksok. A President Dieter F. Uchtdorf a millekoi el kmo: “Tirkel mla nguu a techolb er a ralm e mla nguu a sengk er a Edaol Reng a mla otab a ocherir er a rael er a osisechakl e dirrek el ngerchelir el mo kerkikl loltirakl e dirrek el mo mesisiich el oltirakl a blekeklel a Osobel (“Saints for All Seasons,” Ensign malechubLiahona, Sept. 2013, 5). A Rubak a okiu a Remesiungel e omekedong er kid el mo oungerachel a urerel, el ngii a kired el mo mui el kudmokl. Me se el bechal meketmokl e ngii a kuk morngii a okedong er a beches el kakerous el ngerachel, seikid e ngii a mla mo er ngii se el kllou el reng er kid el kongei el mo remuul, el uaia domdelid a urerir tirkel mlara irechar el tir a mle medengei el kmo “a omngetmeklel a urerel a Rubak, a diak a omedednger el kmo ngker, ngbai mekerang e mo meketmokl”. (J Reuben Clark  Jr., in Conference Report, Apr. 1951, 154).

A urerel a president malechub eng bisop se el bol merek a temel, eng mesubed a rengul el mecha merek, e se el kuk el luut el mocha melmolem er a urerel er a ikel ngiidil ngerang el Rubak, a ulkiu a remesiungel, “milsa se el sebechel” (Mosiah 3:19), ng diak el bol ouuchel e ra ikel el riruul er a uchei, malechub eng omes uriur er a ikel mla meketmokl e kmo ngungiang meng merkong. Ngii a diak el bo el mesaul a rengul er a uroer eleng medengei el kmo ngii a omerk er a omngetmeklel a ungil ureor el oba llomes er a uldasu el ngii a mo klengetengat el kirel a klengar el mo er a diak a ulebengelel. Me aikel meketmokl el mekerei el tekoi a mo klungiaol (mesa a D&C 64:33).

Ng kired el rokui el “semeriar el ulsiseb er a ungil moktek, e meruul a betok el tekoi el [kired] el ngii a mimokl er a klengar er kid e omeskid a lemalt” (mesa a D&C 58:27).

Elder Jeffrey  R. Holland er a Chelchad er a Teruich me a Terung el Apostol a millekoi: “A mla mo merek el tekoi a desuub engdi ng diak el kired lutuir er ngii. Kede omes er uriuir e melai e ra besngel el mekekerkard el ngii a ngarngii engdi ng diak domes er a chebul. Me se el de bla desuub aikel kired el suub e mla ngmai locha e ra rengud, e seikid eng sebeched lomes er a ngar medad e melbedek el kmo klaumerang a blechoel melutk er a ngar medad el taem” (“The Best Is Yet to Be,” Ensign, Jan. 2010, 24; malechub a Liahona, Jan. 2010, 18).

Me tial osisechakl el bilskak a delak el ulmekesiu a dirk dechor el chudel er a sers, a mle kebekakl er se el blel siseb er ngii tirkel Santo er uchei el taem. Elder Joseph  B. Wirthlin a silodii tial tekoi el mo ungil: “Se ra 1846, eng betok er a teruich el telael el chad a tilobed er a Nauvoo el ngii a mla er a chelsel a Mississippi River. Ng klaumerang er tir el mo er a remengeteklel a ikelesia, e tirkal chedal a ikelesia a chiloit a delengcheklir er a ‘City Beautiful’ e mirael er a chelsel oreomel er a chelsel a Beluu er a Merikel. Te dimlak lodengei el kmo ngar ker al borngii, me a uangera el klemanget e ngera dirk bo el siseb er ngii, e uangera kelteketel el omerael al borngii, malechub eng uangera el klengar al bo el siseb er ngii er a ngar mederir el taem. Engdi te mle medengei el kmo a Rubak me a Remesiungel a ulmekrael er tir” (“Faith of Our Fathers,” Ensign, May 1996, 33).

Te mle medengei el kmo ng mekerang a domes el bedul uchei e oumerang. A betok el rrak me a tedobech er a ngar uriur el taem, ea rebebil er tirka el chad er a ikelesia a mle ulsiseb er a chelsel se el taem er a lemengai a ulaoch.

“A Rubak a kmo ngomekngeltengak er a rokui el olitirakl a lechuk, alta ng se el taem el chad malechub eng se el bla el mad. Se el klou a klaumerang er kid er se el taem er a ringel, a sengk el bol nguu a mechisois er a chelsel a rengedel a babeluades.

“Ng ngdiak el sebeched lomkesiu a ngara ues er a mad, el ngii a ngarngii er chelcha el taem, ele bla el ketmokl a Dios er kau a melutk el kirel aikel tekoi el ngar medad el taem, ea klungiaol a mo okiuelel aikel mle ringel er a klengar” (mesa a D&C 58:2–3).

Ng dirrek el sebeched lomes er ruchei e oumerang. Ng sebeched el outkeu er a okedongel a Rubak, el ngii a blerk a imal lomekedong er kid:

“Mer ngak, kemiu el rokui el chorma er oberaod el chelungel, e ak mo meskemiu a ulengull.

“Mnguu a chelngelek, e mosuub er ngak; ele ngak a medemdemk e ngariou a renguk: me kom mo metik er a ulengelliu.”

“A chelngelek a beot, me a kungarm er ngii a kebekakl” (Matthew 11:28–30).

A profet er kid, el President Thomas  S. Monson; me a recounselor er ngii; me a Chelchad er a Rtruich me a Terung el Apostol a mla meskid a okedong el mo teloi er a urerel a diak a ulebengelel klengar. Tirkel beches el chedal a ikelesia, rengeasek, me a remekerei el chad, me a tirkel mla momerek a deruchelir, me a tirkel loureor e ra bekl el sils el misionari a kirir el mo meringel el loltaut er a ureor el kirel a diak a ulebengel klengar.

A President Boyd  K. Packer er a Chelchad er a Rtruich me a Terung el Apostol a mle ta el ngara klaiungader er a kerbou meng nguluu sunga er a omsodel. Ng silodii a lilsang: “A Ruul er a kerrekar el kuruma a mildebodeb lobengkel a sment: teruich el telael el bond [4535  kg]—eim el tons. … Tia el klalou a moktek er ngii a kmo a kerbou a mo mengurs er ngii el mo e ra edel sak a cheridel [91  cm]. Ak miltebngar a kmal osoroi e meklou, e oubebiduch, melemau-bechechachas el charm … [ng] klou el melemau el kerbou er a mengedngodel a belsechel el taem.”

Me a sera losaod er a lilsang er tial klaiungader, eng dilu el kmo: “A re dilak el delbechel a uluudersta el kaitebetobed. … E ngkel mle klou el melemau el kerbou a dimlak lodengelii a le borngii! Ea kerei el dimlak el ungil er a ues ng kaiudak, e diak el osisiu a meklungel, a mle edei el taem el lekersii a kuruma.”

Ng silodii tia el blel mechas a rengul er ngii el lilsang: “Aikel meklou e melemau a mle mesisiich e akter a sisel el kuk ungil er a ikel bebil. Engdi aikel mekerei el kerbou a mla er ngii se el klaingeseu e ra delongelir me a orretir. Te dilak e tukeklii tial beraod. Aikal charm uleltamt el bedul uchei er a osisiu el taem me a klisichir a ulbdechii tial beraod” (“Equally Yoked Together,” tia milengai er a tekoi el tilobed er a romtechei er a roureur a merkerkerel a beluu’ Seminar, Apr.   3, 1975 Teaching Seminary: Preservice Readings [2004], 30).

Ma se el domes el bedul uchei e bo doumerang, eke dousbech er a osisiu el klaingeseu el mengetmokl er a urerel a diak a ulebengel klengar Se el bo dolker e ra rebebil el mera Kristo. Aikel sebeched el dikid el remuul, kid a kired el mo oltirakl aikel osisecheklel a President Dieter F. Uchtdorf el uase “Bom dechor em dak el tikuii a om dechor er ngii” (“Lift Where You Stand,” Ensign malechub Liahona, Nov. 2008, 56). Ng sebeched el smisiich aikel bkul rebab el klisiich el dolab, el diua le biles a Elder L.   Tom Perry er a Chelchad er a Rtruich me a Terung: “Sera kurael lolding a Ikelesia eak mechas a renguk er a meklou a belkul tekoi el mocha er ngii. Engdi dimlak kumdasu el kmo kid, el chad, a kiei lokiu aikel kuk sebeched. A ultebengek a uase ngdiak de blechoel dmak el oureor, ele ke de dirk semeriar a klungiaol el mo e ra di bedenged41 meng di kid el ngmai a chetengakl me a ngarbab el tekoi, e diak a olchotel a klemeriar el reng el kirel aikel meklou al relii e ra omngetmeklel a rengedel a Dios” (“United in Building the Kingdom of God,” Ensign, May 1987, 35).

Bo dedak el rokui el ngara tal moktek el mo kutmeklii Se el diak el mekimd e diak a ulebengelel klengar e ra chad (mesa a Moses 1:39).

A Osobeled, el Jesus Kristo, a mesa a uchelel me a ulebongel, e mle medengelii a rael el Ngii a bo lokiu ngii el mo er a Gethsemane me a Golgotha er sera lolekoi el kmo, “Ngdiak a sechal el mla loia chimal er a osib e mechechisngekl el bedul uriur, ng diak lungil kirel a rengedel a Dios” (Luke 9:62). Ngar a Osengel a Dios, a diak el oumesind el ngara ikel bla deruul, malechub eke de mla ngar ker engdi ng bai oumesind el ngara ikel bo domdasu a morngii.

A omekrael er kid el tekoi a osisecheklel a profet er kid er a Joseph Smith: “Sel milkdebechii a moktek e ra klechelid er kid aikel ngara tekoi er a klaumerang er a Apostols me a Profets, el melkoi el kirel a Jesus Kristo, el Ngii a mlad, e mildakl, e dirrek el milkiis er a kodall er a ongedei el sils, e ngukokl el soiseb er a babeluades; e dirrek el bebil er a osisechakl e ra klechelid er kid a di melutk e ra diosisiu (Teachings of Presidents of the Church: Joseph Smith [2007], 49).

A kuuchais er a klaumerang er ngak el kmo a bo doltirakl er tial okesiul a Osobel, Jesus Kristo, e dodars a chimad el mo er a kliuar el loba sel olchotel a omengull el mora profet er kid, el President Thomas  S. Monson, eke de mo metik er a budech, delemdemk, deureng el kid a sebeched el mo kmang a klungiaol el ngar ra chutem er a… (Zion) er a ikal medechel el klebesei” (mesa a D&C 64:34). Okiu a ngklel a Jesus Kristo, amen.