Kuh La Sifacna ke Iwaclah luhn Jisus Kraist

Ke U luhn Mwet Sap Singucul Luo


Ke Iwaclah luhn Jisus Kraist, kais sie sesr kuh in eklac nwacsnwacs ac ma toasr ke ma upac lasr uh kuh in sruhkyuckyak.

Pacl na tari ah, nga ahkinsewowoyeyuck in ohsun yurin sie u na suhmaht luhn mwet fuhsr fin state luhn acn Idaho. Sie tuhlihk muhtwacn fuhsr suwohswohs siyuck sihk ma nga puhla muh yohk srihpac emet elos enenuh in oruh ke moul lalos ingena uh. Nga fahk lah elos enenuh in luti in akihlen kuh ke Iwaclah luhn Jisus Kraist ke moul lalos. Mihsenge nga fah ahkuhtweyac sie ip ke kuh sac, suc pa kuh la sifacna ma kuht kuh in eis ke Iwaclah luhn Jisus Kraist.

Ke Puk luhn Mormon kuht riti ke Ammon ac tamuhlwel wiyacl luti wosasuc luhn Jisus Kraist nuh sin mwet suc ma lwemnak, lihkkeke, ac mwet ahkmas uh.”1 Puhs sin mwet ah eklac ac sulaclah in muhlkuhnlah elah koluk lalos. Eklac lalos uh sahflah na pwacye oruh elos pihkihnyac mwe mweun nahtuhlos ac olwelah nuh sin Leum lah elos ac tiac sifil orekma kuhnuhlos.2

Tok, puhs sin tamuhlwel tiac eklac wiyaclos ah acnwuck nuh selos ac muhtwacwacack in onweloslac. Mwet ma eklac luhlahlfongi inge sulaclah in lwelah in misac ke katlas likina in ahkkolukye moul in nguhn lalos ke langweloslac sifacna. Srihkasrak suwohswohs lalos an kahsruh mwet puhs pac in eklac ac in fihliyac kuhfa in mweun lain nahtuhlos an.3

Kacl Ammon, Leum El koluhlos in muhta inmahsrlon mwet Nephi, ac elos eklac etweyuck muh mwet lal Ammon.4 Mwet Nephi ah karuhnguhnalos ke yac pucspucs, tuhsruhk sahflahiyac ah mwet mweun luhn mwet Nephi ah muhtwacwacack in wacngihnlac, ac mwet kahsruh uh enenweyuck na upac.5

Mwet lal Ammon ah oasr ke sie pacl yohk srihpac nuh ke moul in nguhn lalos. Elos pwacyena nuh ke olwelah lalos in tiacna mweun. Tuhsruhk elos kahlwem kac lah pahpah uh ma kunaclos in sang karihngihnyuck nuh sin sucu lalos uh.6 Enenuh sacn yohk fal na pwacye in orwaclah nuhnak in kuhnahoslah olwelah lalos.7

Mwet kol pristut lahlmwetmwet lalos, Helaman, el etuh lah kuhnahoslah sie olwelah yurin Leum tiacna suwohs. El sang sie nuhnak mokleyuck sahyac. El ahkacsmakihnyaclos lah wen nahtuhlos uh sonna puhla koluk ke ma koluk ingacn pacna ac ke ma inge tiacna enenuh in orwaclah olwelah se pacna ingacn.8 Ne wen ingacn fuhsr na pwacye, elos fokoko in mahno ac, yohk liki emet, elos suwohswohs ac nwacsnwacs. Wen ingacn ahkfokokoyeyuck ke luhlahlfongi luhn ninac kiaclos an.9 Ye kolyuck luhn mwet kol lalos suc pa mwet pahluh se, mukul fuhsr inge ahol pahpah tuhmwaclos in karihngihn sucu ac lohm selos an.10

Ma sikyak kuhpahsr nuh ke sulaclah yohk srihpac se inge ahkkahlwemye ohiyac ma Iwaclah luhn Jisus Kraist use kuh la sifacna nuh ke moul luhn tuhlihk nuhtin God. Nuhnkuh puhla emtuhng luhn pahpah ingacn. Fuhkah puhla lalos in etuh lah mukwikwi in seahkos ke ma somlah lalos an oruh elos koflah in karihngihn muhtwacn kiaclos ac tuhlihk nahtuhlos ke pacl in enenuh sacn? In sifacna etuh ke ohiyac koluk ma wen nahtuhlos an kuh in sun inge, sahp elos sifacna tuhng. Pahpah an, tiac tuhlihk an, pa enenuh in karihngihn sucu lalos an!11 Ahsor lalos uh sahp acna upac.

Efuh kuh mwet kol prisut mokleyuck lalos an sahngweng lah nuhnak lalos in sruhkwack mwe mweun nahtuhlos an ac oruh elos in tuhlac nguhnalos”?12 Leum El fahkwack lah elos suc auliyak ke ma koluk lalos uh pa eis nuhnakmuhnahs, ac Leum El tiac sifil esam ma koluk [lalos].”13 Pahpah yohk luhlahlfongi la inge auliyak ke ma koluk lalos pacl loeloes somlah ah ac eklac nwacsnwacs ke Iwaclah luhn Jisus Kraist, na efuh ahkkweyeyuck elos in tiac karihngihn sucu lalos an?

Ma yohk srihpac na pwacye se lah ke Iwaclah luhn Jisus Kraist, kuht kuh in nwacsnwacslah. Kuht kuh in eklac suwohs ac nwacsnwacs. Ne ohinge, kuhtuh pacl uh sulaclah koluk lasr uh fihlikuhti ke mwacta ke pacl loeloes. Sie sin step yohk srihpac ke auliyak na pwacye pa in puhlakihn kwewana mwacta ke pacl fototo ac pacl loeloes ke ma koluk somlah lasr ah. Sulacah mahtuh lalos uh ahkkahlwemye pahpah tuhmwacn mwet Ammon inge nuh ke kena yohk luhn facluh ma kuh in sifilpac orwaclah kaclos sie ohiyac muhnahs ma Setuhn elac srihke in orekmakihn.

Setuhn el fah srihke in orekmakihn mwe esamlasr ke kuhtwena puhla koluk met in suli kuht in fohlohk nuh ke mokleyuck lal. Kuht enenuh in taran pacl nuh kwewa in kahingkihn mwe sruhf lal uh. Pa ingacn ma sikyak nuh ke pahpah tuhmwacn mwet Ammon ah. Finne tukun yac lalos ke moul in luhlahlfongi, fal na pwacye nuh selos in karuhnguhnalos sifacna ke nguhn liki kuhtwena ma lusrohngtwen nuh ke mwe acsmak ke ma koluk mahtuh uh.

Ke inmahsrlon mweun pucspucs ingacn, Captain Moroni el sapkihn ahkfokokoyen siti muhnahs an. El oruh tuh mwet kaclpous lal an enenuh in muhsahelah sie pihsinkac in sahk ke muhtuhn luhluh raunweack siti ah. Ac elos tohlwack fohk ingacn nuh ke pihsinkacn sahk nuh ke elos raunweack siti an ke pihsinkac fokoko ke sahk ac fohk ma fuhlwact na pwacye.”14 Captain Moroni el kahlwem ke yohk srihpaciyen ahkfokokoyen acn muhnahs in orwaclah kuh.15

Pahpah tuhmwacn mwet Ammon inge elos oacpacna. Elos enenuh karihngihnyuck yohk ke nguhn in srwacloslac liki moul in luhlahlfongi lalos ac elah sesuwohske ke pacl somlah lalos ah. Wen nahtuhlos, suc ahkinsewowoyeyuck ke facsin suwohswohs, tiacna arlac muhnahs nuh ke mwe sruhf ingacn pacna. Elos kuh in karihngihn sucu lalos ke luhlahlfongi yohk ac tiac ahksensenye ohiyen nguhnalos.

Pweng engan nuh sin kuhtwena mwet suc kena in sislah mwacta ke sulaclah suhfal mahtuh uh pa Leum El liye muhnahs uh siena liki El liye ke akuhkuhin uh. Ke srihpen Leum El sensenkihn lah akuhkuhin tiac auliyak sacn fah use kalyeiyuck,16 ke Leum El sramsram ke mwe muhnahs, kwacna ke pahkotwen.17

Pwacyena, oasr kuhtuh pahkomuhta ke srihpen pahpah tuhmwacn mwet lal Ammon lutiyuck facsin stuhuh luhn pahpah ninac kiaclos, tuhsruhk tuhlihk nuhkwewa nuhtin Pahpah Lucng tuhkuh nuh ke moul suhkawihl ke Kahlwem luhn Kraist. Sahyen ma orwaclah orekma koluk lalos an, ma sikyak kac uh pa ahkyohkye mwe muhnahs luhn nguhn ma Setuhn el srihke in orekmakihn.

Sesseslah ke pahkotwen elos lutiyuck wosasuc, auliyak, ac ke Iwaclah luhn Jisus Kraist elos eklac fokokoi ke nguhn likina mwe sruhf luhn Setuhn. Sahp elos tiacna puhla mwe sruhf in fohlohk nuh ke ma somlah koluk lalos ah, tuhsruhk ke ukwe mwe kol lalos, suc pa sie mwet pahluh, elos tiacna sang nuh sel Setuhn pacl wowo in [pihsrwaclah] nguhnalos, ac [in kohlohloslac] nuh sahyac kahkahsrihk nuh ke hell.”18 Iwaclah luhn Mwet Lahngo tiac ahknwacsnwacseloslac muhkwena liki ma koluk, tuhsruhk ke srihpen ahkostwen nuh ke kahs in kahsruh luhn mwet kol pristut lalos, Mwet Lahngo El kuh in karuhnguhnuhlos liki mwe muhnahs lalos ac ahkfokokoyelos. Mongfihsrwacsr lalos, insacnweacng ke moul loeloes in muhlkuhnlah ma koluk lalos oruh yohk liki in karihngihn sucu lalos likina ma elos kuh in orwaclah ke acn in mweun uh. Ahkostwen lalos tiacna eisacloslac liki mwe insewowo uh. Ma ingacn ahkkweyaclos ac ahkinsewowoyaclos ac ahkinsewowoye fihl tokoyang an.

Sahflahiyen sramsram soko ah ahkkahlwemye ohiyacn pahkotweniyen Leum orwaclah ma muhnahs uh in fokokoi.”19 Pahpah yohk luhlahlfongi la inge suhpwaclah wen nahtuhlos an nuh ke mweun ah ye karihngihnyuck lal Helaman. Wen ingacn acnwuck ke mweun koluk ma elos nohfohn eis sahp kuhtuh kihnet uh, tuhsruhk tiacna sie misac.20 Mukul fuhsr ingacn eklac sie mwe kahsruh yohk ke kuh nuh sin un mwet mweun ullac luhn mwet Nephi. Yohk luhlahlfongi lalos ac fokoko ke nguhn ke elos fohlohklac nuh lohm ah. Sucu lalos ah ahkinsewowoyeyuck, karihngihnyuckyang, ac ahkkweyeyucklac.21 Ke pacl lasr uh, tuhlihk lutlut pucspucs ke Puk luhn Mormon uh muhsahyak ke mwe srihkasrak luhn wen nwacsnwacs ac suwohswohs inge.

Kais sie sesr oasr pacl la ke moul lasr ke kuht orwaclah sulaclah suhfahl uh. Kuht nohfohn oasr ke enenuh na upac ke kuh luhn molwelah ke Iwaclah luhn Jisus Kraist. Kais sie sesr enenuh in auliyak ke kuhtwena seahkostwen. Leum El fahk lah El tiac kuh in liye ma koluk uh ac lwelah kuhtuh srihsrihk.”22 El tiac kuh ke srihpen El etuh mac fal nuh sesr in eklac oacna El.

Puhs sesr lwelah muhnahs uh in yohkwaclihk ke ohiyacsr. Ke Iwaclah luhn Jisus Kraist, kuht, oacna mwet Ammon ah, kuh in muhsahi mwe ahkkuh ke nguhn inmahsrlosr sifacna ac tahfonglac mahtuh ma Setuhn el srihke in orekmakihn. Karihngihnyuck luhn nguhn muhsahyak raunwelah pahpah tuhmwacn mwet Ammon ah ahkinsewowoye ac ahkkweyaclos sifacna, sucu lalos, muhtuhnfacl selos, ac fihl fahsruh lalos an. Ma inge pacna kuh in pwacye nuh sesr.

Na kuht ac muhsahi fuhkah mukwikwi in ahkfokoko ma pahtpaht inge? Step se met an enenuh in auliyak pwacye, suwohs, ac sahflah. Ke Iwaclah luhn Jisus Kraist, kais sie sesr kuh in eklac nwacsnwacs ac ma toasr ke ma koluk lasr uh fah sruhkyuckyak. Esam, auliyak uh tiac kaiyuck se. Pa inkacnek se ma sesseslah ke finsrak nuh ke sie pacl fahsruh wolacna.

Pahpah Inkuhsrao El use nuh sesr kuhfa ma kahsruh in muhsahi mukwikwi in ahkfokokoye inmahsrlon mwe muhnahs ac luhlahlfongi yohk lasr uh. Nuhnkuh ke fahk ten inge:

  1. Orwaclah olwelah uh ac eis akwuck uh nuh sum sifacna. Na orekma kahkahsrihk ac fal in sang akwuck lun tempuhl an nuh sin mwet mahtuh lom sifacna an.
  2. Akacsruhi ke wosasuc yurin mwet tiac mempucr kuh sucu kuh kawuck ma suhkwac alu an. Akacsruhi ke ma pwacye inge kuh in use sie pwacr sasuc nuh ke moul lom an.
  3. Oaru in kuhlwacnsap ke pahng nuhkwewa ke Alu uh, yohkna ma pakpucki ke mwet luti luhn sucu ac mwet forfor luti an. Nimet oruh kom in sie mwet luti luhn sucu kuh mwet forfor luti suc muhtwacta na ke mihnit 15 na ke mahlwem nuh kwewa se. Sahyacna, soklah kais sie mwet ke mempucr luhn sucu an. Etwacloslac kais sie. Oruh sie kawuck pwacye. Ke mukwikwi in kuhlwacng, ahkkahlwemye nuh selos luhpan luhngse lom nuh sin kais sie selos.
  4. Yohk srihpac emet, kuhlwacnsapuh mempucr ke sucu lom sifacna an. Orwaclah mwe ahkyohkye ke nguhn luhn mukul kuh muhtwacn kiom ac tuhlihk nuhtum an in pa yohk emet uh. Lohacng nuh ke ma kom kuh in oruh in kahsruh sie sin sie. Sukohsohk in sang ke pacl ac lohacng lom an.

Ke kais sie mwe fahk inge, oasr sie pohloh fahk fal: nwacklah moul lom ke kuhlwacnsap nuh sin mwet sahyac uh. Ke kom lohacng nuh ke enenuh luhn mwet sahyac uh,23 mwe sruhf luhn Setuhn ac wacngihnlac kuh la ke moul lom an.

Ke srihpen Pahpah tomom Inkuhsrao El luhngse kom yohk, Iwaclah luhn Jisus Kraist ac orwaclah kuh se ingacn in kuh. Yac tiac sun na pwacye? Puhs suwos puhlakihn ma toasr ke sulaclah suhfal uh, ac kais sie suwos kuh in puhla kuh mokleyuck ke nuhnak muhnahs, pahkotwen, ac kuh luhn Leum. Nga puhla pac, ac nga fahkwack luhlahlfongi lah oasr nuh sin kais sie suwos, ke inen Jisus Kraist, amen.