Kuh luhn Pristut

Sel Elder Neil L. Andersen

Ke U luhn Mwet Sap Singucul Luo


Mukul se kuh in ikucslah winto in muh faht fucsrfucsr uh kuh in tuhkuh nuh infuckihl uh, tuhsruhktuh faht kuh kahlwem, kuh fucsrfucsr oasr kac tiac ma luhn mwet.

Mwe Insewowo luhn Pristut Som nuh sin Mwet Nuhkwewa

Ke tuhlihk ke toeni ke kuhfa luhn Leum engan in onkihn on ke U luhn Tuhlihk Srihsrihk “Love Is Spoken Here,” mwet nuh kwewa isracsr ke luhngse. Ninac puhlaik se suc tuhfahlah tuhlihk limekohsr porongo wo fuhsr ahkluo: “Sucu luhk uh ahkinsewowoyeyuck pacl nuh kwewa ke oasr kuh luhn pristut in lohm uh. ”1 El ahsor in nuhnkuh, “Tuhlihk nuhtihk uh soenna puhlakihn kain sucu se.”2

Pweng luhk nuh sin muhtwacn luhlahlfongi se inge ac mwet nuh kwewa pa kuht kuh in moul ke ao nuh kwewa “ahkinsewowoyeyuck ke kuh luhn pristut,” ke oacna sie ohiyac kuht oasr kac.

Kuhtuh pacl uh kuht nuhnkuh kuh luhn pristut nuh sin mukul ke Alu uh. Pristut pa kuh ac wal luhn God utuckuh in molwelah ac ahkinsewowoye mwet nuh kwewa—mukul, muhtwacn, ac tuhlihk.

Mukul se kuh in ikucslah winto in muh faht fucsrfucsr uh kuh in tuhkuh nuh infuckihl uh, tuhsruhktuh faht kuh kahlwem, kuh fucsrfucsr oasr kac tiac ma luhn mwet. Mwe insewowo luhn pristut yohk liki na mwet se suc siyuck in orekmakihn mwe sang se inge.

In eis mwe insewowo, kuh, ac olwelah luhn pristut ke moul se inge ac tohkoh pa pacl mwesahs wo ac kunohkohn luhn moul se inge. Ke kuht nwacsnwacs, akwuck luhn pristut ahkwoye moul lasr fin facluh ac ahkoekuhtlac ke olwelah oasr ke facluh tohkoh. Leum El fahk, kuh luhn God kuh in liyeyuck ke akwuck ahkkahlwemyeyuck.3

Oasr mwe insewowo sacohk sin God ke kais sie mukul nwacsnwacs suc pacptaislac, eis Nguhn Muhtahl, ac ipeis pacl nuh kwewa ke kuhfa luhn Leum. Tempuhl uh use yohk kahlwem ac kuh likina met, oacyacpac olwelah ke moul ma pahtpaht yurin God.4

Akwuck nuh kwewa suli kuht in ahkyohkye luhlahlfongi lasr ke Jisus Kraist ac in oruh ac karihngihn olweacng yurin God. Ke kuht karihngihn olweacng muhtahl inge, kuh eis kuh ac mwe insewowo luhn pristut uh.

Kuht puhla kuh se inge luhn pristut ke moul lasr ac liye ke mempucr luhn alu suc karihngihn olweacng lalos. Kuht liye ke mempucr sasuc ke elos tuhkuh liki kof luhn pacptais ac puhla nuhnak muhnahsyeyuck ac nwacsnwacs. Kuht liye tuhlihk nahtuhsr ac mwet fuhsr ke elos kuh in puhla pihrihkyuck ac kolyuck sin Nguhn Muhtahl. Kuht liye akwuck luhn tempuhl oacna kahlwem se luhn kuh ac kahlwem luhn mukul ac muhtwacn suwohswohs fin facluh nohfohn.

Ke mahlwem tari ah nga liye siyacnyacn fuhsr se eis kuh yohk ke olwelah luhn sil ke tempuhl tukun ahwowo mukul nahtuhlos isuslac ac moul ke wik sefanna. Nuh ke akwuck luhn pristut, siyacnyacn fuhsr ac kuht nuh kwewa eis ahkkweyeyuck, kuh, loango, mihslac, ac olwelah ma pahtpaht.5

Ma Kuht Etuh ke Pristut

Sahp kuhtuh siyuck ke kena lalos, “Fin kuh ac mwe insewowo luhn pristut oasr nuh sin mwet nuh kwewa, efuh akwuck luhn pristut ahkkweyelah sin mukul uh?”

Ke lihpufacn se siyuck Nephi el fin etuh ke mukwikwi luhn God? Nephi el sang topuk pwacye lah el etuh God El luhngse tuhlihk nahtuhl, tuhsruhktuh el nihkihn kalmac ma nuh kwewa.6

Ke kuht sramsram ke pristut, oasr ma puhs kuht nihkihn.

Mwet Nuh Kwewa Oacna Sie

Kuht etuh lah God El luhngse tuhlihk Nahtuhl nohfohn ac tiac luhngse sie yohk likina sie sahyac. El sang nuh sin mwet nuh kwewa suc tuhkuh nuh sel, kwewana mukul kuh muhtwacn, mwet nuh kwewa oacna sie nuh sin God.7

Pwacyelah ke kuht etuh lah luhngse luhn God “oacna sie” nuh sin mukul Nahtuhl ac muhtwacn Nahtuhl, kuht oacyacpac etuh lah El tiac orwaclah mukul ac muhtwacn oacna sie. Kuht etuh lah mukul kuh muhtwacn uh pa yohk ke ohiyacsr kwewana fin facluh ac ne tok. Kunohkohn muhtahl uh ituckyang nuh sin mukul ac muhtwacn.8

Ke Muhtwacwacyacn Pacl Uh

Kuht etuh lah ke muhtwacwacyacn pacl uh Leum El akiyac ohiyac pristut Lal ac orekmakihnyuck kac. “Pristut uh ituckyang nuh sel Adam met.”9 Noah, Abraham, ac Moses nohfohnna orekmakihn akwuck luhn pristut. Jisus Kraist pa ke pacl met nuh ke tok Prist Fuhlwact Wowo uh. El pahngon Mwet Sap Lal. “Kowos tiac suleyuclac,” El fahk, “nga sulekowoslac ac akmuhsraikowoslac.”10 Ke pacl lasr uh mwet pweng suhpweyucklac me sin God, John Pacptais, Peter, James, ac John elos fohlohkohnwack pristut fin facluh nuh sel Mwet Pahluh Joseph Smith.11 Pa inge ohiyac se Pahpah tuhmasr Inkuhsrao El orekmakihn pristut Lal uh.12

Mwet Sang Puhspuhs sin God

Kuht etuh lah kuh luhn pristut muhtahl tiac sifacna orekma ke luhlahlfongi, Nguhn Muhtahl, ac mwe sang luhn nguhn. Mwe sensen ke ma suhmuhslah: Tiac lahfwekihn mwe sang luhn God, mweyen puhkantwen . … Ac oasr kain in ohiyac ma mwe sang inge ahkkweyeyuck; tuhsruhktuh God sepacna pa sang mwe sang nuh sin mwet nuh kwewa.13

Nwacsnwacs

Kuht etuh lah ohiyac nwacsnwacs pa fah liyeyuckyang pacl nuh kwewa ac in eis akwuck luhn pristut. Tahmtahel Linda K. Burton, prestuhn luhlahp luhn Rilif Sosaiti, el fahk muh, “Suwohswohs pa enenweyuck … in suli kuh luhn pristut ke moul lasr.”14

Nuh ke mwe srihkasrak, motko ke mas yohk luhn petsac koluk ma faclihk nuh fin facluh nohfohn. Ohiyac fal ke nwacsnwacs luhn Leum tiac lwelah kuhtwena petsac koluk yurin mwet suc orekmakihn pristut ke akwuck uh. Mwet Lahngo El fahk:

Auliyak ke ma koluk lukmac lowos.15

“Ahtron muhtuhn mwet uh oacna sie lahm nuh ke mahnolos. … ac ahtro motom fin koluk, monum ac fah sesseslah ke lohsr.”16

“[Mweyen] kuhtwena mwet suc ngwetwacng nuh sin sie muhtwacn ac oasr nuhnak in kena la nuh sel, el orek kosro nuh sel tari in nuhnak luhn insiyacl.”17

In tiac nwacsnwacs ac oruh kuhfa luhn Leum, ahkinsewowoye mwet mas, kuht wi ke kuhtwena akwuck sahyac luhn pristut pa, oacna ke Elder David A. Bednar el fahk ah, ahklusrohngtwenye inen God.18 Fin oasr sie suc tiac nwacsnwacs, el enenuh in tilac wi akwuck luhn pristut ac pruhe in ohsun nuh sin pisap lal in oruh ip se met ke auliyak ac sulpac moulkihn masap uh.

Inse Puhsisacl

Sie pac ma se kuht etuh lah pa oasr mwe insewowo puhspuhs yurin sucu ma oasr ninac ac pahpah suc tuhkweni nuh sie ke kolyacn tuhlihk nahtuhlos. Tuhsruhktuh kuht oacyacpac etuh lah God El luhngse sang mwe insewowo inge pacna nuh sin mwet pucspucs ma oasr ohiyac sahyac la.19

Ninac se, suc us ma toasr ke tuhfweyacn kwewana ke ip luhn nguhn ac mahno ke sucu lal, emtucng in ahkuhtweyac lah in pahngohn mwet luti luhn sucu lal in ahkinsewowoye sie tuhlihk nahtuhl enenuh in puhsisacl. Tuhsruhktuh el emtucng in fahk pac lah tiac enenuh in puhsisacl likina ke mwet luti luhn sucu lal ke elos ahkolah in ahkinsewowoye tuhlihk nahtuhl.20

Ki luhn Pristut An

Kuht etuh muh ki luhn pristut, ma sruokyucki sin mempucr luhn Prestuhnsi Se Met ac U luhn Mwet Sap Singucul Luo, kol orekma luhn Leum fin facluh. Kain ki se ahkkweyeyuck nuh sin prestuhn luhn stek ac pisap ke acn ma elos kunohkohn we. Na elos pahngon mukul ac muhtwacn ke fwackyuck suc ahkkweyeyuck ac sulaclah nuh ke kunohkohn in orekmakihn wal eisyuck in luti ac kahsruh.21

Ke pucs ma kuht etuh ke pristut, mukwikwi lasr ke moul se inge tiac sang kahlwem suwohswohs pacl nuh kwewa ke orekma luhn God.  Tuhsruhktuh acsmaklac Lal, “Nuhnak Luhk tiac oacna nuhnak lowos, ac inkacnek luhk siena liki inkacnek lowos,”22 ahkkweye kuht ahluhkwelah pacl uh ac nuhnak pahtpaht kuht ac liye ma oacna ma pwacye23 ac kahlwem yohk likina met luhngse suwohswohs Lal.

Kuht nuh kwewa kuhlwacnsap ke insese. Kuhtuh pacl kuht puhla muh srihklac ma kuht oruh ke ma kunacsr, ac kena tuh kuht in siyuckyuck in oruh yohk liki. Kuhtuh pacl sahyac kuht srui ke pacl in fihlfihllac lasr. Kuht tiacna sulaclah kunohkohn ma kuht eis uh.24 Nga etwaclah lesin se inge ke muhtwacwacack in pahyuck luhk ah. Ke siyacnyacn fuhsr, muhtwacn kiyuck, Kathy, ac nga tuh muhta Florida. Sie Sacnri ah mwet in kahsruh luhn prestuhnsi luhn stek ahkuhtweyac nuh sihk lah elos puhla moklweyuck in pahnglol Kathy in oruh mwet luti luhn seminary ke lututacng.

“Kuht ac oruh fuhkah?” nga siyuck. “Oasr tuhlihk srihsrihk nahtuhsr, ac seminary muhtwacack ke ao 5:00 lututacng, ac nga pa prestuhn luhn Mukul Fuhsr.”

Mwet in kahsruh sac isracsr ac fahk, “Ma nuh kwewa ac wona, Tamuhlwel Andersen. Kuht ac pahnglol, ac kuht a fihlikomlac.”

Ac pa orek ah.

Ohiyacn Sang sin Muhtwacn

Siyuck yohk ac in porongo nuh ke nuhnak ac elyah sruhmuhnyuck sin muhtwacn pa yohk srihpac nuh pwacye ke moul, pahyuck, ac in muhsahi tohkohsrahi luhn God.

Yac longoul somlah ah ke toeni luhlahp, Elder M. Russell Ballard el akacsruhi ke sie sramsram el oruh yurin prestuhn luhlahp ke Rilif Sosaiti. Oasr kihsen siyuck soko tohuyak ke ahkfokokoye nwacsnwacsiyacn mwet fuhsr suc ahkolah in kuhlwacnsap ke misin. Tahmtahel Elaine Jack el isracsr ac fahk, “Kom etuh, Elder Ballard, [muhtwacn] ke Alu uh etuh kuhtuh ma wo kac … elos fin siyuckyuck. Mweyen, … kuht pa ninac kiyaclos!”25

Prestuhn Thomas S. Monson oasr sramsram mahtuh ke moul lal nohfohn in siyuck ac topuk ke elyah luhn muhtwacn uh. Muhtwacn se ma kailyac wo emet pa Tahmtahel Frances Monson. Kuht ahsroellah yohk. Oacyacpac, ke Tuhstuh tari ah, Prestuhn Monson el ahkacsmakihnye General Authorities luhpan lotwelah in oa sie pisap ke muhtwacn katinmas 84 ke ward lal. Elos ahkwoyelah wo kuhlwacnsap lal ac moul lal nohfohn.

Tiac mwe lut, met liki sulaclah pruhekihnyuck se lal President Monson ke eklac luhn matwac nuh ke kuhlwacnsap luhn misineri, oasr mwe sramsram puhkantwen yurin u luhlahp luhn Rilif Sosaiti, Muhtwacn Fuhsr, ac prestuhnsi ke U luhn Tuhlihk Srihsrihk.

Pisap, ke kowos ukwe mwe srihkasrak lal Prestuhn Monson, kowos ac puhla moklweyuck luhn Leum ke El ahkinsewowoye orekma muhtahl lowos yohk likina met ah.

Kuht muhta Brazil ke yac pucspucs. Tukun kuht som nuh we ah nga ohsun nuh sel Adelson Parrella, suc kuhlwacnsap ke Mwet Itngucul ac mukul wiyacl Adilson, suc kuhlwacnsap ke prestuhnsi luhn stek lasr ah. Tohkoh nga ohsun nuh sin mukul wiyacl Adalton, suc kuhlwacnsap ke prestuhn luhn stek fin acn Florianopolis ac tamuhlwel se sahyac Adelmo, suc kuhlwacnsap in oa pisap. Nga puhla wo ke luhlahlfongi luhn tamuhlwel inge, ac siyuck ke pahpah ac ninac kiyaclos.

Sucu se pacptaislac fin acn Santos, Brazil, yac 42 somlah ah. Adilson Parrella el fahk, “Met Pahpah el luhman rahrah nuh pwacye in welah Alu uh. Tuhsruhktuh, el [sana] suhkwac alu ac siyuck ninac kiyacsr ah in tilac wi alu.”

Adilson el fahk nuh sihk lah ninac kiyacl ah tuhta nuknuk nuh sin mwet tuhlan lalos in moli puhs in us tuhlihk nahtuhl nuh ke alu ac. Tuhlihk mukul ahkosr ah tuhkweni fahsr ahluhkwelah mael se nuh ke sie mura sahyac, sroacng nuh ke puhs ke minit 45, na fahsr ke minit 20 nuh ke lohm in alu ac.

El ne tiac kuh in wi alu yurin tuhlihk nahtuhl, Tahmtahel Parrella el riti ma suhmuhslah yurin tuhlihk mukul ac muhtwacn nahtuhl, luti wosasuc nuh selos, ac weluhlos pruhe. Lohm puhsisacl selos sesseslah ke mwe insewowo yohk ke kuh luhn pristut. Tuhlihk mukul inge mahtuhlah, kuhlwacnsap ke misin, eis lutlut, ac pahyuck ke tempuhl. Mwe insewowo luhn pristut an nwacklah lohm selos.

Yac puhs tohkoh, in oa sie muhtwacn lolacp, Vany de Paula Parrella el ilyak nuh ke tempuhl in eis mwe sang muhtahl lal, na, kuhlwacnsap ke misin tolu fin acn Brazil. Ingena el matwac yac 84, ac luhlahlfongi lal tuhtahflah in ahkinsewowoye fihl pucspucs ma ukwacl.

Fahkwack Luhlahlfongi ac Olwelah

Kuh ke pristut muhtahl luhn God sukokyak ke Alu luhn Jisus Kraist luhn Mwet Luhlahlfongi ke Lwen-sahflah. Nga fahkwack ke kowos nwacsnwacs in wi akwuck luhn pristut, Leum El ac usot nuh suwos yohk, mihslac, ac nuhnak ma pahtpaht. Oacna sie ohiyac kowos oasr kac, lohm suwos fah “ahkinsewowoyeyuck ke kuh luhn pristut” ac mwet fototo nuh suwos fah kena yohk mwe insewowo inge nuh selos sifacna.

In oa mukul ac muhtwacn, tahmtahel ac tamuhlwel, tuhlihk mukul ac tuhlihk muhtwacn nuhtin God, kuht tuhkweni kihluck nuh met. Pa inge pacl wo lasr, kunohkohn lasr, ac mwe insewowo lasr uh. Pa inge ma kuht enenuh in oruh uh—in ahkolah tohkohsrahi luhn God ke fohlohkoh luhn Mwet Lahngo. Ke inen Jisus Kraist, amen.

Mostrar referencias

  1.  

    1. “Love Is Spoken Here,” Children's Songbook, 190–91.

  2.  

    2. Email sifacna ke Ohkohs 5, 2013.

  3.  

    3. Liye Doctrine and Covenants 84:20.

  4.  

    4. Liye Doctrine and Covenants 138:37, 51.

  5.  

    5. Liye Doctrine and Covenants 84:35; 109:22.

  6.  

    6. Liye 1 Nephi 11:16–17.

  7.  

    7. Liye 2 Nephi 26:33.

  8.  

    8. Liye “Sucu: Sie Mwe Fahkwack nuh fin Facluh,” Ensign kuh Liahona, Nohfuhmpuh 2010, 129.

  9.  

    9. Teachings of Presidents of the Church: Joseph Smith (2007), 104; oacyacpac liye Doctrine and Covenants 84:16; 107:40–53; 128:18, 21; Russell M. Nelson, “Lessons from Eve,” Ensign, Nohfuhmpuh 1987, 86–89.

  10.  

    10. John 15:16.

  11.  

    11. Liye Joseph Smith—History 1:72;liye pac Doctrine and Covenants 13; 27.

  12.  

    12. Liye M. Russell Ballard, “Let Us Think Straight” (Alu luhn BYU Campus Education Week, Ohkohs 20, 2013); Speeches.byu.edu. Elder Ballard el fahk lah: “Efuh mukul ahkkweye nuh ke ohfohs luhn pristut ac muhtwacn tiac? Prestuhn Gordon B. Hinckley el ahkuhtweyac lah Leum, tiac mwet, ‘suc oruh in mukul ke Alu Lal enenuh sruok pristut’ oacyacpac Leum El suc sang nuh sin muhtwacn mwe insewowo in ‘ahkfalye tohkohsrahi luhlahp ac wolacna se inge, tuh pa Alu ac tohkohsrahi luhn God’ (“Women of the Church,” Ensign, Nohfuhmpuh 1996, 70). Ke ma nuh kwewa sikyak ac tari, Leum el tiac ahkkahlwemye efuh El akiyac Alu Lal oacna El oruh.”

  13.  

    13. Moroni 10:8.

  14.  

    14. Linda K. Burton, “Priesthood: A Sacred Trust to Be Used for the Benefit of Men, Women, and Children’” (Sramsram ma sikyak ke Toeni Luhlahp luhn Muhtwacn ke Brigham Young University, Mei 3, 2013); ce.byu.edu/cw/womensconference/pdf/archive/2013/lindaBurtonTalk.pdf.

  15.  

    15. Liye 3 Nephi 30:2.

  16.  

    16. Matthew 6:22–23.

  17.  

    17. Matthew ; 5:28; liye pac Alma 39:9. Prestuhn Thomas S. Monson el fahk: “Petsac koluk arulacna sensen ac pahlah. In sohkwack petsac koluk kuh in sruokyac kom, ac kol kom nuh ke ma koluk liki met ah ac oruh kosro. Som liki petsac koluk ke kuh nuh kwewa” Ensign kuh Liahona, Mei 2010, 65).“Arulacna mwe lut—pa pihsacn mwet suc orekmakihn Internet ke ma koluk, liye petsac koluk pa ma yohk ke ma inge. Tamuhlwel ac tahmtahel, in wi ma inge fah kuhnaoslah nguhn. Fokoko na. Nwacsnwacs na. Som liki ma koluk inge ke kuh lowos nohfohn—ke kuhtwena acn oasr we! Nga fahk ma inge nuh sin mwet nuh kwewa, acn nuh kwewa” (“Until We Meet Again,” Ensign kuh Liahona, Mei 2009, 113).“Som liki kuhtwena ma tuh luhman oacna petsac koluk. Ma ingen fah oruh nguhn in som ac ahkkolukye nuhnak lowos. Kuht lotwelah ke Doctrine and Covenants, ma tuh tiac ahkwoye tiac ma luhn God, ac pa lohsr [Doctrine and Covenants 50:23]” (“True to the Faith,” Ensign kuh Liahona, Mei 2006, 18–19).

  18.  

    18. Liye David A. Bednar, Act in Doctrine (2012), 53.

  19.  

    19. Liye Dallin H. Oaks, “Priesthood Authority in the Family and the Church,” Ensign kuh Liahona,Nohfuhmpuh 2005, 24–27.

  20.  

    20. Email sifacna eis ke Ohkohs 5, 2013; liye James 5:14.

  21.  

    21. Liye Hebrews 5:4.

  22.  

    22. Isaiah 55:8.

  23.  

    23. Liye Jacob 4:13.

  24.  

    24. Liye Doctrine and Covenants 81:4–5. Prestuhn Gordon B. Hinckley el fahk: “Kunohkohn lowos ke acn luhn kunohkohn lowos oacna sie nuh ke acn luhn kunohkohn luhk. Wacngihn pahng ke alu se inge srihklac kuh lusrohngten” (“This Is the Work of the Master,” Ensign, Mei 1995, 71).

  25.  

    25. M. Russell Ballard, “Strength in Counsel,” Ensign, Nohfuhmpuh 1993, 76.