Esilal re li ch’uut b’ar wi’ neke’xtz’il rix li k’a’ru xb’aanuman sa’ li Iglees, sa’ li chihab’ 2013

Ex inraarookil was wiitz’in: jo’ naxye chaq sa’ jun k’utb’esinb’il na’leb’ sa’ li tasal 120 re li Tzol’leb’ ut Sumwank, li ch’utam b’ar wi taanawmank k’a’ru taab’aanumanq rik’in li lajetqil, b’ar wi’ wankeb’ li Xb’eenil Awa’b’ejil, lix Molameb’ li Kab’laju chi Apostol ut li Obispil aj Jolominel, eb’ li neke’xk’e xwankil chan ru taa’oksimanq li tumin re li Iglees. Sa’ li junjunq chi ch’uut re li Iglees neke’xjek’i li tumin jo’ naxye chaq sa’ li k’uub’anb’il na’leb’ re roksinkil li tumin, li eetalil k’utb’il ut eb’ lix b’aanuhom k’ulub’anb’il xb’aaneb’.

Li ch’uut re tz’ilok-ix re li Iglees b’ar wi’ neke’k’anjelak tzolb’ileb chi kristiaan ut moko b’aqb’il ta ru rik’ineb’ li komon chi ch’uut sa’ li Iglees, teneb’anb’il sa’ xb’eeneb’ chixb’aanunkil li tz’ilok-ix ma k’uulanb’il chi us li maatan naqak’ul, chan ru neke’xtoj li junjunq chi k’anjel ke’xb’aanu ut rilb’al ut xk’uulankil li eechej re li Iglees.

Xb’aan li k’anjel ke’xb’aanu chaq, li ch’uut re tz’ilok-ix re li Iglees naxye naq sa’ chixjunil li xnimal ru k’utb’il, li maatan k’ulb’il, ut li ke’xtoj ke’xb’aanu chaq ut li eechej re li Iglees sa’ li chihab’ 2013 ke’xtz’iib’a ut ke’xb’eresi jo’ naxye chaq li k;uub’anb’il na’leb’ re roksinkil li tumin, li eetalil k’utb’il ut eb’ lix b’aanuhom k’ulub’anb’il xb’aaneb’. Li Iglees naxb’aanu li k’a’ru naxk’ut reheb’ li komon naq ink’a taqanumsi li sachok tumin chiru li naqanaw jarub’ taqak’ul, naq ink’a’ taqachik kib’ chi k’asok ut xk’ulankil b’ayaq re naq nachal li we’ej.

Chi anchal qach’ool naqaye,

ch’uut b’ar wi’ neke’xtz’il rix li k’a’ru xb’aanuman sa’ li Iglees

Laj Kevin R. Jergensen

Jolominel li Ch’uut