2010–2019
“Iar Lewōj n̄an Kom̧ juon Waanjon̄ok”
Eprōļ 2014


“Iar Lewōj n̄an Kom̧ juon Waanjon̄ok”

Waanjon̄ok eo em̧m̧an tata eaar etetal ioon laļ in ej Rilo̧mo̧o̧r eo ad, Jisōs Kraist. … Ej kūr kōj n̄an ļoor waanjon̄ok eo An em̧m̧an.

Ilo aō kar kōļmenļo̧kjeņ kōn eddo in aō n̄an kwaļo̧k ko̧jpeļ in, iaar ļōmņak kōn ro ij iakwe me kareel ko rem̧m̧an raar jipan̄ eō lo iaļ eo eaorōk me ejitōn̄ ļo̧k eddōk ļo̧k eo aō ilo mour in jetōb. Ilo iien ko reaorōk ilo mour eo aō, Jemed Ilan̄ eaar kōjeram̧m̧an eō kōn juon eo eaar kea kake eō n̄an jipan̄ iō im tōl eō kōmmani kālet ko rem̧m̧an. Raar pokake naan kein an Rilo̧mo̧o̧r: “Iar Lewōj n̄an Kom̧ juon Wanjoñak, bwe kom̧in maron̄ kōm̧m̧an āinwōt Iar kōm̧m̧an ñan kom.”1

Ke iaar juon ajri, jema eaar jab juon membōr in Kabun̄ in im jinō eaar jino janiknik. Kōm̧ kar jokwe ilo Washington D.C., im ro jinen im jemen jinō raar jokwe 2,500 maiļ (4,000 km) etto ļo̧k ilo state eo an Washington. Jet allōn̄ ālkin birthday eo aō kein karuwalitōk, Bubu Whittle eaar lotok kōm̧. Bubu eaar inepata kōn n̄a im ļaddik eo jeiū eļan̄n̄e kom̧ro ar jab peptaij. Iaar jab jeļā ta eo eaar ba n̄an ro jinō im jema kōn inepata in, ak ij lukkuun jeļā bwe juon jibbon̄ eaar bōk ļaddik eo jeiū im n̄a n̄an juon baak im kar kwaļo̧k n̄an kōmro kōn en̄jake ko an kōn aorōk eo an peptaij im pād emakijkij ilo kweilo̧k ko an Kabun̄ in. Iaar jab kemeemej lukkuun ta ko eaar ba, ak naan ko an raar m̧weer ilo būruwō, im tok ālik ļaddik eo jeiū im n̄a kar peptaij.

Būbū eaar wōnm̧aanļo̧k wōt im jipan̄ kōm̧. Ij keememej iien eo ļaddik eo jeiū ak n̄a kar bōk juon ijjitōn̄ n̄an kōnono ilo m̧ōn jar eo, kōm̧ eaar kūr ļo̧k e ilo taļboon kōn jet kōkapilōklōk. Ilowaan wōt jejjo raan kōnono ko am ilo jeje raar itok ilo meel. Ālkin jet iien kōkapilōklōk ko an raar oktak n̄an juon laajrak eo ej kiel kōm ñan kajieoñ kate kōm kōmane.

Būbū eaar kwaļo̧k peran im kōņaan jipan̄ jem̧ōm̧ kile aorōk eo ilo an bōk ļo̧k kōm̧ n̄an im̧ōn jar eo n̄an kweilo̧k ko am. Ilo jabdewōt wāween ko rejjejet, eaar jipan̄ kōm̧ n̄an en̄jake juon aikuj eo an ko̧jpeļ eo ilo mour ko am.

Men eo aorōk tata, kōm̧ ar jeļā bwe Būbū eaar iakwe kōm̧ im bwe eaar iakwe ko̧jpeļ in. Eaar juon waanjon̄ok em̧m̧an! Ewi jon̄an aō m̧ōņōņō kōn naan in kam̧ool eo eaar kwaļo̧k n̄an kōm̧ ke iaar dik wōt. Im̧we eo an eaar ukōt iaļen mour eo aō n̄an indeeo eo em̧m̧an.

Tok ālik, ke eaar epaak aō kadiwōj ļo̧k jān university, eaar wōr aō kōņaan ippān juon jiron̄ eo em̧m̧an ded eaiboojoj etan Jeanene Watkins. Iaar ļōmņak eaar ijjino eo n̄an bōk jet en̄jake ko rem̧wilaļ n̄an n̄a barāinwōt. Juon jota kōm̧ ar kōnono kōn ilju im jeklaj, im eaar oktak ļo̧k n̄an juon unin kōnono eo me eaar ukōt mour eo aō indeeo. Eaar ba, “N̄e inaaj m̧are, enaaj ippān juon eo mijenede eo etiljek me ej kab ro̧o̧ltok ilo tampeļ.”

M̧okta iaar jab lukkuun ļōmņak kōn juon mijen. Bon̄ōn eo eaar lukkuun oktak n̄an lijūr aō n̄an kōļmenļo̧kjeņ kōn jerbal in mijenede. Iaar ro̧o̧l n̄an kapijuknen im jab maron̄ ļōmņak kōn jabdewōt men. Iaar ruj aolepen bon̄on eo. Iaar lukkuun in po̧k ilo ekkatak ko aō raan eo juon. Ālkin elōn̄ jar ko iaar kōm̧m̧ane jokālet eo n̄an ioon bisop eo aō im jino peba in mijen eo aō.

Jeanene eaar jab ba bwe in jerbal e juon mijen n̄an e. Eaar iakwe eō n̄an kwaļo̧k tōmak ko an im letok n̄an eō iien em̧m̧an n̄an jerbale iaļen mour eo aō make. Kōm̧ro jim̧or kar jerbale mijen ko im tok ālik kar liāp ilo tampeļ eo. Peran eo an Jeanene im wūjļepļo̧k eo n̄an tōmak eo an eaar kōm̧m̧ani aolep oktak ko ilo mour ko amro jim̧or. Ijeļā bwe kom̧ro ban kar lo m̧ōņōņō eo kōm̧ij loe n̄e eban kar tōmak eo an ekajoor ilo pedped eo n̄an jerbal n̄an Irooj m̧oktata. Ej juon kōrā em̧m̧an, waanjon̄ak em̧m̧an!

Būbū Whittle im Jeanene raar iakwe eō jim̧or n̄an kwaļo̧k tōmak ko aer kaki kain̄i ko an ko̧jpeļ in im jerbal n̄an Jemedwōj Ilan̄ enaaj kōjeram̧m̧an mour eo aō. Erro jim̧or raar jipan̄ eō im kōm̧m̧an bwe in en̄jake būrom̧ōj kōn kain armej rōt n̄a. Raar lukkuun iakwe eō im kar iakwe Jemed ilo Lan̄. Raar jim̧or jeļā E maron̄ kōm̧m̧an eļap ļo̧k kōn mour eo aō me ijjab maron̄ kōm̧m̧ane. Raar lukkuun jim̧or jipan̄ eō ilo elōn̄ wāween n̄an jipan̄ pukot iaļen m̧ōņōņō eo eļaptata.

Ekōjkan ad kajjojo maron̄ erom̧ juon eo ekarbab? Jej aikuj in lukkuun iakwe ro jej kōņaan n̄an bōk im̧we eo n̄an jipan̄ bwe ren maroñ jino kwaļo̧k leke ilo iakwe eo an Anij. Bwe kōn an lōn̄ ilo laļ in, idajon̄jon̄ eo m̧oktata n̄an bōk ko̧jpeļ in ej n̄an kwaļo̧k tōmak ilo Jemedwōj Ilan̄, eo ej lukkuun iakwe er. Epidodo n̄an ejake tōmak in n̄e elōn̄ ro m̧ōttaer ak ro uwaan baam̧le ko ro rej iakwe er ilo ejja wāween in wōt.

Leļo̧k n̄an er iakwe eo am etinkwadik me emaron̄ jipan̄ er kalōk juon tōmak ilo iakwe eo an Anij. Innām am iakwe, im kemmaanwa, mour ko aer naaj jeram̧m̧an kōn katak ko am kwoj kwaļo̧ki me kwar ekkatak, en̄jake ko kar am, im pedped ko kwoj ļoori n̄an pukot uwaak ko n̄an apan̄ ko am. Kwaļo̧k lukkuun itok-lim̧o eo am kōn jeramman eo aer; innām kwaļo̧k am naan in kam̧ool kōn ko̧jpeļ eo an Jisōs Kraist.

Komaron̄ jipan̄ ilo elōn̄ wāween ko me redāpdāp ilo pedped im katak ko. Rōjan̄ ro kwoj iakwe er n̄an pukot n̄an meļeļe ta eo Irooj ekōņaan bwe ren kōm̧m̧ane. Juon iaan wāween n̄an kōm̧m̧ane ej n̄an kajjitōkin er kajjitōk ko me rekōm̧m̧an bwe ren kōļmenļo̧kjeņ im n̄an lo̧o̧ri kajjojo iien―n̄an kōļmenļo̧kjeņ im pukot uwaak ko kōn er make. Ilo wāween in komaron̄ jipan̄ er jeļā kilen jar im ekōjkan kile uwaak ko n̄an jar ko aer. Jipan̄ er n̄an jeļā jeje ko rekwojarjar rej jet kain ekkatak ko raorōk n̄an bōki im kile uwaak ko aer. Aaet kwonaaj jipan̄ er kōppopo n̄an apan̄ ko an ilju im jeklaj.

Kōttōbar eo an Anij ej n̄an bōktok mour jab wabanban im mour indeeo an armej.2 Eñin men eo elap an aorōk n̄an ad aolep kōm̧m̧ane. Jet iien jej kōm̧m̧ani men ko me jej lo rekaitoktok lim̧o ak jej jino kōm̧m̧ani eddo ko ad rellōñ im jej meloklok jipadpad eo an Anij. Ilo am kajion̄ kalimjek mour eo ioon pedped in katak ko, kwonaaj bōk juon jeļā kōn ta eo kwoj kōm̧m̧ane, im kwonaaj kwaļo̧k elōn̄ leen n̄an Irooj im eļap ļo̧k m̧ōņōņō ilo kwe make.

Ilo am likut mour eo am ilo pedped in katak ko ilo karōk in lo̧mo̧o̧r eo, enaaj em̧m̧an ļo̧k am kalimjek ta eo kwojeļā kōnke komeļeļe indeeo eo eaorōk kōn kain̄i ko an ko̧jpeļ in. Kwonaaj kwaļo̧k ta eo kwojeļā ilo juon wāween me elōn̄aj ro m̧ōttam̧ n̄an kōņaan kōkajoor ļo̧k mour in jetōb. Kwonaaj jipan̄ ro kwoj iakwe er n̄an kallim̧ur n̄an pokake aolep kien ko An im bōk iooer etan Jisōs Kraist.

Keememej bwe oktak eo an kajjojo ej m̧ōttan wōt jerbal in. Aolep iien pukot n̄an kōkajoorļo̧k baam̧le ko. Kwaļo̧k kōn juon visōn eo eaorōk kōn an baam̧le ko liāp ilo tampeļ. Jet baam̧le ko emaron̄ bōk iiō, āinwōt kar jekjek eo an ro jinō im jema. Elōn̄ iiō ko ālkin aō kar peptaij, jema eaar peptaij, im tok ālik baam̧le eo aō eaar liāp ilo tampeļ eo. Jema eaar jerbal āinwōt juon riliāp ilo tampeļ eo, im jinō eaar jerbal ippān. N̄e ewōr ippam̧ visōn in kōn kain̄i ko an tampeļ, kwonaaj jipan̄ kalōk aelōn̄ in kiin̄ eo an Anij ioon laļ in.

Keememej, iakwe ej pedped eo ekajoor tata n̄an im̧we ro kwoj jipan̄ er. Im̧we eo an Būbū Whittle im kōrā eo ippa, Jeanene, me eaar ejjeļo̧k ippa m̧okta me raar iakwe eō im kōņaan bwe bōk juon mour em̧m̧an tata.

Āinwōt juon m̧ōtta eo ilo iakwe in, leke er. Ilo jet jekjek emaron̄ in pen n̄an leke, bōtaab pukot jet wāween n̄an leke er. Kajojo ajri ro nejin Jemedwōj Ilan̄ remaron̄ kōm̧m̧ani men ko rekabwilōn̄lōn̄ n̄e rej en̄jake aer leke. Kajjojo ajri ro nejin Anij ilo mour in wabanban in rej kālet karōk eo an Rilo̧mo̧o̧r. Leke eo me ej kwaļo̧k iien ko rem̧m̧an renaaj bar kōm̧m̧ani.

Kwaļo̧k pedped ko me ejipan̄ eo kwoj iakwe n̄an bun̄ m̧aanļo̧k ilo iaļ in n̄an mour indeeo.Keememej, bwe jej eddōk ļo̧k kōn lain im bar lain. Kwoj bar lo̧o̧r ejja jon̄ak in ilo am meļeļe ko̧jpeļ in. Kwon kwaļo̧k ko̧jpeļ in ilo tupidodo.

Naan in kam̧ool eo am make kōn Pinmuur eo an Jisōs Kraist ej juon kein jerbal eo ekajoor tata. Kein jipan̄ ko rej jar, Bok in Mormon im jeje ko rekwojarjar jet, im kallim̧ur eo am n̄an kain̄i ko an priesthood. Aolep men kein naaj jipan̄ tōl eo an Jetōb, eo me elukkuun in aorōk n̄an am pedped ioon.

N̄an an juon wejepdik im n̄an kōm̧m̧an āinwōt an Kraist kar kōm̧m̧an,3 kōļmenļo̧kjeņ wōt ilo pedped in katak ko ilo ko̧jpeļ in: Pinmuur eo an Jisōs Kraist ekapidodo ad erom̧ āinwōt Jemed Ilan̄ bwe jen maron̄ mour indeeo ippān doon ilo baam̧le ko ad.

Ejjeļo̧k pedped in katak elap an aorōk ļo̧k ilo jerbal in ad ijeļo̧kin Pinmuur eo an Jisōs Kraist. Ilo kajjojo iien ekkar, n̄an kam̧ool kōn Rilo̧m̧oor im kōn kajoor in En̄taan in Pinmuur eo An. Kōjerbal jeje ko rekwojarjar me rej kwaļo̧k kōn E im etke E ej jon̄ak eo ewāppen n̄an kajjojo ilo mour.4 Kwoj aikuj in tiljek ilo ekketak. Jab lukkuun m̧ad ilo men ko an mour me renaaj kalikjab eok jen am ekkatak. Kōn juon pedped in katak eo epen, kwonaaj juon kein jerbal ekajoor n̄an kwaļo̧k kōn m̧ool ko raorōk n̄an ro jet me relukkuun aikuji.

Em̧m̧an tata ad jerbal n̄an Jemedwōj Ilan̄ ilo im̧we eo ejim̧we im jerbal n̄an ro jet.5 Waanjon̄ok eo em̧m̧an tata eaar etetal ioon laļ in ej Rilo̧mo̧o̧r eo ad, Jisōs Kraist. Jerbal in kwaļo̧k eo An ilo kanniōk eaar obrak kōn katakin, jerbal, im iakwe ro jet. Eaar jijet ippānj armej ro kajjojo ro me raar ekajet ilo bōd kōn m̧ōttan eo An. E ar iakwe er kajjojo. E jeļā aikuj ko aer im kar katakin er ko̧jpeļ eo An. E ar kūr kōj n̄an lo̧o̧r waanjon̄ak eo An ewāppen.

Ijeļā bwe ko̧jpeļ eo An ej iaļ n̄an aenōm̧m̧an im m̧ōņōņō ilo mour in. Kōm̧m̧an bwe jen keememej n̄an kōm̧m̧an āinwōt An kar kōm̧m̧an ilo ad iakwe, leke, im jeļā kōn m̧ool ippān ro jet ro me rejjan̄in itok n̄an meram eo an ko̧jpeļ in. Ilo etan Jisōs Kraist, amen.