Pokake kōn Ad Tiljek


Pokake ej kōkaļļeen tōmak in ad ilo jeļāļo̧kjeņ im kajoor eo an mālim eo eutiejtata, eo im ej Anij.

Nokon in jotan ko an baam̧le Sister Perry im n̄a kar kōm̧m̧ani kajojo jotenin M̧ande em̧ōkaj an ļapļo̧k ilo dettan. Būratōr eo aō, leddik eo nejin, būratōr eo an Barbara, im juōn nej nejū leddik im likao eo ippen kar aolep emmakūt n̄an moko kōm ej jokwe ie. Ej iien eo wōt me ij jeram̧m̧an n̄an an ro nuku jokwe ituru jen ke ikar laddik jidikdik. Iien eo, baam̧le eo aō rekar jokwe ilo juōn wōt weto ippen jet iien ro uwaan baam̧le eo an jinō. M̧weo imōn jim̧m̧a Sonne ekar m̧weo iturin m̧weo im̧ōm n̄an tuion̄, im mon kōrā eo jinō Emma ekar m̧weo iturin m̧weo im̧ōm turōk. Turōk in weto eo ekar jokwe kōrā eo jinō Josephine, im turear ekar ijo ulepa Alma ekar jokwe ie.

Ilo tōre ko ij laddik wōt kōm kar iaieo ippen ro uwaan baam̧le eo am kajojo iien im mōnono ippen doon ilo am jerbal, ikkure im loļok doon. Kōm ban kar komman manit ko renana ilo an jab jinem jelā kake. Kiō jōkjōk eo kōm ej pad ie eoktak—ro uwaan baam̧le kein em̧ōj aer ejjeplōklōk jen doon. Jekdoon n̄e rej jokwe eppake doon, ejjab aolep iien rej jokwe turin doon. Jekdoon, ak ij tōmak ke tōre ko ikar laddik wot im tōre in rej āinwōt juōn ilo aō epaake mour eo ilan̄, ilo an ro uwaan baam̧le in rejitenbōro jokwe iturin doon. Ej aolep iien kakememej n̄a kōn jōkjōk in mour āinwōt baam̧le n̄an indeeo.

Ke iaar rūttoļok, ewōr juon aō kadkad eaorōk ippān jim̧m̧a. Ainwōt laddik eo erūttotata ilo baam̧le eo am, ikar aolep iien jolok snow jen turin mweo ilo iien molo im bōk eddo in melaaj eo am im im̧weo im̧ōn jimma im m̧oko im̧ōn kōrā ro ruo nej jinō. Jim̧m̧a ekkōn jijōt ijo im̧aan m̧weo im̧ōn ilo aō rakij melaj eo an. Elan̄e ej dedeļok, ij kajoor jijōtļok ilo im̧aan m̧weo im̧ōn im loļok. Iien kein rej jet iien raorōk n̄an n̄a.

Juōn raan ikar kajjitōk ippen jimma ewi wāween aō jelā elan̄e iien otemjej ij kōm̧m̧ane men eo ejim̧we, ilo an bujin kelet ko jan kelet jen i ilo mour in. Ilo an jim̧m̧a aolep iien kōm̧m̧ane, ekar uwaak jen mour in lale menin mour.

Ekar katakin eō kilen kaminene juon pea in kidia ko bwe ren maron̄ in jelā kilen jerbal ippen doon. Ekar kōmleleik bwe juōn kumi in kidia rej aikuij in jelā wōn eo ej tōl er. Juōn iaan men ko raorōk n̄an kōjbwebweik juōn kidia ej jakōl en rej likūt ņae ilon̄iin kidia en. Elan̄e juōn iaan kidia kaņ ejjab maron̄ pokake ta en rikattōr en ej ba, aolepen kidia kan reban errā n̄an jerbal ippen doon n̄an kōm̧m̧an bwe en dedeļok jerbal en aer.

Kiō jen etale katak in jim̧m̧a ekar katakin n̄a ilo kōjerbal waanjon̄ak in.Wōn eo ej rikattōr n̄an kumi in kidia ko? Jim̧m̧a ej tōmak ke ej Irooj. E eo ewōr ippen juon jibadbad im juon karōk. E ej bar āinwōt eo ej kaminene im lolorjake kidia kein, im n̄an ukōtļo̧k n̄an e, kajojo iaan kidia kein. Rikattōr eo eļap an jelā, im wāween eo bwe juōn kidia en jelā ke ej kōm̧m̧ane men eo ejim̧we ej n̄an an kidia eo pokake im ļoor tōl ko an rikattōr eo.

Ta eo jim̧m̧aō ekar keidi n̄an nene eo ilon̄iin kidia eo? Ij tōmak ilo tōre eo, āinwōt aō tōmak kiō, ke jim̧m̧ao ekar katakin n̄a n̄an ļoor im̧we ko an Jetōb kwōjarjar. Ilo jelā eo an, nene eo ilon̄iin kidia eo rej men ko an jetōb. Juōn kidia eo e pokake, eo ej pād ilubūjin kidia ko em̧ōj kamineneik er, raikuij aer puul kanōk er bwe ren kōm̧m̧ane ta eo ekōņaan bwe ren kōm̧m̧ane. Kareel in emera ej āinwōt ainikien epen, im lur eo im Irooj ej kōnono n̄an kōj. N̄an kwalok kautiej n̄an anemkwōj in kelet eo ad, ejjamin kōm̧m̧ane juōn ekkanōk eo ekōmmetak, eo kojerbal jekjek in kiel.

Em̧m̧ān ro im kōrā ro rej kowaan im̧we ko an Jetōb renaaj ekkatak, āinwōt an kar nejin eo ejerawaan ekkatak, jen kaje ko an jab pokake im mour ko rejjab jim̧we. Ekar ālkin kaje ko ekar kōm̧m̧an bwe nejin eo ejerwan en ettā būruwōn bwe “ekar kile make” im ron̄ unojdikdik an jetōb kwōjarjar ba n̄an e bwe en rool n̄an im̧ōn jemen (Lale Luk 15:11–32).

Kōn menin katak eo jim̧m̧aō ekar katakin n̄a kake ekar e aolep iien aikuij in pojak n̄an kareel eo emera an Jetōb. Ekar katakin n̄a bwe inaaj bōk im̧we kein iien otemjej elan̄e inaaj etal jen ial eo ejim̧we. Im iban kōm̧m̧an men ko relukkun nana im kōtļok bwe jetōb en tōl aolep aō kelet ilo mour in.

Āinwōt an Jemes 3:3 kwalok, “A elan̄n̄e jej likūt kein dāpdije ilowaan lon̄iin kiria ko bwe ren pokake kōj, jej ukōt aolepen ānbwinneir.”

Jej aikuj meļeļe n̄an jerbal ko ad ilo jetōb. Jekdoon kōn eddo eo ediktata jān M̧aajta eo ad, jej aikuij in m̧ōņōņō in ļoor wot ial eo ad. N̄an wejepedik ilo mour, jej aikuj katakin ad jetōb im ānbwiin n̄an jerbal ippān doon ilo pokake kien ko an Anij. Eļan̄n̄e jej ron̄jake im̧we ko remera an Jetōb Kwojarjar, emaron̄ kakobaik jetōb ko ad im ānbwiin ko ilo jibadbad im tōl ļo̧k kōj n̄an kapijuknen eo ad indeeo n̄an mour ippān Jemed ilo Lan̄.

Laajrak in tōmak eo ad kein kajilu ej katak aorōk in pokake: “Kimij tōmak bwe kin en̄tan eo an Kraist, aolep armij renaj bōk lomor, kin bokake kein ko im kain̄ ko ilo Gospel eo.”

Kain pokake eo jim̧m̧aō ekar kōmleleiki ilo an kidia ko ej bar einwōt bōk juōn kōjatdikdik elap—eo im, ej lukkun tōmak ilo rikattōr eo an kumi eo. Katak eo jim̧m̧aō ekar katakin eō, ej bar āinwōt, ej bar āinwōt pedped eo jinointata ilo kojpel eo—tōmak ilo Jisōs Kraist.

Rijilōk Paul ekar katkain: “A tōmak ej āinwōt lōke men ko jej kōjatdikdik kōj kaki, im reel būrued kōn men ko je jab loi” (Hibru 11:1). Innem Paul ekar kojerbal waanjon̄ak eo an Abel, Enoch, Noah, im Ebream n̄an kwaļok kōn tōmak. Ekar lap an pedped ioon bwebwenato in Abraham, bwe Abraham ekar jemen ritōmak:

“Kōn tōmak Ebream, ke emōj kūr e, ear pokake bwe en diwōjlok n̄an aelōn̄ eo enaaj an jolōt; im ear diwōjļo̧k, im jaje ijo ej ilo̧k ia ļo̧k.

“Kōn tōmak ear ruwaimāejet ilo āne in kallim̧ur, āinwōt ilo aelōn̄ e jab an . …

“Kōn tōmak, Sera ear bōk maron̄ in keotak nejin ke emōj lōllap, bwe ear watōk e tiljek eo ear kallim̧ur” (Hibru 11:8–9, 11).

Jejeļā bwe kōn ļaddik eo nejin, Ebream im Sera, Isaac, juon kallim̧ur kar leļo̧k n̄an Ebream—kallim̧ur eo kōn ineen “elōn̄ āinwōt iju ko, im āinwōt bok ko i parijet” (Lale eon 12; bar lale Jenesis 17:15–16). Innām, tōmak an Abraham kar teeje ilo juon wāween me elōn̄ iaad maron̄ watōke epen ļōmņake.

Ikar kejōkļo̧kjeņ ilo elōn̄ iien ko bwebwenato eo an Ebream im Isaac, im ij jan̄in de tōmak elikio aō keidik tiljek eo an Ebream im pokake. Bōlen imaron̄ ļōmņake an tiljek ilo limōk n̄an em̧m̧akūt ilo juon jibbon̄ tata, bōtaab ekōjkan an etetal iturin ļeo nejin Isaac, ium̧win jiln̄uul-raan n̄an iunin Tol Moriah? Ekōjkan aer ineek kane ko n̄an kijeen ilōn̄ ioon toļ eo? ekōjkan an kalōk lokatok eo? M̧okta jen an lukōj Isaac im door e ioon lokatok eo, ekōjkan an kar kōmeļeļik e bwe e enaaj kar katok eo? Im ekōjkan an kar wōr kajoor eo n̄an kotak bakbōk eo n̄an m̧an ļeo nejin? Tōmak an Abraham eaar kōkajoor e n̄an ļoor tōl an Anij im jejjet m̧ae iien eo ekabwilōn̄lōn̄ ke juon enjeļ eaar kūr e jen lan̄ im kwaļo̧k n̄an Abraham bwe em̧ōj an anjo ioon teej eo an epen. Innām enjeļ eo an Irooj eaar ālij kallim̧ur ko an bujen eo an Ebream.

Ij kile apan̄ ko rej itok ippen tōmak ilo Jisōs Kraist im pokake enaaj penļo̧k n̄an jet jen bar ro jet. Elōn̄ iiō in aō ekatak im jelā ke ilo an mwilin kidia ko maron̄ oktak im, ilo m̧ool, maron̄ in pidodo ak pen awia ilo kammineneik, im bwe elōn̄ iaad eļapļok ad aorōk. Kajojo iaad ej laddik e oak leddik eo nejinAnij, im ewōr ipped juōn bwebwenato eo āinjuōn ilo mour eo m̧okta im ilo mour in. Ekkar n̄an melele ko, ejeja uwaak ko im rej uwaake aolep kajjitōk ilo juōn wot iien. Im kōn menin ij kile melijjon̄ ko im bōd ko an mour in make im, elaptata, im aikuij eo eban jem̧ļok an pedped eo kein karuo an kojpel, eo im ej ukwelok.

Ebarāinwōt m̧ool bwe ilo tōre eo me jim̧m̧a eaar moureaar juon iien eļamwaanļo̧k, eļaptata ikkijen kālet ko ikōtaan jim̧we im bōd. Ilo an jet armej ro relukkuun kapeel im lo̧ļe maron̄ tōmak iien ko ad rekapokpokļo̧k aikuji eļapļo̧k uwaak ko rekapokpokļo̧k, ittoļo̧k n̄an reel bwe rejim̧we. Ijello̧kin, ij tōmak bwe kapokpok eo an rainin emenin aikuj eļapļo̧k ļamwaan, āinwōt uwaak eo jim̧m̧an eaar letok n̄an kajjitōk eo aō em̧ool kōn ekōjkan n̄an jeļā oktak eo ikōtaan jim̧we im bōd. Ijeļā ta eo ij kwaļo̧k rainin ej juon jon̄ak eļamwaan. Emaron̄ jab jerbal n̄a aolep, bōtaab imaron̄ kam̧ool kōn ekōjkan an wejepedik an jerbal n̄an eō. Ij elmakote n̄an kom̧ im em̧ool iadjon̄jon̄e kom̧ n̄an ekkatak kōn naan ko aō, im eļan̄n̄e kom̧ij, ij kallim̧ur renaaj tōl n̄an alikkar in kālet eo n̄e kom̧ jutak kōn tōmak eo ad kōn kālet ko im uwaak ko relemwaan n̄an kajjitōk ko me repukōj katak eo im ro me rej ļōmņak remeletlet.

Enan̄in aolep iien jej lōmņak pokake ebōk ļoor kean̄ ilo ejelok lomņak kake ak naan in kakien jen maron̄ eo eutiejļo̧k. Ilo m̧ool, im tu jejjōt in, pokake ej kwaļok kadkad in tōmak in ad im meletlet im kajoor an eo ilōn̄tata, im ej Anij. Ke Ebream ekar kwaļok juōn tōmak eo ekar pen im pokake Anij, jekdoon n̄e kar kakien e n̄an katok kōn laddik eo nejin, Anij ekar jipan̄ e. Ejelok oktak, elan̄e jej kwaļok ad tōmak ilo ad pokake, Anij enaaj lukkun ļap an lo̧mo̧o̧ren kōj.

Ro rej kōjatdikdik kōn er make im ļoor ikdeelel ko aer make im pokake ko aer elukkun dik keidi n̄an ro rej ļoor Anij im bōk jeļā eo an, kajoor, im menin letok ko. Em̧ōj kar ba, “Juōn eo im eļap an lōke e make ej juōn eo ejelok men ko rem̧m̧an ilo mour eo an.” Kajoor, pokake ko ejjelok kajjitok kake ejjab juōn men eo edik ankilaan. Ej men eo im jej kwalok kadkad in tōmak in ad n̄an Anij im kōm̧m̧an bwe jen bōk kajoor ko an lan̄. Pokake ej juōn kelet. Ej kelet eo ikōtaan jelā eo ad edik im kajoor im jelā eo an Anij ejelok jem̧ļokin im ej n̄an indeeo. Ekkar n̄an katak eo an jim̧m̧aō, ej kelet eo n̄an en̄jake an mour in jetōb n̄an kein kankan eo ilon̄iid im n̄an ļoor tōl ko an rikattōr eo.

Jen aolep erom rijolet e bujen eo im ineen Ebream ilo tōmak ko ad im ilo ad bōk kain̄i ko an kojpel eo em̧ōj an jepļaaktok. Ij kallim̧ur n̄an eok ke kōjeram̧m̧an ko an mour indeeo rej pojak n̄an jabdewōt ej ej tōmak im pokake. Ilo etan Jisōs Kraist, amen.