“Haan, Prabhu, Main Aapke Piche Ho Lunga”
Elder Eduardo Gavarret dwara
Sattar ke
Prabhu humko amantrit karne ke liye verb ka istemaal karta hai: “Mere paas aao,” “Mere piche ho le,” “Mere saath chalo.” Har ek baar yeh kuch kar dikhane ka nimantran tha.
“Kyunki dekho, Prabhu sabhi deshon ko, apne raashtra aur bhaasha mein, apni vaani ki shiksha logon ko deta hai.”1 Aaj yeh dharamshaastra ki purti ek baar phir hui hai jab mujhe apne ehsaas batlaane ka maoka mila hai apne maatra bhaasha mein.
Woh 1975 tha, jab mai Uruguay-Paraguay Mission mein ek jawaan prachaarak tha. Mission par mere pehle mahine mein, zone ke netaaon ne ek gatividhi rakhi ek susamachaar ke siddhaant ko dikhlaane ke liye. Zone ka har prachaarak ke aankh par patti baandhi gayi, aur hamein batlaya gaya ki hamein ek patle maarg par chalke ek bade kamre tak jaana tha. Hamein ek hi neta ki aawaaz ko sunkar, jo pehle se batlaya gaya hai, uske paas pahunchna hai. Haalaanki, hamein chetaoni di gayi thi ki safar ke daoraan, hamein kayi aawaazein sunaai dengi jo hamein uljhaega aur gumraah karna chahenga hamare maarg se.
Kuch minato tak aawaazon ko sunne, baate karne ke baad, aur—iske daoraan—ek awaaz jisne kaha, “Mere piche ho lo,” mai nidar tha ki mai sahi aawaaz ka picha kar raha hoon. Jab hum bade kamre tak pahunche, hamein apne aankh ki patti ko kholne ko kaha gaya. Jab maine aysa kiya, maine jaana ki wahan do dal the aur mai us dal mein tha jisne galat aawaaz ka picha kiya tha. Mainne apneaap se kaha, “Yeh aawaaz to bilkul sahi aawaaz ki tarah sunaai de raha tha.”
Un 39 saalon pehle ka anubhav mere upar lambe samay ka prabhaao chod gaya. Maine khud se kaha, “Kabhi bhi, galat aawaaz ko nahin sunna.” Phir maine khud se kaha, “Haan, Prabhu, Main Aapke Piche Ho Lunga.”
Mai ek anubhav batlaana chahata hoon Uddhaarkarta ke komal nimantran ko lekar hamare liye:
“Achcha charwaaha mai hoon, aur mai apni bhedon ko jaanta hoon. …
“Mere bhedein mera aawaaz sunte hai, mai unhein jaanta hoon, aur woh mere piche piche chalti hai.”2
“Unke piche chalne” ka nimantran sabse saral, sidha, aur shaktishaali nimantran hai jo hum paate hai. Woh ek saaf aawaaz se aata hai jisse hum uljhenge nahin.
Prabhu humko amantrit karne ke liye verb ka istemaal karta hai: “Mere paas aao,” “Mere piche ho le,” “Mere saath chalo.” Har ek baar yeh kuch kar dikhane ka nimantran tha. Yeh sabhi manushye jaati ke liye hai uske dwara jo bhavishyevaktaaon ya Bhavishyevakta hai, shikshakon ka Shikshak, Parmeshwar ka Putra, Maseeha hai.
“Mere Paas Aao” ka Nimantran
“He sab parishram karne waalo aur bojh se dabe hue logon, mai tumhe vishraam dunga.”3
Tum mein se jo abhi Girjaghar ke sadasye nahin hai ko yeh nimantran prachaarakon ke aawaaz se milega, “Kya tum Mormon Dharamshaastra padhoge? Kya tum prarthna karoge? Kya tum girjaghar jaaoge? Kya tum Ishu Maseeh ka uddhaaran par chaloge aur adhikaar rakhe hue se baptisma loge?”4 Aaj tum is nimantran ka kaisa jawaab doge?5
Mai aapko amantrit karta hoon is sandesh ko sunne aur swikaarne ke liye yeh kehkar, “Haan, Prabhu, mai Aapke piche ho lunga!”
Carlos Badiola aur uska parivaar, Minas, Uruguay ka, prachaarakon ke saath bhent kar rahe the. Kyunki elders paath ke daoraan kayi sawaal puchte the, unhonne tay kiya ki woh ek gaersadasye padosi—ek sundar 14-varsh ki Norma namak ladki—ko bulaenge jawaab dene mein madad karne ke liye. Norma bahut hi utsuk haae skool vidhyaarthi thi jo is varsh skool mein Bible (dharamshaastra) adhyan kar rahi thi, isliye jab prachaarakon ne usse ek sawaal pucha, Norma turant jawaab de deti. Woh ek “mahatvapurn jaanjhkarta thi.” Us din a paath Gyaan ke Shabd (Word of Wisdom) par tha.
Jab woh prachaarakon ke saath paath karke ghar pahunchi, Norma jaan gayi thi ki use kya karna hai. Usne apni maa se kaha, “Maa, ab mujhe dudh ke saath coffee milakar mat dena. Sirf dudh dena.” Uske us nirnay se uska ichcha dikh raha tha ki woh Maseeh ka nimantran swikaar karna chahati thi, jo prachaarakon ne usse pucha tha.
Donon Carlos Badiola aur Norma ne baptisma liya. Baad mein, Norma ke uddharan ko dekh kar, uske maata, pita, aur bhaai bahan ne bhi baptisma liya. Norma aur mai ek saath bade hue us chote magar shaktishaali shaakha mein. Baad mein, jab mai prachaar sewa se waapas laota, hum ne shaadi kar li. Mujhe hamesha pata tha ki use apne saath rakhkar Uddhaarkarta ke piche ho lena aasaan ho jaaega.
Jo vyakti is Girjaghar ka sadasye hai aur ne is nimantran ko swikaar kiya hai har saptaah prabhubojh lene se is vaade ko phir se leta hai. 6Is vaade ka thoda bhaag ki aagyaaon ka paalan karna; aysa karne se tum kehte ho, “Haan, Prabhu, Mai Aapke piche ho lunga!”7
“Mere Paas Aao” ka Nimantran
“Mere paas aao” Prabhu ka nimantran tha dhani yuvak ke liye. Us dhani aadmi ne apne jiwan bhar aagyaaon ka paalan kiya tha. Jab usne pucha mai aur kya karun, use ek saaf nimantran ke saath jawaab mila: “”Aao, … mere paas.”8 Haalaanki, bhale hi nimantran saral tha, woh bina balidaan ka nahin tha. Uske liye mehnat chahiye tha—nirnay aur kriya ke saath.
Bhavishyevakta Nephi ne khud ke baare mein socha jab usne sawaal kiya: “Woh [Ishu] maanav vansh se kehta hai: Tum mera anukaran karo. Isliye, mere priye bhaaiyon, bina Pita ki aagyaaon ka paalan kiye hum kya Maseeh ka anukaran kar sakte hai?”9
“Uske paas aao,” Unki aawaaz ko sunne, aur uspar amal karne ka nimantran shuruaat se prachaarakon ka sandesh raha hai, kayion ko madad kiya hai achchaai ke liye apne aap ko badalne mein.
Pachaas (50) saal pehle prachaarakein mere pita ke ghadi banane waale dukaan mein aaye ek ghadi ki maramat karwaane ke liye. Jaise sab achche prachaarak karte hai, unhonne is maoke ka faaeda uthaaya aur mere pita aur maata se susamachaar ke baare mein baat ki. Mere pita ne prachaarakon ko swikaar kiya, aur meri maata ne Maseeh ke sandesh aur nimantran ko apnaaya. Us din se aaj tak, woh Girjaghar mein sakriye rahi hai. Usne kaha, “Haan, Prabhu, mai Aapke piche ho lungi!”
Jab tum Unke paas aane ki koshish karoge, tumhe shakti milegi jiwan ke bojhon ko sehne ka, chaahe shaaririk ya aatmik, aur andar se achcha badlaao anubhav karoge jo tumhe khush rehne mein madad karega.
“Mere saath Chalne” ka Nimantran
Enoch ko kathin, kathor-hriday waale logon ke paas susamachaar prachaar karne ke liye bheja gaya tha. Woh uske yogye nahin mehsoos kar raha tha. Use sandeh hua ki kya woh aysa kar paaega. Prabhu ne uske mann ko shaant kiya aur uske vishwaas ko mazboot kiya “Mere saath chalo” nimantran ke zariye—ek nimantran jo, ek andhe ki laathi ya ek dost ke haath ke jaisa hota, kisi ke hum safar ban sakta hai jo nishchayi nahin hai. Uddhaarkarta ka haath lekar aur Unke saath chalne se, Enoch ne paaya ki woh saahasi ho gaya aur ek achcha prachaarak aur ek bhavishyevakta ban gaya.10
“Mere paas aao” aur “mere piche ho lo” ka nirnay niji hai. Jab hum is nimantran ko swikaar karte hai hamare lagan ka darja badh jaata hai, aur tab hum “Uske saath chal” sakte hai. Is darje par hum Uddhaarkarta ke saath nazdeeki rishta bana sakte hai—pehla nimantran swikaarne ka hamara fal.
Norma aur mai ne vyaktigat rup se “mere paas aao” aur “mere piche ho lo” ka nimantran ko swikaar kiya. Phir, ek saath, ek dusre ko sahara dete hue, hum ne “Unke saath chalna seekh liya hai.”
Use dhoondhne aur Unke piche ho lene ke koshish aur lagan ko tohfa milega zaroori ashirvaad ka.
Yeh thi us mahila ki kahani jo, bahut mehnat se, Uddhaarkarta ka kapda chuh paayi thi11 aur phir ya Bartimaeus jo andha tha ki tarah jiska ichcha zaroori tha uske jiwan mein ghate chamatkaar mein.12 Donon kisson mein shareer aur aatma ki changaai hui thi.
Apna haath aage badhaao, Unka kapda chu lo, Unka nimantran swikaar karo, aur kaho, “Haan, Prabhu, mai Aapke piche ho lunga!” —aur Unke piche chalo.
“Mere paas aao,” “Mere piche ho lo,” aur “Mere saath chalo” nimantranon ke shakti adhik hai—aap logon ke liye jo use swikaar karte hai—taaki tum apne aap ko badlo aurandar ek badlaao laao jo tumse kehlaaega, “[Mai] shaetaan ke kaaryon ko nahin karunga, par sadeo achche karam hi karunga.”13
Us badlaao ke kaaran, tumhe kamzor ki madad karne ka, latke hue haathon ko uthaane ka, aur kamzor ghutnon ko mazboot karna ka ichcha jaagega.”14
Hum aaj kya kar sakte hai “Unke saath chalne ke liye”?
-
Apne ichcha ko pura karo Maseeh ka behtar chela bankar.15
-
Is ichcha ke liye prarthna karo taaki Unmein tumhara vishwaas badhe.16
-
Dharamshaastron mein se gyaan paao, raasta dikhlaate hue aur tumhare badlaao ke ichcha ko mazboot karte hue.17
-
Turant nirnay lo aysa karne ka aur kaho, “Haan, Prabhu, mai Aapke piche ho lunga!” Sirf sachchaai jaanne se tumhari duniya nahin badal jaaegi jabtak tum gyaan ko karm mein na badloge.18
-
Apne nirnay mein parishrami bano in siddhaanton ko har din karne se.19
Hamare priye bhavishyevakta, Pradhaan Thomas S. Monson, ke shabd hamein Uddhaarkarta ke nimantran ko swikaarne aur karne mein uksaate hai. Pradhaan Monson ne kaha: “Woh mahima ka Raaja kaun hai, yeh praaniyon ka Prabhu? Woh hamare Swami hai. Woh hamare Uddhaarkarta hai. Woh Parmeshwar ka Putra hai. Woh hamein Mukti Dilaane Waala hai. Woh kehta hai, ‘Mere piche ho le.’ Woh sikhlaata hai, ‘Jaao, aur waisa hi kar.’ Woh niwedan karta hai, ‘Mere aagyaaon ka paalan karna.’”20
Aao hum aaj nirnay banae ki hum apne bhakti ka darja aur Parmeshwar se lagaao ko badhaaenge, aur tab shaayad Unke nimantran ka hamara jawaab zor aur saaf se sunaai dega: “Haan, Prabhu, mai Aapke piche ho lunga!”21 Prabhu Ishu Maseeh ke pavitra naam se, amen.