Mwe Insewowo luhn Tempuhl

Tamuhlwel ac tahmtahel sacohk wiyuck, nga arulacna sruikihn wi kowos ke lututacng se inge luhn Istuh ke nuhnak lasr som nuh sin Mwet Lahngo luhn facluh. Nga ahkkahlwemye luhngse luhk nuh sin kais sie suwos ac pruhe lah Pahpah tuhmasr Inkuhsrao El ac moklwe kahs luhk uh.

Toeni se inge ahkkahlwemye yac itkohsr ke nga ahkkweyeyucklac Prestuhn luhn Alu an. Yac inge arulacna kahfofo, tiac sesseslah ke kuhtuh ma upac muhkwena tuhsruhktuh ke mwe insewowo puhspuhs. Sie mwe insewowo inge ma engan ac muhtahl pa pacl wo in kihsackuhnlah ac sifilpac kihsackuhnlah tempuhl an.

Fahna tari ah, ke Nohfuhmpuh tari ah nga insewowo in kihsackuhnlah tempuhl kahto ac sasuc ke Phoenix Arizona Tempuhl. Mwet wiyuc pa Prestuhn Dieter F. Uchtdorf, Elder Dallin H. Oaks, Elder Richard J. Maynes, ac Elder Lynn G. Robbins. Ke ekuh met liki kihsackuhnlah, sie ahkfuhlwactye luhn facsin oasr we ke ahluhkwelah mwet fuhsr [ahkosr tausin] 4,000 lasr uh ke acn tistrik luhn tempuhl mukwikwi ke ohiyac kahto. Ke lwen se tok tempuhl an kihsackuhnlah ke tuhkweni muhtahl ac moklweyuck tolu.

Oraclah luhn tempuhl pa kahlwem suwohs ke kapwack luhn Alu. Ingena oasr tempuhl [siofok angaul ahkosr] 144 ma orekma fin facluh, ke [limekohsr] 5 ma sifilpac oreklac ac [singucul tolu] 13 ma muhsaheack ingena. Oacyacpac, oasr tempuhl [singucul tolu] 13 ma ahkkahlwemyeyuck oasr ke plwacni in ahkolah met liki orekma muhtwacack. Ke yac se inge kuht plwacni in sulpac kihsackuhnlah tempuhl luo ac kihsackuhnlah tempuhl sasuc limekohsr ma plwacni in ahksahfyelah.

Ke yac luo somlah ah, ke kuht tuh sang kuhiyacsr in ahksahfye tempuhl ma tuh tuhfahna fwackyuck ah, kuht tuh tui kihtin pacl ke plwacniyacn kuhtuh pac tempuhl in weacng. Ke olutu se inge, ohinge, nga arulacna engan in fahkwack ke tempuhl sasuc tolu ma ac fah muhsahiyucklac ke acn ekahsr inge: Abidjan, Ivory Coast; Port-au-Prince, Haiti; ac Bangkok, Thailand. Fuhkah usrnguckiyacn mwe insewowo ma oasr nuh sin mempucr fokoko lasr ke eria inge ac, ahok, yen ma tempuhl uh oasr we fin facluh fohfohn.

Mukwikwi in sulwaclah mwe enenuh ac konwacack acn an ke tempuhl sasuc srackna kalweni, mweyen kuht kena mempucr nuh kwewa ohiyac in wi tempuhl ac tiac enenuh kihsackuhnlah pacl ac ma yohklac. Oacna ke kuht oruh ke pacl met ah, kuht ac kalweni in ahkkahlwemye sulwaclah an ke kain ma inge.

Ke nga nuhnkuh ke tempuhl, nuhnak luhk forlah nuh ke mwe insewowo puhspuhs ma kuht eis kac. Ke kuht utyak nuh ke sruhngucl luhn tempuhl, kuht tulohkohnwack ma wacngihn srihpac ac fohs luhn facluh. Lun lohm muhtahl inge, kuht konwacack ma kahto ac tahklac. Oasr monglac ke nguhnasr ac monglac likina elyah luhn moul lasr.

Ke kuht wi tempuhl, oasr kain ma luhn nguhn ac puhla luhn mihslac kuh in tuhkuh nuh sesr ma yohklac likina kuhtwena puhla ma kuh in tuhkuh nuh ke insiyacn mwet. Kuht ac kahlwem kalmac pwacye ke kahs luhn Mwet Lahngo ke El fahk: “Mihslac luhk sifacna pa nga usot nuh suwos. … Nikmet fosrngah kuh toasr, oacyacpac nikmet sahngweng.”¹

Kain mihslac inge kuh in som ahluhkwelah kuhtwena at—at ke mwe elyah, at ma toasr ke mwe ahsor, at ma puhla fohs, at ma siyuck ke kahsruh.

Fahna tari ah nga lotwelah ke mukul fuhsr suc wi tempuhl ke at ma siyuck ke kahsruh. Mahlwem puhs tari ah el eis pahng in kuhlwacnsap nuh ke misin fin acn South America. Tuhsruhktuh, visa lal pahtlac el in muh kuh in enenuh kuhlwacnsap ke misin fin acn United States. Finne el ahsor lah el tiac kuh in kuhlwacnsap ke acn el pahngohn wi met, el orekma nuh upac ke pahng sasuc lal, el sulwaclah in kuhlwacnsap ke kuh lal nohfohn. El muhtwacack in ahsorlac, tuhsruhktuh, ke srihpen mukwikwi koluk el liye ke misineri suc luhma nuh sel elos ke oruh mukwikwi pwacr likina akacsruhi wosasuc an.

Tukun kuhtuh mahlwem somlah mukul fuhsr inge muhtwacack in kweokkihn ma upac ke health lal ma oruh el in paralyze ke ip luhn mahnol, na el enenuh fohlohk nuh lohm sel ah ke som luhn ma medical.

Tukun kuhtuh mahlwem somlah mukul fuhsr an wolac nohfohn ke mas lal, ac paralysis lal wacngihnlac. El eis pweng lah el kuh in sulpac fohlohk in kuhlwacnsap ke misineri, mwe insewowo se el pruhe ke lwen nuh kwewa. Ma el ahsor kac pa pweng lah el ac fohlohk nuh ke misin oacna sie ke ma el som liki, misin el puhla mukwikwi ac ohiyacn kuhtuh misineri pa suhfal.

El tuhkuh nuh ke tempuhl in sokwack kahsruh ac ahkkweyeyuck lah el kuh in eis mukwikwi wo ke misineri se. Pahpah ac ninac kiyacl oacyacpac pruhe lah mukwikwi ke tempuhl an fah sang kahsruh ma wen nahtuhl enenuh an.

Ke mukul fuhsr utyak nuh ke infuckihl celestial tukun toeni luhn mwe sang muhtahl, el muhta ke siyah ac muhtwacack in pruhe ke kolyuck sin Pahpah tuhmwacl Inkuhsrao.

Sie sahyac suc utyak nuh ke infuckihl celestial ke pacl fototo pa mukul fuhsr suc inel pa Landon. Ke el fahsr nuh ke infuckihl sacn, el sa in liye mukul fuhsr an suc muhta ke siyah, muhtahl kal ac ke el pruhe. Landon el eis pihrihk lah el enenuh sramsram nuh sin mukul fuhsr se ingen. El tahfuh luo in tulokihn pruhe lal, tuhsruhktuh, el sulwaclah in sano. Tukun kuhtuh minit somlah ac mukul fuhsr ingen srackna pruhe, Landon el etuh el tiac kuh in sano ac lahfwekihn pihrihk an. El som nuh ke mukul fuhsr ac muhlahlah in kahl finpihsacl. Mukul fuhsr an ikacslah muhtahl, lut kuhtuh ke ma sikyak ah. Landon el kahkahsrihk fahk, “Nga puhla mokleyuck lah nga enenuh sramsram nuh sum, tuhsruhktuh, nga nihkihn srihpac se uh.”

Ke elos muhtwacack in sramsram, mukul fuhsr ikacslah insiyacl nuh sel Landon, el ahkuhtweyac ma sikyak ah ac ahksahfye ke kena lal in eis ahkkweyeyuck ac kahsruh ke misin lal. Landon, suc fohlohk ke misin wo ke yac se tari ah, sramsram ke mukwikwi lal, ma upac ac elyah lal el liye, ohiyacl ke el forwacng nuh ke kahsruh luhn Leum, ac mwe insewowo el eis kac. Kahs lal ahkkweyacl ac kahsrwel, ac ohiyac engan lal ke misin som nuh ke mukul fuhsr sacn. Tiac paht, sahngweng lal kahkahsrihk wacngihnlac, puhla se luhn mihslac tuhkuh nuh ke mukul fuhsr an. El puhla tarilacna loal ke el akihlen pruhe lal topukyuck tari.

Mukul luo pruhe tuhkweni, na Landon el ahkolah in som, engan lah el ukwe moklweyuck an ma tuhkuh nuh sel. Ke el tuyak in som, mukul fuhsr an siyuck sel Landon, “Oyac kom kuhlwacnsap misin lom an?” Nuh ke pacl se inge, wacngihn selos fahkwack ine ke misin ma elos kuhlwacnsap kac. Ke Landon el topuk ke inen misin lal, sron in muhtahl sikyang sel mukul fuhsr. Landon el kuhlwacnsap ke misin oacna sie ma mukul fuhsr ac fohlohk nuh kac!

Ke lwacta suhpweyucme fahna tari, Landon el akacsruhi nuh sihk kahs sahflah luhn mukul fuhsr nuh sel met liki elos fahsrelihk: “Oasr luhlahlfongi luhk lah Pahpah Lucng El ac ahkinsewowoyeyuc, tuhsruhktuh nga tiac kuh in luhlahlfongi lah El ac suhpwacma mwet se in kahsruh yuc suc kuhlwacnsap ke misin luhk. Nga etuh ma nohfohn ac wona.”² Pruhe inse puhsisacl ke insiyac pwacye lohngyuck ac topukyuck.

Tamuhlwel ac tahmtahel wiyuck, ke moul lasr kuht eis mwe sruhf; kuht ac sun ma upac. Ke kuht som nuh ke tempuhl, ke kuht esam wuhlweacng kuht oraclah we, kuht ac eis kuh in kuhtanglah mwe sruhf ingen ac kuh in muhtweng ahluhkwelah ma upac lasr. Lun tempuhl an kuht kuh in konwacack mihslac.

Mwe insewowo luhn tempuhl sacohk na pwacye. Sie mwe insewowo ma nga sruikihn lwen nuh kwewa ke moul luhk pa muhtwacn kiyuck, Frances, ac nga eis ke kuht sikuckmuhtuhntei tuhkweni ke loang muhtahl ac oraclah wuhlweacng an ma kaprikuhtlac nuh ke ma pahtpaht. Wacngihn mwe insewowo sacohk nuh sihk likina mihslac ac ahkkweyeyuck nga eis ke etuh lah el ac nga ac fah sulpac tuhkweni.

Nga pruhe lah Pahpah tuhmasr Inkuhsrao ac fah ahkinsewowoye kuht lah kuht ac eis nguhn luhn alu ke tempuhl, lah kuht ac ahkostwen nuh ke masap Lal, ac kuht kuh in ukwe fahsr luhn Leum ac Mwet Lahngo lasr, Jisus Kraist. Nga fahkwack lah El pa Mwet in Molwelah. El pa Wen nuhtin God. El tuhkuh ke puhpuhlyuck ke lututacng se met luhn Istuh, ac us Yohrohl mwe sang luhn moul ma pahtpaht nuh sin tuhlihk nuh kwewa nuhtin God. Ke lwen kahto inge, ke kuht ahkfuhlwactye ma sikyak ah, lwelah kuht in sang pruhe ke tarilacna ke mwe sang wolacna ac yohk Lal nuh sesr. Ke ma inge sikyak, nga pruhe ke Inel muhtahl, amen.