Lub Koom Txoos Qhov Chaw Kuaj Xyuas Nyiaj Lus Xov, 2014
Hais rau Thawj Pawg Thawj Tswj Hwm hauv Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg
Nyob zoo cov Kwv Tij: Ib yam li muaj tshwm sim hauv tshooj 120 hauv phau Lus Qhuab Qhia thiab Kev Khi Lus, Pawg Sab Laj uas Saib Xyuas txoj Kev Siv Nyiaj Feem Kaum—uas yog Thawj Pawg Thawj Tswj Hwm, Pawg Kaum Ob tug Thwj Tim, thiab Thawj Pawg Npisov—lawv pom zoo rau lub Koom Txoos txoj kev siv nyiaj. Cov koom haum hauv lub Koom Txoos muaj cai siv nyiaj raws li tau teem tseg thiab yuav tsum ua raws li lub Koom Txoos tej kev cai thiab tej kev coj.
Lub Koom Txoos Qhov Chaw Kuaj Xyuas Nyiaj yog ib co kws txawj uas tsis nrog lwm lub koom haum hauv lub Koom Txoos, uas muaj cai saib xyuas txhua yam ntaub ntawv thiab lwm yam khoom kom lawv thiaj kuaj tau seb puas pom zoo rau cov nyiaj uas tau txais, cov nyiaj uas tau siv, thiab puas tau ua tib zoo pov hwm lub Koom Txoos cov nyiaj.
Tam li tau kuaj lawm, lub Koom Txoos Qhov Chaw Kuaj Xyuas Nyiaj xav tias hais los txog tej nyiaj txiag cov nyiaj uas luag tej tau muab pub txoj kev siv nyiaj thiab txhua yam khoom hauv lub Koom Txoos thaum xyoo 2014, yeej muaj sau tseg thiab tau ua raws li lub Koom Txoos txoj kev siv nyiaj, tej kev cai, thiab tej kev suav nyiaj. Lub Koom Txoos ua raws li tej lus uas tau qhia rau cov mej zeej txog kev siv nyiaj kom txaus ua neej xwb, tsis txhob tshuav nqi, thiab ceev nyiaj tseg mus txog thaum lub sij hawm yuav tsum siv.
Sau npe,
Lub Koom Txoos Qhov Chaw Kuaj Xyuas Nyiaj
Kevin R. Jergensen
Tus Thawj Saib Xyuas Hauj Lwm