2010–2019
Lipoti a le Matagaluega Suetusi a le Ekalesia, 2014
Aperila 2015


Lipoti a le Matagaluega Suetusi a le Ekalesia, 2014

I Le Au Peresitene Sili o Le Ekalesia a Iesu Keriso o le Au Paia o Aso e Gata Ai

Uso Pele: E pei ona faamanino mai i le faaaliga o loo i le vaega e 120 o le Mataupu Faavae ma Feagaiga, o le Aufono e Faafoeina ia Sefuluai—lea e aofia ai le Au Peresitene Sili, o le Korama a Aposetolo e Toasefululua, ma le Au Epikopo Pulefaamalumalu—e faatagaina tupe faaalu o tupe a le Ekalesia. E faaaogaina e matagaluega a le Ekalesia tupe ia ogatusa ma paketi ua faamaonia, ma e tusa ai ma aiaiga ma faiga faavae a le Ekalesia.

Ua tuuina mai i le Matagaluega Suetusi a le Ekalesia, lea e aofia ai ni tamalii faapolofesa ma e tutoatasi lava mai isi matagaluega uma a le Ekalesia, le tiutetauave e faatino ai suegatusi mo le faamoemoega o le tuuina atu o le faamautinoaga talafeagai e tusa ai ma saofaga na tauaaoina, o tupe na faaalu, ma le malupuipuia o aseta a le Ekalesia.

E faavae i luga o suegatusi ua uma ona faatino, ua i ai nei i le Matagaluega Suetusi a le Ekalesia le manatu, o mea uma, o saofaga na tauaaoina, o tupe na faaalu, ma aseta a le Ekalesia mo le tausaga 2014, sa tusi faamaumau ma taulimaina e tusa ai ma paketi sa faamaonia, aiaiga faavae, ma faiga faatausitusi a le Ekalesia. E mulimuli le Ekalesia i faiga na aoao atu i ona tagata o le ola ai i totonu o se paketi, aloese mai aitalafu, ma teu tupe mo taimi o le le tagolima.

E tuuina atu ma le faaaloalo lava,

Matagaluega Suetusi a le Ekalesia

Kevin R. Jergensen

Pule Faatonusili