Pitratav—Hamara Anant Naseeb
Larry M. Gibson dwara
Haal hi mein Mukt Huwe Jawaan Purush Maha Adhyakshta ke Pehle Salaahkaar
Hum sab is jiwan mein Pita ke ashirvaadon ka aur Unke kaarye aur Unke mahima ki purti ka anantta mein humare parivaaron ke pita ban kar anand lein.
Jab mai chota tha mere pita ne mujhe ek badhiya paath sikhlaya. Usne dekha ki mera lagaao zyaada saansaarik cheezon me tha. Jab mere paas paisa hota, mai use turant kharch kar deta—hamesha apne hi liye.
Ek shaam woh mujhe kuch naye jute kharidne le gaya. Badi dukaan ke dusre maale par, usne mujhse khidki ke baahar dekhne ko bulaya.
“Tumhe kya dikh raha hai?” usne kaha.
“Imaaratein, aasmaan, insaan” tha mera jawaab.
“Kitne?”
“Bahut saare!”
Usne phir yeh sika apne jeb se nikala. Sikka mujhe dete hue, usne pucha, “Yeh kya hai?”
Mai turant jaan gaya: “Ek chaandi(silver) ka dollar!”
Apne chemistry ke gyaan ko kaam mein laakar, usne kaha, “Agar tum us chaandi ke dollar ko galaoge aur use sahi tatvon ke saath milaoge, tumhe silver nitrate milega. Agar hum is khidki par silver nitrate laga dein, tumhe kya dikhega?”
Mujhe nahin pata tha, isliye woh mujhe ek lambe aaina ke paas le gaya aur puch, “Ab tum kya dekh sakte ho?”
“Mai apne aap ko dekh raha hoon.”
“Nahin,” usne kaha, “tumhe chaandi mein apna chavi dikh raha hai. Agar tum chaandi par gaur karoge, tum sirf khud ko dekh paaoge, aur ek parde ki tarah, woh tumhe saaf tarike se Swarg ke Pita dwara tumhare liye tayyaar kiya gaya anant naseeb nahin dikhega.”
Larry,” usne kaha, “‘is duniya ki cheezon ko mat dhoondho … pehle … Parmeshwar ke raajye ko dhoondho, aur [Unke] dharm ki khoj karo, aur yeh sab vastuwein tumhein mil jaaegi’” (Joseph Smith Translation, Matthew 6: 38 [Matthew 6:33 mein, footnote a]).
Usne mujhe kaha ki mai woh dollar rakhun aur kabhi khona nahin. Har baar mai use dekhta, mujhe yaad karna hai Swarg ke Pita ka anant naseeb jo woh hamare liye rakhta hai.
Mujhe mere pita pasand the aur kis tarah woh sikhata tha. Mai uski tarah banna chahat tha. Usne mujhe sikhaya ki kais eek achcha pita bana jaata hai, aur mera sabse bada aasha hai ki mai unke uddharan jaisa ji raha hoon.
Hamare priye bhavishyevakta, Pradhaan Thomas S. Monson ne aksar kaha hai ki hamare nirnay hamara naseeb tay karte hai aur unke anant natija hota hai (dekhiye “Decisions Determine Destiny” [Church Educational System fireside, Nov. 6, 2005], 2; lds.org/broadcasts).
Tab, hamein, apne anant naseeb ka ek saaf drishye rakhna chahiye, khaaskar uska jo Swarg ke Pita chahate hai ki hum haasil karein—anant pitratav? Hamara anant naseeb hamare sabhi nirnayon ko tay karein. Chaahe jitna bhi kathin woh nirnay ho, Pita hamein sehyog dega.
Maine ek ayse laskhye ke baare mein seekha jab mai apne 12 aur 13 saal ke beton ke saath ek 50/20 pratiyogita mein gaya. 50/20 ka mtlab hai 50meel(80km) chalna 20 ghantein se kam samay mein. Humne 9 baje raat ko shuru kiya aur puri raat aur agle din bhi chalet rahe. Hamein 19 ghante lage, magar hum safal huwe.
Ghar lautne par, hum rengte huwe andar gaye, jahan ek pyaari patni aur maa ne ek pyaara bhojan tayyaar kiya tha, jise khaa bhi nahin paaye. Mera chota beta behosh ho gaya tha, kamzor, sofe par, jabki mera bada beta rengte huwe apne niche waale kamre mein gaya.
Peeda mein vishraam karne ke baad, mai apne chote bete ke paas dekhne gaya ki kya woh jiwit hai.
“Kya tum THEEK ho?” maine pucha.
“Pitaji, woh sabse kathin kaarye tha jo maine kiya, aur mai kabhi nahin karna chahata.”
Mai use nahin kehna chahata tha ki mai bhi nahin karunga. Balki, maine use bataya ki mai kitna garva mehsoos karta hoon ki woh safal huwa. Mai jaanta tha ki isse woh bhavishye ke kathin kaaryon ke liye tayyaar hoga. Is soch ke saath, maine kaha, “Beta, aao mai tumse ek vaada karun. Jab tum apne prachaar kaarye par jaao, tumhe kabhi ek din mein 50 meel nahin chalna padega.”
“Achcha, Pitaji! Tab mai jaaunga.”
In saral shabdon ne mere hriday ko aabhaar aur khushi se bhar diya.
Mai phir niche apne bade bete ke paas gaya. Mai uske bagal mein let gaya—phir use chuya. “Beta, kya tum bilkul theek ho?”
“Pitaji, woh sabse kathin kaarye tha jo maine kiya, aur mai use kabhi, bhi nahin karna chahata.” Uske aankh bandh huwe—phir khule—aur usne kaha, “Yadi mera beta chahega to.”
Mai rone laga use batlate samay ki mai uske liye kitna abhaari tha. Maine use kaha ki mai jaanta tha ki woh mujhse behtar pita banega. Maine bahut khushi mehsoos kiya kyunki is chote aur naazuk umra mein woh jaan gaya tha ki uska sabse pavitra purohiti zimmedaari hai ek pita ka. Woh us bhumika aur shirshak se nahin darta tha—woh shirshak jo Parmeshwar Khud chahata hai ki hum istemaal karein Unse baate karte samay. Mai jaanta tha ki meri zimmedaari thi pitratav ke ichchaaon ka poshan karna jo mere bete mein tha.
Uddhaarkarta ke in shabdon mein ab mujhe pita ke rup mein gehra matlab dikha:
“Putra khud se kuch nahin kar sakta, kewal woh jo Pita ko karte dekhta hai; kyunki [jin jin kaamo ko Woh] karta hai, unhe Putra bhi usi riti se karta hai” (John 5:19).
“Mai apne aap se kuch nahin karta, parantu jaise mere Pita ne mujhe sikhaya hai” (John 8:28).
Mujhe pasand hai ek pati aur pita hona— swargiye maata-pita ke chuni hui putri se vivaahit rehna. Mai usse prem karta hoon. Yeh mere jiwan ka ek sabse santoshprad bhaag hai. Us raat mera aasha tha ki mere paanch bete aur unki bahan hamesha mujh mein us khushi ko dekhein jo anant vivaah, pitratav, aur parivaar se milta hai.
Pitaaon, mujhe yakeen hai ki tumne yeh kahawat suni hai “Susamachaar ka prachaar sabhi samay karo, aur jab upyukt ho shabd istemaal karo” (attributed to Francis of Assisi). Har din tum apne bachchon ko sikhla rahe ho pita hone ka matlab. Tum agli peedhi ke liye buniyaad bana rahe ho. Tumhare bete pita aur pati banna tumhare in bhumikaaon ke ada karne ke tarike se seekhenge. Uddharan mein:
Kya woh jaante hai ki tum kitna unke maa se prem aur dulaar karte ho aur tum kitna pasand karte ho unka pita hona?
Woh seekhenge kaise aage chal ke apni patni aur bachhon se pesh aana hai jab woh tumhe Swarg ki Pita ke tarah har ek se pesh aate dekhenge.
Tumhare uddharan ke zariye, woh seekh sakte hai kaise mahilaaon ka aadar, sammaan, aur suraksha karte hai.
Tumhare ghar mein, woh seekhenge ki kaise apne parivaar ka adhyaksh prem aur sachchaai se karte hai. Woh seekhenge ki kaise apne parivaar ke liye jiwan ki zarooraton aur suraksha ko pradaan karenge—asthaayi aur dhaarmik rup se (dekhiye “Parivaar: Duniya ke Liye Ek Aupchaarik Ghoshna,” Ensign ya Liahona, Nov. 2010, 129).
Bhaaiyon, apne hriday ke puri shakti se, mai aapko is sawaal par gaur karne ko kehta hoon: Kya tumhare betein dekh rahe hai tumhe woh koshish karte huwe jo Swarg ke Pita chahata hai woh karein?
Mai aasha karta hoon ki jawaab haan hoga. Agar jawaab nahin hai, to abhi badalne ke liye bahut der nahin huwa hai, magar tumhe aaj shuru karna chahiye. Aur mai gawahi deta hoon ki Swarg ke Pita tumhari madad karenge.
Ab, tum jawaan purush, jinse mai bahut prem karta hoon, tum jaante ho ki tum tayyaari kar rahe ho Melchizedek Purohiti, pavitra mandir dharamvidhiyon ko praapt karne, pure-samay ka mission ke liye karm aur pratigya ko pura kar rahe ho, aur phir, bina bahut der intazaar kiye, mandir mein Parmeshwar ki ek putri se vivaah karke aur ek parivaar shuru karoge. Tum tab apne parivaar ko dhaarmik cheezon mein agwaai karoge Pavitra Aatma ke maargdarshan mein (dekhiye D&C 20:44; 46:2; 107:12).
Maine duniy bhar mein kayi jawaan purshon se pucha hai, “Tum kyun yahan ho?”
Ab tak, ek ne bhi jawaab nahin diya hai, “Ek pita banna sikhne ke liye, taaki mai jo Swarg ke Pita ke paas hai paane ke liye tayyaar aur yogye rahun.”
Aao hum tumhare Aaronic Purohiti ke kartavvyon ko dekhein jaisa Doctrine aur Covenants ke bhaag 20 mein batlata hai. Dhyaan dein tum kya mehsoos karte ho jab mai in kartavvyon ko parivaar mein tumhare sewa se jodta hoon.
“Sab ko[apne parivaar waalo ko] amantrit karein Maseeh ki or” (verse 59).
“[Unki] dekhbhaal hamesha karein, aur unke saath rahein aur unhein mazbooti dein” (verse 53).
“Prachaar karein, sikhlaaye, samjhaaye, updesh, aur baptisma dein” apne parivaar sadasyon ko (verse 46).
“Unhe awaaz dekar prarthna karne ka updesh dein aur gupt sthaan mein bhi aur sabhi parivaarik kartavvye ko pura karne mein” (verse 47).
“Dekhiye ki [tumhare parivaar] mein koi galat kaam na ho, na to ek dusre se man motaao, na to jhut bolna, chugli karna, na to bura bolna” (verse 54).
“Dekhein ki [tumhare parivaar] aksar saath milte hai” (verse 55).
Apne pita ki sahayta karo ghar ki mukhya ke rup mein. Apni maa ka sahara bano purohiti ke shakti se jab pita nahin maujood ho (dekhiye verses 52, 56).
Jab kaha jaaye, “priest, teachar, aur deacon ko niyukt kijiye” apne parivaar mein (verse 48).
Kya yeh ek pita ka kaam aur bhumika jaisa nahin sunaai deta?
Apne Aaronic Purohiti ke kartavvyon ko pura karne se tum jawaan purush apnepitratav. ke liye tayyaar hote ho. Duty to God saadhan tumhe apne kartavvyon ko seekhne aur unhe pura karne ke yojna ko banane mein madad kar sakta hai. Woh ek maargdarshan aur sahara ho sakta hai jab jab tum Swarg ke Pita ki ichcha dhoondhoge aur use pura karne ke liye lakshye banaoge.
Swarg ke Pita ne tumhe yahan is samay laaya hai ek khaas kaarye aur anant lakshye ke liye. Woh chahata hai ki tum saaf rup se dekho aur samjho kya woh lakshye hai. Woh tumhare Pita hai, aur tum hamesha unse maargdarshan maang sakte ho.
Mai jaanta hoon ki Swarg ka Pita hum sab ki bahut parwaah karta hai aur uske paas ek alag yojna hai jisse hum apna anant naseeb paa sakte hai. Usne Apna Eklauta Putra, Ishu Maseeh, ko bheja hamein Praeshchit ke dwara apne trutiyon se vijay paane ke liye. Usne hamein Pavitra Aatma ka ashirvaad diya taaki hum gawaah, saathi, aur maargdarshak bane apne anant naseeb ke agar hum Unpar bharosa rakhe. Hum sab is jiwan mein Pita ke ashirvaadon ka anand lein aur Unke kaarye aur Unke mahima ki purti ka anantta mein hamare parivaaron ke liye anantta tak pita bankar (dekhiye Moses 1:39). Ishu Maseeh ke naam se, amen.