2010–2019
Fohlohk nuh ke Luhlahlfongi
April 2015


Fohlohk nuh ke Luhlahlfongi

Every one of us can strengthen our faith in Jesus Christ on our individual journey and find joy.

Ke lututacng se inge luhn Istuh, Prestuhn Monson, kuht sruikihn lohng puhsren mwet pahluh moul lasr uh. Kuht sacohkkihn kahs lom, wi pac kaiyuck lom: “Konwacack engan ke fuhfahsryucsr”1ac “Pacl fahsruh uh kahlwem oacna luhlahlfongi lom.”2

Ke yac se inge tuhlihk ke U luhn Tuhlihk Srihsrihk elos akacsruhi engan ac kahlwem ke luhlahlfongi lalos nuh sin Jisus Kraist ke elos onkihn “I Know That My Savior Loves Me.” Elos onkihn ma pwacye: “Nga etuh El moul!... Insiyuck nga sang nuh Sel.”3 Oacna tuhlihk ke U luhn Tuhlihk Srihsrihk, kuht nuh kwewa kuh in ahkfokokoye luhlahlfongi lasr nuh sin Jisus Kraist ke fuhfahsryucsr lasr sifacna ac konwacack ma engan.

Ke Rilif Sosaiti fahna tari ah nga lohng ninac fuhsr se akacsruhi ip ke fuhfahsryucsr lal in eklac. El kapwack ke Alu yurin pahpah ac ninac suc lotwel wosasuc an. El wi U luhn Tuhlihk Srihsrihk, Muhtwacn Fuhsr, ac kuhlahs luhn mwet fuhsr. El luhngse lutlut ac konwacack ma pwacye. El suk in etuh “efuh” pacl nuhkwewa. Elder Russell M. Nelson el fahk, “Leum El kuh in luti mwet suc nuhnak in kisensiyuck muhkwena.”4 Ac muhtwacn fuhsr se inge el kuh in lutiyuck.

Tukun high school el wi university se, siliyucklac lun tempuhl nuh ke mukul se suc fohlohk ke misin an, ac ahkinsewowoyeyucklac ke tuhlihk kahto.

He ohiyacn kihsen siyuck, ninac se inge kalweni in siyuck kihsen siyuck an. Tuhsruhktuh kihsen siyuck upaclac, ac wi pac top nuh kac. Ac kuhtuh pacl wacngihn top kac—kuh wacngihn top ma us mihslac kac. Tukun kuhtuh pacl ke el suk in konwacack top uh, yohklac kihsen siyuck likina met sikyang ac el muhtwacack in kihsen siyuck ke kuhtuh ip ke pwelucng luhn luhlahlfongi lal.

Ke pacl fohs inge, kuhtuh sin mwet fototo nuh sel fahk, “Luhlahlfongi na ke srihpen luhlahlfongi luhk,” tuhsruhktuh el nuhnkuh, “Nga tiac kuh. Kom tiacna kahlwem; kom tiac elyah ke ma koluk inge.” El ahkuhtweyac, “Nga kuh in kuhlwacng nuh selos suc wacngihn suhmuhngnguh selos, elos fin kuh in kuhlwacng nuh sihk.” Ac puhslac oruh an.

El fahk, “Pahpah ac ninac kiyuck elos etuh insiyuck ac tiac ahkkolukyeyuc. Elos sulwaclah in luhngse nga ke nga srihke in sifacna konwacack.” Oacna sie, pisap luhn ninac fuhsr inge ohsun nuh sel ac sramsram ke luhlahlfongi lal nuh sel.

Mempucr ke ward an tiac tahfuh luo in sang luhngse, ac el puhla weacng. Ward lal tiac acn se in luhman suwohswohs; pa acn se in ahkkweye sie sin sie.

“Ma na pwacr se,” el esam. “Ke pacl se inge nga puhla fototo nuh sin pahpah ac ninac mahtuh kiyuck suc misac tari. Elos kwacfeyuc ac kahsrweyuc in kampare. Nga puhla oacna elos fahk, ‘Lohacng nuh ke ma kom etuh.’”

Finne ke u yohk in kahsrwel, el tilac wi alu. El fahk, “Nga tiac fahsrelihk ke Alu ke srihpen mukwikwi koluk, sruhnga ma luhn nguhn, suk ke srihpac in tiac moulkihn masap an, kuh suk ke ohiyac fihsracsr an. Nga puhla nga enenuh top nuh ke kihsensiyuck ‘Meac nga luhlahlfongi nuh pwacye?’”

Ke pacl se ingen el riti puk ma sihmlac sin Ninac Teresa, suc akacsruhi puhla oacna sie. Ke lwacta ma sihmlac ke yac [sie yucfoko luhmngucul tolu] 1953, Ninac Teresa el suhmuhslah: “Nuhnak muhnahs pruhe keik lah nga tiac ahkkolukye orekma Lal ac lah Leum Lasr kuh in ahkkahlwemye El sifacna—mweyen oasr ma lohsr in nga, oacna ma nuh kwewa misac keik. Oacna ma inge e ke nga muhtwacack ‘orekma an.’ Siyuck Leum Lasr in use puhlaik.”

Archbishop Périer el topuk: “God El kol kom, Ninac sacohk; kom tiac oasr ke ma lohsr oacna kom nuhnkuh. Inkacnek in ukweyuck tiac fihsracsr in liye pacl nuh kwewa. Pruhe ke kahlwem; tiac oruh sulwaclah sa, lohng nuh ke ma mwet sahyac fahk, motko ke srihpac lalos. Kom ac konwacack ma se in kahsruh kom pacl nuh kwewa. … Kolyuck ke luhlahlfongi ke pruhe ac ke srihpac ke luhngse suwohs oasr ma fal sum.”5

Kawuck se luhk el nuhnkuh Ninac Teresa el fin kuh in moulkihn alu lal ke wacngihn top nohfohn ac wacngihn puhla suwohswohs ke ma nuh kwewa, sahp el kuh pac. El kuh in fahsr nuh met ke luhlahlfongi—na kalweni fahsr. El kuh in lohacng nuh ke ma pwacye el luhlahlfongi tari ac lwelah ma pwacye inge in nwacklah nuhnak lal ac insiyacl.

Ke el motko ke pacl met ah, el fahk, “Fahkwack luhlahlfongi luhk eklac in oacna yol luhn apact. Ma ingen nohfohn isislac. Ma sefanna luhlah pa Jisus Kraist.” El kalweni, “Tuhsruhktuh El tiac som liki kom ke oasr kihsen siyuck. Kuhtwena pacl mwet se srihke karihngihn masap an, sruhngucl ikacklah nuh pwacye. Pruhe ac lutlut ke ma suhmuhslah enenweyuck yohk.”

Ip se met in sifilpac muhsaheack luhlahlfongi lal muhtwacack ke ma pwacye fihsracsr ke wosasuc. El moli sie puk in on luhn U luhn Tuhlihk Srihsrihk ac muhtwacack riti on an. On ingen ma sacohk sel. El pruhe ke luhlahlfongi in eslah ma toasr el puhla uh.

El lotwelah muh ke el ohsun nuh ke fahkwack se ma oruh el in suhmuhngnguh, el “kuh in tui, liye petsac nohfohn, ac liye wosasuc oacna kuhpahsryang nuh ke moul lal sifacna.” El fahk, “Nga ac siyuck, ‘Yac pa inge inkacnek suwos keik ac ke sucu luhk an?’ Kuhtuh pacl nga ac siyuck sihk sifacna, ‘Meac nga luhngse ke tuhlihk nuhtihk?’ Nga akihlen nga kena elos in pahyuck ke tempuhl. Pa inge pacl ma luhlahlfongi fohlohk nuh ke insiyuck.’”

Elder Jeffrey R. Holland el fahk, “Insepuhsisacl, luhlahlfongi, ac kolyuck sin Nguhn Muhtahl [ac fah] ip ke fuhfahsryucsrnuh kwewake sokwack ma pwacye.”6

Finne oasr kisensiyuck ke ohiyac ma Puk luhn Mormon tuhkuh in oasr, el tiac kuh in lahfwekihn ma pwacye el etuh ke Puk luhn Mormon. El som in lutlut ke Wuhlweacng Sasuc in kahlwem yohk likina met ke Mwet Lahngo. “Tuhsruhktuh,” el fahk, “Nga konwacack nga ke fohlohk nuh ke Puk luhn Mormon ke srihpen nga luhngse ma nga puhla ke nga riti ke Jisus Kraist ac Iwaclah Lal.”

El ahksahfye fahk, “Enenuh in oasr mukwikwi lom sifacna ke nguhn ke ma pwacye luhn puk se ingen,” ac el wi kain ma ingen. El ahkuhtweyac, “Nga riti ke Mosiah ac puhla kolyuck. ‘Luhlahlfongi ke God; luhlahlfongi lah El oasr, ac lah El oraclah ma nuhkwewa… ;luhlahlfongi lah lahlmwetmwet nuhkwewa oasr Yohrohl, ac kuh nuhkwewa, kwewana inkuhsrao ac fin facluh; luhlahlfongi lah mwet uh tiac kuh in etuh ma nuhkwewa suc Leum El kuh in etuh.’7

Ke pacl inge pahng se tuhkuh in kuhlwacnsap ke mwet sritacl piano ke U luhn Tuhlihk Srihsrihk. “Ma sef inge,” el fahk. “Nga luhngse tuhlihk nuhtihk in oasr ke U luhn Tuhlihk Srihsrihk, ac ingena nga kuh in weluhlos. Ac nga soenna ahkolah in luti.” Ke el kuhlwacnsap, el kalweni puhla ma sin mwet raunwellah: “Tuhkuh, kuht luhngse kom finne ohiyac lom ke ma luhn nguhn, ac kuht ac kahsruh kom. Use nuh sesr kuhtwena ma kom kuh.”

Ke sritacl on ke U luhn Tuhlihk Srihsrihk, el sifacna nuhnkuh yohk: “Pa inge ma pwacye nga luhngse. Nga kuh in srackna fahkwack luhlahlfongi luhk. Nga ac fahk ma nga etuh ac luhlahlfongi muhkwena. Sahp tiac ma suwohswohs in sang, tuhsruhktuh pa mwe sang luhk. Ma nga lohacng nuh ke uh kalweni in kapwack sihk. Ma na kahto se in fohlohk nuh ke ma fihsracsr ke wosasuc ac puhla kahlwem.”

Ke lututacng luhn Sacnri se ingen, ke nga lohng tahmtahel fuhsr se inge akacsruhi fuhfahsryucsr lal, nga ahkacsmakihnyeyuck lah ke yot luhn Mwet in Molwelah lasr kuht enenuh muhsahi pwelucng lasr uh.8Nga oacyacpac ahkacsmakihnyeyucklac ke kaiyuck lal Elder Jeffrey R. Holland: “Sruokyac nuh ke ma kom etuh ac tu fokoko nuh ke mwe etuh sahyac tuhkuh.”9

Ke lesin lal, nga etwaclah yohk likina met lah top nuh ke kihsen siyuck pwacye lasr tuhkuh ke kuht suk nuh pwacye ac ke kuht moulkihn masap an. Nga ahkacsmakihnyeyucklac lah luhlahlfongi lasr kuh in kahsruh kuht ahluhkwelah ma kuht tiac kahlwem.

Ac, oh, nga arulacna ke oacna elos suc kahsruh ninac fuhsr se inge, luhngse ac ahkkweyacl. Oacna Prestuhn Dieter F. Uchtdorf el fahk: “Kuht nohfohn pilgrim suc suk ke kahlwem luhn God ke kuht fahsr ke inkacnek in mwet tuhma lutlut. Kuht tiac ahkkolukye mwet sahyac ke pihsacn kahlwem oasr yohrohlos; tuhsruhktuh, kuht kahsruh ac ahkkweye kahlwem nohfohn nuh ke suwohswohs, kahlwem, ac pwacye.”10

Ke tuhlihk ke U luhn Tuhlihk Srihsrihk onkihn “A Child’s Prayer,” elos siyuck: “Pahpah Lucng, yac kom oasr? Ac kom ac lohng ac topuk pruhe luhn tuhlihk nuh kwewa?”11

Sahp kuht pac motko, “Oasr Pahpah Lucng pwacye?” na in engankihn—oacna kawuck se luhk el oruh—ke top tuhkuh ke moklweyuck, mihslac ac fihsracsr. Nga fahkwack lah moklweyuck fihsracsr tuhkuh ke luhngse Lal eklac luhngse lasr. Nga fahkwack muh ma pwacye oasr fin facluh mihsenge ac wosasuc Lal oasr ke Alu luhn Jisus Kraist luhn Mwet Luhlahlfongi Lal ke Lwen-sahflah. Ke inen Jisus Kraist, amen.

Mwe kahsruh

  1. Thomas S. Monson, “Finding Joy in the Journey,”Ensign kuhLiahona, Nohfuhmpuh 2008,85.

  2. Thomas S. Monson, “Be of Good Cheer,”Ensign kuhLiahona,Mei 2009.

  3. “I Know That My Savior Loves Me,” keI Know That My Savior Loves Me: 2015 Outline for Sharing Time(2014), 28–29.

  4. Russell M. Nelson, ke M. Russell Ballard, “What Came from Kirtland” (Brigham Young University fireside, Nohfuhmpuh 6, 1994); speeches.byu.edu.

  5. Mother Teresa: Come Be My Light—The Private Writings of the Saint of Calcutta,ed. Brian Kolodiejchuk (2007), 149–50.

  6. Jeffrey R. Holland, “Be Not Afraid, Only Believe” (ekuh yohrohl Elder Jeffrey R. Holland, Fepweri 6, 2015);lds.org/broadcasts.

  7. Mosiah 4:9.

  8. Liye Helaman 5:12.

  9. Jeffrey R. Holland, “Lord, I Believe,” Ensignkuh Liahona,Mei 2013, 94.

  10. Dieter F. Uchtdorf, “Receiving a Testimony of Light and Truth,” EnsignkuhLiahona,Nohfuhmpuh 2014, 22.

  11. “A Child’s Prayer,” Children’s Songbook, 12.