On ke Wosasuc uh

Yac ekahsr tari ah nga lohng radio interview ke sie taktuh fuhsr suc orekma ke sie lohm ono ke acn Navajo Indian reservation fin acn Arizona. El fahk ke ma el puhlakihn ke sie fong ke sie mukul mahtuh Native American suc pihraklah loes aunsifac utuckyak nuh emergency room. Taktuh fucsr sac eis clipboard lal ah, fahsr nuh yurin mukul sac, ac fahk, “Nga kuh in kahsrwe kom fuhkah?” Mukul mahtuh sac ngwetwacng nuh met na ac tiac fahk kuhtwena ma. Taktuh sac, luhman puhla semuhtweng, ac sifilpac srihke. “Nga koflah kahsrwe kom fin kom ac tiac sramsram nuh sihk,” el fahk. “Fahk nuh sihk lah efuh kom tuhkuh nuh lohm ono uh.”

Na mukul mahtuh sac ngwetacng nuh sel ac fahk, “Kom etuh tacn?” Ke taktuh fucsr sac motko ke kihsen siyuck usrnguck sac, el muhtwacwacack in nuhnkuh lah sahp mwet ono sacn pa mwet taktuh indian se suc, oacna ke facsin mahtuh ke tribe uh, srihke in kahsruh mwet mas ke on ac tacn sahyacn na ke ono ac ituckyang an.

“Moh,” taktuh sac el fahk, “Nga tiac tacn. Kuh kom tacn?” Mukul mahtuh se srihm ahok. Na taktuh sac siyuck, “Kuh kom kuh in lutiyuh ngan tacn?”

Top luhn mukul mahtuh sac ke yac pucspucs oruh nga in motko yohk. “Nga kuh in luti kom in tacn,” el fahk, “tuhsruk kom enenuh in lohng on uh.”

Kuhtuh pacl ke lohm sesr ah, kuht oruh wo in luti step ke tacn uh tuhsruhk kuht tiac oruh wo in kahsruh sucu lasr in lohng on uh. Oacna ke mukul ono mahtuh sac etuh uh, ac ma upac se in tacn fin wacngihn on. In tacn ke wacngihn on pa ma mwekihn ac suhfal—oacyacpac ma isrucnyuck. Kuh kom nuh srihke ma ingacn?

Ke section (alkosr) 8 ke Doctrine and Covenants, Leum El lotwel Joseph Smith ac Oliver Cowdery lah El fah fahk nuh selos ke nuhnak ac insiaclos, ke Nguhn Muhtahl, ma fah tuhkuh nuh faclos ac(oan insiaclos). Kuht etwaclah step ke tacn uh ke nuhnak lasr uh, tuhsruhk kuht lohng on uh ke insiacsr. Step ke tacn ke wosasuc uh pa ma kuht oruh; on ke wosasuc uh pa engan luhn nguhn kuht puhla ma tuhkuh ke Nguhn Muhtahl uh. Ma inge use sie eklac ke insiac ac pa kahsruh ke kena suwohswohs nuh kwewa uh. Step ke tacn uh enenuh kai, tuhsruhk engan ke tacn uh fah puhlakihnyuck muhkwena ke kuht kuh in muhtwacwacack in lohng on uh.

Oasr kuhtuh mwet suc ahkkolukye mempucr ke Alu uh ke ma kuht oruh uh. Ma ingacn etweyuck. Mwet suc tacn uh kwacna ngwetngwet siena kuh mwekihn kuh, in orekmakihn sie ohiyacn kahs, “peculiar kuh siena” (1  Piter 2:9) nuh sin mwet suc koflah lohng on uh. Kuh kom nuh tui ke stohsah okom an ke sie stoplight sisken stohsah soko ma driver sacn tacn ac on ke kuh lal nohfohn tuhsruhk kom koflah lohng kuhtwena ma ke srihpen winto lom an kaul? Yac atacl luhman tiac seina na pwacye kuhtuh? Fin tuhlihk nahtuhsr uh etwaclah step in tacn an sahyacn in lotwelah in lohng ac puhla on kahto ke wosasuc uh, elos ke pacl na sa fah puhla mwekihn ke tacn uh ac fah tilac tacn kuh, apkuhran in koluk oacna, kalweni in tacn ke na srihpen pahtokyuck ma elos puhla sin mwet sahyac suc tacn raunweloslac uh.

Ma upac nuh sesr nohfohn suc suk in luti wosasuc uh pa in ahkyohkye mwe luti yohk likina step ke tacn uh. Engan luhn tuhlihk nahtuhsr uh wiwina kuhiaclos in lohng ac luhngse on kahto ke wosasuc uh. Kuh kuht ac oruh fuhkah?

Ma se met, kuht enenuh in moulkihn moul lasr ke wosasuc kuht in muh puhla mokleyuck luhn nguhn. Pacl loeloes somlah ah, met liki pacl luhn computer, kuht sokack radio station pahiyacsr ke kahkahsrihk urok radio dial nuh ke ac tahklac suwohs ke station lasr uh. Ke kuht apkuhran sun nacmpuh sacn, kuht kuh in lohng kihrarrar na. Tuhsruhk ke kuht urohklah suwohs na pwacye, on pahiyacsr uh ac kuh in lohngyuck kahlwem. Ke moul lasr uh, kuht enenuh in lohacng yohkna nuh ke station na pwacye uh in kuh in lohng on ke Nguhn uh.

Ke kuht eis mwe sang luhn Nguhn Muhtahl tukun pacptais uh, kuht sesseslah ke on inkuhsrao ma wi eklac uh. Insiacsr eklac, tuh wacngihnlac kena lasr in oruh ma koluk, tuh in tahfwelah in oruh wo. Tuhsruhk Nguhn tiac kuh in oasr ke ma sekuhlwacng kuh fuhlwact kuh sok(Mosiah 5:2).Fin wacnghihnlac lasr mokleyuck fihsrwacsr ke moul lasr uh, ma wowo ke wosasuc uh kuh in sana eklac tahfonglac ac kuh in wacngihnlac. Alma el siyuck kihsensiyuck in motko se: “Kowos fin puhlakihn in onkihn on ke luhngse moliyucklac, ngwac siyuck, yac kowos kuh in puhla inge?” (Alma 5:26).

Pahpah ninac uh, fin moul lasr uh tiacna wi nuh ke luti luhn wosasuc uh, kuht enenuh in ekuhllah. Oacna Prestuhn Thomas S. Monson el luti kuht Ohktohpa tari ah, kuht enenuh in motko inkacnek ke niacsr uh (liye “Ponder the Path of Thy Feet,” Ensignor Liahona, Nohfohmpuh 2014, 86–88). Kuht etuh ohiyac in oruh uh. Kuht enenuh in fahsr ke inkacnek soko pacna ma kuht fahsr kac ke kuht lohng pacl se emet usru inkuhsrao ke on ke wosasuc uh. Kuht ahkyohkye luhlahlfongi ke Kraist, auliyak, ac eis kuhfa luhn Leum; kuht puhla fokoko ke mokleyuck luhn Nguhn Muhtahl; ac on ke wosasuc uh muhtwacwacack in sifilpac sritacl ke moul lasr uh.

Ahkluo, ke kuht kuh in lohng on uh sifacna, kuht enenuh in srihke kuhiyacsr in oraclah ma ingacn lohm sesr ah. Ma ingacn tiac sie ma ma kuh in ahkkohsyeyuck kuh sikyak na. Wacngihn mwet kuh in sruokyacna kuhtwena kuh kuh mokleyuck ke ma wo luhn pristut—kuh ke ma wo ke in pahpah kuh ninac kuh ma yohk emet kuh wohwohn emet—sahyacn ke pahtok, muhtweng in kweok, fihsrwacsr, puhsisacl, ...ac ke luhngse pwacye ke kuhlwacng (liye D&C 121:41–42).

Efuh kuh elah inge in kol nuh ke kuh yohkwaclihk ac mokle sie lohm? Ke srihpen ma inge pa elah ma suli Nguhn luhn Nguhn Muhtahl. Ma inge pa elah ma urohklah insiacsr nuh ke on ke wosasuc uh. Ke kuht oasr uh, step ke tacn an fah oreklac arlac wo ac ke engan sin mwet tacn nuh kwewa ke sucu uh, sahyacn enenuh nuh ke ahkkoluk kuh ahkinsesrihk kuh kena yohk in oruh ma uh.

Ke tuhlihk nahtuhsr uh srihk, kuht kuh in on nuh selos lullaby ke luhngse pwacye, ac ke elos lihkeke ac sruhnga in mutullac ke fong uh, kuht ac enenuh in onkihn lullaby ke kweok in muhtweng. Ke elos mwet fuhsr lac uh, kuht kuh in ngwetngwet lucngi kain puhsrwen akuhkuhin ac ahkkoluk ac, sahyacna, oruh on kahto ke pahtok—ac sahp onkihn fuhs ahkluo ke lullaby ke kweok in muhtweng an. Pahpah ninac an kuh in oraclah sie ma wowo suwohs ke elah wo ke fihsrwacsr ac puhsisacl. Kuht kuh in suli tuhlihk nahtuhsr uh in onkihn wi kuht tuhkweni ke kuht pracktis kuhlwacng nuh sin sie mwet tuhlan suc enenuh kahsruh.

Ac tiac tuhkuh pacl sefanna. Oacna mwet on oraclah wo nuh kwewa etuh uh, ac enenuh pracktis oaru in oraclah on kahto uh. Fin kuh sa ke oraclah on uh oacna in tiac insese ac tiac wo, esam lah tiac insese uh koflah ahkwoyeyucklac ke ahkkoluk uh. Tiac insese lohm ah oacna lohsr lun sie infuckihl. Wacngihn srihpac in srasrol nuh ke lohsrlohsr uh. Kuht kuh in oruhlohsr in som muhkwena ke ahkuhtweyac kahlwem.

Oruh fin bass (pes) ke choir in sucu lowos an upaclaclac ac fokokolac, kuh fin string section ke orchestra in sucu lowos an fuhlwact laclac kuh ahmahtuh, kuh fin tuhlihk srihsrihk rahrah ingacn stuhelac kuh tiac ukwe on an, mongfihsrwacsr. Kowos fin tiacna lohng on ke wosasuc in lohm suwos an, nuhnak muhnahs esam kahs luo inge:pracktis na.Ke kahsruh luhn God, lwen se fah tuhkuh ke on ke wosasuc uh fah nwacklah lohm suwos an ke engan koflah sruhmuhnyuck.

Finne ke oraclah wo uh, on uh fah tiacna ahkwoyelah elyah lasr uh. Ac fah srwackna ma wo ac koluk ke moul lasr uh, pacl ke ma wo ac pacl ke ma upac uh. Kain ingacn pa ohiyacn moul in mahno lasr uh.

Tuhsruhk ke kuht sang on nuh ke step ke tacn uh, kuhtuh pacl uh pit tiacna oacna sie ke moul ke pahyuck uh ac sucu uh kwacna fahsr nuh met nuh ke sie ma wowo. Finne ma upac lowos emet uh fah sang puhsra ahsor fokoko ac mukwikwi kalweniyuck uh. Mwe luti ke pristut uh fah muhtwacwacack in puhtati nuh fin nguhnasr oacna aunfong inkuhsrao uh. Nguhn Muhtahl fah wi kuht pacl nuh kwewa, ac scepter nahtuhsr uh—sie kalmeyac kahlwem in ahkfokoko ac mokle—fah soko scepter tiac ekyek ke ma suwohswohs ac pwacye. Ac ma nuh kwewa lasr fah sie usru ma pahtpaht. Ac sahyacn ma enenuh suwohs ac fah tuhkuh nuh yohrohsr ma pahtpaht (liyeD&C 121:45–46).

Tuh ma inge in oacna ke kais sie moul lasr ac lun kais sie lohm sesr pa finsrak luhk ke inen Jisus Kraist, amen.