2010–2019
Tohkohsrahi Lom in Tuhkuh
April 2015


Tohkohsrahi Lom in Tuhkuh

In liye ac luhlahlfongi ma usrnguck luhn Leum in oraclah tohkohsrahi Lal kuh in kahsrwe kuht liye ac luhlahlfongi lah Pahol orekma ke moul lar sifacna uh.

Ke kuht on uh, nga mokleyuck na pwacye ke nuhnak ma lah ke pacl se pacna inge ke pacl siofok ke tausin ah, sahp miliacn, sin Mwet Luhlahlfongi oasr luhlahlfongi ke puhs liki muhtuhnfacl 150, ke kahs siena 75,1kuht tuhkweni sruhkwack puhsrwacsr nuh sin God, onkihn:

Tuhkuh, O kom Tohkohsrah luhn Tohkohsrah uh!

Kuht tuhpan kom ke pacl loes,

Ke unwelah ke po sohksohk luhk,

In fuhlwelah mwet uh.2

“Kom Tohkohsrah luhn Tohkohsrah uh!”3Kuht mwet luhlahlfongi ke sucu na luhlahp se facluh nohfohn,

Kuht eis nuh facsr Inel, ac kais sie wik ke kuht ipeis ke kuhfa luhn Leum, kuht olwelah lah kuht fah esamuhl ac liyacacng masap Lal uh. Kuht loeslac liki suwohswohs, tuhsruhk kuht eis luhlahlfongi lasr uh arlac pwacye. Kuht luhlahlfongi Kacl. Kuht Ahkfuhlwactyacl. Kuht Ukwacl. Kuht luhngse El na pwacye. Srihpac Lal uh pa mukwikwi yohk ke facluh nohfohn uh.

Kuht moul, tamuhlwel ac tahmtahel, ke lwen met liki Tuhkuh Ahkluo luhn Leum, sie pacl loeloes tuhpanyuck sin mwet luhlahlfongi ke ma mahtuh luhn facluh. Kuht moul ke lwen ke mweun ac kihsen mweun uh, lwen ke ma upac sikyak facluh, lwen ke facluh tiac insese ke fohsack ac tohrkahskahs.

Tuh kuht oacyacpac muhta ke pacl wolacna luhn Sifil Moulyak, ke wosasuc uh utucklac nuh fin facluh nohfohn—sie pacl ke Leum El olwelah lah El fah tuhfahlah mwet nwacsnwacs uh”4ac ahkoeloslac “ke suwohswohs ac ke kuh luhn God.”5

Kuht ahkfuhlwact ke lwen lasr inge ac pruhe tuh kuht fah kuh in puhlaik in sun ma upac ac tiac ahkolah nuh kac lasr uh. Ma upac ke kuhtuh ma uh koluk na pwacye liki kuhtuh ma sahyac uh, tuh mwet nuh kwewa ac puhlakihn. Elder Neal A. Maxwell el fahk sie pacl ah, “Fin ma nuh kwewa oreklac suwohs nuh suwos ingena, na sano.”

Finne Leum El sifilpac ahkacsmakihnye kuht pacl nuh kwewa in “tiac sahngweng,”6liyacacng sie nuhnak kahlwem ac in etuh tari ke facluh se inge el tiacna fihsrwacsr ke kuht oasr infulwacn ma upac uh.

Prestuhn Thomas S. Monson el lutiyuc sie lesin na yohk srihpac ke liyacacng sie kahlwem ma pahtpaht.

Yac singucul alkosr somlah ah ke forfor ke soko train fin acn Switzerland weluhl Prestuhn Monson, nga siyuck sel ke kunohkohn toasr lal uh. Top lal uh ahkkweye luhlahlfongi luhk uh. “Ke Prestuhnsi Se Met,” el fahk, “kuht oruh ma nuh kwewa kuht kuh in kahsruh ahkfahsrye orekma se inge. Tuh pa inge orekma luhn Leum ac El kol. El pa ikwik kac uh. Kuht puhla wo na pwacye ke kuht liyacl ikucslah sruhngucl kuht koflah ikucslah ac oruh usrnguck kuht tahfuhluo in oruh uh.”7

Tamuhlwel ac tahmtahel, in liye ac luhlahlfongi usrnguck luhn Leum ke oraclah tohkohsrahi Lal fin facluh kuh in kahsrwe kuht liye ac luhlahlfongi moklweyuck luhn Leum ke moul lasr sifacna uh.

Leum El fahkwack, “Nga kuh in oruh orekma Luhk sifacna.”8Kais sie sesr srihke in oruh ip lasr, tuh El pa mwet oraclah ma nuh kwewa. Ye kolyuck luhn Pahpah Tuhmwacl, El oraclah facluh se inge. Leum El oraclah ma nuh kwewa ac wacngihn kuhtwena ma tiac oreklac Sel.”9Ke kuht nguhtwaclihk ac taran ke ma luhn nguhn, kuht liye moklweyuck Lal fin facluh nohfohn ac kuht liye moklweyuck Lal ke moul lasr sifacna uh.

Lwelah ngan akacsruhi sie srihkasrak.

Ke 1831, ke mempucr 600 muhkwena ke Alu uh, Leum El fahkwack lah ki nuh ke tohkohsrahi luhn God ituckyang nuh sin mwet fin facluh, ac wosasuc uh fah ipiplac nuh sahflahiyacn facluh, oacna sie yot ma sihpsihplac liki finohl ke wacngihn paho in ipihs nuh ke wosasuc uh nwacklah facluh nohfohn.”10

Mwet pahluh Nephi el tuh palye lah ke lwen lasr uh ac fah oasr “suhpuhs” mempucr ke Alu uh ke ac kapsrweyuck nuh ke pihsen mwet facluh tuh ma ingacn fah oasr “fin facluh nohfohn.”11

Tolu srihkasrak kahto ke poun Leum ke oakiyacn tohkohsrahi Lal pa tempuhl ahkkahlwemyeyuck mihsenge sel Prestuhn Monson uh. Yac pucspucs ekahsr na somlah ah, suc suc pahngon muh ac oasr tempuhl fin acn Haiti, Thailand, ac Ivory Coast uh?

Acn ma tempuhl an oasr we uh tiacna sie sulaclah na fisrwacsr. Ma inge tuhkuh ke fwackyuck sin Leum nuh sin mwet pahluh Lal, ahkkahlwemye sie orekma yohk in oreklac ac ahkihlenyuck suwohswohsiyen Mwet Luhlahlfongi suc fah sekoi ac karihngihn lohm Sel sin usru fahsruh uh.12

Petsac
Thomas S. Monson of the Quorum of the Twelve Apostles, visiting Haiti. On April 17, 1983 he dedicated Haiti for the preaching of the gospel and also dedicated a site for the first meetinghouse to be built in Haiti. It was the first visit to the island by a member of the Quorum of the Twelve. (Ensign Aug. 1983, p. 79; Church News, May 22, 1983, p. 4)
Petsac
A group of Missionaries with Elder Andersen

Muhtwacn kiyuck ah, Kathy, ac nga tuhfahna muhtwacta nuh Haiti yac luo somlah ah. Lucng fin finohl uh ngwetlah nuh Port-au-Prince, kuht wi Mwet Luhlahlfongi fin acn Haiti in ahkacsmakihnye kihsaclah luhn muhtuhnfacl sacn ke pacl sacn sel Elder Thomas S. Monson yac na 30 emet somlah ah. Wacngihn sesr fah muhlkuhnlah ma upac ke kusrusr fin acn Haiti ke 2010 ah. Ke mempucr luhlahlfongi ac sie un on puhlaik ke misineri apkuhran in oraclah mwet Haiti an, Alu uh ke tuhka muhtuhnfacl se inge kalweni in kapwack ac fokokoi. Ma inge ahkfokokoye luhlahlfongi luhk uh in petsacelah Mwet Luhlahlfongi suwohswohs luhn God inge, nuknuk fasrfasr yang, eis kuh muhtahl luhn pristut in kol ac oruh akwuck muhtahl uh ke lohm sin Leum.

Petsac
Sathit and Juthamas Kaivaivatana of Bangkok Thailand.
Petsac
President Kaivaivatana and other members of the Thailand Bangkok Thailand North Stake leadership..

Suc kuh in nuhnkuh sie lohm sin Leum ke siti kahto luhn Bangkok uh? Mwet Kristin uh percent 1 na ke muhtuhnfacl in Buddhist se inge nohfohn fin acn Thailand. Oacna fin acn Haiti kuht oacyacpac sokwack Bangkok lah Leum El oracni mwet sulaclah fin facluh. Ke muhta we ke mahlwem ekahsr somlah ah, kuht ohsun nuh sin Sathit ac Juthamas Kaivaivatana ac tuhlihk sacohk nahtuhlos uh. Sathit el welah Alu uh ke el yac 17 ac kuhlwacnsapuh sie misin ke acn na sel ah. Tok el ohsun nuh sel Juthamas ke institute sac, ac elos siliyucki lun Manila PhilippinesTempuhl. Ke 1993 Kaivaivatanas el itactuh ke soko stosah ma mwet utuck stosah an el mutullac, ac Sathit el suhkahpahslah ke finpihsacli nuh ten. Luhlahlfongi lalos tiacna muhnahs. Sathit el sie mwet luti na wowo ke International School Bangkok. El kuhlwacnsap oacna stek prestuhn luhn Thailand Bangkok North Stek. Kuht liye usrnguck luhn God oasr ke orekma wolacna Lal ac moul lasr sinfacna uh.

Petsac
Couples in the Ivory Coast

Ma usrnguck ke Alu uh ke Ivory Coast tiac kuh in sruhmuhnyuck sahyacn inen siyacnyacn luo inge: Philippe ac Annelies Assard ac Lucien ac Agathe Affoue. Elos welah Alu uh oacna siyacnyacn pahyuck fuhsr, sie fin acn Germany ac sie fin acn France. Ke 1980 ah, Philippe ac Lucien puhla in fohlohk nuh muhtuhnfacl selos Africa ah ke srihpac in muhsahi tohkohsrahi luhn God we. Nuh sel Tahmtahel Assard, suc pa German, in som liki sucu lal, ac lwelah Tamuhlwel Assard elan fihliyac orekma lal oacna sie mechanical engineer oraclah wo, sang luhlahlfongi yohk. Siyacnyacn luo an ohsun sie sin sie ke pacl se emet lun Ivory Coast ac muhtwacwacack sie Sacnri Skul. Ma ingacn yac 30 somlah ah. Ingena oasr stek alkosr ac mempucr 27,000 ke muhtuhnfacl kahto Africa se inge. Affoues elos kalweni in kuhlwacnsap suwohs, oacyacpac Assards, suc tuhfahna ahksahfyelah sie misin nuh Accra Ghana Tempuhl.

Yac kom kuh in liye moklweyuck luhn Leum ahkfahsrye orekma Lal nuh met? Yac kom kuh in liye poun God ke moul luhn misineri fin acn Haiti kuh Kaivaivatanas fin acn Thailand an? Yac kom kuh in liye poun God ke moul luhn Assards ac Affoues an? Yac kom kuh in liye poun God ke moul lom sifacna an?

Wacngihn ma mwet uh kuh in oruh in ahkkolukye God sahyacn mwet suc tiacna fahkwack ma El oruh ke ma nuh kwewa.”13

Ma usrnguck luhn God tiac sikyak fin acn Haiti, Thailand, kuh Ivory Coast muhkwena. Ngwet nuh siskom. Pahol oasr we.14God El nuhnkuh mwet nuh kwewa, ke oacna sie acn elos oasr we … ; ahok, El oacklah mwet Lal, ac inse pahkotwen Lal afuhnlah facluh nohfohn.”15

Kuhtuh pacl uh kuht kuh in liye poun Leum ke moul luhn mwet sahyac uh ac nuhnkuh, “Nga ac liye wo fuhkah poun Leum ke moul luhk sifacna uh?”

Mwet Lahngo EL fahk:

“Tia alolo.”16

“Nimet fosrnga.”17

“Tia … siefanna sin [won sparrow] ku [in] putatla nu infok uh Papa inkusrao El fin tia [lela]. …

“Nikmet … sangeng, [tuh] kowos arulana saok liki won sparrow puspis.”18

Esam mukul fuhsr se suc pahng nuh sel mwet pahluh Elisha ke elos rauniyucklac ke mwet lokoalok uh: “Pakomuta, [meac] kut ac oru?”19

Elisha el topuk:

“Nimet sangeng. Pus mwet wi kut lukelos.

“[Na] Elisha el pruhe, … O Leum God, … ikasla mutal elan ku in liye. Ac Leum [El ikacslah] muhtuhn mukul fuhsr sac; ac el [liye lah] finohl uh sesseslah ke ohsr ac chariot ke e.”20

Ke kom liyacacng masap ac luhlahlfongi ke pruhe in liye poun Leum ke moul lom an, nga olwelah nuh sum lah El fah ikacslah muhta in nguhn lom an yohkwelihk, ac kom fah liye wo lah kom tiac muhkahimtacl.

Ma suhmuhslah uh luti lah kuht in “tu na kuh in luhlahlfongi ke ma suc ac fah tuhkuh.”21Meac ac tuhkuh uh? Mwet Lahngo El pruhe:

“Papa tumasr su inkusrao; Elos oal pwaye.

“Tokosrai lalos in tuku; ma lungse lalos in orek fin faclu, ou elos oru inkusrao.”22

Kuht nohfohn ac onkihn “Tuhkuh, O Kom Tohkohsrah luhn Tohkohsrah uh.”

Luhlahlfongi lasr uh kapwack ke kuht tuhpan lwen wolacna ke fohlohk luhn Mwet Lahngo nuh fin facluh. Nuhnak ke tuhkuh Lal ahkenganyeyuc. Ac ma na wowo se! Pacl wowo ac usrnguck, yohkiyac ac wolacnaiyac, fah wo liki kuhtwena ma muhtuhn mwet uh liye kuh puhlakihn uh.

Ke lwen sac El fah tiac tuhkuh “nuklac ke ipin nuknuk oan lun sie nien mongo luhn kosro,”23 tuh El fah sikme “ke puhkuhnyeng inkuhsrao, nuknukyang ke kuh ac wolacna yohk, wi lihpufacn muhtahl nuh kwewa.”24Kuht fah lohng “sie pusra lulap, oayapa pusren lipufan fulatlana.”25Faht ac mahlwem ah fah eklac, ac itu uh fah puhtati liki acn selos uh.”26Nga ac kom, kuh mwet suc ukwe kuht, mwet luhlahlfongi ke insroasrihk nuh kwewa fin facluh”27fah sana ac ikihlyucklac in ohsun nuh Sel,”28 ac elos suc misac ke suwohswohs, elos pac fah som in ohsun nuh sel infulwacn inkuhsrao.”29

Na, oacna sie puhlakihnyuck na upac tuh mwet nuh kwewa fah tuhkweni liyacl.”30Ac sikyak fuhkah? Kuht tiacna etuh. Tuh nga fahkwack luhlahlfongi lah ac fah sikyak—oacna palyeyuck ah. Kuht fah sikuck muhtuhnte ke efahl, “ac Leum El fah fahk puhsrwacl, ac insroasrihk nuh kwewa fin facluh fah lohng.”31 “Ac fah oacna puhsra luhn kof puhkantwen uh, ac oacna puhsrwen puhlahl upac uh.”32 [Na]Leum, … Mwet Lahngo, El fah tu infulwacn mwet Lal uh.”33

Ac fah oasr tuhkweni tiac muhlkihnyucklac wi lihpufacn inkuhsrao ac Mwet Luhlahlfongi fin facluh.34Tuh yohk srihpac emet, oacna Isaiah el fahkwack ah, “El ac molela mwet lal, Ac faclu nufon fah liye,”35ac El fah kol fin mwet nuh kwewa.”36

Ke lwen sac, mwet tahfuhluo uh fah mihslac, ke srihpen insroac nuh kwewa fah lohng… , ac intwe nuh kwewa fah epahsrlah, ac lohoh nuh kwewa fah fahkwack”37lah Jisus pa Kraist, Wen nuhtin God, Mwet Lahngo ac Molwelah luhn Facluh.

Mihsenge pa Istuh. Kuht engan yurin Mwet Kristin fin facluh nohfohn ke Sifil Moulyak wolacna Lal ac ke sifil moulyak uliyucklac lasr sifacna uh. Lwelah kuht in ahkolah nuh ke tuhkuh Lal ke lutlutkihn pacl sikyak wolacna inge kalweniyuck ke nuhnak lasr sifacna ac yurin mwet kuht luhngse, ac lwelah pruhe Lal in pruhe lasr: “Tokosrai lalos tuku; Ma lungse lalos in orek fin faclu, ou elos oru inkusrao.”38 Nga fahkwack luhlahlfongi lah El moul. “Tuhkuh, O kom Tohkohsrah luhn Tohkohsrah uh.” Ke inen Jisus Kraist, amen.

Mwe kahsruh

  1. Ke toeni luhlahp nuh kwewa luhngasyucklac nuh ke kahs 94 uh, tiac kahs nuh kwewa suhpweyucklac pacl sefanna, oacyacpac nuh ke tuhkweni nuh kwewa. Ke tuhkweni ke ekuhn Sacnri ke toeni luhlahp se inge, 75 sin kahs an suhpweyucklac yen engyeng uh.

  2. “Come, O Thou King of Kings,” Hymns, no. 59.

  3. Ke Tuste, Mahs 31, 2015, ohfohs luhn Prestuhnsi Se Met suhpwacma email se nuh sihk ahkuhtweyac lah nga enenuh in sramsram ke ekuhn Sacnri, Eprel 5, sana tukun on in alu “Come, O Thou King of Kings.” Kahs ke on in alu wolacna ke Folokyak uh, sihmlac sel Parley P. Pratt, pa sie nguhsr puhsisacl nuh sin Mwet Lahngo in fohlohk nuh facluh. Ma ingacn ahollah pweng ke sramsram luhk ke toeni luhlahp sahp fokoko likina kuhtwena on in alu sahyac kuht onkihn uh. Nga mokleyuck arlac loal yohk srihpaciyen luhlahlfongi Mwet Luhlahlfongi yen nuh kwewa tuhkweni fahssrweni ke Istuh in Sacnri uh, sruhkwack puhsrwacsr nuh sin God ac in tuhkweni onkihn, “Come, O thou King of Kings! We’ve waited long for thee.” In akihlen lah nga sifacna wacngihn kahsruh la ke on sollac nuh ke toeni luhlahp uh, nga motko fin mwet pakiyac on riti sramsram luhk ke toeni an ma fahk muh “Thy Kingdom Come” ac na sulaclah on soko inge ke Tuhkuh Ahkluo luhn Mwet Lahngo. Nga lotwelah tok lah director luhn Tabernacle Choir ngihsre on in alu soko an nuh in Prestuhnsi Se Met ke muhtuhn Mahs, wik se met liki sramsram se luhk ah suhpweyucklac nuh sin Prestuhnsi Se met nuh ke lwenglah. Pacl sahflah se “Come, O Thou King of Kings” onkihnyuck oacna soko on in alu ke toeni luhlahp uh pa ke Ohktohpa 2002. Kuht kais sie srihke in oruh ip lasr, tuhsruhk El pa sifen mwet muhsah uh.

  4. Liye Doctrine and Covenants 100:16.

  5. 1 Nephi 14:14.

  6. Liye Doctrine and Covenants 10:55.

  7. Ma sikyak la sifacna, Mei 1997.

  8. 2 Nephi 27:20.

  9. John 1:3.

  10. Liye Doctrine and Covenants 65:2.

  11. 1 Nephi 14:12.

  12. Ke fall 2001, ke muhta fin acn Brazil, nga enganwack na pwacye in akacsruhi weluhl Prestuhn James E. Faust ke Prestuhnsi Se Met ma usrnguck pwacye pucspucs ke Mwet Luhlahlfongi muhta ke city Curitiba, finsrakkihn elan tahfwelah koanon mwe etuh uh nuh sel Prestuhn Gordon B. Hinckley. Prestuhn Faust el tulokihnyuck ke infulwacn sentence uh. “Neil,” el fahk, “kuht tiac srihke in moklel Prestuhn. Sulaclah ke acn in muhsahi sie tempuhl el inmahsrlon Leum ac mwet pahluh Lal.” Tempuhl Curitiba Brazil kihsackihnyucklac ke 2008 ah.

  13. Liye Doctrine and Covenants 59:21.

  14. Sie ma usrnguck yohk emet ke poun Leum pa mukwikwi ke tohkohsrahi Lal fin acn United States nuh ke siti ac town ke state nuh kwewa. Pa inge sie srihkasrak. Ke Mei 2006 pakpucki nga nuh ke sie toeni luhn stek fin acn Denton, Texas. Nga muhta lun sie lohm sin stek prestuhn, Prestuhn Vaughn A. Andrus. Tahmtahel Andrus el fahk nuh sihk ke muhtwacwacackiyacn Alu uh fin acn Denton, muhtwacwacack sin pahpah ninac kiyacl ah, John ac Margaret Porter. Oasr Sacnri Skul muhkwena ke muhtwacwackiyac ah. Tuh sucu Porter akacsruhi wosasuc uh yurin Ragsdales, suc ke ma sikyak ah akacsruhi yurin Nobles ac Martinos. Mwet sahyac west ah som nuh Denton. Mihsenge, ma oasr sie pracns srihsrihk, oasr ingena stek ahkosr, ac sie sin mukul nuhtin Martinos, Elder James B. Martiona, suc welah Alu uh ke el yac 16 ah, kuhlwacnsap oacna sie General Authority ke Alu uh.

  15. Alma 26:37.

  16. Matthew 21:21.

  17. Mark 5:36.

  18. Matthew 10:29, 31.

  19. 2 Tokosra 6:15.

  20. 2 Tokosra 6:16–17.

  21. Mosiah 4:11.

  22. Matthew 6:9–10; liye pac Doctrine and Covenants 65:6.

  23. Luke 2:12.

  24. Liye Doctrine and Covenants 45:44.

  25. 1 Thessalonica 4:16.

  26. Liye Doctrine and Covenants 133:49.

  27. Liye Doctrine and Covenants 45:46.

  28. Liye Doctrine and Covenants 88:96.

  29. Liye Doctrine and Covenants 88:97.

  30. Liye Doctrine and Covenants 101:23.

  31. Liye Doctrine and Covenants 45:49.

  32. Liye Doctrine and Covenants 133:22.

  33. Liye Doctrine and Covenants 133:25.

  34. Liye Moses 7:63.

  35. Isaiah 52:10.

  36. Liye Doctrine and Covenants 133:25.

  37. Liye Doctrine and Covenants 88:104.

  38. Matthew 6:10.