Dahme Pwoupwoud oh Peneinei Katapanki—Wasa koaros nan Sampah

Nohpempe samwalahro I ahneki ansou mwahu en iangih Preseden Henry B. Eyring oh Pisop Gérald Caussé—en towehda kapokon ehu me pid pwopwoud oh peneinei ni Vatican nan Rome, Italy. Irail akan me towehda, Mie wiliepen pelien lamalam 14 me weneu kohsang palilaud en sahpw laud ihsu en sampah kan, oh irail koaros alehdi luhk pwehn ehukihda arail lamalam kan me pidida dahme wiewiawi ong peneinei en rahnpwukat.

Kilel

President Henry B. Eyring, Bishop Gerald Causse and Elder Perry in Rome

Pope Francis ritingkihda tiepene keieu nan kapokono ni lepin mahsen pwukat: Ansou wet Kitail kin mih nan tiahkehu me soahng koaros kin lepin ahnsou, met me kahrehda tohtohlahn aramas me solahr koapworopworki pwoupwoud pwehki pwukoah me re ahneki ong aramas de wehi . Mwehi kapw wet kasalehda mwekid kanMe kin uhki mwekid wet kin kasalehda sang ni arail wiewia oh lamalam kan me e tepsang arail saledek en pilipil ahpw ni mehlel mwekid wet kawehlahr palingehn en aramas ngedehrie, ahpw mehlel aramas semwehmwe kan... pwe irail me keieu mengei en lohdi pahn kahpwal wet.”¹

Ni eh kosokosoia seri en mwehiet, e mahsanih me e kesempwal me irail en “deh mweidehng pein irail en lohdiong pahn madamadau sued me pwopwoud ongete lepin ahnsou, ahpw ansou kapw wet re en tepiada ehu mwekid kapw ni arail en rapahki mehlel oh limpoak poatopoat, iei me pahn pelian mwekid kan me kalap wiawi”; met uhdahn anahne wiawi.²

Kilel

Synod hall with the faith leaders on the marriage summit

Met wiawi mwurin rahn siluh me padahk oh koskosoipenehn kaun en mwomwodiso kan duwen oaralap en nanpwungen pwopwoud en ohl oh lih. Ni ei wie rongorong soangsoangen palien kaweid en kaun kan en mwomwodiso en sampah, I rongorong arail pwungkipene oh utuhtpene ni arail palien lamalam kan me pid sarawi en pwoupwoud oh kesempwalpen peneinei nin duwen pwihn kesempwpal en wehi. I ahneki pepehm kehlail me aht lamalam soahngteh ieu oh se miniminiong irail.

Me tohto me kilang oh koasoia duwen minimin pene wet oh re kasalehda nan soahngen mwohmw kei. Ehu me I keieu mwahuki me kohsang rehn emen sounkaweid en Muslim sang Iran me ehukihda iretikitik riau me eh wadek lepin mahsan akan duehte me nting di sang nan pein atail kalohk duwen peneinei.

Nan kapokono, I kasakasawi me ni ahnsou me soangsoangen pelien lamalam oh mwomwohdiso kan kin miniminkipene me pid pwoupwoud oh peneinei, re pil miniminkipene lamalam oh soahng kan me kesempwal me kin pidida peneinei. E inenen kaselel ongie ahi kilang duwen pwoupwoud oh peneinei me keiou kesempwalasang mehteikan mendahte atail lamalam wekpeseng. Ni poakpene nanpwungen pwoupwoud oh koapworopwor, kapwunod kan oh atail madamadau duwen neitail seri kan, kitail koaros kin duwepenehte.

Kilel

President Henry B. Eyring speaking in a news room.

E inenen kaselel ei iang pato nan mihting ko rehn weliepe kan en sampah nan ansou en arail kasalehda pepehm kesemwpwal akan en pwopwoud nan pwungen ohl oh lih. En emen emen arail kasaladah kan kin kaimwsengkihla pein ahr kadehde ni sang weliepen arail mwomwodisoh kan. President Henry B. Eyring kihda kaimwesek lahn kadehde ni kapokono. E kadehdehda kadehde kehlail ong ni uwen kaselel en inoupenehn nan pwungen pwopwoud oh duwen atail lamalam nan inou kapahi en peneinei soutik de kokohlahte.

Sapwellimen Preseden Eyring kadehde me konehng ni kaimwiseklahn rahn kesempwal siluwo.

Met mwein kumwail men peipeideki, “Ma palilaud kin kamehlele soahngte ehu duwen kesempwalpen peneinei, de ma palien lamalam kan koaros kin pwungkipene wehwehn pwoupwoud, oh ma irail koaros pwungkipene uwen kesempwalpen minimin en peneinei nan imwatail kan, eri, ia mwomwen atail wekpeseng? Ia mwomwen Mwomwohdiso en Sises Krais en Souleng en Imwin Rahn Akan weksang oh tohrohr sang lamalam en sampah teikan?”

Iet pasapengen: E inenen mwahu me kitail en kak kilang oh pehm me kitail ahneki soangen madamadaute ehu duwehte pelien lamalam en sampah teiko me pid duwen atail peneinei kan, ihte atail wehwe pwilisang kapwurpwurdohn rongamwahu.

Dahme kapwurpwurdohn rongamwahu kin ehukiheng oh padahki duwen pwoupwoud oh peneinei inenen laud oh kesempwal: kitail kin padahki me re poatopoat! Kitail kin kesempwaliki poadidiong oh sarawi en pwoupwoud pwehki atail lamalam oh wehwe me peneinei kin tepisang mwohn kepikidahn sampah oh me e pahn wenlahte mwowe kolahng mour soutuk.

Padahkpen padahk wet inenen mengei, kehlail, oh lingan sang ni en Ruth Gardner inting nan Koulin Primary “Families Can Be Together Forever.” Song nennenla mwurin ansou kis oh medewe seri kan wasa koaros nan sampah arail kokouhlki mahsen kan ni pein arail lokaia, sang loalarail kan, ni ineng ehu me limpoak en peneinei kelehpw kak kehn:

Padahngkan koaros en rongamwahu kapwurpwurdo poahsoanki peneinei oh pwoupwoud nan inou poatopoat. Nan Mwomwohdiso en Sises Krais en Souleng en Imwin Rahn-Akan, kitail kamehlele duwen mour mwohn mourwet oh me kitail koaros Sapwellimen Koht Sahm seri ngehn. Kitail kin kamehlele me kitail kisehn Peneinei en Koht.

Kitail kamehlele me minimin en pwoupwoud oh peneinei kak doudoulahte mwurin mehla—oh kapwoupwoud nan tehnpas sarawi kan sang rehn aramas me ahneki manaman pahn peuselahte nan mour kohkohdo. Nan atail kasarawi en kapwoupwoud kitail sohte kin mahsanih “lau mehla” ahpw kitail kin mahsanih, “erein ahnsou oh kohkohlahte.”

Kitail pil kamehlele peneinei me wiakihda nohno pahpa oh neira seri kan me pwihn kesempwal nan wehi kehlail, kamwekid en pesines kehlail, oh lamalam kehlail—ahpw peneinei pil pwihn kesempweal en mour poatopoat oh Sapwellimen Koht wehi oh koperment.

Kitail kamehlele me koasoandipe oh koperment en nanleng pahn poahsoankihda peneinei tikitik oh peneinei laud.

Pwehki atail kamehlele me pwoupwoud oh peneinei kin kohkohlahte, nan Mwomwohdiso wet, kitail men wiahda karasaras mwahu oh iang patehng soangen mwekid kan me pahn kakehlailih peneinei. Kitail eseier me pil mie aramas me sohte kin nohn patehng ehu pelien lamalam ahpw re pil kesempwaliki pwoupwoud oh peneinei kehlail. Diren aramas me sohte pwoson pil kamehlele me mwekid en pwopwoud oh peneinei kehlail me keieu mwahu ni pelien sent, oh mour nsenamwahu.

Sohte me diarehr ehu wiepen kakeirada dih kohkohdo me mwahu sang me kak wiawi nan “imwen” nohno pahpa me pwopwoud.

Dahme anahnepen pwopwoud oh peneinei kesemwpwalki wasa koaros? Pali laud en aramas kin pwungki me pwopwoud me keiou mwahu oh koapworopworo kin mih rehn dih kan koaros me re pahn pwopwoud, pil seri en mwehi et me kitail kin kalapw rong duwen ar men kirkiripwte, arail mour saledek oh mihmihpene sohte inou sarawi. Ni mehlel pali laud en aramas en sampah mehn naineki seri oh kaikeirada peneinei kehlail.

Ni atail pwopwoudier oh ni atail nainekier seri, mehkot wasa me aramas koaros kin duwepene kin sansal ahnsou me re pwopwoud. Aramas me kin pwungki peneinei, sohte lipiliplil wasa me kitail kin kousoan ie de lamalam dah me kitail kamehlele, atail kahpwal akan kin duwepenehte, atail kin kapwungala, oh koapworopwor akan, oh dahme kitail men neitail serihkan en wiahla.

Nin duwen soun intingsang New York TimesDavid Brooks inda: “E sohte mwahu ong aramas ni ahnsou me re saladek en wie nsenarail koaros. E mwahu ong irail ni ahnsou me re tengala nan soang kan me kesempwal sang pein nsenarail --mehlel iong peneinei, mehlel iong Koht, ong arail doadoahk oh arail wehi.”⁴

Ih ehu kahpwalo me, uwen tohtohn en kahsdo, oh tv me sampah kin kasalehda sohte kin kasalehda udahn me kesemwpwalkan oh tiahk mwahu en palilaud en aramas. Pwe soahng kahrepe kan, nohn laudla kilang tv, kasdo, Internet, oh rong keseng me kin kasalehda mwomw kei me mwomwen me palilaud kin soahngo. Mour suwed oh tiahk suwed, me kin nohn kasalehda kamaramas de mwekid en nenek, duwehte me aramas koaros kin iang wia, oh e kak kahrehiong ekei kitail me sohte pwungki soang pwuko en pehm me re kin kolokolete tiahk en mahs de irailte me kin mour en mehn mahs. Nan sampah me direki mwekid en Internet oh mehn media kan e kin apwal en kakeirada seri lelepek oh nan pwungen pwopwoud oh peneinei kan en dehr ohla.

Mendahte dahme kin pwarada nan kasdo, news kan oh tv oh mwekid en ekei aramas me sohte inangih pwopwoud oh ahniki peneinei de men kawekila koasondi en pwopwoud, pali laud en aramas kin kamehlelehte me pwopwoud konehng nan pwungen ohl emen oh lih emen. Re kin kamehlele mehlelpenehn nan pwungen pwopwoud, oh re kin kamehlele inou en pwopwoud “nan soumwahu oh roson” oh “lao mehla me pahn kih ira peseng.”

Kitail anahne en kin katamanehieng kitail ekeipak, duwehte ah katamandohngie nan Rome, uwen kaselel en pepehm mwahu ni eh sansal me pwopwoud oh peneinei me pali laud en aramas kin inangih oh me kaidehn kitail kelehpw me kin kamehlele soangen lamalamo. Rahnpwukat e kin apwal en diar oh kaparekih ahmw ahnsou nan pwungen doadoahk, peneinei oh apwalih pein ahmw anahn kan. Nin duwen mwomwohdiso, se men koangoangehki koaros ni uwen me kumwail kak en wiahda oh utung pwopwoud oh peneinei kehlail kan.

Ihme kahrehda Mwomwohdiso wet kin ngoangki patehng oh sawaskihda kaweid ong pwihn en utuht kei oh pelien lamalam kei pwehn kakehlailihada peneinei. Ih karepen atail kin ehukihda atail lamalam duwen peneinei nan tv oh internet. Ihme karehda kitail kin ehukihong wehi kan koaros atail rekohd en kadoudou oh peneinei laud kan.

Kitail kin kupwurki aramas en rong ngiletail kan sang soangen mwekid sapwung kan me songosong en weliandi koasondi en peneinei me pein Koht ketin koasonehdier. Kitail pil men aramas en rong atail peren oh insenemwahu me kohsang ni tiahk en peneinei. Kitail en doulahte pakairki wasa koaros en sampah duwen kesemwpwalpen peneinei oh pwopwoud oh dahme re katapanki oh re pahn kokohlahte.

Riei ko, kapwurpwurdohn rongamwahu kin poahsoanki pwoupwoud oh peneinei. Iangahkihte nan pelien pwopwoud oh peneinei ih wasa me kitail kak miniminiong laud rehn palien lamalam teikan. Nan pwopwoud ohpeneinei iei wasa me kitail kak keieu karasahieng kitail mehteikan ie. Nan pwopwoud oh peneinei iei wasa me Mwomwohdiso en Sises Krais en Souleng en Imwin Rahn Akan kin ahniki ansou mwahu en wiahla mehn kamarain.

I pahn kaimwisengkihla ai kadehde (oh I manamanlahr en patohwan met pwehki ai sounpar duweisek samwa pohn sampah wet) me ni ei wie mahmahla, I ahpw kin wehwehki me peneinei me poahsoan en mour oh me keieu kesempwal pwehn diar peren poatopoat.

I kapingkalahngankiong ai werek, nei seri kan, neirail seri kan oh nein neirail seri kan, oh ai peneinei laud koaros oh en ahi pwoud peneinei oh koaruhsien me kapaiada ai mour. Duwen mehlel poatoapoat wet I dehdehki ai kadehde kehlail oh sarawi laud ni mwaren Sises Krais, ahmen.