2010–2019
Pekipek Ehu ong Riei Lih Akan
October 2015


Pekipek Ehu ong Riei Lih Akan

Se anahne amwail kehl, amwail weliakapw, amwail madamadaw, amwail koahiek en kaweid, eripit, oh ngilamwailkan.

Kaselehlie Elder Rasband, Stevenson, oh Renlund, kiht, riamwail ohl akan, kasamwo kumwail ong nan Pwihn en Wahnparon Ehk Riemen et. Se poakepokei kumwail iangahki pil amwail pwoud akan.

Riei ohl oh lih akan, ni ansou me kitail tuhpene nan kapokon lap en soupwong weneu samwalahro, sohte emen wewehki songen wekidekla kapwuriamwei wet me pahn wiawiong nan mwomwodiso. Elder L. Tom Perry padangki padahk kaselel ehu me pidada duwen pwopwoud oh peneinei ah inenen kesempwal ong sapwelimen kauno pilahn. Se inenen pwuriamweila pwe mwurin rahn ekei, se diarada soumwahu en kanser me pahn kareiong ah pahn mweseldahsang kiht ansou mwadang.

Itarete Presiden Boyd K. Packer ah luwetalahr, e wie “nannationgete” wiewia sapwelime doadoahk ong Kauno. E luwetalahrte nan Sounpwong en Epreil o, ahpw e men wiewiahte ah kadehde erein ah pahn momour. Eri, mwurin rahn silihsek pahieu Elder Perry ah mehla, Presiden Packer uhd mweselda ong nan sahpwen ngehn.

Kitail solahr pahn kilang Elder Richard G. Scott nan atail kapokon lap kan, ahpw kitail tamataman wen kadehde kaselel me e ehukiheng kitailehr me pid Sounkomouro nan kapokon kan me nekier. Oh apwtehn rahn 12 samwalahro, Elder Scott lukwerdahr oh samwalah patehng ah mwonlimpoak Jeanene.

Ih aneki ansou mwahu en mih rehn riei ohl oko ni ansou me ara ansou lelehr, iangahki irail peneinei en Presiden Packer oh an Elder Scott peneinei tikitik mwohnte ara mweseldahsang kitail. E inenen apwal ong ie ien kamelele me kompokepahi kesempwal riemen, de ladu kesempwal riemen en Kauno, mweseldahr. I sohte kak kosoiawen laud en ahi loaloidkin ira.

Ni ai medmedewe mwekid soh kesikpe pwukat, mie mehkot ehu me I kilangada me ih sohte kak manokehla i kasawiada rehn ara pwoud ko. Ih sohte kak manokehla ia wen meleilei me Sister Donna Smith Packer oh Sister Barbara Dayton Perry ahneki ni ansou me ira mwomwohd limwahn ara pwoudko, lih akat koaros audaudkidahr limpoak, mehlel, oh pwoson laud.

Ni sister Packer ah mwomwohd limwahn ah pwoud me kereniongehr mehla, e wia karasaras kehlail ehu ong popohl ah kin daulihwei sohng kan koaros me kitail kin wewehki.1 Mendahte ah wewehki me ah pwoud kesempwal me ira mihmi kipenehr kereniong sounpar isihsek, pahn kereniongejr mehla, e kasalehda duwen popohl en lih me audaudkihda pwoson. E duwehte tohnleng men duwehte nan kilel wet ni kasarawi en Brigham City tehnpas sarawi.

Kilel
President and Sister Packer nan Brigham City Utah Temple

I pil kilangehr songen limpoak oh pwoson o sang rehn Sister Perry. Ah limpoak ohng kauno oh ah pwoud me inenen sansal mwahu oh e kamwakidada loaleiet.

Kilel
Elder and Sister Perry

Sangehr ara pwoud kau,eh melahr, leledo nan rahn pwukat, lih kehlailriemenet kasalehda duwen kehlail oh komwad me lih en inou kan kin ansou koaros doadoangki.2 E pahn apwal en sohngedi wiewiahn lih akat, kaidehn ongete nan peneinei ahpw pil ong nan Sapwelimen KaunoMwomwodiso, ni ara wia lih pwopwoud, nohno, nohno kahlap; riatail oh me kitail pahn nohnoki; ni ara wia sounpadahk oh kaun kei; ahpw mehlel ara wia mehn karasaras mwahu oh ngong en dorehla irail me pwoson kan.3

Met mehlel nan mwehi en rongamwahu koaros sangete ansoun Adam oh Ihp. Ahpw lih en nan mwehi wet weksang lih en mwehi teiko, pwehki mwehi wet weksang mwehi teiko. 4 Wekdekla wet kiong kitail- pwung oh atail pwukoah.

Kilel
Kilel en President Kimball

Sounpar silihsek weneu samwalahro, nan 1979 [kid duwepwuki isihsek duwau], Presiden Spencer W. Kimball kasalehda kokohp ehu duwen dahme lih en inou kan pahn wia iong Sapwelimen Koht mwomwodiso ehu rahn. E kohpada: “ Wen keirda laud me pahn wiawihieng mwomwohdiso wet ni imwin rahn akan me pahn kohsang rehn lih mwahu kan en sampah ... me tohto pahn iangala mwomwodios wet. Met pahn wiawi pwehki sang lih kehlail en mwomwodiso wet ahr kasalehda pwung oh ehupene nan arail mour oh keirda me lih en mwomwodiso wet kilangher wekisang oh kaperen sang me kin lelohng lih en sampah pwon.” 5

Riei lihoko, kumwail me wia kakelapat nan imwin rahn akan, e sohte sapwung kokohpo rahn me presiden Kimball kilangadahu iei rahn wet. Ih kumwail lih me e kilangadako! Amwail mwakelekel, marain, limpoak, loalokong, komwad, wiwia, pwoson oh momourki mehlel me pahn wahdo lih mwahu kan en sampah iangahki arail peneinei kan, nan Mwomwohdiso e pahn inenen tohtola sang mahs!6

Kiht, riomw ohl akan, anahne ahmw kehlaial, ahmw wiliakapw, ahmw ese mehlel, ahmw koaiek en kaweid, ahmw eripit, oh ngilomw. Wein Koht sohte kak mie ma sohte lih akan me kin wiahda inou sarawi kan oh kolokol irail, lih akan me kin padahk ni manaman oh mweimwei en Koht!7

Presiden Boyd K. Packer pakairki:

“ Kitail anahne lih me kin koasoanehdi oh lih me kak koasoanehdi. Kitail anahne lih me ahneki koahiek en kaluwa oh me kak pilahn oh kaweid oh kak kapwaiada; lih me kak padahk, lih me kak koasoaiwei ...

“Se anahne lih me ahneki kisakis en tenekih oh kak kilangada soahng kan me wiwiawi nan sampah oh diarada irail akan, me inenen dehde, ahpw sohte poahsoanki me mehleleo de keper.”8

Rahnwet, ih men kapataiong me se anahne lih me ese wiahda soahng kesempwal akan sang ni arail pwoson oh komwad en doare mour mwakelekel oh arail peneinei nan sampah me direkihla dihp. Se anahne lih me pahn poadidiong wia soun kaweid mwahu ong sapwelimen kauno seri kan ni arail pahn ideidawen te kosonned oh ong mour soutuk; lih me ese alehda pein arail kaudiahl, me wewehki manaman en meleilei en doadoahk sarawi kan nan tehnpas sarawi: lih me ese ia mwomwen ah pahn kak peki sawas sang nanleng pwe en dore oh kakelaka seri oh peneinei kan; lih me sohte kin masak padahk.

Nan ai momour, I iang ale kapai en songen lihet . Ai pwoud me melahro, Dantzel, wia emen soangen liho. Ih pahn sohte tokedihsang ai kapkapingki soangen mwekid kan koaros me e wekidala nan ai mour, iangahki ai pwukoah doadoahk en soun pwalang mongiong.

Sounpar limeisek samwalahro irail kiong ie en koadoahke kisin serepein men, me inenen luet me ipwikidihte ah soumwahu en mongong. Rie pwutak me laud apwtehn mehkihla songen soumwahuote. Mwuri, pahpa oh nohno pekipeki sawas. Ih sohte wewehki dahme pahn pwarada mwurin doadoahko ahpw ih inoukihdi me ih pahn wia wen ai kak koaros en kak kapitala serio. I wia wia when ai kak koaros, ahpw serio mehla. Met sohte wia mehkot apwal ehu, pwopwoudo pil pwurehng wadohng ie emen serepein rehi, me apwtehn sounpwong eisek weneu, ahpw ipwikihdi soumwahu en mongiong. Ih pwurehng, sang ni ara pekipek, wia doadoahko. Seri menet pil mehla. Kesiluh en mehla me wiawi nan peneinei et inenen kansensuedihela.

I pwurala ni ihmwo inenen insensued. I pwopwidiong nan tat en ihmwato ngehi sengiseng nihpwongo pwon. Dantzel mihmi rehi, rongorong ai kin kosoia me ih sohte pahn pwurehng wia songen doadoahko. Ahpw, ni kulok limau ni menseng, “ Dantzel kilang ie ni ah ngil kadek oh kosoia, “ ke solahr sengiseng? Na likouda. Pwurala ni imwen wini. Kohla doadoahk! Ke anahne esehla laudsang me ke esehier. Ma ke pahn pwang met, ekei pahn sohte kak esehla dahme ke eseier en.”

Oh, ia when ai anahne ahn ai pwoud kaweid, ah kehlail, ah limpoak! I pwurala doadoahk oh pil koledi sohng tohto. Ma kaiden an Dantzel ah kaweid ih sohte pahn koledi duwen pwalangada mongiong oh ih sohte pahn kak kounopada oh wia doadoahk wet nan 1972[kid duwepwiki isihsek riau] pwe iehn kapitala mour en Spencer W. Kimball.9

Riei lihoko, kumwail kak kilang wohng mwomwail ke kak kehn manaman nan palin weremwen asou me ke kin koaosaia mehkot me kin sairada ahmw mohngiong oh madamadau me kin kohsang rehn ngehn sarawio? Stake presiden mwahu men koasoaiaiong ie arail mihting en Stake council ehu mie ire ehu me re tengala loale. Nan arail mihtingo, e tehkada me neirail Presiden en Praimerio sohte kin iang koasoai, ih eri idek rehn liho ma mie ah iren kasalada.“ Oh, ei mie,” liho doula oh kasalehda ire ehu me wekidala dahme re sohte kak koasoanehdio. Stake presiden o kosoia, “ Ansou me e koasoai, ngehno kadehdeiong ie me ah koasoai kan kak sewesei kiht nan aht meeting en council kan.

Riei lih oko, sohte lipilip pwukoah me ke aniki, wasa ke mihmi ie, se anahne amwail koahiek, amwail madmadau kan, oh amwail mehn kamarain kan, Se anahne kumwail en kin koasoai oh koasoai wei nan ward kan oh nan Stake Councils kan. Se anahne riat lih pwopwoud kan en kasalehda amwail koaiek oh llolopwot ni mehlel ”ni omw pahn patehng”10 omw pwoud oh kakaun amwa peneinei. Pwopwoud de sohte pwopwoud, riei lihoko alehdi pwukoh en ngongki dodohk oh amwail koaiek kan me wia kisakis kei sang rehn Koht. Kiht riamwail ohl akan sohte kak alahsang dahme kumwail kin wia.

Riei ohl oh lih akan, kitail koaros wewehki me dahme keieu kesempwal ong ni kapikipikdahn sampah iei kapikipikdahn lih!11 Se anahne amwail kehl!

Uhwong de kailok ong mwomwodiso, sohte pahn wekila, oh e wia ehu ahl en keiradahn atail mour. Kahrepe wet me kitail anahneki lih me aniki kadedeh kelail duwen rongamwahu en Krais oh doadoangki dahme irail ese pwe en padahki oh sewese kairada dih wet pwe irail en kak sopeisang dihp. .12 Kitail anahne lih me pahn kehlail oh sohte kak lohdiong nan dihp. Kitail anahne lih me ese doadoangki manaman me kauno ketikiong sapwelime aramas-en-inou kan oh kasalehda arail kamelele sang ni ngoang oh tohnmetei. Kitail anahne lih me kak sohpai kahpwal me duehte atail nohno Ihp.

Riei lihoko, sohte mehkot me kesempwal ong amwail mour soutuk sang wekidekla me kumwail wia. Ke inoukidahr, oh wiaier lih en kolokol- inowo me ahneki mour me pwung pahn kasalehda ahmw wekila sampah oh irail kan me pahn kilang me wekdekla wet kin wahdo soahngenperen tohto.

Eri rahnwet, I men peki rehn riei lih en mwomwodiso en Sises Krais en Souleng en Imwin Rahn Akan en sokala mwowe! Alehda ahmw pwung oh anahn en nan ihmwomw, ahmw wasahn kousoan Oh nan sapwelimen Kauno wehi—laudsang me ke kin ale mahso. I men peki ke en kapwaida sapwelimen Presiden Kimball kokohpo. Oh, i inoukihwei, ni mwaren Sises Krais me ni omw pahn wia met, Ngehn Sarawi pahn kalaudehla ahmw koahiek ni soangen ahl ekei..

I wia ai kadehde duwen mehlel en Sounkomour Sises Krais oh Sapwelime tomw, en komour, oh manaman sarawi. Oh, ni ai wia emen sapwelime wanparon, ih kalangankiong kumwail, riei lih akan, oh kapai kumwailda kumwail en pweida mwahu, oh kapwaiada kahrepen amwail kapikipikda, ni atail pahn ehukipene sapwelime doadoahk sarawio. Kitail, pahn sawaspene oh kounopada sampah ong ketido keriau en Sounkomour o. I met me ih kadehde,nin duwen riamwail ohl emen, ni mwaren Sises Krais, amen.

Ireh kan

  1. Tehk Philippians 4:7.

  2. Met iangahki pilen mas—ni kolokol kosonned akan oh sengiseng ansou me irail akan me kitail poakpoake kesepwilsang nan mour wet (tehk Doctrine and Covenants 42:45).

  3. Tehk Rebekah’s influence on Isaac and their son Jacob in Senesis 27:46; 28:1–4.

  4. Tehk Joseph Fielding Smith, Answers to Gospel Questions, comp. Joseph Fielding Smith Jr., 5 vols. (1957–66), 4:166. Note: All previous dispensations were limited to a small segment of the world and were terminated by apostasy. In contrast, this dispensation will not be limited in location or time. It will fill the world and merge with the Second Coming of the Lord

  5. Padahk kan en Presiden kan en mwomwodiso: Spencer W. Kimball (2006), 222–23.

  6. Ni ansou me ih ipwidi, tohn mwomwodiso wet me 600,000, Rahn wet towe tohtosang million 15. Nempe wet pahn wie kekeirdahte.

  7. Presiden Joseph Fielding Smith padakiong rie lih akan en nan pwihn en Relief Society, “ Ke kak koasoai sang ni mweimwei, pwehki Kauno pwilikidier mweimwei o pohmwail.” E pil kosoia me me Relief Society “ [alehier] manaman oh mweimwei en wia sohng tohto. Doadoahk me irail kin wia kin kohsang ni arail alehdi mweimwei” “Relief Society—an Aid to the Priesthood,” Relief Society Magazine, Jan. 1959, 4, 5). These quotations were also cited by Elder Dallin H. Oaks in a conference address, “The Keys and Authority of the Priesthood,” Liahona, May 2014, 51.May 2014,51.

  8. Boyd K. Packer, “The Relief Society,” Ensign, Nov. 1978, 8; see also M. Russell Ballard, Counseling with Our Councils: Learning to Minister Together in the Church and in the Family (1997), 93.

  9. Kilang Spencer  J. Condie, Russell M. Nelson: Prophet, Surgeon, Apostle (2003), 153–56. Note: Nan 1964[kid duwepwiki weneisek pahieu] Presiden Kimball kasarawiela iehn wiala stake presiden men oh kapai iehda pwehki aramas akan me melahr sang ni ahi kin pwalang irail. Sohte emen kiht ese me mwurin sounpar waluh, ih pahn uhd pwalang Presiden Kimbal pwe ien welianda sahl akan en ah mohngiongo.

  10. “When we speak of marriage as a partnership, let us speak of marriage as a full partnership. We do not want our LDS women to be silent partners or limited partners in that eternal assignment! Please be a contributing and full partner” (Spencer W. Kimball, “Privileges and Responsibilities of Sisters,” Ensign, Nov. 1978, 106).

  11. “All the purposes of the world and all that was in the world would be brought to naught without woman—a keystone in the priesthood arch of creation” (Russell M. Nelson, “Lessons from Eve,” Ensign, Nov. 1987, 87). “Eve became God’s final creation, the grand summation of all of the marvelous work that had gone before” (Gordon B. Hinckley, “The Women in Our Lives,” Liahona, Nov. 2004, 83).

  12. Tehk Russell M. Nelson, “Children of the Covenant,” Ensign, May 1995, 33.