”Skohé pa Duna Testimonio di Mi Nòmber”

Mi ta papia di e tópiko aki for di un pèrspektiva diferente i desidido. Pa e delaster diesun aña, mi tabata e miembro di e Diesdos di mas yòn den terminologia di edat kronológiko. Durante mi añanan di servisio, e averahe di e hòmbernan sirbiendo den e Promé Presidensha i e Quorum di e Diesdos Apòstelnan tabata setentishete aña---e averahe mas bieu di e Apòstelnan durante un periodo di diesun aña den e dispensashon aki.

Mi a wòrdu bendishoná dor di e eksperensha i komprenshon apostóliko kolektivo, personal i profeshonal di e miembronan di e Quorum ku kual mi tabata sirbi. Un ehèmpel di mi asosiashon ku Elder Robert D. Hales ta suprayá e oportunidatnan remarkabel [ku] mi tabatin pa siña di i sirbi e lidernan aki.

Shete aña pasá mi a pasa un djadumingu ku Elder Hales na su kas ora e tabata rekuperando di un malesa serio. Nos a papia di nos famianan, nos responsabilidat di Quorum, i eksperenshanan importante.

Na un punto mi a puntra Elder Hales, ”Bo tabata eksitoso komo esposo, tata, atleta, piloto, ehekutivo di negoshi, i lider di Iglesia. Kua lès bo a sia ora bo tabata birando grandi i a wòrdu kontené dor di kapasidat disminushon di kapasidat físiko?”

Elder Hales a pousa pa un momentu i a rospondé, ”Ora bo no por hasi loke semper bo a hasi, e ora ei bo ta hasi solamente loke ta mas importante.”

A hala mi atenshon e simplesa i komprenshon di su kontesta. Mi kerido sosio apostóliko a kompartí ku mi lès i un bida---un lès siña dor di un meskla di sufrimentu físiko i buskeda spiritual.

E limitashonnan ku ta e konsekuensha natural di avansá di edat por bira defakto fuentenan remarkabel di enseñansa i komprenshon spiritual. E faktornan mes ku hopi ta konsiderá ku por limitá e efektividat di e siervonan aki por bira algun di nan forsanan mas grandi. Restrikshon físiko por ekspandé [e] vishon. Resistensha limitá por klarifiká prioridatnan. Inabilidat pa hasi hopi kos por dirigí enfoke riba un par di kos di mas importante.

Algun persona a sugerí tin mester di lidernan mas yòn, ku mas vigor den e Iglesia pa atendé ku mas efektividat e desafionan serio di nos mundu moderno. Pero e Señor no ta usa filosofia i práktikanan kontemporáneo di liderazgo pa logra Su propósitonan. (wak Isaias 55:8–9). Nos por spera ku e Presidente i otro outoridatnan mayor di Iglesia lo ta personanan mayor i spiritualmente eksperenshá.

The Lord’s revealed pattern of governance by councils in His Church provides for and attenuates E Señor a revelá e patronchi di gobernashon dor di konsehonan den Su Iglesia [ku ta] proveé pa i ku ta mitigá e impakto di debilidatnan humano. Interesante ta, ku e limitashonnan mortal di e hòmbernan aki en realidat ta afirmá e fuente divino di e revelashonnan ku ta bin na i dor di nan. Enbèrdat, e hòmbernan aki ta yamá dor di Dios pa profetisá (wak Artíkulonan di Fe 1:5)..

Mi a opservá den mi rumannan por lo ménos un parti de Señor Su propósito pa nos tin hòmbernan mayor do madures i huisio pa sirbi den posishonnan di liderato mayor den Iglesia. E hòmbernan aki tabatin un periodo largu di enseñansa dor di e Señor, ku nan ta representá, sirbi, i stima. Nan a siña pa komprondé e idioma divino di e Spiritu Santu i e Señor su patronchi pa risibí revelashon. E hòmbernan ordinario aki a pasa den e mas proseso ekstraordinario ku di desaroyo ku a moldia nan vishon, influenshá nan komprenshon, produsí den nan amor pa hende di tur nashon i den tur sirkunstansha i afirmá e realidat di e Restourashon.

Mi tabata diferente biaha testigu ku mi Rumannan tabata lucha diligentemente pa kumpli i magnifiká nan responsabilidat miéntras nan ta luchando ku problemanan físiko serio. e hòmbernan aki no ta wòrdu di spar di aflikshon. mas bien, nan ta bendishoná i fortalesé pa sigui balentemente bai dilanti miéntras nan ta sufri den i ku aflikshon.

grandi ta pa diserní i hasi e boluntat di nos Tata Selestial i Su Yu stimá. Segun nos ta reuní den konseho, inspirashon a wòrdu risibí i desishonnan a wòrdu tuma ku ta reflehá un grado di lus i bèrdat mas ayá ku inteligensia humano, rasonamentu, i eksperensha. Segun nos ta traha huntu den unidat riba problemanan deskonsertante, nos komprenshon kolektivo di un asuntu a wòrdu engrandesé di un manera maravioso dor di e poder di e Spiritu Santu.

Mi ta bendishoná di por ripará diariamente e personahenan individual, kapasidatnan i un karakter noble di e lidernan aki. Tin hende ta haña e defektonan di e Rumannan preokupante i ku lo disminuí nan fe. Pa mi e imperfekshonnan ei ta enkurashá i ta promové fe.

Awor mi ta testigu di seis di mi Rumannan risibí un transferensha dor di e morto físiko pa responsabilidatnan den e mundu spiritual . Presidente James E. Faust, Presidente Gordon B. Hinckley, Elder Joseph B. Wirthlin, Elder L. Tom Perry, Presidente Boyd K. Packer, i Elder Richard G. Scott.

E Rumannan balente aki a dediká ”hinter nan alma” (Omni 1:26) pa testifiká di e nòmber di JesuCristu den hinter e mundu. e totalidat di nan enseñansanan ta innumerabel.

E siervonan aki a kompartí ku nos den e parti final di nan ministerio mortal resúmennan spiritual poderoso di lèsnan ku nan siña durante e dékadanan di servisio konsagrá.

Tene na kuenta e enseñansanan final di e gran profetanan den skritura. Por ehèmpel, Nefi a konkluí su registro ku e palabranan aki: ”Pasó asina e Señor a manda mi, i mi mester obedesé” (2 Nefi 33:15).

Na final di su bida, Jakob a amonestáá:

”Boso arepentí i drenta den e porta stret, i kontinuá riba e kaminda ku ta estrecho, te ora boso haña bida eterno.

” O sea sabio; kiko mas mi por bisa?” (Jakob 6:11–12).

Moroni a kompletá su obra di prepará e planchanan ku e antisipashon sperando riba e Resurekshon: ”Pronto lo mi bai sosegá dn e paraiso di Dios, te ora mi spiritu i mi kurpa uni atrobe, i mi lo wòrdu tresé triunfante den laira, pa topa bosonan dilanti e mesa agradabel di e gran Yehova, E Eterno Hues di tantu e bibu ku e mortonan. (Moroni 10:34).

Abo i ami ta bendishoná pa siña di e enseñansanan i testimonionan di bendishon di e profetanan i apòstelnan di delaster dianan. E nòmbernan awendia no ta Nefi, Jakob, ni Moroni---pero Presidente Faust, Presidente Hinckley Elder Wirthlin, elder Perry, Presidente Packer i elder Scott.

Mi no ta sugeriendo ku e mensahenan final di e rumannan stimá aki nesesariamente tabata esnan òf mas importante di nan ministerio. Sinembargo e total di nan enseñansanan i nan eksperenshanan di bida a kapasitá e lidernan aki pa enfatisá bèrdatnan eterno ku outentisidat apsoluto i gran poder penetrante.

Imagen

President James E. Faust

Den su delaster konferensha genera, den Aprel 2007, Presidente faust a deklará:

”E Salbador a ofresé na nos tur un presioso pas dor di Su Ekspiashon, pero esaki por bini solamente si nos ta dispuesto pa deshasí di nos sentimentunan negativo di rabia, renkor of di vengansa. …

”Laga nos kòrda ku nos mester di pordon. …Ku tur mi kurason i alma, mi ta kere den e poder sanadó ku por bin na nos segun nos ta sigui e konsehonan di e Salbador pa pordoná tur hende’ [ D&C 64:10 ] (“The Healing Power of Forgiveness,” Liahona, Mei 2007, 69).

Presidente Faust su mensahe ta un poderoso lès di bida for di un hòmber ku mi stima i un di e hòmbernan ku mas ta pordoná ku mi a yega di konosé.

Imagen

Presidente Gordon B. Hinckley

Presidente Hinckley a testifiká den si delaster konferensha general den òktober 2007: ”Mi ta afirmá mi testimonio di e yamamentu di e Profeta Jose Smith di su obra di e seyamentu di su testimonio ku su sanger komo mártir pa e eterno bèrdat. ... Abo i ami ta konfrontá ku e pregunta serio di aseptá e bèrdat di e Promé Vishon i loke ta sigui esaki. Riba e pregunta di su realidat ta sosegá e aseptashon di e valides di e Iglesia. Si e ta bèrdat, i mi ta testifiká ku e ta, e ora ei e obra den kual nos ta komprometé ta e obra di mas importante na mundu, ” Liahona, Nov. 2007, 86).

Presidente Hinckley su testimonio ta afirmá un lès poderoso di bida di un hòmber ku mi stima i [ku] mi sa ku ta un profeta di Dios.

Imagen

Elder Joseph B. Wirthlin

Elder Wirthlin a duna su delaster mensahe den e konferensha òktober 2008.

”Te ainda mi ta kòrda [mi mama su ] konseho na mi riba e dia masha tempu pasá, ora mi tim a pèrdè un wega di futbòl amerikano: ’Pasa loke pasa i gusté’

”... Atversidat, si e wòrdu atende di e manera korekto, por ta bendishon den nos bida. …

”si nos ta buska humor, buska e perspektiva eterno, komprondé e prinsipio di kompensashon, i aserká mas na nos Tata Selestial, nos por soportá difikultat i prueba Nos por bisa, manera mi mama, pasa loke pasa [mi] ta stim’é” (“Come What May, and Love It,” Liahona, Nov. 2008, 28).

Elder Wirthlin su mensahe ta unl`es poderoso di bida si un hòmber ku mi ta stima i ku tabata un Sermon bibu di superá difikultat dor di fe den e Salbador.

Imagen

Elder L. Tom Perry

Elder Perry a para na e pulpito apenas seis luna pasá. Na e okashon ei no por a imaginá nos mes ku su testimonio lo ta e delaster den un konferensha general.

”Laga mi konkluí dunando mi testimonio (i mi nuebe dekada riba e mundu akita kalifiká mi kompletamente pa bisa esaki) ku mas bieu mi bira mas mi ta realisá ku famia ta e sentro di bida i ta e yabi pa felisidat eterno.

”Mi ta duna danki pa mi kasá, pa mi yunan, pa mi ñetunan i pa mi bisa ñetunan, i pa … famia ekstendé ku a hasi mi propio bida asina riku i, si asta eterno, Di e bèrdat eterno aki mi ta duna mi testimonio mas fuerte i mas sagrado” (“Why Marriage and Family Matter—Everywhere in the World,” Liahona, Mei 2015, 42).

Elder Perry su mensahe ta un lès poderoso di un bida di un hòmber ku mi stima i ku a komprondé or di un eksperensha enorme e relashonnan esensial entre famia i felisidat eterno.

Imagen

Presidente Boyd K. Packer

Presidente Packer a enfatisá den e konferensha seis luna pasá e Tata Su plan di felisidat, E salbador Su ekspiashon i famianan eterno.

”Mi ta duna testimonio ku Jesus ta e Cristu i e Yu di e Dios bibu. E ta para na kabes di e Iglesia. Dor di Su Ekspiashon i e poder di e saserdosio, famianan ku ta kuminsá den mortalidat por ta huntu pa e eternidat. …

”Mi ta asina gradisí pa …e Ekspiashon ku por laba [i hasi] limpi tur mancha no importá kon difísil òf kon largu òf kuantu tempu el a ripití. E Ekspiashon por hasi bo liber atrobe pa sigui abi dilanti limpi i digno: (“The Plan of Happiness,” Liahona, Mei 2015, 28).

Presidente Packer su mensahe final ta un lès di un bida di un hòmber ku mi stima i ku énfasis i kada biaha a ripití deklarando ku e propósito ”di tur aktividat den e Iglesia ta pa mira ku un hòmber i un muhé ku nan yunan ta felis na kas, seyá huntu pa tempu i pa tur eternidat. ” ( Liahona, Mei 2015, 26).

Imagen

Elder Richard G. Scott

Elder Scott a proklamá den su delaster diskurso den konferensha general den òktober 2014: ”nos a bin den bida mortal presisamente pa nos krese di nos pruebanan i tèstnan. Desafionan ta yuda nos pa bira mas manera nos Tata na Shelu, i e Ekspiashon di JesuCristu ta hasi posibel pa soportá e desafionan ei. Mi ta testifiká ku miéntras nos aktivamente ta aserká na Dje, nos por soportá kada tentashon, kada doló di kabes, i kada desafio ku nos ta enfrentá(“Make the Exercise òf Faith Your First Priority,” Liahona, Nov. 2014, 94).

Elder Scott su mensahe ta un lès poderoso di bida di un hòmber ku mi stima i un testimonio spesial i stimá di e nòmber di Cristu den hinter e mundu (wak D&C 107:23).

E Señor a deklará, “Sea do di mi mes bos òf di pa e bos di Mi siervonan, e ta meskos”. (D&C 1:38). Ku nos por skucha i pone atenshon na e bèrdatnan eterno siña pa Señor Su representantenan outorisá. Segun nos ta hasi esaki, mi ta primintí ku nos fe den Tata Selestial i JesuCristu lo wòrdu fortifiká, i nos lo risibí guia spiritual i protekshon pa nos sirkunstanshanan i nesesidatnan spesífiko.

Ku tur e energia di mi kurason mi ta testifiká ku e Cristu resusitá i bibu ta dirigí e asuntunan di Su Iglesia Restourá i bibu dor di Su siervonan ku a wòrdu skohé pa duna testimonio di Su nòmber. asina mi ta testifiká den e sagrado nòmber di JesuCristu amèn.