Kwe’é Hodiyingo Naanishíí Adiilnííł

Baa ahée nisínii eíí asdzáni da’oodląnii bił ahííkai, Lisa gi’at’áo, éí bijéí daniłtóli, éí Ataa’ ayóó adayó’ni dóó yá nidaalnish, azhą́ t’áa bich’į́’ nidahwii’náo. Lisa baa hane’go yee shiyííłni’ii eíí ts’ída ayóó ada’ahíínii’ní dóó nihii’náazį́į danizhǫ́nii deidiiltsééł. Yisda’iinííł bina’nítin, “Béé nilnii Diyin God yee’ áyi’sizį́į ayóó bił nilį́įgo yinéł’į́.”¹ Nihí 8dóo 108jį’ nihínaakáo, t’áá’aniit’é “[bił] niidlį́įgo éí nihinéł’į́.”² Ayóó anihó’ní. Diyin God bítsi’ daniidlį́. Ziongi ałk’is daniidlį́. Hodiyindóó ch’iníídzáh, dóó naanish ayóó at’éii binídiilnishgo.

Shįįdą́ą́’ amá bich’e’é dikwíí shį́įgo baa niyá. Amá nabíiłnaníí shił ch’íini’ą́ǫ eíí nihich’ikę́ę́h íidoolílii bídenhohéé’, da’ilíigi yee biká adoolwół. Bił bééhozinii eíí hinii’náo dóó hool’áágoo da’niidlǫ́ǫ hodiyindóó ch’iníidzahígíí bik’ehgo dahinii’ná. Diitł’éé’, díí saad yee dahóótalíí  eíí yee nanihíntin bii’ daníti’. Nihihóntáh dóó ti’hwii’nííh, azhą́ néiildzid dóó nihik’ehódidlį́h, nihijéí ga’ hada’ólni. T’áá biniil’ą́ąjį’. Nihí hodiyingo naanishíí ádadiilnį́į́ł.³ Shik’is, díí bee íłdaniidlį́, nihídenhoyéé’.

Hodiyingo oonish’ígíí éí Christ bínaanish at’é. Yisdaa’ádááh bi’oonish.⁴ Átaa’ na’nitíno, “Díí shínaanish at’é dóó shítsazdiníliid—dine’é nahiidoo’náał dóó hool’áágoo dahináa doo.” ⁵ Jesus Christ éiyá nihíniihaa tí’hooznii’, dił t’éí ninitéél, dóó be’íina’ niidini’ą́h. Bi yá’at’éehii baa hane’, “danizhǫ́nii, … bí éí ni’ yikáa’jį’ niyá, azhą́ Jesus, ni’ bikáá’ yá bił o’ool-káál, dóó ni’ bikáa’ bibąąhí yá ak’iidiit’ą́h, dóó ni’ bikáa’ nayóosbą́, dóó bichin yąąh neiidóoł’oł; ałtso binahjį’ eíí yisdádookah.”⁶ Nihí Yisda’iinííł yee’, “atiingóó dah aztą́ dóó yikáá’ dah diiyá.”⁷ T’áá aaníí adzaaígíí bikéé’ yiikah disní, Diyin God ayóó ooh’ní, dóó a’áhwiinit’į́ dóó aahojóoba’ bee ałhá nidéiilnish, “nihoniyáadi bee ak’éhat’ááh t’áagééd Diyin God bidáahdę́ę́’” niiltóligo nidiidááł.⁸ T’áa nihí íiniidzį́ngo Átaa’ hodiyinjí bá yiil-nishgo eíí aZhe’é dóó aYe’ bił deiyíniilníísh.⁹

Bá yałti’í Mormon koní, “nihí díí hashtł’ish ats’ísii bee naanish ła’ ádiilníiłgo biká niidzáh. Nihí eíí hodiyin ałtso yik’ijį’ nilį́nigii bik’eh didiidlééł, dóó nihiyi’sizį́į Diyin God bił haz’ą́ądi haa-doolxįh.”¹⁰ Nléídę́ę́’ nahagha’ yilą́ąjį’ naazį́į dóó tse’náa hada’olnǫ́ǫ nidaheezná dóó yá’at’éego hane’ háá bidoolwoł danízǫ́ǫ dóó Átaa’ bighan ńdadoo’níłgo bii’ bee ha’dit’eií bibee ó’ool’įįł haa dadiit’áah dooleeł. Diijį́ deinóhnehii, nihí dóó shí, ałdó’ oodlą́’ bee náás yiikah, “[Átaa’] bida’ák’ehgi dine’é yisdáadookahgi bee bił nidíilnish,”¹¹ Dóó naat’áanii Gordon B. Hinckley koní, “Dooládo’ Ayóó at’éii náásdi bínaanish ayóó anóolnin doo … akǫ́ǫ́ nihokáá’ dine’é nihá Nina’ídlaií ayóó adayó’noo yá deiyilníísh.”¹² Nihík’is ałk’idą́ą́’ da’oodlą́nii bił, diijį́į’, dóó k’ad haanóot’ą́nii bí dine’é yisdáádookahji’ bił deiníílniish!

T’áhdoo nihi’dichí hęędą́ą́’, nihíZhe’é Diyinii binahat’á’ niidzį́į́’ “jo’éí ba’áłchiní yinahjį’ bits’íís dahodoolééł dóó ni’ bikáagi nanihínitááhigii bee hadíniilt’éejį’ ch’ídiit’kah dóó yee hool’áágoo iiná iit’i’íí deidoolbįįłígíí yaa akódadinóozįįł.”¹³ Íidą́ą́’ bee aha’deet’ą́nii, Eldir John  A. Widtsoe yaa koní: “Lą́ asiidlį́į́’, akwii dóó íidą́ą́, dóó dóo t’áa sahí adábinidiinísh da … ndi t’áa at’é nihokáá’ dine’é bá. Nihi Átaa’ bee bidiidzáh. Nahat’á be’doolníiłgi dóó aZhe’é dóó Yisda’iinííł t’éiyá yindoolnísh da, ndi nihí ałdó’ bindiilnísh. Ániilch’į́di, jooba’ niidlį́, Ayóó at’éii bidiidzáo hool’áágoo yisdaa’iildééh binahat’á’ alyaií be’doonííł.”¹⁴

Nihí ni’ bikáa’gi Yisda’iinííł éí dine’é yisdáádookahígíí bił nidiilníshgo ałha’diníit’ą́. Bíbee adziil bibéé o’ool’įįł baa hasti’ígíí adeiilyáo, Diyin God binaanish eíí ajéí, adziil, ani’, dóó atse’ bee bá ch’idíílnish dii’niid.¹⁵ Diyin Áyi’sizį́į nihaa daheesyá dóó yiilnishgóó nihił íishją́ o’óhsin.  Diyin God nihá yinízinígii bik’i’di’diitą́ dóó bik’eh yiidáalgo ni’ bikáa’goo hodooyį́į́ł.

Primarygi áłchiní ła’ nadáhii bii’ yajii’áhi ninaltł’i’gi yibá’ sizį́įgo, “Shóoh! Sodizin bá hooghan góó shił dii’ásh nísin!”

Sodizin bá hooghandí Ch’ikéí yah anájah góne’ bigaan yee da’áhotą’ dóó ts’ída ahidiníłnao nida’ ahidíniitįįł dóó at’ééd ła’ ha’íshį́į́ tsi’na’iilaií ga’ bii’ hadadiitłóós daaníigo nahat’á ádayiilaa.

Ánii amá daazlį́’igii danesh’į́įgo jó oolkił, yiyííchįįh, dóó yaa naanish biiłyeií dóó hane’ yéego yik’ehgo yigááł, akó ba’áłchiní eíí Helaman biye’ké nihalíngo, yee’ bitsé’go deidoozįįł dóó bintáh, bidááh idlį́, dóó bigha’dit’áah be’oodlą́ yee yii’ ch’ídookah.

Ndi aláahdi daats’í baa hojooba’íí asdzaní t’áhdoo hastii bee haleehíí ts’ída eíí bibá hasht’e’ádidiilnííł ałhé’eské dóó áłchiní haleehíí t’áá aaníí binidíilnish. Azhą́shį́į́ t’áhdoo iigéh da ndi, bił bééhozinígíí eíí ła’ hooghan haz’ą́ądoo bił yisdáazh dookáhgo bi’óonish. “ Hodiyingo nahat’á ályaií naa’diilyá bik’ijį’ t’áa ła’ hooghan haz’ą́ądoo ahił dahójilǫ́.”¹⁶ NihiZhe’é binahat’a’ nihił nilį́ dóó Diyin God ayóó at’éii bee yiildził dóó anii dóó hoo’áo aha’iigeh íil’į́įgo bee náás yit’ih. Nihi niiltóli dóó iiná chin bąąh adingo eíí baa yiniłką́ǫ, nihí eíí Átaa’ bighan góne’ adiigéhígii bee bibá’ hasht’e’ í’diilyáa doo.

T’áa aniíltso kǫ́ǫ́ doole’é bii’ da’iinííldįįł. Ndi ła’ da’íiniilta’, ła’ ndéiilnish, kintah ła’ nihighan, doodaií’ hooghandi siidá, nihí Átaa’ bá nisiizį́ dóó bá ndéiilnish.

Yisdaa’iildééh bi’oonish, ákwii ałhąąh naa’nil, ąąh nehalhááł, doodaií’ kójit’é dóo bá haz’ą́ą da. Dóo bináahai, ééhosin, doodaií’ bee ho’dílzin binahjį’ da. Díí ajéí tééh dindléeh dóó íi’sizį́į íists’-ą́ą́’, dóó naanish báa hashti’ yinahjį’ baa yilaií dóó Átaa’ yiniziníí yik’ehgo naalnish doo. Hojoo-ba’ niidlį́įgo nitsididíígoh dóó bee hadiidzí, “O shiZhe’é, … dóo íinsin gi’at’áo, ndi ninízin gi’a-t’áo,”¹⁷

Átaa’ bee nihidziildo, nihí “doole’é ałtso biniil’ą́.”¹⁸ Nihí sodizin, diyin bizaad, Diyin Ayi’sizį́į binahjį’ ach’į’ yáti’ ałahjį’ niidzin. Asdzáni, naanish nanitł’a léí’ baa deet’ą́ǫ, yaa í’ii-láa, Łahda ałk’idą́ą́’ Nahagha’jí sáanii atáh ninánée, nihí gi’at’áo, tł’ée’go tsii’ááł yik’i dah da-nit’ááh dóó sodadilzįįh, ‘Yiską́ǫ ahodooníłii, éí bii’ ch’ishidiilóós’?” Áadoo íyiilaa, “Ła’ bibee ak’ihojidlíí [eíí] ałhił hóniidlǫ́ dóó díí bidiikah!”¹⁹ Hait’áoshį́į́ nihił nahaz’ą́, yisdáá’-adááh bich’į’ haanizáhoo yiikáh, nihí Yisda’iinííł lą bidi’niidgi t’áá niiła’í. Nihí Bí naanish bee ałká anéiijah.

Na’ashch’ąąh

Ella Hoskins T’ááwoh Náás Joogááł ałtso áyiilaa

T’áá’anii, nihíshįį shik’is Ella Hoskins baa da’óołta’, éí 100 bináahaigo sodizin bá hooghangi Ch’ikéí T’ááhwoh Náás Joogááł bee biká adiilwoł.²⁰Naaki daats’í náahaigo, 102go, shik’is Hoskins Ch’ikéí biká idlį́ binaaltsoos beiyiyį́. Ch’ikę́ę́h dinlį́į, yił yah anajah dóó tsikjí Ch’ikę́ę́h dóó Sáanii biNaat’áani danlį́į, dóó bighandóó ałhííkaigo ééhaniih yá nideiz’ą́. Hwe’-oodlą’ bee joolníshgo náahai, binjilnish, dóó ajiyéeh daats’í t’óó adaadį́į́h. Ch’ikę́ę́h yił naal-nishíí shik’is Hoskins ahéhee’, nanihinitin, dóó hodiyin k’eh yinálii dabiłní. Akó deeshnííł danízin. Bikéédoo, shik’is Hoskins abidishní, “Haásh yit’áo be’íinilaa?”

Tsį́įłgo haadzį́į́’, T’áa oo’áał iiná łahgo ááshliił.”

Asdzaa ba’át’e’ ádin, Átaa’ be’Áyi’sizį́į bii’ ha’déezbingo eíí bits’á di’nidííd, Yee shiyííłni’ii eíí hodiyinjí nizhǫnóo bee ats’ádi’nilííd, Yisda’iinííł bił jizį́, dóó dine’é bee bik’ijidlį́, ts’ída niiltó-lóo. Christ be’ájooba’ bee niiltólí diidlééł t’áa bąąhí adąąh yiit’ǫ́ǫ dóó God bee ayóó’ii’ní adziil, ani’, dóó atse’.²¹ Paul bá sizį́į yina’niłtin, “Nǫ́ǫchééł … ajił anii naakaií: ... bikéé’ hwokah hodiyin, oodlą’, ááshin, ił hoozyéél, Átaa’ bijéí daniłtólóo dayózhihii bił.”²² Dóo nidiła’ hadiniilt’ée da. T’áa’aniit’é nida’ayéelzíí’. Ndi adaa nidasííkąngo eíí bee ts’íidgo yiikah “[Christ] bizhí’ ałahjį’ [nihi] jéí bii’di dabikáá’.”²³ Átaa’ bizhí’ bee yiilníshgo, ajéí niłtólóo, Yisda’iinííł be’ayóó’o’ní bee yit’į́ dóó ła’ yá’ąąsh yee dayiiłtsé’.

Nihí dah nihíTaa’ Jesus Christ bizhí’ binahjį’ hodiyinjí bee yéego bá yiilnish. Bi’ bee ahíiłgha deiidiidzį́į́ł dóó “sin [nihi] jéí bíi’go náás yiikáh, hane’ bee dahiníi’náo, Átaa’ ayóó’adeinii’nǫ́ǫ, dóó [Bił] haz’ą́nii nootsééł.”²⁴ Díí oonish ayóó’at’éii eíí t’áa’aaníí, God be’ayóó’o’-o’ní niłtólii nihił bee hódoozįįł. T’áa’aaníí iłhózhǫ́ nihaa doolyééł dóó ałtso hool’áo ayóó’adaa-t’é. Jesus Christ bizhí’ baa hasti’íí binahjį’, áámen.