Tiacna Sa ac Tiacna Pahtlac

Tamuhlwel ac Tahmtahel, kuht wi mweuni facluh se inge. Ke pacl somlah ah, facluh srihke in eis ke kuh ac pacl luhn tuhlihk nahtuhsr. Mihsenge facluh mweun ke inelos ac nuhnak lalos. Puhsra na yohk ac kuh puhs srihke in ahkkahlwemye tuhlihk nahtuhsr uh ac mac elos in luhlahlfongi uh. Kuht tiac kuh in lwelah mwet luhn muhtuhnfacl uh in oruh tuh mwet lasr in oacna atacn facluh. Kuht enenuh in kuhtanglah mweun se inge. Ma nuh kwewa epacl nuh ke ma se inge.

Tuhlihk ke Alu uh onkihn soko on ma lotwelos ke ma pwacye kaclos: “Nga tuhlihk nuhtin God. … Ac El suhpweyucme, use nuh sihk sie acn in wi mwet luhk.” Na, puhsren tuhlihk nuh sesr: “Kolyuc, pwenyuc, fahsruh wi yuc. … Kahsrweyuc in kahlwem ke kahs lal met liki pahtlac.”¹

Prestuhn Russell M. Nelson el luti kuht ke toeni luhlahp lasr tari ah lah, ke ingena lac, kuht enenuh in muhta na kuh yurin pahpah ninac.². Pacl uh okahrkahr. Tuhsruhk pweng wo pa God El etuh ma inge ac fah sikyak, ac El use nuh sesr kahs in kahsruh oasr ke ma suhmuhslah, kuht in etuh fuhkah kuht in kahsruh tuhlihk nahtuhsr and tuhlihk nahtuhlos.

Petsac

Leum el wi tuhlihk srihsrihk ke Puk luhn Mormon

Ke Puk Luhn Mormon, Mwet Lahngo el sikyang nuh sin mwet Nephi. El oracni tuhlihk srihsrihk nahtuhlos ye muhtahl. El ahkinsewowoyelos, pruhe kwaclos, ac tuhng kwaclos.³ Na El fahk nuh sin pahpah ninac, “Liye tuhlihk srihsrihk nuhtuwos.”⁴

Kahs se inge liye kalmac an pa in ngwetacng ac liye.Meac Jisus El kena pahpah ac ninac in liye ke tuhlihk srihsrihk nahtuhlos uh? Kuh El kena elos in akihlen wolacnaiyacn tuhlihk nahtuhlos?

Ke kuht ngwetacng nuh ke tuhlihk nahtuhsr ac tuhlihk nuhtin tuhlihk nahtuhsr mihsenge,meac Mwet Lango El kena kuht in liye kwaclos? Kuh kuht akihlen lah tuhlihk nahtuhsr uh pa mwet sirape luhlahp emet luhn Alu uh? Meac kuht enenuh in oruh in kahsrwelos eklac ne tok?

Ke puk luhn Matthew, Mwet Lahngo El luti kuht ke eklac ne tok se. Mwet puhkantwen elos toeni nuh sisken Luhluh Galilee in Lohngohl luti. El akihlen lah elos tiac kahlwem pweng Lal, ac El kampare in lotwelos ke sie puhpuhlyuck.4

Ke toeni se inge, Jisus El sruhmuhn soko sramsram ke yok fihtac—puhpuhlyuck ke sie mwet tahknwelihk.⁵ Ke el ahkkahlwemye ma inge nuh sin mwet kuhlwacnsap Lal, ac oacyacpac nuh sesr, El fahk, “Elos suc lohng pweng ke tokosrai ac tia kalem kac, … El su Koluklana el tuku ac tulakunla fita se su yoki insialos.”⁶ Pweng se nuh sin pahpah ac ninac inge kahlwem: oasr eklac se inmahsrlon lohng se ac kahlwem kac. Fin tuhlihk nahtuhsr uhlohng na tiac kahlwem ke wosasuc, na sruhngucl se ikacklah nuh sel Setuhn in eislah ma pwacye ke insiyaclos.

Tuhsruhk, kuht fin kuh in kahsrwelos in ahkkapyelos in eklac na pwacye, na ke upac luhn lwen uh, ke moul upaclac—suc ac sikyak—wosasuc luhn Jisus Kraist kuh in sang nuh selos mwe ahkinsewowo ma tiac kuh in eklac ke ma lihk.Kuht ac fuhkah karihngihn mwe pwacye yohk inge in tiac utyak ke sie insroac ac som liki insroac sahyac? Lohng kahs muhkwena tiacna fal.

Kuht kwewa etuh lah kahs uh ekyek. Kuhtuh pacl uh kuht fahk kahs lasr uh, ac elos lohng kahs lalos. Sahp kom ac fahk nuh sin tuhlihk srihsrihk nuhtum an, “Kom fahk nuh fahk na fahk.”Na elos ac sahp topuk, “Pahpah, meac kalmac?”

Pahpah Tuhmasr Inkuhsrao El kena kuht in wo pwacye mweyen, tukun ma inge nuh kwewa, elos tuhlihk Nahtuhl met liki elos tuhlihk nahtuhsr. In pahpah ac ninac fin acn Zion, kom eis tari mwe sang luhn Nguhn Muhtahl. Ke kom pruhe in suk kahsruh, “ac fah ahkkahlwemyeyuck nuh sum ma nuh kwewa ma kom enenuh in oruh”⁷ in luti tuhlihk nuhtum an. Ke kom ahkkweye in etwacack atacn lutlut uh, “kuh luhn Nguhn Muhtahl uh us ma inge nuh insiacn tuhlihk uh.”⁸

Nga tiac kuh in nuhnkweack sie atac wo ma in kahsruh sie mwet in eis etwacack sahyacn na sramsram soko kacl Helen Keller. El mwet kun se ac mwet tiac pac lohng se ac el moul ke facluh na lohsr ac srihk se. Sie mwet luti pahngpahng Anne Sullivan el tuhkuh in kahsrwel. Kom ac luti fuhkah sie tuhlihk ma tiac kuh in liye kuh lohng?

Petsac

Helen Keller and Anne Sullivan

Ke pacl loes, upac nuh sel Anne in muhtwacta nuh sel Helen. Sie infulwen lwen ah, el usacllah nuh ke sie kof pam se. El sang lwacmac pahol Helen ke lukunum kof pam sac ac muhtwacack in pami kohf sac.Na Anne el spacli kahs se inge K-O-F ke lwacpo sahyac ah. Wacngihn ma sikyak. El sulpac srihke. K-O-F. Helen el sruokyac pahol Anne upac mweyen el muhtwacack in kahlwem. Ke fongweni ah, el lotwelah kahs tolngoul. Ke mahlwem ekahsr tohkoh, el lotwelah kahs onfoko, ac kuh in riti kahs Braille. Helen Keller el som ac eis college degree se and kahsruh eklac facluh luhn mwet kun ac mwet tiac lohng.⁹ Mwenmwen se pa inge, ac mwet luti se lal ah mwet mwenmwen se pac.

Nga liye pac sie orekma luhn mwet luti yohk sahyac se ke nga prestuhn luhn stek luhn mwet fuhsr ke BYU-Idaho. Sripac se inge oruh eklac se ke moul luhk. Sie fong in Tuste ah, nga kihsensiyucki in lohlngohk yurin sie mukul fuhsr pahngpahng Pablo, el ma ke acn Mexico City, suc kena in wi mission. Nga siyuck sel ke testimony lal ac kena lal in wi kuhlwacnsap. Top lal nuh ke kihsensiyuck luhk ah suwos. Na nga siyuck sel ke ohiyacn nwacsnwacs lal. Top lal suwos. Ma na pwacye an lah, suwos,na nga motko, “Sahp el tiac akihlen kihsensiyuck luhk nuh sel.” Na nga sulpac siyuck kihsensiyuck luhk ah ac nuhnkuh lah el kahlwem ke ma nga siyuck ah ac el topuk ke ma pwacye.

Nga lut na pwacye ke mukul fuhsr se inge oruh nga siyuck sel, “Pablo, suc kahsrwekom in tuhkuh nuh ke pacl se inge oruh moul lom an suwohs ye muhtuhn Leum uh?’’

El topuk, “Pahpah Tuhmuhk ah.”

Nga fahk, “Pablo, fahk nuh sik sramsram keim an.”

Pablo el kalweni: “Ke nga yac yuc, pahpah tuhmuhk el usyuc ac fahk, ‘Pablo, nga yac yuc met pac. Pa inge kuhtuh ma ma sahp kom a liye. Kom ac liye kuhtuh mwet tiac pwacye ke lom lutlut. Sahp kom oasr yurin mwet ma kahskahs koluk. Sahp oasr lwen kom ac sruhnga wi alu. Ingena, ke ma inge sikyak uh—kuh kuhtwena ma ma ahkkolukyekom—nga kena kom in tuhkuh ac sramsram nuh sik, nga ac kahsrwe kom in kuhtanglah ma ingacn. Ac nga a fahk nuh sum ma ac sikyak tok.’”

“Na, Pablo, meac el fahk nuh sum ke kom yac singucul ah?”

“Ac el sensenkihnyuc ke petsac koluk ac mwe pwacr tiac nwacsnwacs.”

“Ac ke kom yac singucul sie ah?” Nga siyuck.

“El sensenkihnyuck ke ma ma kuh in pahlah kac ac ahkacsmakihnyeyuc in orekmakihn sukohsohk in sulwaclah luhk.”

Pa inge sie pahpah, yac nuh ke yac, “lain nu ke lain, mwe luti nu ke mwe luti,”¹⁰ suc kahsruh mukul nahtuhl in tiac lohng na, tuh in kahlwem pac. Pahpah tuhmwacl Pablo ah el etuh muh tuhlihk nahtuhsr uh ahkolah in lotwelah ke elos ahkolah in lotwelah, tiac ke kuht ahkolah in lotwelos. Nga engan sel Pablo ke kuht suhpwaclah pwepuh in misin lal ke fong sac ah, tuhsruhktuh nga insewowo yohk ke pahpah tuhmwacl Pablo.

Ke nga kahsruhsr nuh lom ah ke fong sac, Nga siyuck sik sifacna, “Kain pahpah fuhkah se Pablo el elac muh asr kac uh?” Ac top kac ah kahlwem nuh sik: el ac oacna pahpah tuhmwacl. Jisus El fahk, “Wen el tia ku in oru kutena ma ke ku lal sifana. El oru na ma el liye Papa tumal El oru.”¹¹ Pa inge ohiyac se ma Pahpah Inkuhsrao elac ahkinsewowoye tuhlihk Nahtuhl ke fihl nuh ke fihl.

Ke nga kalweni in nuhnkuh ke sramsram luhk yohrohl Pablo, Nga puhla ahsor mweyen tuhlihk muhtwacn ahkosr nahtuhsr kapwack tari ac tuhlihk yuc nahtuhlos tiac muhta fototo nuh yuruk. Na nga nuhnkuh, “Yac nga kuh in kahsrwelos fuhkah oacna pahpah tuhmwacl Pablo kahsrwel? Yac pucs nga wacngihn luhkwelos?” Ke nga pruhe ke insiyuck, Nguhn Muhtahl mahmah ma pwacye yohk nuh sik: “Tiacna sa ac tiacna paht in muhtwacack ke atac yohk se inge.” Nga sa in kahlwem. Nga kena sa in fohlohk nuh lohm ah. Nga siyuck sin muhtwacn kiyuck, Sharol, in pahngon tuhlihk nuh kwewa nahtuhsr ac fahk nuh selos kuht enenuh in muhtwacta yohrohlos; oasr ma yohk se nga enenuh in fahk nuh selos. Sa luhk uh ahklutyelos kuhtuh.

Kuht muhtwacack ke tuhlihk muhtwacn mahtuh nahtuhsr ac mukul tuhmwacl. Nga fahk: “Nga ac ninac kiom uh ke kom in etuh lah kuht sun matwom met. Kuht yac tolngoul sie met, ke sie sucu srihsrihk. Oasr nuhnak lasr ke ma kowos ac muh sun uh. Sahp ac ma ke upac ke mani kuh mahno. Sahp upac nuh ke luhlahlfongi lom. Sahp kom ac puhla toasr nuh ke moul. Ke ma inge sikyak, nga kena kom in sramsram nuh sesr, kuht ac kahsrwekom in fahsr ke. Ingacna, kuht tiac kena in oasr ke orekma lom pacl nuh kwewa, tuhsruhktuh kuht kena kom in etuh kuht oasr yurum pacl nuh kwewa. Ke kuht tuhkweni, nga ke sramsram nuh sum ke sie sramsram luhk yurin mukul fuhsr pahngpahng Pablo.”

Tukun sramsram soko ah, Nga fahk, “Kuht tiac ke kom in tiac kahsruh tuhlihk nuhtum ac tuhlihk nuhtin tuhlihk nahtuhsr in kahlwem ke ip yohk pwacye inge.”

Tamuhlwel ac tahmtahel, nga akihlen ke inek yohk ma Leum El kena kuht pahpah ac pahpah mahtuh in muhsaheack atac wowo in kahsruh sucu luck tiac in lohng na tuhsruhk in kahlwem.

Ke nga mahtuhlah, nga sifacna muhta nuhnkuh ke kahs inge:

I know I can’t turn back time, but this I now know—that it’s never too early and it’s never too late to lead, guide, and walk beside our children, because families are forever.

Nga etuh nga tiac kuh in som nuh pacl met, tuhsruhk ma inge nga etuh—lah tiac arulacna sa ac tiac arulacna paht in kol, kai, fahsr sisken tuhlihk nahtuhsr mweyen sucu ma pahtpaht. Mwe loh luhk lah Pahpah Tuhmasr Inkuhsrao luhngse kuht yohk tuh El suhpwacma Wen Kuloh Nahtuhl in moul fin facluh Jisus El in muh kuh in fahk nuh sesr, “Nga oasr yac kom oasr, nga etuh ma sikyak tok, ac nga ac kahsrwekom kac.” Nga etuh El ac oruh. Ke inen Jisus Kraist, amen.