2010–2019
Būruō Ejjab Jem̧ļo̧k An Lin̄ōri
Oktoba 2015


Būruō Ejjab Jem̧ļo̧k An Lin̄ōri

Ij jar bwe kom̧ naaj kālet n̄an kejōkļo̧kjeņ kōn naan ko an Anij ilo juon jekjek em̧wilaļ.

Jerbal eo aō ej, ij juon investor. Ilo tōmak, ij juon rikaļoor an Jisōs Kraist, Nejin Anij.1 Ilo jerbal in pejnej ko aō, ij ļoor pedped ko kōn jāān. Ilo aō mour kōn tōamk eo aō, ij kajjieon̄ ļoor pedped ko ilo jetōb me naaj jipan̄ eō erom ļo̧k āinwōt Kraist.

Kūr ko rej Bōktok Kōjeram̧m̧an ko

Elōn̄ wōt iaan nōbar ko aō make iaar būki ilo mour raar itok āinwōt juon tōprak in an juon kūr eō n̄an kōm̧m̧ane juon jerbal epen. Ilo an wōt jibadbad ilo ļōmņak, ikōņaan lewaj n̄an kajjojo iaami ruo kūr ko. Eo m̧oktata ewōr elmakot ko kōn jāān ippān eo kein karuo, elmakot ko rej ilo jetōb. Kūr ko jim̧or, eļan̄n̄e būki, naaj aikuji juon kijejeto in kipel ilo juon tōre eo aitok n̄an bōk nōbar ko.

Kūr Kein Kajuon

Kūr eo kein kajuon eļam waan: Ij kūr kom̧ n̄an kōjparok jāān kajjojo wiik. Oran eo kom̧ij kōjparoke ejjab kanooj in ļap; ej ami pepe. Ilo ami ejake juon iminene in kōjparok, kom̧ naaj jeram̧m̧an. Im emaron̄ barāinwōt wōr ami iien ko rem̧m̧an n̄an jipan̄ ro jet ikkijien jāān āinwōt juon tōprak ilo ami niknik. Pijaik tōprak eo em̧m̧an ilo kōjparok jāān wiik otemjeļo̧k ium̧win jiljino allōn̄, juon iiō, 10 iiō, ak lōn̄ ļo̧k. Tōprak ko reddik kar jipan̄ ilo juon tōre emaron̄ kwaļo̧k eļap tōprak.2

Kūr Kein Karuo

Kūr eo aō kein karuo ebwe an oktak jān im eļap ļo̧k an aorōk jān eo kein kajuon. En̄in ej: Ij kūr kom̧ n̄an “kejōkļo̧k kememej”3 juon eoon ilo jeje ko rekwojarjar kajjojo wiik. Naan eo ponderize ejjab pād ilo dictionary eo, bōtaab epād ilo būruwō. Kōn menin ta meļeļe in n̄an kejōkļo̧k kememej? Ikōņaan ba ej koba in 80 bōkjāān kejōkļo̧kjeņ im 20 bōkjāān kememej.

Ewōr ruo bun̄tōn ko reļem waan:

M̧oktata, kālet juon eoon ilo jeje ko rekwojarjar kajjojo wiik im likūti ijo kom̧ maron̄ loe aolep raan.

Ruo, riit ak ļōmņak kōn eoon eo jet alen kajjojo raan im kejōkļo̧kjeņ kōn meļeļe in naan ko an im naan ko raorōk aolepān wiik eo.

Pijaik ļo̧k tōprak ko rōkōbōkakkak ilo kōm̧m̧ane menin wiik otemjeļo̧k ium̧win jiljino allōn̄ ko, juon iiō, 10 iiō ko, ak lōn̄ ļo̧k.

N̄e kom̧ij kōm̧m̧ane kijejeto in kom̧ naaj en̄jake ami kajoor ļo̧k ilo jetōb. Kom̧ naaj maron̄ barāinwōt katakin im jipan̄ ro kwoj iakwe er ilo wāween ko eļļap meļeļeier.

Pija
Turo̧n̄ kōn Jinākōļ

Eļan̄n̄e kom̧ij kālet n̄an kejōkļo̧k kememej wiik otemjej, kom̧ maron̄ en̄jake jidik āinwōt juon armej eo eaar lem̧ōņōņō in turo̧n̄ kōn jinākōļ m̧okta ak kiiō kar kālet n̄an kajjieon̄ turo̧n̄ kōjerbal tāān̄ in tulo̧k. Kōn jokālet jab in, juon m̧eļeļe eo ewilaļ ļo̧k kōn pedped ko an gospel in naaj ami im erreim̧aan ļo̧k ko ilo jetōb rekāāl naaj kōjeram̧m̧an mour eo ami.

Pija
Turo̧n̄ Kōjerbal Tāān̄ In Tulo̧k

N̄e kom̧ij ļōmņak kōn eoon ko kom̧ kar kāleti kajjojo wiik, naan ko im eoon ko renaaj aorōk n̄an kom̧.4 Naan ko im eoon ko renaaj bar jeje ilo ļōmņak eo ami. Ilo bar juon wāween ba, kakilōklōk enaaj pidodo im make bōk jikin. Bōtaab kōttōpar eo eļaptata an kejōkļo̧k kememej ej n̄an letok juon jikin ekōbbōkakkak n̄an kōļmenļo̧kjeņ ko ami n̄an etal n̄an—juon jikin me ej kepaak wōt kom̧ n̄an Jetōb eo an Irooj.

Rilo̧m̧o̧o̧r eo eaar ba “ko̧koņi ilo ļōmņak ko ami otemjej naan ko in mour.”5 Kejōkļo̧k kakememej ej juon wāween eļem waan im kōbōkakkak n̄an kōm̧m̧an.

Ij tōmak Nipai eaar juon rikejōkļo̧kjeņ. Eaar ba, “Aō ej lan̄lōn̄ ilo jeje ko rekwojarjar, im buruō ej kōlmānļo̧kjeņ kaki [ejjab bōjrak], im jei n̄an katakin im em̧m̧anļo̧k eo an ro nejū.”6 Ej ļōmņak kōn ajri ro Nejin ilo ad kejōkļo̧kjeņ im je eoon ko. Ewi jon̄an an baam̧le eo ami maron̄ jeram̧m̧an ilo ami wōnm̧aan ļo̧k wōt in kajjieon̄ kobrak ļōmņak eo ami kōn naan ko an Anij?

Eoon Eo Aō

Raan ko ļo̧k iaar kōjekļo̧k kememej Alma 5:16. Ej kōnono, “Ij ba n̄an kom̧, kom̧ maron̄ ļōm̧ņak ilo kom̧ make ke bwe kom̧ij ron̄ ainikien Irooj, ej ba n̄an kom̧, ilo raan eo: Itok n̄an Ippa kom̧ jeram̧m̧an, bwe lo jerbal ko ami raar jerbal ko re jim̧we ioon mejān laļ?”

Ilo jem̧ļo̧k in wiik eo, en̄ine ej ta eo iaar kememej kōn eoon eo: Ij pijaik ļo̧k aō ron̄ ainikien Irooj ej ba, “Itok n̄an Ippa kom̧ jeram̧m̧an, bwe lo, jerbal ko ami raar jerbal ko re jim̧we” (Alma 5:16).

Āinwōt ami maron̄ loe, iaar jab kakilōklōk aolepān eoon eo naan kōn naan. Ijowōt ke, iaar kejōkļo̧kjeņ elōn̄ alen ko pedped ko raorōk an eoon eo im ia eo pukōte ie. Bōtaab m̧ōttan eo em̧m̧an tata an jekjek eo ekar ewōr men em̧m̧anļo̧k iaar ļōmņak kaki. Ilo aolepān wiik eo iaar pijaik Rilo̧mo̧o̧r eo an ba naan in kōketak ko n̄an n̄a. Pija eo eaar im̧we būruwōd im jerbal n̄an im̧we eō n̄an kōņaan kōm̧m̧an “jerbal ko rejim̧we.” Ej ta eo emaron̄ waļo̧k n̄e jej aolep iien reilo̧k n̄an [Kraist] ilo aolep ļōmņak.”7

Jej Aikuj Bōbrae

Kom̧ maron̄ kajjitōk, “Etke ij aikuj kōm̧m̧ane menin?” Jej aikuj jum̧ae. Ikōņaan uwaak bwe jej mour ilo juon tōre eļap an ajeded nana. Jejjab maron̄ baj bōk wāween ko kiiō im ron̄jake naan ko renana im alooji pija ko enan̄in aolep jikin jej oktak n̄ane im kōm̧m̧an ejjeļo̧k jabdewōt. Jej Aikuj Bōbrae. N̄e ļōmņak ko ad rej obrak kōn ļōmņak im annan̄ ko rōkōbakkak, n̄e jej iien otemjej kememem E,”8 ejjeļo̧k jikin n̄an ļōmņak ko renana im ettoon.

Ilo Bok in Mormon, Jisōs Kraist ej kūr aolep n̄an “kōļmānļo̧kjeņ kōn men kein ko [Eaar] ba.”9 Ļōmņak kōn kejōkļo̧k kememej āinwōt juon wāween kōkōm̧anm̧an ļo̧k n̄an ekkatak jeje ko rekwojarjar ippam̧ make im baam̧ļe eo, ak jab kōtļo̧k bwe en juon ribōk jikin. Kejōkļo̧kjeņ kememej ej juon kein kōkōm̧anm̧an ļo̧k jejjet eo an ekkatak jeje ko rekwojarjar me em̧ōj de an kōm̧m̧an.

Ekanooj In Pen

Kom̧ maron̄ ba, “Kejōkļo̧k kememej āinwōt ekanooj pen n̄an n̄a.” Jab reel. Pen emaron̄ em̧m̧an. Kraist ej kūr kōj n̄an kōm̧m̧an elōn̄ men ko reppen kōnke Ejeļā jenaaj jeram̧m̧an āinwōt juon tōprak in kijejeto ko ad.10

Pija
Jeje Ko Rekwojarjar ilo talboon

Juon rūturūm̧ eo edik eaar lo juon wāween n̄an kejōkļo̧k kememej. Eaar likūt jeje ko rekwojarjar ilo talboon eo an bwe aolep iien ej kōpeļļo̧ke ewaļo̧k. Bar juon ļōmņak kom̧ maron̄ kajjieon̄ kwaļok eoon eo ami ippān juon jeiūm̧ ak jatūm̧, juon nejūm, ak juon m̧ōttam̧. Ļio ippa, Julie, im n̄a kōmij jipan̄ doon. Kōm kar kālet eoon ko am kajjojo Jabōt. Ej likūt ko an ilo fridge eo. Ij likū ko aō ilo tūrak eo waaō. Innām kōmij kwaļo̧k ļōmņak ko am kōn eoon ko ilo aolep wiik eo. Kōmij barāinwōt kōņaan ekōnono kōn eoon ko ippān ajri ro nejim. Ilo am kōm̧m̧ane, āinwōt ekōļap ļo̧k kaenōm̧m̧an n̄an aer kwaļo̧k ļōmņak ko aer ippām kōn naan an Anij.

Pija
Sister Durrant ej likūt eoon ko ilo aaij bo̧k eo
Pija
Būratōr Durrant ej likūt eoon ko ilo tūrak eo

Julie im n̄a kōm barāinwōt m̧ōttan juon online kumi me ro uwaan baam̧le eo, ro m̧ōttam̧, im mijenede ro remaron̄ kwaļo̧k jeje ko rekwojarjar aer kajjojo wiik im jet iien ekoba juon ļōmņak ak naan in kam̧ool. Erom m̧ōttan juon kumi ekapidodoik n̄an jokkuun wōt juon. Leddik eo nejim ej high school im juon kumi in ro m̧ōttan rej kōjerbal social media im jeje ilo taļboon n̄an kwaļo̧k eoon ko ippān doon.

Pija
Jiron̄ eo ej kwaļo̧k eoon ko ilo social media ko

Jouj jab āliklik in kobaik armej ro jet kabun̄ ko jet ilo kum̧i ko ami. Rej barāinwōt kappukōt wāween ko n̄an ļōn̄aj ļōmņak ko aer im en̄jake epaakeļo̧k Anij.

Ta Jeram̧m̧an Ko?

Pija
Sister Durrant ej ekkatak jeje ko rekwojarjar

Kōn menin, ta jeram̧man ko? Julie im n̄a kar kejōkļo̧k kememej juon eoon juon wiik elōn̄ ļo̧k jān jilu iiō ko kiiō. Jinointata, kōm kar jōk 20-iiō kōttōpar. Eaar jiron̄ eō raan ko ļo̧k: “Ke kwar kūr eō m̧oktata n̄an kejōkļo̧k kememej juon eoon kajjojo wiik ium̧win 20 iiō ko, iaar ļōmņak eļan̄n̄e imaron̄ in kar kōm̧m̧ane ium̧in juon allōn̄. Eaar ejjeļo̧k pere ko n̄an jidik. Ijjab tōmak jon̄an an kalimomo n̄an likūt juon eoon ilo fridge eo kajjojo wiik, im jān kejōkļo̧k kememeje kajjojo iien ij loe, eļōn̄jak jetōb eo aō.”

Ālkin kejōkļo̧k kememej ium̧in jiljino wiik ko, juon sister jān Texas, USA, eaar ba: “Naan in kam̧ool eo aō em̧ōj an kajoor ļo̧k, … im iaar en̄jake aō epake ļo̧k Jema Ilan̄. … Ij iakwe wāween an naan an Anij ukōt eō n̄an em̧m̧anļo̧k.”

Juon jodikdik m̧ōtta eaar je: “Ilukkuun lem̧ōņōņō in maron̄ in [kejōkļo̧k kememej] kōnke eaar jipan̄ eō kalimjōk wōt men ko me rekanooj in aorōk.”

Juon iaan mijenede ro am kar kwaļo̧k menin: “Em̧ōj de aō kejōkļo̧k kememej juon eoon kajjojo wiik jān Juun in 2014 eo, im ij iakwe. … Eoon kein em̧ōj aer erom āinwōt ro m̧ōtta me imaron̄ pedped ioer ilo iien ko aikuj ko.”

Ilo jekjek eo aō, eļapļo̧k aō en̄jake jetōb ilo aō kejōkļo̧k kememej wiik otemjeļo̧k. Iakwe eo aō kōn jeje ko rekwojarjar em̧ōj an eddōk ļo̧k barāinwōt āinwōt juon tōprak in kajieon̄ n̄an “kōtļo̧k bwe wenōk en jab bōjrak an kobrak ļōmņak ko.11

Ļōmņak kōn kūr in im kōjeram̧m̧an eo eļaptata kar kwaļo̧k jān Nipai: “N̄e kom̧ naaj bun̄ m̧aanļo̧k, kwojkwoj ioon naan an Kraist, im niknik n̄an jem̧ļo̧kin, lo, āindein Jemān ej ba: Kom̧ naaj bōk mour indeeo.”12 Ilo jitbōn “kwojkwoj ioon naan an Krais,” kejōkļo̧k kememej ej āinwōt kūj m̧ōn̄ā ko renno innām lukkuun, lukkuun kadikdik meki n̄an maron̄ lem̧ōņōņki n̄an eoon eo an.

Pija
Kōrā eo ej em̧ōņōņō kōn salad eo

Ta Eoon eo Ami?

Kom̧ naaj ke kejōkļo̧k kememej juon eoon in jeje ko rekwojarjar kajjojo wiik n̄an allōn̄ in? N̄an aolepān iiō in? Aitok ļo̧k bōlen? Julie im n̄a kar kūr aolep mijenede ro am aolep reperan ilo Texas Dallas n̄an kejōkļo̧k kememej ippām ium̧win 20 iiō ko. Kōm naaj tōpar jem̧ļo̧k eo ilo iiō ko 17 rekkadu. Innām kōm naaj kōm̧m̧ane juon kōttōpar kāāl n̄an ļōn̄aj ļōmņak ko am im kepaak ļo̧k kōj n̄an Kraist.

Kom̧ maron̄ etale kōm kōn kajjitōk, “Ta eoon eo ami?” Ak eļan̄n̄e kom̧ kōm̧m̧ane, pojak in kwaļo̧k eoon ko ami. Kajjojo iaad naaj ketak āinwōt juon tōprak in kwaļo̧k ko ad.

Kom̧ maron̄ ke pijaik ļo̧k ekōjkan an mour eo ami im baam̧le eo ami naaj oktak eļan̄n̄e kom̧ je juon eoon in jeje ko rekwojarjar ilo būruwōm̧ im ļōmņak eo ami aolep wiik ium̧win jet allōn̄ ko ak iiō ko ak aitok ļo̧k?

Jisōs Kraist Ej Ad Waanjon̄ak

Jisōs Kraist eaar aikujin ejake juon iakwe n̄an jeje ko rekwojarjar ke eaar dik wōt. Eaar riiti im kejōkļo̧k kememej eoon ko āinwōt juon ajri edik n̄an an maron̄ in wōr ekōnono ko reļļap meļeļeier ippān taktō ro an remeletlet ilo tampeļ eo ke eaar 12 an iiō.13 Eaar jino mijen eo an ke eaar 30 an iiō,14 im Eaar kōnono jān jeje ko rekwojarjarj m̧okta im emakijkij ilo aolepān jerbal in kwaļo̧k eo An.15 Jemaron̄ jab bun̄ būruwōd ba bwe Jisōs Em̧ool n̄an ad ba bwe Jisōs eaar joļo̧k diktata 20 iiō ko ekkatak im kejōkļo̧kjeņ kōn jeje ko rekwojarjar āinwōt m̧ōttan m̧aanjabpopo an mijen eo An? Ewōr ke men ko kom̧ij aikuj in kōm̧m̧ane rainin n̄an kōpooj kom̧ make ilo jetōb n̄an iien ko rem̧m̧an jekļaj n̄an katakin im kōjeram̧m̧an baam̧le eo ami im ro jet?

Kōjerbal Tōmak eo Ami im Kōm̧m̧ane

Ilo intōrpiu, ij kōjatdikdik kom̧ naaj kālet n̄an kōjparok jāān wiik otemjej. Kōjerbal ami tōmak, kipel kom̧ make, im kōm̧m̧ane. Ij barainwōt jar bwe kom̧ naaj kālet n̄an kejōkļo̧kjeņ kōn naan ko an Anij ilo juon jekjek aitok im m̧wilaļ wiik otemjeļo̧k. Kōjerbal tōmak eo ami, kipel kom̧ make, im kōm̧m̧ane.

Ejjab āinwōt kūr eo aō kein kajuon kōjparok jāān aolep jeram̧m̧an ko, jān kūr eo aō kein karuo lo̧mo̧o̧ren jetōb kūr eo naaj ami n̄an kōjparoke indeeo—joor jān dile im jo an laļ in.16

Elder D. Todd Christofferson eaar kwaļo̧k ilo alikkar kapilōk im kallim̧ūr in: Lukkuun ekkatak jeje ko rekowjarjar, kejōkļo̧kjeņ. Kōļmenļo̧kjeņ im jar kaki. Jeje ko rekwojarjar rej m̧adenļo̧k im renaaj bōktok kakobaba in madenļo̧k.”17

Kōjjem̧ļo̧k

Ij kallim̧ur kom̧ij jamin ajļo̧k je juon eoon in jeje ko rekwojarjar ilo ļōmņak im būruwōmi kajjojo wiik. Kom̧ naaj en̄jake juon en̄jake an jibadbad ilo jetōb indeeo, kōjparok, im kajoor.

Kememej naan ko an Jisōs Kraist ke Eaar ba, “Kōm̧m̧an men ko kom̧ ar lo Aō kōm̧m̧an.”18 Kōm̧m̧an bwe jān lukkuun kōjerbal naan ko An ilo mour ko ad, ij jar āindein ilo etan Jisōs Kraist. amen.