M̧ool ko Ralikkar im Aorōk

Ro jeiū im jatū jitōnbōro, ekar lōn̄ n̄oul iiō ko jān ke juon kweilo̧k eļap ekar kōm̧m̧an me jim̧or Būreejtōn Boyd K. Packer im Elder ro L. Tom Perry im Richard G. Scott raar jab jijet itulik in wōt lokato in im kōnono ilo juon iaan m̧wen̄an ko. Ememļo̧k ko ad kōn er robrak kōn en̄jake, im ij kobaik kautiej eo aō n̄an er, kajjojo iaer ejej eoktakier aaet kanooj jokkuun wōt juon ilo kam̧ool im naan in kam̧ool eo aer kōn Jisōs Kraist im Pinmuur eo An.

Barāinwōt, n̄a, āinwōt kom̧, lo kajoor ilo im rejtake Būreejtōn Thomas S. Monson āinwōt Rikanaan, rilolo, im ribōk revelesōn, im ij bwilōn̄ kōn tiljek im pokake ilo jerbal in rijilōk eo an eo aitok ļo̧k jān 50 iiō ko rekabwilōn̄lōn̄.

Im kōn menin eaar ilo jibbon̄ in Juje in wiik in, ālkin 9:00 jibbon̄. ke Bisoprik eo eaar jino juon kweilo̧k ippān Asia Area Būreejtōnji eo, ro rej pād ijin n̄an kweilo̧k eo, bwe kar kūr eō bwe in kweilo̧k ippān Būreejtōn Monson, koba ippān rikakpilōklōk ro an. Iien ko tokālik, ke iaar etetal ļo̧k n̄an lowaan ruum̧ in kweilo̧k eo ejitļo̧k n̄an opiij eo an, iaar aikuj in kar ikūm̧kūm̧ jijet iturejet in tebōļ eo, ke eaar jouj an ekōnono n̄an kaenōm̧m̧an ikūm̧kūm̧ ko aō. Eaar ba, kile detta, bwe eaar bwe aō dik im em̧ool dikļo̧k jān iiō eo aō.

Innān, ium̧win jidik iien, Būreejtōn Monson ekar kōmeļeļeik bwe jerbal ekkar n̄an ankilan Irooj, eaar letok juon kūr n̄an eō n̄an Doulul eo an Jon̄oulruo Rijilōk ro. Eaar kajjitōk eļan̄n̄e inaaj kar bōk kūr in, n̄an eō me, ļoor ta eo iaar jeļā eaar juon iien bōk kūtuwō ekanooj m̧ōkaj, kōn ļo̧kjeņ aō eļap, iaar uwaake ilo errā. Innām, m̧okta jān aō maron̄ kwaļo̧k ilo naan aolep en̄jake iaar en̄jaki, eļaptata en̄jake ko kōn aō likjab, Būreejtōn Monson kar kōnono n̄an eō ilo jekjek eo ejouj, kōmeļeļeik ekōjkan an kar kūr elōn̄ iiō ko remootļo̧k āinwōt juon Rijilōk jān Būreejtōn David O. McKay, ilo tōre eo eaar barāinwōt en̄jake likjab. Eaar jiron̄ eō, “Bisop Stevenson, Irooj enaaj kōkarbōb ro me Ej kūr.” Naan kein rekaenōm̧m̧an an juon rikanaan emōj an juon unjān aenōm̧m̧an en̄jake ko ke iaar kanooj etale eō make im juno unjān kaenōm̧m̧an ilo awa ko reppen.

Iaar ba ta eo iaar kōmeļeļeik n̄an kom̧ n̄an lio pāleō em̧m̧an, Lesa, tokālik ilo raan eo, kar jijet im jab keroro ilo juon damōn ilo Tempel Square eo, lale ļo̧k tampeļ eo im Tabernacle eo epād im̧aad. Ke kōm kar kajjieon̄ meļeļe im bōk meļeļe kōn m̧akūtkūt ko an raan eo, kōm kar lo unjen depdep eo āinwōt n̄an tōmak eo ad ilo Jisōs Kraist im jeļāļo̧kjeņ eo am kōn karōk in m̧ōņōņō eo eļap. Menin ej tōl n̄an juon en̄jake kōn iakwe eo em̧wilaļ n̄an Lesa. Liin ej unjān lan̄lōn̄ ilo im an mour eo aō im leddik nejin Anij ekabwilōn̄lōn̄. Mour eo an ej kōmeļeļeik jān jerbal in jab ļōmņak kōn emake im iakwe eo ejjab kaljōkļo̧k n̄an aolep. Inaaj kajjieon̄ erreo wōt n̄an kōjeram̧m̧an in mour indeeo eo am̧ro.

Ij kwaļo̧k aō iakwe em̧wilaļ tata n̄an ļaddik ro emān nejim im baam̧le ko aer, jilu iaer rej pād ijin ippān lim̧aro pāleer raiboojoj, ro jinen ajri ro jibūm̧ jiljino; eo kein kemān, juon mijenede, kar leļo̧k an mālim n̄an emmej eļe jān iien kiki an mijenede im alooje kadiwōjļok kein ippān mijen būreejtōn eo an im lio pāleen jān mission home eo ilo Taiwan. Ij iakwe kajjojo iaer im iakwe wāween aer iakwe Rilo̧mo̧o̧r eo im gospel eo.

Ij kwaļo̧k aō iakwe n̄an kajjojo membōr in baam̧le eo aō: n̄an ro jinō im jema jitōnbōro, ro rekar jako iiō eo ļo̧k, ro raar katōk ilo n̄a naan in kam̧ool eo me āinwōt ejuk ilo n̄a jān ememļo̧kjen ko aō m̧oktata. Ij leļo̧k kam̧oolol in n̄an ļeo jeiū, lim̧aro jeiū im jatū, im ro pāleer retiljek, barāinwōt n̄an baam̧le eo an Lesa, elōn̄ iaer rej pād ijin rainin. Ij likūt ilo tūroro in kam̧ool in n̄an elōn̄ ro nuku, m̧ōtta, mijenede ro, ritōl ro, im rūkaki ro m̧aan tak.

Em̧ōj aō jeram̧m̧an kōn iaio eo epaak ippān ro uwaan Būreejtōnji eo Kein Kajuon, Jon̄oulruo eo, Jiljilimjuonn̄oul eo, im būreejtōnji ko an radik ko. Ij kwaļo̧k aō iakwe im kautiej n̄an kajjojo iaami ro jeiū im jatū im naaj kajjieon̄ erreo n̄an iaio eo ad ejjab bōjrak. Bisporik eo ej Tōl ej lem̧ōņōņ kōn juon bōro kuk enan̄in bōro kuk in lan̄. Inaaj miji iaio eo aō kajjojo raan ippān Bisop Gérald Caussé, Bisop Dean M. Davies, im rijeral ro.

Ij jutak im̧aami āinwōt kein kam̧ool an naan ko an Irooj kar ļo̧o̧ki ilo jekjōn eo kein kajuon an Katak im Bujen ko: “Bwe tarlep in gospel [eo] Aō maron̄ in kean̄ kake jān ro m̧ōjņo̧ im ļam waan n̄an jem̧ļo̧k ko an [laļ], im im̧aan kiin̄ raņ im ripepe raņ.”¹ Naan kein rej itok jān kean̄ eo an Irooj me ej kwaļo̧k iakwe eo an juon Jemen n̄an ajri ro Nejin: “Kōn menin, N̄a Irooj, kōn Aō jeļā kōn ko̧kkure eo enaaj itok ioon ro rej pād ioon laļ, Iaar kūr rikarejera Josep Smith, Jun., im kar kōnono n̄an e jān lan̄, im kar leļo̧k n̄an e kien ko.”²

Jemedwōj Ilan̄ eo em̧m̧an im Nejin, Jeova, kōn juon jeļāļo̧kjeņ,³ kar kōpeļļo̧k lan̄ ko im juon tōre in bōk eddo ekāāl n̄an kōļļāik jorrāān ko me Eaar jeļā renaaj kar itok. Rijilōk Paul eaar kōmeļeļeik waļo̧ktok eo an jorrāān ko āinwōt “raan ko āliktata”⁴ N̄an n̄a, menin ej kwaļo̧k bwe Jemedwōj Ilan̄ ej jouj kōļļā wōņāān n̄an mour ilo raan ko āliktata ej bwe jenaaj bar mour ilo tarlep in tōre ko.

Il aō kanooj ļōmņak kōn likjab ko aō ilo wiik in, iaar bōk juon im̧we me jim̧or ettā im kaenōm̧m̧an eō: n̄an kalimjōk ejjab ta eo ijjab maron̄ ijello̧kin ilo ta eo imaron̄ kōm̧m̧ane. Imaron̄ kam̧ool kōn m̧ool ko ralikkar im aorōk an gospel eo.

Naan kein me iaar kwaļo̧k buki kōttan jim̧or ippān ro me rej uwaan Kabun̄ in im elōn̄ ro rejjab membōr: “Anij ej Jemedwōj Ilan̄ [eo ej iakwe]. Jej ajri ro Nejin. … Ej jan̄ ippād n̄e jej en̄taan im lem̧ōņōņō n̄e jej kōm̧m̧ane ta eo ejim̧we. Ej kōņaan kōnono ippād, im jemaron̄ kōnono Ippān kōn jar em̧ool. …

“Jemedwōj Ilan̄ eaar kōpooj n̄an kōj, ajri ro Nejin, juon iaļ n̄an … bar ro̧o̧l n̄an mour im̧aan Mejān. … Ioļapļap n̄an karōk eo an Jemedwōj [Ilan̄] ej Pinmuur eo an Jisōs Kraist.”⁵

Jemedwōj Ilan̄ eaar jilkintok Nejin n̄an laļ in n̄an en̄taan kōn jerawiwi ko an aolep armej. Kōn m̧ool kein ralikkar im aorōk ij kwaļo̧k aō naan in kam̧ool, im ij kōm̧m̧ane āindein ilo etan Jisōs Kraist, amen.