Sikengehr oh Kosongsongehr—oh Aleier Sawas

Ni atail wie momour, kitail kin ale sikeng oh kasongosong. Pil mie atail ansou mwahu en doadoahngki atail saledek en pilipil pwehn sewese emen emen kitail. Mepwukat wia kisehn pilahn unseko en Samatail Nanleng.

Presiden John Taylor padangki: “I rong Soukohp Joseph masanih, ni ah mamahsen ong Wahnparon Ehk-riemeno ehu ansouo: ’Kumwail pahn loieng kahpwal tohto ni amwail pahn douluhlwei. E anahne wiawiong kumwail duwehte Abraham oh ekei sapwellimen Koht aramas akan, oh (e masanih) Koht pahn soang kumwail, oh E pahn kolkumwaildi lau kumwail wia wen amwail kak koaros.’”¹

Ni ansou me kitail lel ni dih en ale pwukoa, kahpwal oh kasongosong udahn pahn mie. Ekei pak re kak wia katoutou ahpw e pil kin kihong kitail kehlail oh sewese kitail en keirda oh kak powehdi sohng koaros.

Ahpw, kotoutou pwukat kitail sohte kin weuwa kelehpw. Alma padahngki, “Kumwail me kin inengieng kohdo rehn Koht, oh wiahla sapwelime aramas, oh inengiong en iang toutouki en meteikan kotoutou kan, pahn iang ahneki sapwelime marain.² Mahsen pwukat kosoia me kitail ahneki pwukoa en sewese mehteikan. Pwukoa pwukat kin kohsang nan atail pwukoa en mwomwohdiso,mehn onop kan, kompokepatail kan, oh pil atail pwukoah sarawi en pahpa/nohno,lih oh ohl pwopwoud, de wia kisehn peneinei ahpw mehlel ni atail wia kisehn peneinei en Koht.

Ih pahn kihda karasaras pahieu ong atail kotoutou ah kin marahradaniansou me kitail kin sawaspene.

1. Sounkomouro masanih, Mehmen me pahn peki rehmw ken kokihwei mwail ehu, ah ke nantiong kohla lel riau.³ Ni karasepe, kitail kin kohla ni Tehnpas sarawi ansou ehu, ma atail ansou pahn mweidohng. Ke anahne meirongkihla omw ansou oh dipwisou pwe ken kak kohla nan tehnpas sarawi, ahpw mehlel ong irail kan me pahn seilok sang wasa doh. Ahpw, songen meirong wet kak wia kisehn keieun mwailo.

Kitail kin tepida aluhki mwail riauni ansou me kitail kin esehla lepin lokaia pwukat diar, ale, oh padahngki,⁴ ansou me kitail kin rapahki oh kounopada eden atail keinek kan ong doadoahk sarawi en nan tehnpas sarawi, de ansou me kitail kin papah ni atail wia tohn doadoahk en nan tehnpas sarawi, oh ansou me kitail kin sewese mehteikan en iang wehwekila oh koaiengkihla duwen tehnpas sarawi.

Ansou me ih wia papah men nan Area Seventy, tohn ehu stake nan ahi pwihno iang towehda seilok laud ehu ong nan tehnpas sarawi. Tehnpas sarawi me irail pwarala ie o me tikitik, oh diren towehkan me iang seilongki awa-eisek-riau reirei, sohte kak iang pedelong nan tehnpas sarawi pwehki tehnpas o lelehr uwen tohtohn aramas me irail kak apwalih nan ehu rahn.

Rahn kei mwurin seilok wet, ih pwarek presiden en stake wet oh peki ma ih kak kosoiong ekei irail me sohte ahneki ansou mwahu en pedelong nan tehnpas sarawio rahno. Emen riei ohl oko kosoia, “ Elder, ke dehr insonohki. I iang mih ni tehnpas en Kauno. I mwohd pohn sehr ehu nan mwetuwelo ngehi eri medemedewe duwen doadoahk sarawi ko. Eri I ahneki ansou mwahu en pidelong nan tehnpas sarawio, ahpw ih kihong emen riei ohl en pidelong, pwehki ehdin ah kohdo ni tehnpas sarawi pwe en kak katengeteng ong ah pwoudo. Ira eri ahneki ansou mwahu en iang tiepene riau rahno. Kauno ese ie oh e kapaiehda, oh kiht koaros kehlail.

2. Sirei. Kisin mwekid tikitik wet kak sewese irail akan me inenen toutoulahr. Nan tiepene en prihstuhd en nan kapokon lap en Epreil, ih mwohd nan mwohl wet iangahki irail akan me apwtehn pilipilda ong General Authorities. Se mwomwohd wasa me riei lih presidensi en pwihn en utuht kan wie mwomwohd ie met. I ahneki pepehm en salo oh masepwehk ong ai pwukoah kapwo.

Ansou me se wie kokoulki koul pwoat, I ahneki pepehm kehlail ehu me mie aramas kilekilangdohng ie. Ngehi eri pein medewe: Aramas tohtosang rienen mihmi nan ihmw wet, oh palilaud kilekilang do wasaht. Ahpw mehlel, mie aramas kilekilang uhk.

Ni ansou me ih pwurehng kokoul, I pil pwurehng ahneki pepehm kehlail ehu me aramas kilekilang ie. Ih kilengla ni sehr me irail Wahnparon Ehk-riemeno wie mwomwohd ie oh kilangada me Presiden Russel M. Nelson pirekekdohr, oh kilekilang do wasa me se mwomwohd ie. Se kilengpenehte, ih kidohng ie ehu sirei me inenen laud. Sireio kameleileidi ahi mohngiongo.

Mwurin Sapwelime Iasadao, Sises Krais ahpw pwarek sapwelime sihpw teiko. E pilada oh kasarawiala irail meh ehk riemeno, oh sang ni manaman o, re pil doadoahngkiong aramas akan. Atail Kaun Sises Krais ket nan pwungarail. Kauno padakiong irail en kelehpwdi oh kapakap. I sohte wewehki ma pwihn me alehda pwukoah kapw wet oh pwihn en ehk riemen o iang alehda pwunod oh saloh ni arail alehdi pwukoah pwukat, ahpw pwuhk sarawi masani, “Oh e wiawiher me Sises kapai irailda ansou me irail kapakap ong; oh pohn silangih sirei ong irail, oh sapwelime marain serehda irail.”⁵ Nan kaimwseklahn kapokon lap o sirei ehu me kamarahda ahi kotoutou kan ni mwohmw kaselel oh kansenamwahu.

3. Kasalehda pepehm en limpoak ong meteikan. Ma komwi emen me iang kolokol prihstud, menlau doadoahngki ahmw manaman, ong sapwelimen Kauno seri kan, ni omw pahn kin kapai irailda. Kosoia kosoi en kalolamwahu oh kansenamwahu ong irail akan me ahneki kahpwal de kapahtou.

4. Pahson en sapwelimen Koht pilahn iei Toamw en atail Kaun Sises Krais. Pak ehu nan week ehu, kitail anahne losenpwongih me duwehte Presiden Joseph F Smith wia nan “ limpok me keieu laud oh kaselel me kohsang rehn Samatail oh sapwelime Ieros iei Soundor o ah ketido sampah.”⁶ Luke aramas en kohdo iang sarawi oh irail en warohng ale kamadipw sarawio pahn katohtohla sapwelimen Sahm Nanleng seri me kak iang medewe kesempwal en Toamwo. Oh ma kitail sohte warohng, kitail kak koluhla. Tamataman Ieroso sapwellimen me keieu Lapalahpie ketidohr pahn koaros oh alehiong ih sapwung kan, dihp kan, uhpene kan, soumwahu kan, medek kan, weirek oh loloid kan. Pwuhk Sarawi padangki me Krais ketidahla powe, pil ketidihla pahn mehkoros, karehda e powehdi sohng koaros.⁷

Sohte katepen dahme kitail kin apwalki—ahpw menda ma soumwahu de loloid oh kahpwal en kasongosong oh sikeng en nan mour wet—Silepen Sihpw Mwahu o kin ketiket wasao. E kin eker kitail ni edetail oh kosoia, Kohdo rehi, irail akan me toutoukilahr ahr mehn wesik kan, oh ih pahn kihong kumwail en komol.⁸

I men oralap ih ire pahieuko:

Keieu—kohla ni keriaun mwailo.

Keriau—menlau sirei. Amw sirei pahn sewesehda meteikan.

Kesiluh—kasalehda duwen limpoak.

Kapahieu—luke aramas en kohdo iang sarawi.

I wia ai kadehde duwen Sounkomouro. Sises iei ih me Krais, Ieros en Koht, oh E ketin ieias. I ese me E utung, ki Sapwellime kehl oh manaman, sapwelimen Sahmo pilahn. I ese me Presiden Thomas S. Monson wia soukohp ieias. E kolokol key koaros en kadakadaur sapwelimen Koht doadoahk pohn sampah. I ese me kitail kak sawaspene nin duwen sapwelimen Sahm Nanleng seri kei nan atail kahpwal oh kasongosong kan. Ni mwaren Sises Krais, amen.