E Espíritu Santu komo Bo Kompañero

Mi kerido rumannan, mi ta agradesido di por ta huntu ku bo riba e Dia di Reposo aki den e konferensha general di Señor Su Iglesia. Mi a sinti, meskos ku bo, e Espíritu, e spiritu Santu, testifikando di e palabranan berdadero ku nos a skucha i tende nan wòrdu kantá.

Mi propósito ta di awe ta pa inkrementa boso deseo i boso determinashon pa reklamá e don prometé na kada un di nos ora nos a boutiso. Durante e konfirmashon nos a skucha e palabranan aki: “Risibí e Espíritu Santu.”¹ For di e momento ei, nos bida a kambia pa semper.

Nos por, si nos biba digno di dje, tin e bendishonnan di e Espíritu huntu ku nos, no solamente debesenkuando, manera den e eksperenshanan remarkabel ku nos tabatin awe, pero semper. Bo sa for do e palabranan di e orashon sakramental kon e promesa ei ta wòrdu kumpli: O Dios, e Tata Eterno, nos ta pidibo den e nòmber di bo Yu, JesuCristu, pa bendishoná i santifiká e pan aki pa e almanan di tur esnan ku ta partisipá di dje, pa nan por kome den memoria di e kurpa di bo Yu, i testifiká na abo, O Dios, e Tata Eterno, ku semper nan ta dispuesto pa tuma riba nan e nòmber di bo Yu, pa nan por kòrd’é semper i warda Su mandamentunan ku el a duna nan.”

I e ora ei ta bin e promesa glorioso: “Pa nan por tin su Espíritu semper huntu ku nan” (D&C 20:77; énfasis añadí).

Pa nos tin e su Espíritu semper huntu ku nos ta un guia i direkshon di e Espíritu Santo den nos bida diario. Nos por, por ehèmpel, wòrdu atvertí dor di e Espíritu pa risistí e tentashon di hasi maldat.

Pa e motibu ei so, e ta fásil pa mira dikon Señor su siervonan a purba na inkrementa nos deseo pa adorá Dios den nos reunionnan sakramental. Si nos partisipá di e sakramentu ku fe, e Espíritu Santu lo por e ora ei protehá nos i esnan ku nos stima for di e tentashonnan ku ta bin ku mas intensidat i frekuensia.

E kompania di e Espíritu Santu ta pone ku loke ta bon bira mas atraktivo i tentashonnan ménos iresistibel. Esei so mester ta sufisiente pa pone nos bira determiná pa kualifika pa e Espíritu ta ku nos semper.

Meskos ku e Espíritu Santu ta fortalesé nos kontra maldat, E tambe ta duna nos e poder pa diserní bèrdat for di falsedat. E bèrdat ku ta konta mas ta wòrdu verifiká solamente pa medio di revelashon di Dios. Nos rasonamentu humano i uso di nos sentido fisiko lo no ta sufisiente. Nos ta biba den un tempu kaminda esnan mas sabi ta hañ’é difísil pa distingui entre bèrdat i engaño inteligente.

Señor a siña su Apòstel Thomas, ku tabata ke un evidensia físiko di e Resurekshon di e Salbador dor di mishi ku Su heridanan, ku revelashon ta mas sigur ku evidensia: “Jesus a bisé, Thomas, pasobra bo a mirami, bo a kere: Bendishoná ta esnan ku no a mirami i tog a kere.” (John 20:29).

E bèrdatnan ku ta marka e kaminda pa kas serka Dios ta wòrdu verifiká dor di e Espíritu Santu. Nos no por bai e arboleda i mira e Tata i e Yu papia ku e hóben Jose Smith. Ningun evidensia físiko ni tampoko argumentu lógiko pro establesé ku Elias a bin manera primintí pa konferí e yabinan di saserdosio ku e profeta viviente Thomas S. Monson tin.

Konfirmashon di e bèrdat ta bin na un yu di Dios ku a reklamá e derechi di risibí e Espíritu Santu. Ya ku falsedat i mentira por wòrdu presentá na nos na kualke momento, nos mester tin e influensha konstante di e Espíritu di Bèrdat pa skapa nos momentunan di duda.

Miéntras un miembro di e Quorum di Diesdos Apòstelnan, George Q. Cannon a urgí pa nos hasi nos búskeda konstante pa e Espíritu ta ku nos. E la primintí, i mi tambe ta primintí, ku si nos sigui e kaminda ei, nunka nos lo tin falta di konosementu di e bèrdat, “nunka nos lo ta den duda òf den skuridat,” i nos “fe lo ta fuerte, nos felisidat … kompletu.” ²

Nos mester di e ayudo konstante di e kompania di e Espíritu Santu pa otro un rason mas. E morto di un ser kerí por bin inesperá. Ta e testimonio di e Espíritu Santu di e realidat di un Tata Selestial amoroso i e Salbador resusitá ta duna nos speransa i konsuelo ora di pèrdida di un ser kerí. E testimonio mester ta fresku ora tin un morto.

Pues, pa hopi motibu, nos mester tin e kompania konstante di e Espíritu Santu. Nos ta deseá, pero asina nos sa for di eksperensha ku no ta fásil pa manten’é. Nos tur ta pensa, papia, i hasi kos den nos bida diario ku ta ofendé e Espíritu. Señor a siña nos ku e Espíritu Santu lo ta nos kompañero konstante ora nos kurason ta yen di karidat i ora “virtut ta yena nos pensamentunan insesantemente” (wak D&C 121:45).

Pa esnan ku ta lucha ku e norma haltu rekerí pa kalifiká pa e don di kompania di e Espíritu Santu, mi ta ofresé e siguiente enkurashamentu. Bo tabata tin tempu kaminda bo a sinti e influensha di e Espíritu Santu. E por pasa ku bo awe.

Bo port rata e momentunan di inspirashon manera e simia di fe ku Alma ta deskribí (wak Alma 32:28). Planta kada un. Bo por hasié dor di aktua riba e susuronan ku bo sinti. E inspirashon di mas valioso lo ta bo sa kiko Dios ke pa bo hasi. Si ta pa paga bo diesmo òf bishitá un amigu den tristesa, bo mester hasié. Loke sea ku e ta, hasié. Ora bo a demostrá bo disposishon pa obedesé, e Espíritu lo manda bo mas impreshonnan di loke Dios ke pa bo hasi p’E.

Ora bo obedesé, e impreshonnan di e Espíritu lo bin ku mas frekuensia, aserkando mas i mas serka di e kompania konstante. Bo poder pa skohe loke ta korekto lo krese.

Bo por sa ku e impreshonnan aki pa aktua p’E ta di e Espíritu Santo of mas bien di bo propio deseonan. Ora e impreshonnan ta kuadra ku loke e Salbador i su profetanan viviente i apòstelnan a bisa, bo por skohe ku konfiansa pa obedesé. E ora ei Señor lo manda su Espíritu pa asistí bo.

Por ehèmpel, si bo risibí un impreshon spiritual pa honra e dia di Reposo, espesialmente ora e ta parse difísil, Dios lo manda su Espíritu pa yudabo.

E ayudo ei a bin pa mi tata añanan pasa ora su trabou a hib’é Oustralia. E tabata su so riba un djadumingu, i e ker a partisipá di e santa sena. E no por a haña ningun informashon tokante reunionnan di e Santunan di Delaster Dianan. Pues e la kuminsá kana. E la hasi orashon na kada krusada pa e por sa unda e tin ku bira. Despues di a kansa i bira pa un ora, e la stòp i hasi orashon atrobe. E la sinti un impreshon pa lora den un kaya partikular. E la kuminsá skucha kanto biniendo for di un piso abou di un edifisio di apartamentu serka. E la wak dor di e bentana i e la mira algun hende sinta serka di un mesa kubri ku paña blanku i skalchi di sakramento.

Awó, kisas esei no ta hopi kos pa boso, pero tabata algu maravioso pa e. E tabata sa e promésa di e orashon di sakramentu a wòrdu kumpli: “Semper korde pa warda su mandamentunan ku E a duna nan; pa nan por tin su Espíritu semper huntu ku nan” (D&C 20:77).

Esei tabata solamente un ehèmpel di un tempu ora ku e la hasi orashon i hasi e ora ei loke e Espíritu a bisé ku Dios ke pa e hasi. E la mantené asin’ei durante e añanan, manera abo i ami lo hasi. Nunka e no a papia tokante su spiritualidat. E la kontinuá hasiendo e kosnan chikitu ei pa Señor ku el a wòrdu inspirá pa hasi.

Kada bia ku un grupo di Santunan di Delaster Dianan puntr’é pa papia ku nan, e la hasié. No tabata import’é si ta 10 hende of 50 òf kon kansa e ta. E la kompartí su testimonio di e Tata, e Yu, i e Espíritu Santu, i di e profetanan kada bia ora ku e Espíritu urgí e pa hasi esaki.

Su yamamentu mas haltu den Iglesia tabata den e Sumo Konseho di Estaka Bonneville Utah, kaminda e tabata kita yerba malu for di un kunuku di e estaka i e la duna les den un klas di Escuela Dominikal. Durante e añanan, ora e tabata tin mester, e Espíritu Santu tabata su kompañero.

Mi a para banda di mi tata den un kamber di hospital. Mi mama, su kasa di 41 aña, tabata drumi riba kama. Nos a wak e durante oranan. Nos a kuminsá mira e liñanan di doló kuminsá desaparesé for di su kara. E dedenan di su man, ku tabata sera den un moketa, a relahá. Su brasanan a keda na su bandanan.

E dolónan di kanser tabata finalisando. Mi a wak den su kara un mirada di pas. E la hala algun rosea kòrtiku, despues un respiro kòrtiku i drumi ketu. Nos a para einan wardando riba un otro respiro.

Finalmente, nos tata a bisa, “un yu muhé a bai kas.”

E no a yora. Esei tabata pasobra e Espíritu Santo ya hopi ten atras a dun’é un bista kla di ken e ta, for di una e la bin, kiko e la bira, i unda e tabata bai. E Espíritu a testifiká na dje hopi bia di un Tata Selestial amoroso, di un Salbador ku a kibra e poder di morto, i di e realidat di seyamentu den tèmpel ku e ta kompartí ku su kasa i famia.

E Espíritu a sigur’é hopi tempu pasa ku su bondat i fe a kalifik’é pa por regresá na su kas selestial kaminda lo rekord’é komo un yu di promesa maravioso lo haña un bon bini ku honor.

Pa mi tata, esei tabata mas ku un speransa. E Espíritu Santu a hasié un realidat p’e.

Awó, algun por bisa ku su palabranan i e bista ku e tin den su mente di un hogar selestial ta solamente dushi sentimentunan, e huisio nubla di un kasa na momento di su pèrdida. Pero e tabata konosé bèrdat eterno na e úniko manera ku bo por konosé.

E tabata un sientífiko ku tabata buska e bèrdat tokante e mundu físiko durante hinter su bida adulto. E la usa hèrmèntnan di siensia dje bon ei ku e la wòrdu honra dor di su kompañeronan rònt mundu. Hopi di loke e la hasi den kímika a bin dor di wak den su wowo di mente molekülnan move i despues konfirmá su vishon dor di eksperimentunan den un laboratorio.

Pero e la sigui un kaminda diferente pa diskubrí e bèrdatnan ku ta mas importante p’e i pa kada un di nos. Solamente pa medio di e Espíritu Santu nos por mira hende i eventonan manera Dios ta mira nan.

E don ei a kontinuá den hospital despues ku su kasa a muri. Nos a reuní tur mi mama su kosnan pa bai kas kuné. Nos tata a para pa duna danki na e enfermera i dòkter ku nos a topa na kaminda pa e outo. Mi ta kòrda ku ami a sinti, ku algu di iritashon, ku nos mester a bai pa ta nos so den nos ferdrit.

Ami ta realisá awor ku e tabata mira kosnan solamente e Espíritu Santu por a mester. E la wak e hendenan ei manera angelnan manda dor di Dios pa kuida su kerida. Nan lo a wak nan mes komo profeshonalnan den kuido médiko, pero tabata duna nan danki pa nan servisio na nòmber di e Salbador.

E influensha di e Espíritu Santo a kontinuá ku n’e ora nos a yega kas di mi mayornan. Nos a papia pa algun minüt den e sala. Tata a esküs su mes pa bai den e kamber den banda.

Despues di algun minüt, e la kana drenta e sala atrobe. E tabata tin un sonrisa plasentero. E la kana bin serka nos i bisa nos, “ Mi tabata preokupá ku Mildred lo yega den e mundu di espíritu su so. Mi a pensa ku e lo tabata sinti pèrdí den e multitut.”

Despues e la bisa ku brio, “mi a kaba di hasi orashon. Mi sa ku Mildred ta bon. Mi mama tabata einan pa topa kuné.”

Mi ta kòrda mi sonrisa ora e la bisa esei, imaginando mi wela, ku su pianan kòrtiku koriendo dor di e multitut pa ta sigur ku e ta einan pa topa i brasa su nuera na su yegada.

Awó, un di e rasonnan di mi tata a puntra i risibí e konsuelo ta pasobra semper e la resa ku fe for di su infansia. E tabata kustumbrá di risibí kontesta ku ta bin di su kurason pa haña konsuelo i direkshon. Banda di tin un kustumber di hasi orashon, e tabata konosé e skrituranan i e palabranan di e profetanan viviente. Kermen e ta rekonosé e susuronan familiar di e Espíritu, ku lo bo por a sinti awe.

E kompania di e Espíritu a hasi mas ku solamente konsole i guie. E la kambie pa medio di e Ekspiashon di Jesucristu. Ora nos acepta e promésa di tin e Espíritu huntu ku nos semper, e Salbador por duna nos e purifikashon rekeri pa bida eterna, e don di mas grandi ku tin di Dios (wak D&C 14:7)..

Bo ta kòrda e palabranan di e Salbador: “Awor esaki ta e mandamentu: Arepentí, tur boso ekstremonan di tera i bini na ami i wòrdu boutisa den mi nòmber, pa boso wòrdu santifiká pa e risibimentu di Spiritu Santo, pa boso por para sin mancha dilanti den e delaster dia(3 Nefi 27:20).

E mandamentunan ei ta bin ku e promesa di Señor:

“Y ahora, de cierto, de cierto te digo: Pon tu confianza en ese Espíritu que induce a hacer lo bueno, sí, a obrar justamente, a andar humildemente, a juzgar con rectitud; y éste es mi Espíritu

“De cierto, de cierto te digo: Te daré de mi Espíritu, el cual iluminará tu mente y llenará tu alma de gozo” (D&C 11:12–13).

Mi ta duna mi testimonio ku Dios e Tata ta bibu, ku e JesuCristu resusitá ta guia su Iglesia, ku Presidente Thomas S. Monson ta poseé tur e yabinan di e saserdosio, i ku revelashon pa medio di e Espíritu Santu ta guia si sostené e Iglesia di JesuCristu di e Santunan di Delaster dianan, i su miembronan humilde.

Tambe mi ta testifiká na boso ku e òmbernan maravioso aki ku awe a papia ku nos komo testigunan di e Señor JesuCristu, komo miembro di e Quorum di e diesdos apòstelnan, ta yamá pa dios. Mi sa ku e Espíritu a guia Presidente Monson pa yama nan. I manera boso a skucha nan i nan testimonio, e Espíritu Santu ta konfirmá na boso loke awor mi ta bisa boso. Nan ta yamá di Dios. Mi ta sostené nan i stima nan i [mi] sa ku e Señor ta stima nan i lo sostené nan den nan servisio. I mi ta bisa esaki den nòmber di JesuCristu, amèn.