Parmeshwar ka Priye Vachan

Is sammelan mein bhaag lene waale kayi log aaye hai “Parmeshwar ke priye vachan ko sunne ke liye, haan, woh vachan jo ghaayal aatma ko changa karte hai” (Jacob 2:8). Woh vachan dharamshaastron aur hamare netaaon ke sandeshon mein paaya jaata hai, hamein badi sankat ke samay aasha aur sahanubhuti laata hai.

Jiwan ke hamare anubhavon mein, hum seekhte hai ki is duniya mein sampurn anand nahin hai, magar Ishu Maseeh mein hamara anand sampurn hai (dekhiye D&C 101:36). Woh hamein shakti dega taaki hamein kisi tarah ke sankat na jhelna pade sirf yeh ki woh Unki anand mein sama jaaye (dekhiye Alma 31:38).

Hamare hirday tadap uthenge jab hum apne priyejan ko ek kathor beemaari ki peeda ko sehte dekhenge.

Kisi priyejan ki maut se humpar udaasi cha jaaegi.

Jab hamara koi beta susamachaar ke seekh se bhatak jaae, hum unke anant naseeb ke liye doshi aur asthir mehsoos karenge.

Ek celestial vivaah ko karne aur is jiwan mein ek parivaar sthaapit karne ki aasha samay guzarne par kam hoti jaaegi.

Apne priyejanon ke haathon durupyog sehne se hamare aatma par gehre daag reh jaaenge.

Ek pati ya patni ka bewafai us rishte ko nasht kar sakta hai jise hum anant banana chahate the.

Iske saath kayi aur sankat swabhaawik hai is maransheel stithi mein jo kabhi kabhi hamein Bhavishyevakta Joseph Smith dwara kiye sawaal ko khud se puchna padta hai: “He Parmeshwar, aap kahan hai?” (D&C 121:1).

Hamare jiwan ke un kathin chanon mein, Parmeshwar ka priye vachan jo ghayal aatma ko changa karta hai hamare hriday aur mann ko yeh sahanubhuti bhara sandesh deta hai:

“Aapke aatma ko shaanti mile; aapke durbhaagye aur aapke sankat sirf thode samay ka hoga;

“Aur tab, agar aap ise achchi tarah sahan karoge, Parmeshwar tumhe unnat karega” (D&C 121:7–8).

Parmeshwar ka priye vachan hamein aasha se bharta hai, kyunki hum jaante hai ki woh jo musibat ke samay vishwaasi bane rehte hai unhe swarg mein uttam puruskaar milega aur yeh ki “zyaada musibat ke baad ashirvaad milte hai” (dekhiye D&C 58:3–4).

Parmeshwar ka priye vachan, jaisa bhavishyevaktaaon ne kaha hai, hamein woh suraksha pradaan karta ki hamara anant bandhan hamein aur hamare purvaj ko ashirvaad dega, kyunki hum apne divye vaadon ke prati vishwaasi rahe hai jo hamein sachchaai ki raksha karne ke liye mila tha (dekhiye Orson F. Whitney, in Conference Report, Apr. 1929, 110).

Isse hamein yeh ashwaasan bhi milta hai ki, ek vishwaasniye jiwan ke baad, hum koi bhi ashirvaad nahin khoenge jise paane ka mauka hamein nahin mila tha. Agar hum marte dam tak vishwaasi rahe gaye, hum sab ashirvaadein, unnati, aur mahima ko paaenge jo kisi bhi purush ya mahila[jise mauka mila tha] ko milega.” (Dekhiye The Teachings of Lorenzo Snow, ed. Clyde J. Williams [1984], 138.)

Ab, yeh samajhna zaroori hai ki kuch takleef aur sankat hamare jiwan mein tab bhi aa sakta hai agar hum apne paapon se sahi pashchataap nahin karenge. Pradhaan Marion G. Romney ne sikhlaaya: “Is dharti ke log jo takleef aur dukh ko jhel rahe hai woh praeshchit aur chama na paane ke paap se hota hai. … Jis tarha takleef aur dukh paap se juda hai, usi tarah khushiyaali aur anand paap ki maafi se juda hai” (Conference Report mein, Apr. 1959, 11).

Kyunki pashchataap ki kami se takleef aur peeda hota hai?

Ek mumkin jawaab hai ki “ek dand-vidhaan niyukt [hua], aur ek uchit niyam diya gaya tha jo ki karan mein pashchataap ki bhaona le kar [aaega]” (Alma 42:18; verse 16) bhi dekhiye. ). Bhavishyevakta Joseph Smith ne sikhlaya ki hum hi khud ki ninda karte hai aur woh hamare mann ki niraasha hai jo use aur uttejit kar deta hai (dekhiye Teachings of Presidents of the Church: Joseph Smith [2007], 224).

Agar hum hamari antaraatma ko khush karne ka prayaas karte hain “[khud] ko [apne] paapon ke kaaran alag mat karo” (Alma 42:30) ya unhe chupane ki koshish karke, hum sirf Aatma ko krodhit karenge (dekhiye D&C 121:37) aur apna pashchatapp ko taal dein. Is tarah ka santosh, thode samay ka hoga, par baad mein hamare jiwan mein aur peeda aur dukh laaega aur hamein paap se chama paane ke sambhaona ko kam karega.

Is tarah ke takleef ke liye, Parmeshwar ka priye vachan bhi dillasa aur aasha deta hai; woh batlata hai ki paap ke prabhaao se raahat hai jo paap se juda hai. Yeh raahat Ishu Maseeh ke praeshchit se aata hai aur agar hum Un mein vishwaas kare, aur pashchataap kare, aur Unke aagyaaon ke prati aagyakaari rahe tab laabhdaayak hoga.

Yeh zaroori hai ki hum yeh samjhe ki paap se chama ki tarah, pashchataap bhi ek kriya hai aur woh ek chan mein nahin ho paata. Iske liye har kadam par lagataar sangharsh ki zaroorat hai.

Uddharan ke taur par, jab hum prabhubojh lete hai, hum Prabhu ko dikhlate hai ki hum Unhe hamesha yaad karenge aur Unke aagyaaon ka paalan karenge. Yeh hai hamare sachche chaah ko dikhana.

Jis chan mein hum har din Unhe yaad karte aur Unke aagyaaon ka paalan karte—aur na hi sirf Raviwaar ko—tab hamare paapon ka pashchataap dhire shuru hota aur Unki Aatma hamare saath hone ka vaada pura hone lagta hai.

Bina sahi aagyakarita ke jo hamare ichcha ke saath hona chahiye, chama ka prakop thode dinon mein khatam ho jaaega aur Aatma ka saath dur hone lagega. Hum sirf apne muh se unke paas jaane ka bhool ko karenge jabki hamare hriday Unse dur rahega (dekhiye 2 Nephi 27:25).

Hamein sahanubhuti dene ke saath saath, Parmeshwar ka priye vachan hamein aagaah karta hai ki paap se chama paane ka yeh kriya mein baadha aayega jab hum “duniya ke dikhaawe” mein fas jaaenge, aur woh kaayam hoga vishwaas ke zariye agar hum dil se pashchataap karein aur vineet ho (dekhiye D&C 20:5–6).

Kya hogi in mein se kuch dikhaawein jo paap se chama paane mein baadha daal sakta hai aur jo Raviwaar ke din ko pavitra rakhne se rokega?

Kuch uddharan hai der se prabhubojh sabha mein aana bina koi thos vajah ke; bina khud ko jaanjhe aa jaana, ayogyeta mein roti khaane aur paani peene ke liye (dekhiye 1 Corinthians 11:28); aur bina apne paap ko batlaaye aur Parmeshwar se unke liye chama mange aa jaana.

Anye uddharan hai: sammaan na vyakt karne apne elektronik upkarnon se sandeshon ko bhejte rehne se, prabhubojh ko lene ke baad sabha se chale jaana, aur apne gharon mein ayse gatividhiyaan karna jo us pavitra din ke liye achche nahin hai.

Ek kaaran kya ho sakta hai ki hum, yeh sab jaante huwe bhi, aksar Raviwaar ke din ko pavitra nahin rakh paate?

Isaiah ke pustak mein, hum uska jawaab paa sakte hai ki, bhale hi yeh Raviwaar se taaluk rakhta hai, woh anye aagyaaon se bhi juda hai jinka hamein paalan karna hai. “Raviwaar ko ashudh na kare, mere din par apni ichcha puri karke” (Isaiah 58:13).

Mukhye shabd yahan hai “apni ichcha karne…se dur jaana,” ya anye shabdon mein, Parmeshwar ki ichcha karna. Aksar, hamari ichcha—aam aadmi ke ichchaaon, swaadon, aur abhilaashaaon se jud kar—Parmeshwar ki ichcha ka virodh karta hai. Bhavishyevakta Brigham Young ne sikhlaya ki “jab ek aadmi ka ichcha, abhilaasha, aur ehsaas puri tarah se Parmeshwar aur unke aakaansha se mel khaane lagte hai, woh aadmi pavitra ho jaata hai. —Yeh, meri ichcha hai ki mai bhi Parmeshwar ki ichcha karne lagun, jisse mai sabhi achche kaam karun, aur ant mein mujhe amaransheelta aur anant jiwan ka taaj mile” (Deseret News, Sept. 7, 1854, 1).

Parmeshwar ka priye vachan hamein Maseeh ka Praeshchit ke shakti ko khud par istemaal karne ka nimantran deta hai aur Unke ichcha se purnmilaap karne ka—na ki shaetaan aur maanvi vishay-vaasna ke saath—isliye hum, Unke kripa ke zariye, bacha liye jaaenge (dekhiye 2 Nephi 10:24–25).

Aaj hamare paas jo Parmeshwar ka priye vachan hai hamein hamare jiwan mein lagataar pashchataap karne ki zaroorat dikhlata hai taaki hum Pavitra Aatma ke prabhaao ko zyaada samay tak barkaraar rakhein.

Aatma ke saath ka hona hamein behtar insaan banaega. “Woh [hamare] andar shaanti aur anand fusfusaaega, … woh [hamare] hridayon se irshaya, jalan, jhagda, aur sabhi buraai ko nikalega; aur [hamara] sampurn ichcha hoga achchaai karna, dhaarmikta laana, aur Parmeshwar ka raajye badhana” (dekhiye Teachings: Joseph Smith, 98).

Jab tak Pavitra Aatma saath rahega, hum krodhit nahin honge, na to hum kisi ko krodhit karenge; hum khushaal rahenge, aur hamara mann saaf rahega. Auron ke prati hamara prem badhega. Hum chama karne ke liye tayyaar rahenge aura as paas mein khushi baatenge.

Hum dusron ki pragati dekhne ke liye abhaari rahenge, aur hum dusron mein achchaai dhoondenge.

Yeh mera prarthna hai ki hum us anand ko anubhav karein jo sachchaai ke saath jine se milta hai aur ki hum Pavitra Aatma ko apna saath banaye rakhkhe dilse hamesha pashchataap karte rehkar. Hum behtar insaan banenge, aur hamare parivaaron ko ashirvaad milega. In siddhaanton ki mai gawahi deta hoon Ishu Maseeh ke pavitra naam se, amen.