Sastening blong Ol Ofisa blong Jos

Ol brata mo sista, Presiden Monson i bin askem se mi blong presentem long yufala, Ol Jeneral Atoriti, Ol Eria Seventi, mo ol jeneral okseleri presidensi blong Jos blong yufala i sastenem tru long vot blong yufala.

Hem i propos blong yumi sastenem Tomas S. Monson olsem profet, sia, mo reveleta mo Presiden blong Jos blong Jisas Kraes blong Ol Lata-dei Sent; Henri Benion Aering olsem Fas Kaonsela long Fas Presidensi; mo Dita Fredrik Ukdof olsem Seken Kaonsela long Fas Presidensi.

Olgeta we oli agri, oli save leftemap han.

Olgeta we oli agens, sapos i gat, oli save soem.

Oli tekem not long vot.

Hem i propos blong yumi sastenem Rasel M. Nelson olsem Presiden blong Kworom blong Olgeta Twelef Aposol mo olgeta ia olsem ol memba blong kworom: Rasel M. Nelson, Dalin H. Oks, M. Rasel Balad, Robet D. Hels, Jefri R. Holan, Deved A. Bedna, Kwentin L. Kuk, D. Tod Kristofeson, Nil L. Andesen, mo olsem ol niu memba blong Kworom blong Olgeta Twelef, Ronald A. Rasban, Gari E. Stivenson, mo Del G. Renlan.

Olgeta we oli agri, plis mekem saen tru long fasin blong leftemap han.

Eniwan we i no agri i save soem.

Oli tekem not long vot.

Hem i propos blong yumi sastenem ol kaonsela long Fas Presidensi mo Kworom blong Olgeta Twelef Aposol olsem ol profet, sia, mo reveleta.

Evriwan we i agri, plis soem.

Agens, sapos i gat, soem long sem saen.

Oli tekem not long vot.

Wetem koling blong olgeta blong stap olsem ol memba blong Kworom blong Olgeta Twelef, yumi stap rilisim Ronald A. Rasban olsem memba blong Presidensi blong Olgeta Seventi, mo Elda Rasban mo Elda Del G. Renlan olsem ol memba blong Fas Kworom blong Olgeta Seventi.

Olgeta we oli wantem joen blong talem tangkyu long olgeta oli save soem saen.

Hem i propos se yumi rilisim wetem tangkyu long olgeta ia from taem mo seves blong olgeta: Elda Don R. Klak olsem wan memba blong Fas Kworom blong Olgeta Seventi mo ol elda ia, Koiji Aoyagi mo Brus A. Kalson olsem ol memba blong Seken Kworom blong Olgeta Seventi mo bae oli stap olsem ol laef taem Jeneral Atoriti, nomata oli nomo mekem wok.

Olgeta we oli glad blong joenem mifala mo talem tangkyu from ol gudfala seves blong olgeta ia, plis leftemap han.

Mifala i stap rilisim tu Seri A. Kovalov olsem wan Eria Seventi.

Olgeta we oli laekem blong joenem mifala blong talem tangkyu from seves blong hem, plis mekem saen.

Naoia yumi tekem not long ol rilis ia blong Brata Jon S. Tana olsem fas kaonsela long Sandei Skul jeneral presidensi mo Brata Devin G. Duran olsem seken kaonsela long Sandei Skul jeneral presidensi. Olsem we oli anaonsem finis, oli putum Brata Tana blong wok olsem presiden blong BYY-Hawae.

Evriwan we i laekem blong joenem mifala blong talem tangkyu long ol brata ia from ol seves mo taem blong olgeta, plis leftemap han.

Brata Devin G. Duran, oli singaotem hem naoia blong givim seves olsem fas kaonsela long Sandei Skul jeneral presidensi mo Brata Braean K. Aston blong givim seves olsem seken kaonsela long Sandei Skul jeneral presidensi.

Olgeta we i agri, plis leftemap han.

Olgeta we oli agens, sapos i gat.

Hem i propos blong yumi sastenem ol nara Jeneral Atoriti, ol Eria Seventi, mo ol jeneral okseleri presidensi olsem we oli stap.

Olgeta we i agri, plis leftemap han.

Olgeta we oli agens, sapos i gat.

Oli tekem not long ol vot. Yumi invaetem olgeta we oli agensem sam we yumi sastenem blong oli kontaktem ol stek presiden blong olgeta.

Ol brata mo sista, tangkyu from fet mo prea blong yufala long bihaf blong ol lida mo Jos.

Naoia, bae yumi askem ol niu memba blong Kworom blong Olgeta Twelef Aposol blong tekem ol ples blong olgeta long fored. Bae oli gat janis blong toktok long yumi tumoro moning.