2010–2019
EyesKe Muhtuhn God
October 2015

EyesKe Muhtuhn God

Sel Elder Dale G. Renlund

ApostlesKe U luhn Mwet Sap Singucul Luo

Petsac

In kuhlwacnsuhpuh mwet sahyac in suwohs, kuht enenuh in liyaclos ke muhtuhn sie pahpah, ke muhtuhm Pahpah Inkuhsrao.

Tamuhlwel ac tahmtahel sacohk wiuck, kuloh ke ahkkweyelah lowos nuh sihk ekweah in ekihn mempucr se ke U luhn Mwet Sap Singucul Luo. Upac nuh sihk in fahkwack luhpan kalmac an nuh sihk. Nga yohkna tarilacna ke fot in ahkkweye luhn muhtwacn wolacna luo ke moul luhk: muhtwacn kiyuck, Ruth, ac tuhlihk muhtwacn sacohk, sacohk, sacohk nuhtihk, Ashley.

Pahng nuh sihk uh use mwe loh yohk nuh ke pwacyeiyacn fahkwack luhn Leum ke pacl met luhn fihl se inge: “Lah fohnlah luhn wosasuc Lal fah fwackwelihk sin mwet muhnahs ac fihsracsr nuh fin facluh nohfohn.”1 Nga pa sie sin mwet muhnahs ac fihsracsr. Ke yac singucul kuhtuh somlah ah ke nga tuh pahngonyuck in pisap se ke ward se ke acn kuhtuhlacp luhn United States, tamuhlwel se wiyuck, mahtuh kuhtuh ac lahlmwetmwet likiyuc, pahngonyuc ke phone ah. El fahk, “Kom enenuh in etuh lah Leum El tiac pahngon kom ke srihpen kuhtwena ma kom oruh met ah. Ke pahng lom, sahp ke ma kom oruh met. Leum El pahngon kom ke ma El enenuh in oruh sum, ac ma ingacn fah sikyak muhkwena kom fin oruh ke ohiyac Lal.” Nga akihlen lah lahlmwetmwet se inge ma tuhkuh sin tamuhlwel mahtuh wiuck orekmakihnyuck yohk mihsenge.

Ma wolacna se sikyak an ke kuhlwacnsap luhn misineri uh ke el akihlen lah pahng lal tiac ma ke srihpacl; tuhsruhktuh, ma sin Leum, orekma Lal, ac tuhlihk nuhtin Pahpah Inkuhsrao. Nga puhla oacna sie lah ma inge pwacye nuh sin Mwet Sap. Pahng se inge tiac ma keik. Ma sin Leum, orekma Lal, ac tuhlihk nuhtin Pahpah Inkuhsrao. Finne kunohkohn kuh pahng fuhkah ke Alu uh, in kuhlwacnsap fal, sie mwet enenuh in kuhlwacnsap etuh lah mwet nuh kwewa kuht kuhlwacnsuhpuh uh “pa tuhlihk mukul nguhn ac tuhlihk muhtwacn nguhn wolacna nuhtin pahpah ac ninac inkuhsrao, ac, kais sie ac kuh in oacna God.”2

Ke orekma luhk met ah, Nga pa cardiologist se ma etuh yohk ke koluklac luhn art ac ahollah uh. Ke srihpen oasr mwet pucspucs suc nga liye mas na upac, . Muhtwacn kiyuck el isracsr in fahk lah fin mwet ono uh fahk muh kom enenuh in liyeyuc na akucl koluk se. Ke srihpen mukwikwi luhk ke kain mwet inge, nga oraclah ohiyac in oruh som kuhtuh mwet uh ke puhla lalos ke ma tiac sikyak wo. Ke ma inge, puhla luhn ahsor ac suhpwacr tiac ma yohk se.

Ke 1986, mukul fuhsr se inel pa Chad muhtwacack koluklac art lal ah ac enenuh in ayaol art la ah. El oruh arlac wo ke lusen yac singucul limekohsr. Chad el oruh ma nuhkwewa lan kuh in moul wo ac moulkihn sie moul na fihsracsr. El kuhlwacnsap ke misin se, orekma, ac wen oaru nuh sin pahpah ac ninac kiyacl se. Yac sahflah ke moul lal, tuhsruhktuh,upac, ac el som ac fohlohk nuh lohm ono pacl puhs.

Sie ekuh ah, el utuck tuhkuh nuh ke iwac luhn ma silahklahk luhn lohm ono ah ke art lal ah tilac orekma ah. Mwet wiyuc orekma ah ac nga orekma ke pacl loes in sulpac oruhsrah lal in kuh in pam. Sahflahiyac, kuht akihlen lah Chad el tiac kuh in sulpac moulyak. Kuht tui ke srihke suhfal lasr, ac fahkwack lah el misac. Finne ahsor ac suhpwacr, nga kampare na ke sie ohiyac suhmaht in nuhnkuh muhkwena, “Chad el eis karihngihnyuck wo. El eis yac pucspucs ke moul likina el fuhnuh unweyuck ke ohiyac sahyac.” Ohiyac luhn puhla loes kuhnausyucklac, tuh, ke pahpah ac ninac kiyacl tuhkuh nuh ke eiwac luhn ma silahklahk uh ac liye mukul nahtuhl suc misac ac oan ke sie mwe oan . Ke pacl se ingacn, nga liyacl Chad nuh ke muhtuhn ninac ac pahpah tuhmwacl ah. Nga liye finsrak yohk ac ma luhngseyuck nuh sel, kena an lah el ac moul kuhtuh pacl yolyak ac ke ohiyac wo likina. Ke akihlen se inge, nga muhtwacack in tuhng. Ke ohiyac siena ke kunohkohn ac ke ohiyac kuhlwacng nga tiac kuh in muhlkuhnlah, pahpah ac ninac kiyacl Chad ahkkwoyeyuc.

Nga akihlen ingena lah ke Alu ac in kuhlwacnsap suwohs nuh sin mwet sahyac, kuht enenuh in liyaclos ke muhtuhn pahpah ac ninac kiyaclos, ac ke muhtuhn Pahpah Lucng. Na ke ohiyac se inge muhkwena kuht muhtwacack in kahlwem mwe kahsruhp luhn nguhn. Ke ohiyac inge muhkwena kuht kuh in liye kain luhngse oan Pahpah Lucng nuh sin tuhlihk nohfohn Lal. Ke ohiyac inge muhkwena kuht kuh in kahlwem ohiyac sensen luhn Mwet Lahngo nuh selos. Kuht tiac kuh in ahkfalye masap ke akwuck lasr in yoksrah yurin elos suc yoksrah ac karihngihn elos suc enenuh karihngihnyuck kuht fin tiac liyaclos oacna nuh ke muhtuhn God.3 Ohiyac in liye ahkyohkyeyuck se inge kuh in ikacslah insiyacsr nuh ke suhpwacrlac, sahngweng, ac ahsor luhn mwet sahyac. Tuhsruhktuh Pahpah Lucng El ac kahsruh ac karihngihn kuht, oacna pahpah ac ninac kiyacl Chad ah ahkwoyeyuc ke yac pucspucs tari ac. Kuht enenuh in oasr muhta in liye, insroac in lohng, ac at ma etuh ac puhla uh kuht fin ke ahkfalye molwelah ma fwackyuck pengana pacl sel Prestuhn Thomas S. Monson.4

Ke kuht liye ke muhtuhn Pahpah Lucng muhkwena kuht kuh in sesseslah ke “luhngse suwohs luhn Kraist.”5 Lwen nuh kwewa kuht enenuh in siyuck sin God ke luhngse se inge. Mormon el fahkwack: “Ohinge, mwet lili sacohk luhk, pruhe nuh sin Pahpah ke kuhiyacn insiyowos nohfohn, tuh kowos in kuh in sesseslah ke luhngse se inge, ma El sang nuh selos nuhkwewa suc fahsr na pwacye tukun Wen nahtuhl, Jisus Kraist.”6

Ke insiyuck kwewa nga kena in mwetfahsr tukun Jisus Kraist pwacye se.7 Nga luhngse El. Nga luhngse El. Nga mwet loh pwacyeiyacn moul Lal. Nga mwet loh kac lah El pa Mwet Akmuhsralah sac, Messiah. Nga sie mwet loh ke pahkotwen wacngihn kuhpahsr nuh kac, pahkomuhta, ac luhngse wolacna Lal. Nga wi fahkwack luhlahlfongi luhk in wi Mwet Sap suc, ke yac 2000, fahkwack “lah Jisus Kraist pa Kraist suc Moul, Wen ma pahtpaht nuhtin God. … El pa kahlwem, moul, ac finsrak luhn facluh.”8

Nga fahkwack lah ke sie lwen ke 1820 ke inimac fin acn New York, Leum suc moulyak El sikyang, wi pac God, Pahpah tuhmasr Inkuhsrao, oacna Joseph Smith el fahkwack Elos oruh ah. Ki luhn pristut oasr fin facluh mihsenge in lwelah molwelah ac akwuck ma pahtpaht uh. Nga etuh. Ke inen Jisus Kraist, amen.

Mwe Kahsruh

  1. Lie Doctrine and Covenants 1:23.

  2. “Sucu: Sie Mwe Fahkwack nuh fin Facluh,“ Liahona, Nohfuhmpuh 2010, 129; riti sel Prestuhn Gordon B. Hinckley ke ip se luhn pweng lal ke toeni luhlahp luhn Rilif Sosaiti ma sikyak ke Septempuh 23, 1995, fin acn Salt Lake City, Utah.

  3. Liye Mosiah 18:8–10.

  4. Liye, ke srihkasrak, Thomas S. Monson, “To the Rescue,” Liahona, Julahe 2001, 57–60; “Our Responsibility to Rescue,” Liahona,  Ohktopa 2013. 4–5. Prestuhn Monson el sulpac akacsruhi ip yohk inge ke pweng lal nuh sin General Authorities ke Septempuh 30, 2015, el ahkacsmakihnye elos suc wi toeni ac lah el sulpac fahk pweng el sang nuh sin General Authorities ac Area Seventies ke toeni in lutlut ke toeni luhlahp ke Eprel 2009 ac.

  5. Moroni 7:47.

  6. Moroni 7:48.

  7. Liye Doctrine and Covenants 18:27–28 :

    “Ac Mwet Singucul Luo ah fah mwet tuhma lutlut Luhk, ac elos fah eis nuh faclos Inek, ac Mwet Singucul Luo ah pa elos suc fah kena in eis nuh faclos Inek ke srihpac luhn insiaclos nohfohn.

    “Ac fin elos kena in eis nuh faclos Inek ke srihpen insiaclos kwewa, elos pahng in som nuh fin facluh nohfohn in luti wosasuc luhk nuh sin mwet nuhkwewa.”

  8. “The Living Christ: The Testimony of the Apostles,” Liahona, Eprel 2000. In tahfuh ma se inge, nga nuhnkwaclah ac sang ahkweye luhk nuh ke ma sihmlac se inge, mwet loh nuh ke fahkwack se pacna ma fwack sin Mwet Sap uh.