Pwukoa Sarawi

Riei ohloko, I kapakap ki Ngehno en kaweidie nan ahi padahk en soutiket. Mehkot ehu me kol kitail pene. Koht likihkinkitail pwukoa en kolokol Sapwellime priesthood oh doadoahk ki ni Mware. Kitail me alehdi likilik sarawi wet. Atail pwukoa laud.

Kitail kin wadek nan Doctrine and Covenants ire laud 121, ire tikitik 36, me kosoia me manaman en priesthood katengetengieng manaman en nanleng. Ia duwen soangen kisakis kesempwal me kodohng kitail e. Atail pwukoa iei en doare oh apwalih priesthood wet oh nantihong warohng kapai lingan kan me Sahm Nanleng kaunopadahr ong kitail—oh pil ong mehtei kan sang kitail.

Sohte lipilipil wasa me kumwail kohla, amwail priesthood pahn iang kumwail. Kumwail kin keskesihnen wasa me sarawih kan? Mwohn amwail pahn kohla wasa de wia mehkot me keper ong kumwail oh amwail priesthood, kumwail uhdi oh medewe lokolok me e pahn wiahieng kumwail. Tamataman ihs kumwail oh dahme Koht kasik kumwail en wiahla. Kumwail iei seri en inouo. Kumwail ohl kehlail. Kumwail iei Sapwellimen Koht.

Kisakis kesempwal en manaman en priesthood wet kiheng kitail pwukoa sarawi oh iangahki kapai kesempwal kan ong kitail oh mehteikan. I koapwoaroapwoar ki me kitail pahn nantihong warohng manamano sohte lipilipil wasa kitail mihe pwe kitail en kak eker manamano, pwe kitail sohte ese ansou me kitail pahn anahnehda ahpw ansouo pahn kohdo.

Nan ahnsou en Mahwen Keriau en Sampa o, weren kempoakepahi men sompihr kesikidi pohn sehd en South Pacific. Ih oh iengehu rakasahsang nan sompihr me lulidahu, ira pouhkada werera rahpo, oh peipeikiseli rahn siluh.

Kesiluh en rahno ira kilangada sohp en sawas me ira ese. E daulih ira. Mwurin rahno e pil pwureng daulih ira. Ira sohla koapwoaroapwoar ki ara pehm me ih lahs en sohpo eh pahn tangedo wasah kau.

Ngehn Sarawi eri mahseniong kempoakepahio: “Ke kolokol priesthood o. Eker soun sawas kau en pwok kumwahda.”

E wia dahme e kehno: “Ni mwaren Sises Krais oh sang ni manaman en priesthood, wikidek oh pwongkitada.”

Mwurinte minit kei sohpo miher mpera, sousouwese ira douda. Priesthood loaloapwoat oh warohng men ma e mih nan kahpwal kak doadoahngki priesthood-o pwe en kapaia ih oh mehtei kan.

Kitail koasonehdi anouwet kitail en ansou koaros onohnop ong ansou me kitail pahn anahne, ansou me kitail pahn papah, oh ansou me kitail pahn kihla kapai.

Ni atail pahn kaimwsekala tiepenehn priesthood wet, I patohwan ong kumwail me kumwail iei dih pilipildahkei, priesthood kesemwpal (1 Piter 2:9). Kitail nantihong warohng kapai sarawih kat, I kapakapki ni mwaren Sises Krais, atail Sounkomour, amen.