Vineeth Raho
Vineethta hume acche maata-pitah, bete aur betiyan, pati aur patni, padhosi aur dost banne me madad karta hai.
Hum Girjaghar me bhaagyvaan hain ki bhajan dwara bhakti kar sakte hain. Humare Girja ke sabha me, “bhajan Prabhu ke aatma ko amanthrith karta hai, aadar ki bhaavna ko badhati hai aur sadasyon ko milati hai, aur Prabhu ki prashansa karne ki raah dikhlati hai. Kuch mahaan pravachan bhajan gaane dwara prachaar kiya jaata hai.”1
Girja ke sthapit hone ke kuch hi mahine baad, Joseph Smith dwara unki patni Emma ke liye yah prakhat hone ki kriya mili. Prabhu ne unhe nirdeshan kiya ki “weh pavitra bhajan ko sangrah karein jaise unhe milega, jo mere girja me mere liye anandith ho.”2
Emma Smith ne bhajan ki sangrah ki jo pehli baar is Kirtland bhajan pustak mei 1836 me aai thi.3 Is patle pustika mei sirf 90 bhajan shaamil thi. Unme se kai bhajan Protestant vishwaas vaalo ki thi. In me se chabbis bhajan William W. Phelps dwara tayaar kiya gaya tha jinhone aage chal kar bhajan pustak ko tayyaar kiya aur chaapa tha. Sirf geeth ke bol likhe the uspar dhun nahi likha tha. Yeh vineeth bhajan pustak shuruwaat ke Girja ke sadasyon ke liye bahut laabhdayak tha.
Humari Angrezi bhasa ki bhajan pustak ki naveentham prakashan 1985 mei prakashith hui thi. Kai chunaav jo Emma ne kiya tha kai saalo pahale aaj bhi humare bhajan pustak mei shaamil hai jaise ki “I Know That My Redeemer Lives” aur “How Firm a Foundation.”4
Ek bhajan jo 1985 bhajan pustak me naya tha wah hai “Be Thou Humble.”5 Is prashaanth bhajan ko Grietje Terburg Rowley dwara likha gaya tha, jo pichle saal guzar gaye. Woh 1950 me Hawaii mein Girja ki sadasye bani thi, jaha woh padhati thi. Bahan Rowley ne General Music Committee me sewa ki aur bhajan ko kayi bhashaao me anuwaad karne me madad ki. Unke “Be Thou Humble” ke bol dharamshastra ke do vakya se nikala gaya hai: Doctrine and Covenants 112:10 aur Ether 12:27. Ether ke vakya ke lekh hai: “Aur agar log mere paas ayenge tab mai unki thrutiyaan unhe dikhaunga. Mai logo ko nirbalta is liye deta hoon jisse ki weh vineet bane; … agar weh mere saamne deen banthe hai aur mujh me vishwaas karte hai tab unke liye mai nirbal baatho ko sabal kar deta hoon.”
Girja ke aur bhajano ki tarah, “Be Thou Humble” saadharan aur pavitra sachchai sikhlati hai. Wah sikhlati hai ki agar hum apne aap ko vineet banate hain, humare prarthna ka jawaab milta hai, hume mann ki shanti milti hai, aur hum apne niyukti ko acchi tarah se nibhaate hain, aur agar hum vishwaaskari rahenge, to hum anth me Pitah Parmeshwar ke dwaar ja paayenge.
Udhaarkarta ne apne chelo ko sikhlaya hai ki weh apne aap ko vineeth banaye chote bacche ki tarah, swarg ke raajye me dakhil hone ke liye.6 Apne baccho ko paalthe samay, hume unko vineeth rahana sikhlana chahiye jaise weh bade hote jaate hain. Hum aisa unke athma ko kathortha se thod kar nahi kar sakte hain. Unke aatma vishwaas aur aatma nirbharta ko seekhte hue, hume unhe khuddaari, dayalupan, agyaakarita, vineethta, insaaniyat aur sacche hone ke gun sikhlani chahiye. Hume unko apne bhaiyon aur bahano ke tarraki me khush hona sikhlana chahiye. Pradhaan Howard W. Hunter ne sikhlaya ki “humari vasthavik dilchaspi dusro ki tarraki mein honi chahiye.”7 Agar aisa nahi hai, tho hum khudgarz ban jaate hai apni tarraki aur dusro ko pachadne ke liye, jalan, aur dusro ki tarraki se kapat payda hota hai. Main abhari hoon apni maa ki, jab mai ghamandi hota tha to wah kahati, “Beta, abhi thodi vineethta kafi dur jayegi.”
Par vineethta sirf baccho ko sikhlane ke liye nahi rakha gaya hai. Hum sabhi ko vineeth banne ki koshish karni chahiye. Vineethta susmachaar ke ashis ke liye zaroori hai. Vineethta hume tuta hua dil pradhaan karti hai jab hum paap yah galti karte hain, to wah hume pashchataap karne me madad karti hai. Vineethta hume acche mata-pitah, bete aur betiyan, pati aur patni, padosi aur dost banne me madad karta hai.
Dusri or, bina zaroorat ki ghamand parivaarik sambandh ko pighla deti hai, shaadi tod deti hai, aur dosti nasht kar deti hai. Vineethta khaas kar zaroori hai jab aap ghar me ladaai payda hote dekhte hain. Sochiye aap kitne dil ke pidha ko bacha sakte hain apne aap ko vineeth kar ke yah kahate hue, “Mujhe maaf kar do”; “Maine dhyaan nahin diya”; “Aap kya karna chahate hain?”; “Maine bina soche kah diya tha”; yah “Mujhe tum par garv hai.” Agar yeh choti kahawate hum vineethta se istemaal karein, gharo me kum jhagde aur zyaada shanti hogi.
Sadharan se zindagi bitaana ek vineethta ka anubhav ho sakta hai aur aksar hota hai. Haadse aur bimaari, apno ki mrityu, rishte me kathinai, yaha tak ke aamdani na aana hume humare ghutno tak laa sakti hai. Chahe yeh mushkile humare galatiyon ki vajah hui yah nahi, yeh sankat vineethta pahuchati hai. Agar aatma nirbhar aur vineeth tatha shishtya rahe, humari prathna sacchi ho jaati hai aur humari vishwaas aur gawahi badthi hai jab hum is maranshil jeewan me mushkilo ka saamna karte hain. Hum sab udhaaaran ke liye uthsuk hai, par isse pahale hum sabh ko “vineeththa ke gali” 8se guzarna hoga.
Kai saalo pehle, hamare 15-varsh ke beta Eric ne ek gambheer sar ka zakham se puri tarah se prabhawit hua tha. Unko ek hafto se coma mein dekhte hue mera dil tut gaya. Daaktaro ne humko batlaya ki unhe nahin pata iske baad kya hoga. Spasht rup se, hum heyraan ho gaye jab unko hosh agaye. Humne socha ki ab sab theek ho jaega, magar hum galat the.
Jab woh jag gaya, woh chal nahi sakta, na hi baat kar sakein ya apne aap ko khila sakein. Sabse buri baat tha, ki unko thode samay ki yaadash nahi tha. Woh durghatna se pehle sab kuch yaad kar sakta tha, magar unke paas yogyata nahi tha un sab cheezon ko yaad karne se, ya woh cheeze jo sirf minito mein hua tha.
Kai samay par, humko pareshaan tha ki hamare ek beta jo 15 saal ke dimaag mein bandh tha. Durghatna se pehle kai cheeze saral tha hamare bete ke liye. Woh khel-khud mein tha, bahut prasidh tha, aur skul mein achcha karta tha. Pehle se, unke jeevan chamakdaar tha; ab humko dar hai ki woh sab nahi hoga, yadi use ek bhi yaad rahega. Ab woh koshish karta sab kuch phir se sikhne. Yeh ek vineetha samay tha unke liye. Ye unki maata-pita ke liye ek vineetha samay bhi tha.
Sach mein, humne socha ki yeh kaise ho sakta. Humne hamesha koshish ki sahi kaarye ko paalan karein. Susamachaar ko aagya karne mein hamare parivaar ke ek mahan kaarye hai. Humko samajh mein nahi aaye ki kaise yeh peedit cheeze hua. Humko ghutno par hona tha jab ki pata laga ki unke swasthlaabh mahino tak hoga, ya saalo tak. Isse aur kathin tha yah swikaar karna ki wah ab pehle jaisa nahi rahega.
Is samay par, kai aansuon bahaye aur hamare prarthna aur zyaada aantareek tha aur sacha tha. Vineetha ki aankho mein, humne dhire-dhire se chote chamatkaar dekha jo hamare beta ne anubhav kiya is peeda ke samay par. Woh niyamit sudhaar karne lage. Unki stithi aur nazariya nisandeh tha.
Aaj, hamare beta Eric ka ek sundar patni hai, aur unke paas paanch sundar bachche hai. Woh unki samaaj mein ek shikshak aur sahayogi hai, Girjaghar mein bhi. Sabse zaroorat hai, ki usne jo vineetha ki aatma ko kayi saal pehle paaya tha usi mein aaj bhi hai.
Kaisa hoga agar hum vineeth ho kar us “vineeththa ke gali” se chal sake? Alma ne sikhlaya:
“Aise logo ko un logo se bahut adhik ashirvaad diya jayega jo apni nirdhantha ke karan vineeth banthe hain.”
“Aise [logo ko] unse zyaada ashis milega jinhe vineeth hone ke liye majboor kiya gaya ho.”9
Mai abhaari hoon Alma jaise bhavishyevaktaon ke liye, jinhone is mahaan gunn ke mulya ko hume sikhlaya hai. Spencer W. Kimball Girjaghar ke 12th Pradhaan, ne kaha: “Kaise ek vineeth hota hai? Mere liye, har ek ko apne nirbharta ki yaad honi chahiye. Kis par nirbhar? Prabhu par. Kaise apne aap ko yaad dilaye? Sacche, atal, bhakti, abhari prathna dwara.” 10
Isse achambha nahi hona chahiye ki Pradhaan Kimball ka manpasand bhajan tha “I Need Thee Every Hour.”11 Elder Dallin H. Oaks ne batlaya ki unke Barah ke Parishad ke shuruwaat ke dino me Bhaaijan mandir me is bhajan ko humesha gaate the: “Sochiye iska aatmik prabhaav, Prabhu ke chele apni zimedaari nibhane ke liye prathna se pahale is bhajan ko gaa rahe hain.”12
Main vineetha ki avashyakta hamare jeevan par ki gawahi deta hoon. Mai Bahan Grietje Rowley ke jaise logon ke liye abhaari hoon jinhonne prerna bhare shabd aur sangeet se hume vineeththa ka mulya sikhlaya. Yeh meri prathna hai ki hum sab apne jeewan me vineeththa ke liye koshish karenge taaki ek ache maata-pita, putr aur beti, aur Uddharkarta ke chelein ban sakein. Ishu Maseeh ke naam se, amen.