Parau faa‘ite a te Tuha’a Fa’atere nō te ’Ohipa Hi‘opo‘ara’a a te ’Ēkālesia, nō 2015

E au mau taea‘e here e : Mai tei arata‘ihia i roto i te heheura’a i te tuha’a 120 o te Parau Ha’api’ira’a ’e te mau Parau Fafau, na te Tōmite ha’apa‘o i te tufa’a ’ahuru―’oia hoʻi te Peresidenira’a Mātāmua, te Pupu nō te Tino ’Ahuru Ma Piti ’Āpōsetolo ’e te ’Episekōpora’a fa’atere rahi―e fa’ati‘a i te mau ha’amauʻara’a a te ’Ēkālesia. E fa’aohipa tera e tera fa’anahonahora’a a te ’Ēkālesia i te faufa’a moni mai tei fa’ata’ahia na rātou ’e ia au i te mau ture ’e te mau arataʻira’a.

Na te Tuha’a Fa’atere nō te ’Ohipa Hi‘opo‘ara’a a te ’Ēkālesia, tei roto te mau rave ’ohipa ’aravihi ha’amanahia ’e tei ta’a ’ē i te tahi atu mau tuha’a fa’atere a te ’Ēkālesia, te hopoi‘a ’ia fa’atere i te hi‘opo‘ara’a, ’ia vai te titi’aifarora’a i roto i te i te mau faufa’a tei fāri’ihia, te mau ha’amau‘ara’a i ravehia, ’e te pārurura’a i te mau faufa’a a te ’Ēkalesia.

’Ia au i te mau hi‘opo‘ara’a i ravehia, te mana‘o nei te Tuha’a Fa’atere nō te ’Ohipa Hi‘opo‘ara’a a te ’Ēkālesia ē, ’ua tāpa‘ohia ’e ’ua ’ōperehia te mau faufa’a i fāri’ihia, te mau ha’amauʻara’a i ravehia ’e te mau faufa’a a te ’Ēkālesia nō te matahiti 2015, mai te au i te faufa’a a te Ekalesia tei ha’amanahia, te mau ture ’e te numerara’a. Te pe’e nei te ’Ēkālesia i te peu e ha’api’ihia nei i tōna mau melo ’ia ora mai te au i te faufa’a moni e vai ra, ’ia ’imi i te raveʻa nō te ha’apae i te mau tārahu, ’e ’ia fa’aherehere i te faufa’a nō te tau fifi.

Ma te fa’atura mau,

Tuha’a Fa’atere nō te ’Ohipa Hi‘opo‘ara’a a te ’Ēkālesia

Kevin R. Jergensen

Ti’a Fa’atere Rahi