Ngehi me Seri en Koht

Ehu padahk me keieu kesempwal iei kitail en wehwehki me kitail wia Sapwellimen Koht ieias seri. Ihme kahrehda ehu Sapwellime lengileng sarawi iei Sahm—Sahm Nanleng. Padahk wet inenen sansal mwahu sangete rehn soukohp en kawahko:

• Ni ansou me Sehdan kasongosongih, Moses soikala ih oh mahsanih: “Ihs kowe? Pwe kilang, Ngehi Sapwelimen Koht pwutak.”¹

• Ohng men Israel ko, sounn Melkahkao koasoaia: “Kumwail koaros ieisapwellimen Wasa Lapalapo seri kan.”²

• Paul padahkiohng mehn Athens ko pohn Dohl en Mars me irail iei “kadaudoken Koht.”³

• Joseph Smith oh Sidney Rigdon alehdier ehu kasansal ni ara kilangadahr Sahmo oh Sapwellime Iehroso, oh ngihl ehu peido sang nanleng masanih me tohn sampah koaros, “wia pwutak oh serepein me ipwsang rehn Koht.”⁴

• Nan 1995, Wahnpoaron 15 me ieias oh soukohp ko koasoia: “Aramas koaros…kepikipik dahr ni mwomwen Koht. Emen emen irail wiapwutak ngehn oh serepein ngehn kesempwal kei en pahpa oh nohno en nanleng.”⁵

• President Thomas S. Monson kadehdehki: “Kitail wiasapwellimen Koht ieias serih kei. … Kitail sohte kak udahn kamehlele me kitail kepikipikda duwehte Kauno ma kitail sohte kehn pepehm en ahniki kehl oh manaman.”⁶

Padahk wet inenen mengei, kitail ahnlahr oh kin kalap koasoio, iei me kakete mwomwen sohte mehkot., ahpw ni mehlel iei ehu me inenen kesempwal kitail en wehwehkihla. Wehwehkihla ni pwung duwen atail sohsokier mwomwen Koht me kesempwal ohng mour soutuk. Ih me poahsoan en atail pahn wehwehki plahn en komouro oh kekeirda nan pwoson en Sises Krais, Iehros en Koht oh Sapwellime Tomwo.⁷E pil kasalehda atail ineng laud en men wiahda oh kolokol atail inou kesempwal akan en mour soutuk

Kereniong aramas koaros nan tiepene wet, kakete koulki ansouwet, mehndahte ma sohte keseng de ntingda “Ngehi me Seri en Koht.”⁸ Kitail kin kalap koulki koul kaselel wet nan Mwomwohdiso wet. Ahpw, kalelapak apwalo iei, kitail udahn wehwehki met? Kitail udahn wehwehki nan atail mohngiong, nan atail madamadau oh nan loaletail? Atail wewehki me kitail sapwellimen Sahm oh Ihn nanleng wia udahn kadehdepetail?

Nan sampah wet, kitail kin kawehwehda ihs kitail ni soangen wehwe tohto, me pil iangahki wasa kitail ipwidie, wasa kitail kohsang ie, oh atail lokaia. Ekei pil kin kawehwehda pein irail sang ni ahr pwukoa doadoahk kan de dah re kin pereniki wia. Soangen kawehwe en sampah pwukat sohte sapwung, ihte ma rekarotongehla de kediropwehla duwen wehwepetail soutuk—me iei kitail wia Sapwelimen Koht serih kan.

Ni nait seri me keieu tikitiko ah sounpar wenou oh mih nan pwihn keieu, arail sounpadahko kiong irail arail mehn kasukuhl nan perehn klahs. Nan Okotohpe, nan sounpwung en Halloween, rahn en koamoal me ekei sahpw kin iang kawawih. Mendahte ah sohte wia rahn en koamoal me I kin pereniki, I nda me pil miehte kamwahu pen Halloween.

Sounpadahko kiong emen emen neirail doaropwe. Pohn doaropwehu mie mahlen en kilel en siet men (I ndahng kumwail me kaidehn rahn en koamoale me I pereniki) kesikesihnen pohn oamwpwoat karakar ehu. Kalelapak me mih pohn doaropwehu iei pwe en kamwakidada arail madamadau kan oh kilang mwomwen arail koahiek en nting kan, iei “Ke ahpwtehn nimala ehu en siet o kep en wini. Dahme wiawiohng uhk?” Menlau ese me soai wet sohte kohda pwe sounpadahk kan en doadoahngki.

“Ke ahpwete nimala ehu en siet o ah kep en wini. Dahme wiawihiong uhk?” Sang ni nting en nah emen tohn sukuhl mai o, nait kisin me tikitiko ntingihda, “I pahn mehla oh I pahn kohla nanleng. I pahn pereniki mwo. I pahn pereniki wasahu pwehki wasa keieu mwahu en mih ie pwehki ke pahn mih rehn Sahm Nanleng.” Pasapeng wet udahn kapwuriamwei ihda ah sounpadahko; ahpw, ni nait serepeino ah wahdo nah doaropwehu nimwato, mie usu me mih pohn nah doaropwehu me wia kilelepen deng keieu laud.

Nan mour, kitail kin lelohng udahn mehlel en kahpwal. Mie medek—paliwar, madamadau, oh palingehn. Mie ansoun nsensuwed, ansou me irair akan kin inenen apwal sang mwomwen me kitail kin kilangehr. Mie sapahrek, ansou me sohte kin kahrepen atail kin alehdi dahme kitail alehdi. Mie kansensued, ansou me emen me kitail likih kin pitih kitail di. Mie kahpwal en roson oh palien mwohni me kin kasawehwe. Mie ansou me kitail pahn kin peidengki, ni ansou me duwen padahk akan de poadoapoad akan kin mih pohnangin atail wehwe.

Ansou me kahpwal akan kin lelohng atail mour, dahme kitail kin tepin sapengki? Me kasawehwe, peikasal, de ngehno kin kohkohsang kitail? E wia mehkot me kitail sohte kasik ohng atail pwoson? Kitail kin kapwopwoniki Kauno de mehteikan ohng atail kahpwal kan? De atail tepin pasapeng iei kitail kin tamanda ihs kitail—Me kitail iei sapwellimen Koht limpoak serih sou patehng te Sapwellime likilik ohng kitail pwe e ketin mweidohng ekei kahpwalen lelohng kitail pwehki E ketin kupwuriki kitail en kapaida, rasehng kisiniei en inim mete, pwe kitail en duwehla Ih oh sohsohki mour soutuk?⁹

Me keren me I iang mihting ehng Elder Jeffrey R. Holland. Ni aht kaskasukuhlki duwen ire me kosoia mour en mour et pahn kak kamedek, ahpw atail kahpwal akan ahneki kahrepe poatoapoat—mendahte ma kitail sohte wehwehki kahrepe ansou me kitail kin lelohng kahpwalo—Elder Holland koasoaia,”Ke kak ahneki dahme ke mwahuki, de ke kak ahneki mehkot me mwahusang.”

Sounpwung limau samwalahro, ngehi oh ahi pwoud se iangih Elder oh Sister David A. Bednar kohla Africa. Kewenou oh lahs en sahpw me se pwarek iei Liberia. Liberia wia sahpw kaselel me direki aramas kesempwal oh kepwehpwehn poadoapoad, ahpw e sohte mengei wasahu. Sounpar tohto en kahpwal en mwokmwokid en pelien koaperment oh mahwen kasuwedialahr arail apwal akan. Pil iangahki soumwahu keper me kahdaniki Ebola kemelahr kerenieng aramas 5,000 wasahu ansou me e tepin kohdau. Kiht me wia tepin pwihn en Kaun en sarawi likin sahpwo me pwarek Monrovia, capital en wasahu, mwurin World Health Organization ah kamanahla me se kak mih mwo mwurin kahpwal en soumwahu Ebola.

Ehu menseng en Rahn Sarawi karakaro, se seiloak lahng ehu wasahn kaudok nan werengen kahnihmwo. Sehr en mwomwohd me mie meh 3,500. Uwen tohto me iang meh 4,100. Kereniong koaros me iang mih mwo alu kohla de iang mehn wesik me itarehng wairaila lel mwo—e sohte mengei ehng soulong ko ren kohpene mwo. Ahpw re kohla. Palilaud lella mwo aua ehu mwohn e pahn tep. Ni aht lel nan ihmwo, ngehn en nan ihmwo udahn ngehn en peren! Souleng ko onopadahr pwe re en ale kaweid.

Ni ansou me sounkapahreko kin kosoia ehu iren pwuhk sarawi, tohn mwomwohdisou kin ndahla irehu ni ngihl laud. Mehnda—ma irehu mwotomwot de reirei, tohn kaudeko pwon kin sapengala ni ehute ngihl. Met, se sohte nda pwe kumwail en alasang, ahpw e inenen kapwuriamwei ahr kak wia soahngo. Oh pwihn en koul—re inenen kehlail. Sang ni sounkaweid koul mai emen oh kisin pwutak sounpar-14 me soun keseng piano, towehko koul ni ngihl kehlail.

Mwuri, Elder Bednar kapahrek. Met, wia udahn kahrepe mwahu en kapokono—ren karonge sang Sohn kadehde en Sises ah kaweid oh kadehdeh. Ni sansal sang ni kaweid en ngehn sarawio, kereniong ah pahn nek ah padahko, Elder Bednar uhdi oh koasoaia, “Kumwail ese koul en ‘Pahson Tengeteng’?”

E mwomwen me ngihl en meh 4,100 ngihl laud sapengki, “Ehi!”

Eri ih pil idek, “Kumwail ese koulki ire 7 o?”

Pil pwurehng, pokono pwon sapengki, “EI!”

Ni koasoandi en koul kehlail “Poahson Tengeteng” me koul sang rehn Mormon Tabernacle Choir nan pahr 10 samwahro me kapatahieng ire 7, ahpw met esolahr nohn. Elder Bednar koasoaia, “Kitail koulki ire 1, 2, 3, oh 7.”

Ni sohte peikasal, soun kaweid koulo mwadangete kesihnenda oh iangahki Aaronic priesthood–ko me iangih soun keseng piano mwadangete kesengki ni tepin ngihlo. I sohte kin ahneki soangen pwuriamwei me I ahneki et ansou pwihn en koul kin koulki koul et, ni ansou me se koulki ire 1, 2, oh 3. Mwuri ngihlo oh kehlailo laudla ni ansou me ngihl 4,100 kouliki ire keisuh o oh koasoaia:

Nan ehu ansou mwahu me inenen kaselel nan ahi mour, me I koledi padahk kesempwal rahno. Kitail mihmi nan sampa ehu me kak kahrehiong kitail en kin manokehla udahn ihs kitail. Ma kitail pahn mih wasa me diren kasongosong mih ie, e pahn mengeila kitail en wia mwokid ehusoang, eri pohnsehsehla, oh manokehla atail pehse ohng Koht. Souleng en Liberia ko sohte ahneki kopwe sohto, ahpw re ahneki soahng koaros en pali ngehn. Dahme se kadehde rahno nan Monrovia iei pwihn en perien ehu en Kauno me wehwehki!

Nan sampah rahnwet, sohte lipilipil en wasa kitail mih ie oh sohte lipilipil en atail kahpwal akan, dahme keieu kesempwal duwen ihs kitail iei sapwellimen Koht seri.Wehweki met pahn kahrehiong atail pwoson ah pahn kekeirda, e pahn koangoangehki kitail en kin koluhla, oh pahn kaunopad kehl en “kehlail oh dehr mwokid” nan erein atail seiloak en mour wet.¹¹ Ni mwaren Sises Krais, amen.