2010–2019
Tu yurin Mwet Kol luhn Alu uh
April 2016


Tu yurin Mwet Kol luhn Alu uh

Yac kom tu yurin mwet kol luhn Alu uh ke sie facluh lohsr ma kom fah kuh in ahkyohye Kahlwem ke Kraist?

Kuht sang pain wowo nuh sin General Authority, Mwet Itngucul luhn Eria, ac prestuhnsi luhlahp wolacna sasuc luhn Primary uh. Ac ke tarilacna luhlahp, kuht kuloh nuh selos suc fihliucklac. Kuht luhngse kowos, kais sie.

Tamuhlwel ac tahmtahel sacohk wiyuck, kuht tuhfahna oruh ke sie mwe ahkinsewowo emet ke kuht sralwack pahosr in ahkkweye mwet pahluh, mwet liyactwen, ac mwet fahkwelihk ac mwet kol ac u luhlahp sahyac pahngyonyuck sin God ke lwen inge uh. Nga tiac srihkkihn kunohkohn in tahpuhk ac kolyuck sin mwet kuhlwacnsap luhn Leum. Nga tiacna wi eis orekma wowo kuh ma wosasuc ke ahkweyeyelah ke pacl sacn. Ac ke mahlwem sac scu ekihn sie mempucr ke U luhn Mwet Sap Singucul Luo, nga inse puhsisacl ke fot in ahkkweye ac luhlahlfongi lowos an. Nga sacohkkihn kena lowos in wiyuc ac yurin mwet kol wowo nuh kwewa inge.

Tukun nga ahkkweyeyucklac ke Ohktohpa tari ah, nga fuhfahsryucsr nuh Pakistan, ke sie kunohkohn, ke oasr we, ohsun yurin mwet luhlahlfongi wolacna ac kuh ke muhtuhnfacl sac. Elos tiac puhs suhna, tuhsruhk yohk ke nguhn. Pacl fototo tukun nga fohlohk nuh lohm ah, nga eis mwe ahkahlwemye se inge sel tamuhlwel Shakeel Arshad, sie mempucr sacohk nga sun ke muhtwacta luhk: “Kuloh, Elder Rasband, ke tuhkuh nuh Pakistan uh. Nga kena fahk nuh sum lah kuht … mempucr ke Alu uh … ahkkweye kom ac luhngse kom. [Kuht pa] luhki lah kom tuhkuh nuh inge ac kuht lohng sum. Lwen sacn arlac sacohk ke moul in sucu luhk uh lah kuht ohsun nuh sin sie Mwet Sap.”1

Ohsun nuh sin mwet luhlahlfongi oacna Tamuhlwel Arshad pa sie puhlakihn kuhtanglah ac puhsisacl ac, orekmakihn kahs lal, “lwen sacohk se” nuh sihk pac.

Ke Jacnweri, mwet kol luhn Alu uh wi ke sie angwetwacni sramsram yurin mwet fuhsr; ac mwet kol lalos ac pahpah ninac fin facluh nohfohn. Broadcast sac orek sruhmuhnyuck ke Intucrnet nuh ke acn puhs ke muhtuhnfacl 146; kuhtuh acn an oasr mwet pucspucs ke lohm in alu, ac sahyac in lohm selos sifanna yurin mwet fuhsr se in wi liye. Tuhkweni, puhs liki tausin siofok kuhtuh wi.

Petsac
Angwetacni yohrohl Elder Rasband, Sister Oscarson, ac Brother Owen

Ke kuhpahsr yurin mwet pucspucs lasr, Tahmtahel Bonnie Oscarson, prestuhn luhlahp luhn Un Muhtwacn Fuhsr; Tamuhlwel Stephen W. Owen, Prestuhn luhlahp luhn un Mukul Fuhsr; ac nga–ahkkweyeyuck sin mwet fuhsr lasr, mwet on, ac kuhtuh sahyac–topukyacn kihsen siyuck luhn mwet fuhsr lasr.

Petsac
2016 Pweng ke Mutual

Srihpac lasr pa in ahkkahlwemye pweng nuh ke Mutual ke yac 2016, “Kowos enenuh in ahkwot nuh met ke luhlahlfongi kuh in Kraist,” ke 2 Nephi, ma rit: “Ohinge, kowos enenuh in ahkwot nuh met ke luhlahlfongi kuh in Kraist, in oasr kahlwem suwohs luhn finsrak, ac luhngse God ac mwet nuhkwewa. Ohinge, kowos fin ahkwot nuh met, mongo ke kahs luhn Kraist, ac muhtweng ne ke na sahflah, liye, ohinge Pahpah El fahk: Kowos fah moul ma pahtpaht.”2

Ke riti kihsen siyuck puhs siofok luhn mwet fuhsr lasr uh, meac kuht lotwelah? Kuht etwaclah lah mwet fuhsr lasr uh luhngse Leum, ahkkweye mwet kol lalos, ac kena in toplac kihsen siyuck lalos uh! Kihsen siyuck uh pa kalmac nuh ke in sifilpac kena in etwaclah, ac sang nuh ke ma pwacye oasr tari ke luhlahlfongi lasr uh, ac in ahkolah in wo in “ahkwot nuh met ke luhlahlfongi kuh in Kraist.”

Fohlohkihnyuckyak luhn wosasuc uh muhtwacwacack yurin sie mwet fuhsr, Joseph Smith, siyuck sie kihsen siyuck. Mwe luti pucs luhn Mwet Lahngo ke kuhlwacnsap Lal muhtwacwacack ke sie kihsensiyuck. Esam kihsen siyuck lal nuh sel Peter: “Kowos muh suc nga uh?”3 Ac Peter el topuk: “Kom pa Christ, Wen nutin God moul.”4 Kuht enenuh in kahsruh sie sin sie sokwack top luhn Pahpah Inkuhsrao ke kolyuck luhn Nguhn.

Ke broadcast sac, nga fahk nuh sin mwet fuhsr ah:

“Mwet kol luhn Alu uh tiac mwet sac se ke ma upac lowos an, ke toasr lowos, ac ke oruh upac lowos uh.

“Oasr tuhlihk nahtuhsr. Oasr tuhlihk nuhtin tuhlihk nahtuhsr. Pacl puhs kuht ohsun yurin mwet fuhsr fin facluh nohfohn. Ac kuht pruhe keiwos, kuht sramsram keiwos fin acn muhtahl emet uh, ac kuht luhngse kowos.”5

Nga luhngse akacsruhi sie sin top puhs, puhkantwen kuht eis ke mukwikwi sac.

Lisa, fin acn Grande Prairie, Alberta, Canada, el sihmihs: “Pacl in Angwetwacni se inge ma wolacna se. Ma inge use sie kuh nuh ke luhlahlfongi luhk ac kuh ke wosasuc uh. Kuht ahkinsewowoyeyuck in oasr mwet kol suc pahng in kuhlwacnsap ke kain orekma pucspucs.”6

Liz, fin acn Pleasant Grove, Utah, el suhmuhslah ke sie post piacngah: “Nga tarilacna ke luhlahlfongi luhk sifacna ac pacl wowo in ahkkweye mwet pahluh luhn God ac mukul ac muhtwacn suc kuhlwacnsapwacl uh.”7

Kuht ac ahkkweye mwet kol mihsenge suc, ke kolyuck wolacna kuhsrao me, pahngonyuck in luti ac kol kuht ac suc sensenkihn nuh sesr in liyacacng mwe sensen kuht liye lwen nuhkwewa—ke karihngihnyen lwen sahpuht, ke fahk ma koluk nuh sin sucu, in ahkkolukye ke sukohsohk in alu, ac finne in akuhkuhin ke fwackyuck ke lwen sahflah uh. Tamuhlwel ac tahmtahel, yac kowos lohacng nuh ke kahs in kahsruh lalos uh?

Puhs pacl ke toeni uh, toeni ke kuhfa luhn Leum, ac Primary kuht onkihn kahs fihsrwacsr uh, “Liyeyuc, kolyuc, fahsruh wiyuc.”8 Meac kalmacn kahs inge nuh suwos? Suc utyak nuh ke nuhnak lom ke kom nuhnkuh kac uh? Kuh kowos puhlakihn kuh luhn mwet kol wowo, mwet tuhma lutlut luhn Jisus Kraist suc met ac kalweni mihsenge in mokle moul lom, suc fahsr ke inkacnek luhn Leum wi kom? Sahp elos fototo nuh lohm suwos. Sahp elos oasr ke u in alu an, kuh sramsram e metuh ke toeni luhlahp uh. Mwet tuhma lutlut inge akacsruhi yohrohsr mwet insewowo luhn luhlahlfongi ke Leum Jisus Kraist, mwet kol luhn Alu uh, mwet kol luhn nguhnum sifacna, suc olwelah nuh sesr kuht in tiac sahngweng, tuh Leum El oasr yohrohsr, ac fah tu siskacsr.9

Nga esam Prestuhn Thomas S. Monson el akacsruhi puhpuhlyuck soko luhn suliyuck nuh in lohm sin prestuhn stek lal Paul C. Child in ahkolah in eis Melchizedek Pristut. Ma inge sie insewowo sacohk nuh sin Prestuhn Child, suc tiac etuh ke pacl sac lah el luti sie mukul Aaronic Pristut fuhsr suc fah sie lwen ekihn mwet pahluh se luhn God.10

Nga fah etwaclah ke pacl in lutlut luhk sifacna ke mwet pahluh sacohk lasr, Prestuhn Monson. Wacngihn kihsen siyuck ke nuhnak luhk kuh ke insiyacsr lah el pa mwet pahluh luhn Leum fin facluh; nga puhsisacl in eisyuck ke el eis mwe fwackyuck ac mukwikwi nuh kac uh. El luti kuht ah in saplaklac, in karihngihn kais sie sesr, in karihngihn sie sin sie. Pa inge lutiyuck ke Infacl Mormon. Elos “kena … in pahngpahng mwet Lal” ac fah in “akacsruhi ke ma toasr luhn kais sie,” “in ahsor weluhlos suc ahsor,” ac “in tu oacna mwet loh luhn God.”11

Nga tu mihsenge oacna sie mwet lohoh luhn God Pahpah ma Pahtpaht ac Wen nahtuhl, Jisus Kraist. Nga etuh Mwet Lahngo lasr El moul ac luhngse kuht ac kol mwet kuhlwacnsap Lal, kom ac nga, in ahkfalye srihpac yohk Lal fin facluh se inge.12

Ke kuht fahsr nuh met, sulaclah in ukwe mwe kol ac mwe sensenkihnyuck luhn mwet kol lasr, kuht sulaclah in ukwe Leum ke facluh fahsr ke inkacnek sahyac uh. Kuht sulaclah in sruokyac nuh ke osra luhn iron, in ekihn Mwet Luhlahlfongi Lal ke Lwen Sahflah, in oruh mukwikwi luhn Leum, ac in “nwacklah nguhnihk ke engan na yohk.”13

Kihsensiyuck yohk mihsenge uh kahlwem: yac kom tu yurin mwet kol luhn Alu uh ke sie facluh lohsr kom in muh kuh in ahkyohkye Kahlwem luhn Kraist?

Kuhpahsr yurin mwet kol uh yohk srihpac na pwacye. Oacna sie matwacn mwet kol lom, fin fototo kuh loes, kuh pacl se ma sahp elos ahkwoye moul lasr, kuh lalos oacna kahs luhn mwet sihm Macrike Edwin Markham, suc fahk ma inge:

Oasr pacl fahsruh se ma oruh kuht tamuhlwel:

[Wacngihn mwet] fahsr sifacnalac:

Ma nuhkwewa kuht suhpwaclah nuh ke moul luhn mwet sahyac

Fohlohk nuh ke moul lasr sifacna.14

Shakeel Arshad, kawuck luhk fin acn Pakistan, suhpwacma kahsruh lal nuh sihk, tamuhlwel wiyacl ac kawuck se lal. Puhs suwos oruh pac. Ke kuht saplaklac in sruhk kais sie, kuht ahkpwacyeye kahs kuh inge: “[Wacngihn mwet] fahsr sifacnalac.”

Yohk liki nuhkwewa, kuht enenuh Mwet Lahngo lasr, Leum lasr, Jisus Kraist. Sie sramsram ke ma suhmuhslah ma pacl nuhkwewa nga puhla ke nguhnihk pa ke Jisus Kraist El fahsr fin kof uh in sonolos mwet tuhma lutlut Lal suc fuhfahsryucsr ke oak soko nuh ke acn Galilee. Mwet kol pa mwet inge suc tuhfahna pahngyak, oacna puhs sesr inge mihsenge. Sramsram se inge sihmlac ke Mattu”

“Tuh oak soko ah oasr infulwen meoa uh, lwengwot lwengme [ke] eng uh: tuh eng uh upaclaclac.

“Inmasrlon ao tolu ac ao onkosr ke lotutacng, Jisus el tuhkuh sun mwet tuhma lutlut, ac el fahsr na fin kof uh.

“Ke elos liyacl ke el fahsr fin kof uh elos arulacna sangweng, … ac wowoyak ke sangeng.

“In kitin pacl ah na Jisus el kaswacng nuh selos ac fahk, “Akkweye kowos, nga na pa inge. Nimet sangweng!”15

Peter el lohng pahng ahkkweye wolacna sin Leum.

Na Peter el kasla ac fahk, ‘Leum, fin kom pa ingacn, sap nga in fahsrot fin kof uh nu yurum.’

“Na [Jisus] el fahk, ‘Fahsruh!”16

Ke puhlaik. Peter el sie mwet pahtuhr, ac el etuh ke pohlkuhlak luhn meoa uh. Tuhsruhktuh, el lihksrweni in ukwacl Jisus–fong kuh lwen, fin oak soko kuh fin acn paho.

Nga kuh in liye lah Peter el srolah liki oak soko ah, tiac sano nuh ke suli ahk luo, ac muhtwacwacack in fahsr fin kof uh. Pwacyena, ma suhmuhslah sac fahk, “[El] fahsr fin kof uh nu yurin Jesus.”17 Ke eng uh yohkwaclihk ke kuh ac upaciyac ac ke noa uh yohkwelihk ke niacl, Peter el “sahngwengwack; ac muhtwacwwacack in tili nu inkof uh. Na el wowoyak ac fahk, ‘O Leum, moliyula!’

“ In kitin pacl ah na Jesus el asroela paol, sruokilyac.”18

Pa inge mwe lutlut kuh sac. Leum El weluhl, oacna El wiyuc ac kom uh. El ahsroelah pahol ac sruokilyac Peter nuh Yohrohl ac in molwelah.

Nga enenuh Mwet Lahngo ac molwelah luhn Pahol pacl pucspucs. Nga enenwacl ingena yohk liki met ah, oacna kowos kais sie. Nga puhla fokoko ke pacl in srolah liki oak uh, kahs in nuhnak se, nuh ke acn sasuc sac, in akihlen muhkwena lah nga koflah in sifacna oruh.

Ke kuht sramsram Angwetwacni ah, pacl puhs Leum El saplakme nuh sesr ke sucu lasr ac mwet kol uh, suli kuht in tuhkuh nuh Yohrohl–oacna El saplaklac in molwellah Peter ah.

Oasr pac pacl pucspucs lowos kowos in topuk nuh ke suli puhkantwen in “tuhkuh nuh ke Kraist.”19 Yac tiac pa ingacn kalmacn moul lasr fin facluh uh? Sahp pahng sacn pa in molwelah mempucr se ke sucu an; tuhkuh wi misineri; tuhkuh fohlohk wi alu; tuhkuh ke tempuhl muhtahl; ac ke kuht tuhfahna lohng sin mwet fuhsr wolacna lasr ke ma sikyak ke Angwetwacni, tuhkuh, nuhnak muhnahs kahsrweyuc topuk kihsen siyuck luhk uh. Ke pacl fahsruh, kais sie sesr fah lohng pahng “Fohlohk nuh Lohm uh.”

Nga pruhe tuh kuht in saplaklac—saplakyang ac sruokyac poun Mwet Lahngo ma El ahsroelah nuh sesr, pacl puhs sin mwet kol pahngyak kuhsrao me Lal ac mempucr ke sucu lasr, ac lohng ke pahng Lal in tuhkuh.

Nga etuh lah Jisus Kraist El moul; nga luhngse El, ac nga etuh ke insiyuck kwewa lah El luhngse kais sie sesr. El pa srihkasrak wowo lasr ac mwet kol wowo luhn tuhlihk nuhkwewa nuhtin Pahpah tuhmasr. Ke ma inge nga fahkwack lohoh muhtahl luhk ke inen Jisus Kraist, amen.