2010–2019
E Preis di e Poder di Saserdosio
April 2016


E Preis di e Poder di Saserdosio

Boso ta dispuesto hasi orashon, ayuná, studia, buska, adorá, i sirbi manera hòmbernan di Dios pa nos por tin e poder di saserdosio?

Seis luna pasá na e konferensia general di òktober 2015, mi a papia ku e hermananan di Iglesia tokante nan ròl divino komo muhernan di Dios. Awor mi ke papia ku e hermanonan tokante nan ròl divino komo hòmbernan di Dios. Durante mi biahenan rònt mundu, mi ta maravia riba e forsa i bondat puru di e hòmbernan i e mucha hòmbernan di e Iglesia aki. Simplemente no tin manera pa konta e kurasonnan ku boso a sana i e bidanan ku boso a halsa. Danki!

Den mi delaster mensahe di konferensha, mi a relatá un eksperensha devastadó hopi aña pasa ora ku, komo un siruhano di kurason, mi no tabata por a salba bida di dos ruman muhé chikí. Ku pèrmit di nan tata, mi ker a bisa mas tokante di e famia ei.

Tres yu di Ruth i Jimmy Hatfield tabata afektá pa malesa di kurason. Nan promé yu, Jimmy Jr. a muri sin ningun diagnósis definitivo. Mi a drenta den e esena ora ku e mayornan a buska yudansa pa nan dos yunan muhé, Laural Ann i su ruman menor, Gay Lynn. Mi kurason tabata kibrá ora ámbos yu a muri despues di nan operashonnan.1 Ta komprendibel, ku Ruth i Jimmy tabata spiritualmente destruí.

Despues di tempu, mi a haña sa ku nan tabata tin resentimentu pa ku ami i Iglesia. Pa kasi seis dékada, mi tabata wòrdu pèrsigui pa e situashon aki i mi tabatin tristesa pa e famia Hatfield. Mi a purba vários biaha pa establesé kontakto ku nan, pero sin éksito.

Despues un anochi di mei aña pasá, mi a wòrdu lantá pa e dos mucha muhénan aki for di e otro banda di e velo. Ounke mi no a mira of skucha nan ku mi sentidonan físiko. Mi a sinti nan presensia. Spiritualmente, mi a skucha nan súplika. Nan mensahe tabata kòrtiku i kla: “Hermano Nelson, nos no ta seyá na ningun hende! Bo por yuda nos?” Poko despues, mi a haña sa ku nan mama a fayesé, pero nan tata i nan ruman menor tabata na bida ainda.

Enkurashá pa e súplika di Laural Ann i Gay Lynn, mi a bolbe purba di tin kontakto nan tata, di kual mi a haña sa ku e tabata biba ku su yu Shawn. E biaha aki nan tabata dispuesto pa reuní ku mi.

Na yüni, literalmente mi a hinka rudia dilanti Jimmy, awor ku 88 aña, i mi tabatin un kombersashon sinsero ku n’e. Mi a papia di e súplikanan di su yunan i mi a bisé ku lo ta un honor p’ami pa efektuá e ordenansanan di seyamentu pa su famia. Tambe mi a splik’é ku lo tuma tempu i hopi esfuerso pa e i Shawn pa ta kla i digno pa drenta tèmpel, ya ku ningun di nan dos no a risibí investidura.

E Spiritu di Señor tabata palpabel durante hinter e reunion. I ora ku Jimmy i Shawn a akseptá mi ofresementu, mi tabata felis! Nan a traha diligentemente ku nan presidente di estaka, obispu, maestronan orientador, i nan lider misional di bario, i tambe ku misioneronan yòn i un pareha misional. I despues, no hopi tempu pasá, den e Tèmpel di Payson Utah, mi tabatin e privilegio profundo di seya Ruth na Jimmy i nan kuater yunan na nan. Wendy i ami a yora ora nos a partisipá den e eksperensha sublime aki. Hopi kurason a sana e dia ei!

Imagen
Elder and Hermana Nelson na tèmpel ku famia Hatfield

Reflekshonando, mi a maravia di Jimmy i Shawn i kiko nan tabata dispuesto pa hasi. Nan a bira mi héroenan. Si mi por ta tin e deseo di mi kurason, esei ta pa kada hòmber i hobensitu den e Iglesia aki demostrá nan kurashi, forsa, i humildat di e tata i e yu aki. Nan tabata dispuesto pa pordoná i lubidá dolornan i kustumbernan bieu. Nan tabata dispuesto pa someté na guia di e lidernan di saserdosio p’asina e Ekspiashon di JesuCristu por purifiká i magnifiká nan. Kada un tabata dispuesto di kombertí den un hòmber ku dignamente ta poseé e saserdosio “segun e òrdu mas sagrado di Dios.”2

Pa Karga ta nifiká soportá e peso di loke ta wòrdu tené. Ta un konfiansa sagrado di poseé e saserdosio, kual ta e gran poder i outoridat di Dios. Pensa riba esaki: e saserdosio ku a wòrdu konferí riba nos ta e mesun poderi outoridat pa medio di kua Dios a krea e mundu aki i otro mundunan inkontabel, goberná e shelunan i mundu, i eksaltá Su yunan obediente.3

Resientemente, Wendy i ami tabata den un reunion kaminda e organista tabata kla prepará pa toka e himno di apertura. Su wowonan tabata riba músika, i su dedenan tabata riba e tekladonan. El a kuminsá primi e tekladonan, pero no tabatin zonido. Mi a susurá na Wendy, “E no tin elektrisidat.” Mi a suponé ku algu a stòp e fluho di elektrisidat na e órgano.

Awèl rumannan, di e mesun manera aki, mi ta teme ku tin hopi di nos hòmbernan ku a risibí e outoridat di e saserdosio pero ku ta falta e poder di e saserdosio pasobra e fluho di poder a wòrdu blòkiá dor di pikánan manera flohera, deshonestidat, orguyo, inmoralidat, òf preokupashon pa e kosnan di mundu.

Mi ta teme ku tin muchu hopi poseedor di saserdosio ku a hasi tiki of nada pa desaroyá nan abilidat pa por tin akseso na e podernan di shelu. Mi ta preokupá pa tur ku ta impuro den nan pensamentu, nan sentimentunan, of akshonnan of ku ta rebaha nan kasánan of yunan, di e manera ei kòrtando e podernan di saserdosio.

Mi ta teme ku hopi lástimamente a entregá nan libertat na e atversario i ta bisa pa medio di nan kondukta, “Mi ta preokupá mas pa satisfasé mi propio nesesidatnan ku mi ta preokupá ku karga e poder di e Salbador pa bendishoná otronan.”

Mi ta teme, rumannan, ku tin entre nos hopi ku un dia lo lanta i realisá kiko e poder di saserdosio ta berdaderamente i enfrentá e lamento profundo ku nan a gasta demasiado tempu buskando poder riba otronan o poder na trabou en bes di siña kon pa ehersé kompletamente e poder di Dios.4 Presidente George Albert Smith a siña ku “nos no ta aki pa entretené e oranan di e bida aki i despues pasa pa un esfera di eksaltashon; pero nos ta aki pa kualifiká nos mes kada dia pa e posishonnan ku nos Tata ta spera di nos pa asumí despues di e bida aki.”5

Pakiko un hòmber lo tin di gasta su dianan i keda kontentu ku e sòpi di Esau6 miéntras ku el wòrdu konfiá ku e posibilidat di risibí tur e bendishonnan di Abraham?7

Mi ta roga urgentemente na kada un di nos pa alsa nos mes na e privilegionan di nos komo poseedornan di e saserdosio. Den un dia benidero, solamente e hòmbernan ku a tuma nan saserdosio na serio, dor di buska diligentemente pa wòrdu siñá dor di Señor mes, lo por bendishoná, guia, protehá, fortalesé i sana otronan. Solamente un hòmber ku a paga e presio pa e poder di saserdosio por trese milagernan na esnan ku e stima i mantené su matrimonio i famia sigur, awor aki i pa eternidat.

Ki ta e preis pa desaroyá tal poder di saserdosio? E Apòstel mayor di e Salbador, Pedro---e mesun Pedro ku huntu ku Hakobo i Huan a konferí e Saserdosio di Melkisedek na Jose Smith i Oliver Cowdery8—a deklará e kualidatnan ku nos mester buska pa “ta partisipe di e naturalesa divino.”9

Imagen
Pedro, Hakobo, i Juan ta konferí e Saserdosio di Melkisedek.

E la nombra fe, virtut, konosementu, moderashon, pasenshi, deboshon, amor fraternal, karidat, i diligensia.10 I no lubidá humildat!11 e men mi ta puntra, kon nos famianan, amigunan, i koleganan por bisa ku abo i ami ta hasiendo den e desaroyo di esakinan o otro donnan spiritual?12 Mas nos desaroyá e atributonan, mas grandi nos poder den e saserdosio lo ta.

Kon mas nos por oumentá nos poder den e saserdosio? Nos mester hasi orashon ku ta sali for di nos kurason. Resitashonnan kortes di pasado i eventonan benidero, aksentuá dor di algun petishon pa bendishon, no por konstituí e tipo di komunikashon ku Dios ku ta trese poder duradero. Bo ta dispuesto pa sa kon hasi orashon pa mas poder? Señor lo siña bo.

Boso ta dispuesto pa buska den e skrituranan i deleitá den e palabranan di Cristu13---studia sinseramentepa asina haña mas poder? Si boso ke wak boso kasá su kurason dirtí, lag’é hañabo riba Internèt ta studiando e doktrina di Cristu14 òf lesa e skrituranan!

Bo ta dispuesto pa adorá den tèmpel regularmente? Señor gusta duna Su propio enseñansa den Su kas sagrado. Imaginá kon satisfecho E lo ta si boso puntr’é pa siña boso tokante di e yabinan di saserdosio, outoridat, i poder miéntras boso ta eksperenshá e ordenansanan di e Saserdosio Melkisedek den tèmpel.15 Imaginá e oumento di e poder di saserdosio ku por ta di boso.

Bo ta dispuesto pa sigui Presidente Thomas S. Monson su ehèmpel di sirbi otronan? Pa dékadanan el a tuma e kaminda largu di kas, siguiendo e susuronan di e Spiritu pa yega na un hende su porta di kas i skucha e palabranan manera, “Kon bo tabata sa ku ta e aniversario di nos yu muhé su morto?” of “Kon bo tabata sa ku ta mi hasimentu di aña?” i, si berdaderamente boso ke mas poder den e saserdosio, boso mester stima i kuida boso kasa, brasa e isu konsehonan tambe.

Awor, si tur esaki ta zona muchu, por fabor konsiderá kon diferente nos relashon ku nos kasá, yunan, i koleganan na trabou lo ta si nos lo ta mesun preokupá di gana e poder di saserdosio ku nos ta den progresá na trabou òf oumentá nos balanse di nos kuenta di banko. Si nos por presentá nos mes humildemente na Señor i pidié pa siña nos, E lo mustra nos kon pa oumentá nos akseso na Su poder.

Den e último dianan, nos sa ku lo tin temblor den diferente lugá.16 Kisas un di e lugánan ei lo ta kaminda nos propio hogar ta, kaminda emoshon, finansiero, of temblornan spiritual por sosodé. Poder di Saserdosio ta kalma laman i ta sana kurasonnan fraktura. Poder di Saserdosio tambe por kalma e bientunan di mente i sana kurasonnan fraktura di esnan ku nos ta stima.

Bo ta dispuesto pa hasi orashon, ayuná, studia, buska, adorá, i sirbi manera hòmbernan di Dios pa nos por tin e tal tipo poder di saserdosio? Pasobra dos mucha muhé tabatin deseo pa wòrdu seya na nan famia, nan tata i ruman tabata dispuesto pa paga e presio pa karga e Saserdosio Melkisedek sagrado.

Mi kerido rumannan, nos a risibí un konfiansa sagrado--e outoridat di Dios pa bendishoná otronan. Ku kada un di nos por wòrdu elevá komo e hòmber di Dios ku kada un di nos a wòrdu pre ordená pa ta--kla pa karga e saserdosio di Dios ku kurashi, ku gana di paga lo ke sea ku e preis rekerí ta pa oumentá su poder den e saserdosio. Ku talpoder, nos por yuda prepará e mundu pa e Segunda Binida di nos Salbador, JesuCristu. Esaki ta Su Iglesia, guiá awe pa Su profeta, Presidente Thomas S. Monson, ken mi ta sostené i stima. Asina mi ta testifiká den nòmber di JesuCristu, amèn.