Us Aatma par Bharosa Karo jo Achchaai Karwata Hai
Hum Uddhaarkarta ke kareeb pahunchte hai jab hum, shudh prem se, Unke liye auron ki sewa karne se.
Mai itna abhaari hoon aap sab ke saath ke liye is bhakti, jhalkiyon, aur wafa ke shaam mein. Humne ek saath prathna ki hai. Hamare pyaar bhare Swarg ke Pita ne hamein suna hai. Humne apne Uddhaarkarta ko yaad kiya, Prabhu Ishu Maseeh ko, jab hum Unke prashansa ke geeton se prerit hue the. Humko prerna mili hai ki hum apne Swami ko Unke kaarye mein hamare Swarg ke Pita ke bachchon ko madad aur aaraam dene ke liye sahayta karein.
Auron ki sewa karne ki hamari ichcha dugni ho jaati hai jab hum Uddhaarkarta ke prati abhaari hote hai. Isi liye hamare hriday khushi se fool jaate hai jab hum “Because I have been given much, I too must give”1 geet ke bol ko gaate hai. Raaja Benjamin ne, apne Mormon Dharamshaastra mein darj mahaan bhaashan mein, vaada kiya tha ki yeh ehsaas aaega (dekhiye Mosiah 2:17–19).
Jab Ishu Maseeh mein hamara vishwaas hume Unke maafi ka hakdaar banata hai, hamare andar ichcha hoti hai Unke liye auron ki sewa karne ki. Raaja Benjamin ne sikhlaya ki maafi ek hi chan mein nahin diya jaata.
Usne ayse kaha: “Aur ab, un baato ke liye jo maine tumse kahi hai—yadi, din prati din apne paapo ko chama karwane ki baat ko barkaraar rakhne ke liye, taaki tum Parmeshwar ke paas nirdosh jaa sakein—mai chahata hoon ki tum apni parishthiti ke anusaar gareebo ko apni wastuwon ko do, jaise bhukhon ko bhojan dena, rogiyon ko dekhne jaana aur unki aatmik aur shaaririk dilaasa ke liye unki avashyaktaaon ke anusaar sahayta pahunchana” (Mosiah 4:26).
Alma ka saathi Amulek ne bhi sachchaai sikhlaya ki hamein maafi ke liye Unki sewa jaari rakhni hai: “Aur ab dekho, mere priye bhaaiyo, mai tumse kehta hoon, mat maano ki yahi sab kuch hai; kyunki in saari cheezon ko kar lene ke baad, yadi tum zarooratmand aur vastraheen logon se muh feroge, aur beemaar aur kasht mein pade hue logon se nahi miloge, aur yadi tumhare paas vastuwein hain jise tum un logon ko nahin doge jinhe inki avashyakta hai—mai tumse kehta hoon, yadi tum in mein se kisi bhi cheez ko nahin doge, dekho, tumhari prarthna vyarth hai, aur tumhe koi fal nahi degi, aur tum un dhongiyon ke tarah ho jo vishwaas ko nakaarte hai” (Alma 34:28).
Maine aaj raat mere jiwan ke mahilaaon ke baare mein socha hai. Hamare parivaar mein 31 mahilaaen aur ladkiyaan hai, mere patni se ginte hue aur hamare teen sabse naye par-potiyon tak. In mein se kuch aaj hamare saath yahan hai. Paanch barah se niche ke umra ke hai. Yeh shaayad unka pehla sabha hai Sammelan Kendra mein apne bahanon ke saath Uddhaarkarta ke Girjaghar mein. Har ek aaj raat ke is anubhav se apne alag alag yaadein le jaaegi aur un mein se apne khud ke pratigya karenge.
Teen yaadein aur teen pratigyaaen hai jo mai aasha karta hoon unke jiwanbhar aur aage tak unke saath rahe. Yeh yaadein ehsaas ki hai. Aur pratigyaaen kuch karne ki hai.
Sabse mahatvapurn ehsaas hai pyaar. Tumne un mahaan bahan netaaon ke pyaar ko unke bhaashan dwara mehsoos kiya hai. Aur tumne Aatma ko mehsoos kiya ki woh bina tumhe jaane tumse prem karte hai kyunki unhonne Swarg ke Pita aur Uddhaarkarta ke prem ko tumhare liye mehsoos kiya hai. Isi liye woh tumhari sewa karna chahate hai aur chahate hain ki tum Parmeshwar ke aashirvaad paao.
Tumne auron ke liye pyaar mehsoos kiya hai—doston, skool ke saathi, padosiyon, aur unke liye jo haal mein tumhare jiwan mein aaya, ek pardesi. Woh pyaar ka ehsaas Parmeshwar se ek uphaar hai. Dharamshaastra use “uddaarta” aur “Maseeh ka sachcha prem” kehta hai (Moroni 7:47). Tumne us prem ko aaj raat mehsoos kiya hai, aur tum use aksar paa sakte ho agar tum use dhoondho.
Ek dusra ehsaas jo tumne aaj paaya hai woh hai Pavitra Aatma. Bahano ne tumse aaj vaada kiya ki Pavitra Aatma tumhe maarg dikhaega us sewa tak jo Prabhu chahata hai tum Unke liye kisi aur ko pradaan karo. Tumne Aatma dwara mehsoos kiya ki unka vaada Prabhu ki or se tha aur woh sach hai.
Prabhu ne kaha, “Aur ab, daawe se, mai tumse kehta hoon, apna bharosa us aatma par rakhna chahiye jo achcha karwata hai—haan, nyaye karwata, vinamra kaede sikhlata hai, aur sachchaai ke saath nirnay banwata hai; aur yeh meri Aatma hai” (D&C 11:12).
Shaayad tumne us ashirvaad ko aaj raat paaya hai. Jaise ki, kisi zarooratmand ka ek naam ya ek chehra tumhe is sabha ke daoraan mann mein dikha hoga. Shaayad woh sirf ek udta khayaal hoga, magar kyunki aaj raat aapne yeh suna, aap iske baare mein prarthna karenge, us bharose ke saath ki Parmeshwar tumse achchaai karwaaega unke liye. Jab ayse prarthnaaen tumhare jiwan ka bhaag ban jaate hai, tum aur anye log behtar ke liye badal jaaenge.
Jo teesra ehsaas aaj raat aapko hua hai woh hai ki tum Uddhaarkarta ke kareeb rehna chahti ho. Yahan par maujood sabse choti ladki ne bhi is geet ke nimantran ki sachchaai ko mehsoos kiya hoga: “‘Come, follow me,’ the Savior said. Then let us in his footsteps tread.”2
Ab, in ehsaason ke saath, jo pehla kaarye tumhe pratigya karni hai ki tum jaao aur sewa karo, yeh jaante hue ki akele nahi ho. Jab tum Uddhaarkarta ke liye kisi ko aaraam aur sewa dene jaaoge, Woh maarg tayaar karega tumhare liye. Ab, jaisa tumhe aaj raat ke laute huwe prachaarak batlaaenge, uska matlab yeh nahin ki har darwaaze ke piche ka har vyakti tumhe swaagat karega ya ki har koi jise tum sewa karoge woh abhaari hoga. Magar Prabhu tumhare aage jaaega raasta tayyaar karne ke liye.
Bahut baar Pradhaan Thomas S. Monson ne kaha woh Prabhu ke vaade ki vaastvikta ko jaanta hai: “Aur jo tumhe apnaaega, wahan Mai bhi rahunga, kyunki Mai tumse aage jaaunga. Mai tumhare daae aur baae or rahunga, aur mera Aatma tumhare hriday mein rahega, aur mere devdut tumhare ird-gird, tumhe sambhalne ke liye” (D&C 84:88).
Ek tarah se jab Woh tumhare aage jaata hai woh us vyakti ke hriday ko tayaar karta hai jiske paas Usne tumhe bheja sewa ke liye. Woh tumhara hriday bhi tayaar karega.
Tum yeh paaoge ki Prabhu tumhare liye sahayakon ko deta hai—tumhare daae, tumhare baae or, aur sabhi or. Tum akele nahin jaate Unke liye auron ki sewa karne ke liye.
Aaj-raat Usne aysa mere liye kiya. Prabhu ne mere liye “gawaho ka bada baadal” (Hebrews 12:1) tayyaar kiya, dono shabdon aur sangeet mein, taaki Woh jo chahata tha ki mai kahun uski shakti jut jaaye aur dugni howe. Mujhe sirf yeh dekhna tha ki mera sandesh Unke sandesh ka bhaag jaae. Mai aasha aur prarthna karta hoon ki tum abhaar aur khushi mehsoos karoge jab Prabhu tumhe auron ke sang rakhega Unke liye sewa ke khatir.
Jab tumhe yeh anubhav aksar hoga, aur tum yaad karke muskuraaoge, jaise mai karta hoon, jab bhi hum, “Sweet is the work”3 gaate hai.
Tum jab is verse ko padhoge tab bhi muskuraoge: “Tab Raaja unhe uttar dega, mai tumse sach kehta hoon, ki tumne jo mere in chote se chote bhaaiyo mein se kisi ek se saath kiya, woh mere hi saath kiya” (Matthew 25:40).
Jo dusra kaarye tumhe karna hai woh hai Prabhu ko yaad karna jab tum Unke liye sewa mein jaaoge. Prabhu na sirf tumhare aage jaata aur devduton ko hamare saath sewa karne bhejta, magar Woh us aaraam ko bhi mehsoos karta hai jo hum auron ko dete hai jaise Use hi diya.
Parmeshwar ki har putri jo is sabh ke sandeshon ko sunegi aur us par vishwaas karegi yeh puchegi, “Prabhu kya chahata hai ki mai karun Unki madad ke liye zarooratmand ko sahayta dene ke liye?” Har ek bahan ki stithi alag hai. Yeh sach hai mere putriyon, bahuwon, potiyon/natiyon, aur par potiyon ke chote toli ke liye. Unke liye, aur Swarg ke Pita ke sabhi putriyon ke liye, mai Bahan Linda K. Burton ka gyaanpurn salaah dohraaunga.
Usne chaaha hai ki tum vishwaas se prarthna karo yeh jaanne ke liye ki tumhare paristhitiyon mein woh tumse kya karwana chahata hai. Aur phir usne tumse vaada ke madhur aaram ke baare mein kaha jo Khud Prabhu ne us aurat ko diya jo dhikkaari gayi thi Unke sir par mehnga tel undelne ke liye jab use bech kar gareeb ki madad ki jaa sakti thi.
“Aur Ishu ne kaha, Use chod do; use kyun satate ho? usne to mere saath bhalaai ki hai.
“Kangaal tumhare saath sada rehte hai, aur tum jab chaaho unse bhalaai kar sakte ho: par mai tumhare saath sada na rahunga.
“Jo kuch woh kar saki usne kiya: usne mere gade jaane ki tayaari mein pehle se meri deh par itra mala hai.
“Mai tumse sach kehta hoon, ki saare jagat mein jahan kahi susamachaar prachaar kiya jaaega, wahan uske is kaam ki charcha bhi uske smaran mein ki jaaegi” (Mark 14:6–9).
Woh chota shaastra meetha aur gyaani salaah hai Prabhu ke raajye ke vishwaasi bahano ke liye is ashaant samay mein. Tum prarthna karoge yeh jaanne ke liye ki Pita tumse kiski sewa karwaaega taaki Unke aur hamare Uddhaarkarta ke prati bhi pyaar dikha sako. Aur tumhe janta ki badhaai ki apeksha nahi hogi, Mark ke shaastra mein mahila ke uddharan ko janne ke baad, jiska duniya ka Uddhaarkarta ko sammaan dene ka pavitra karm to yaad hai par uska naam nahin.
Meri aasha hai ki hamare parivaar ki bahane apne bas mein woh sab karegi Parmeshwar ke prem ke kaaran zarooratmand ki sewa ke liye. Aur jo teesri baat jiski mai aasha karta hoon woh karenge hai ki woh apne achche kaaryon ka khud aelaan nahin karenge. Phir bhi mai prarthna karta hoon ki woh Prabhu ka salaah apnaaenge, jab Usne kaha—jise mujhe nishchay hai hamein sunna hai:
“Saodhaan raho ki tum manushyon ke dikhane ke liye, apne dharm ke kaam na karo: nahi to apne swarg ke Pita se kuch fal na paaoge.”
Aur phir Usne kaha:
Parantu jab tu daan kare, toh jo tera daahina haath karta hai use tera baaya haath na jaanne paae:
“Taaki teri daan gupt rahe: aur tab tera Pita jo gupt mein dekhta hai tumhe pratifal dega” (Matthew 6:1–4).
Mera prarthna is raajye ke bahano ke liye yeh hai ki, jaha kahi woh rahe ya jis kisi paristhiti mein, unka Uddhaarkarta aur Unke Praeshchit mein vishwaas unhe woh sab karwaae jo Prabhu unki sewa se chahata hai. Jab woh karenge, mai vaada karta hoon ki woh aur pavitra mahilaaen banenge jinhe Uddhaarkarta aur hamare Swarg ke Pita sneh se swaagat karenge aur khul kar asish denge.
Mai gawahi deta hoon ki yeh punahrjiwit Ishu Maseeh ka Girjaghar hai. Woh ji utha hai. Usne hum sab ke paapo ka praeshchit kiya. Mai jaanta hoon ki Unke kaaran hum punarjiwit honge aur anant jiwan paaenge. Pradhaan Thomas S. Monson Unka jiwit bhavishyevakta hai. Swarg ka Pita hamare prarthnaaon ko sunta aur jawaab deta hai. Mai gawahi deta hoon ki hum Uddhaarkarta ke kareeb pahunchte hai jab hum, shudh prem se, Unke liye auron ki sewa karne se. Mai is tarah apna atut gawahi deta hoon Ishu Maseeh ke naam se, amen.