Luhlahlfongi Nguhn Se Ma Kol in Oruh Ma Wo uh
Kuht kapwack nuh sin Mwet Lahngo ke kuht, oruh ke luhngse nwacsnwacs, kuhlwacnsapuh mwet sahyac nuh Sel.
Nga tarilacna in wi kowos ke ekuh se in ahkfuhlwact, nuhnkuh, ac kihsackuhnlah se inge. Kuht tuhkweni pruhe tari. Pahpah luhngse tuhmasr Lucng El lohng kuht. Kuht esam Mwet Lahngo lasr, Leum Jisus Kraist, ke pacl se kuht moklweyuck ke on in kaksak nuh Sel. Kuht moklweyuck in oruh yohk in kahsruh Mwet Kol lasr ke orekma Lal in kahsruh ac ahkkweye tuhlihk nuhtin Pahpah tuhmasr Lucng.
Kena lasr in kuhlwacnsapuh mwet sahyac uh ac yohkwelihk ke tarilacna lasr ke ma Mwet Lahngo El orwaclah kacsr uh. Pa oruh insiyacsr sesseslah ke engan ke kuht lohng kahs onkihnyuck: “Because I’ve been given much, I too much give.”1 Tohkohsrah Benjamin, ke luti wowo lal sihmlac luhn Puk luhn Mormon uh, olwelah puhla ke tarilacna sacn fah tuhkuh (liye Mosiah 2:17–19).
Ke luhlahlfongi lasr ke Jisus Kraist kol kuht in fal nuh ke engan ke nuhnak muhnahs Lal uh, kuht puhla kena in kuhlwacnsapuh mwet sahyac uh nuh Sel. Tohkohsrah Benjamin el luti lah nuhnak muhnahs el tiac oreklac ke kais sie pacl.
El fahk ke inkacnek se inge: “Ac inge, ke srihpen ma inge suc nga sruhmuhn nuh suwos—pa nuh ke, in liyacacng na nwacsnwacslah luhn ma koluk lowos ke lwen nuh ke lwen, tuh kowos in fahsr tiac nuhnuhnkweyuck ye muhtuhn God—nga ke tuh kowos in sang ma lowos nuh sin mwet suhkahsruhp, mwet nuhkwewa in fal nuh ke ma suc oasr yohrohl, pa in kihte mwet masrinsrwacl, nokomwacng mwet kohflufohl, muhtwacta yurin mwet mas ac sang ma in kahsrwelos, kwewana ke nguhn ac ma luhn ikoac, in fal nuh ke kena lalos” (Mosiah 4:26).
Companion wowo lal Alma, Amulek, el luti pac ma pwacye ma kuht enenuh in kalweni kuhlwacnsap lasr nuh Sel in kalweni in eis nuhnak muhnahs: Ac inge liye, mwet sacohk wiyuck, nga nuh suwos, nikmet nuhnkuh muh pa inge kwewa; tuh tukun kowos oruh ma inge nuhkwewa, kowos fin tiac kahsruh mwet enenuh, ac mwet kohflufohl, ac tiac muhtwacta yurin mwet mas ac kweok, ac sang ke ma lowos, kowos fin oruh, nuh selos suc oasr in enenuh—nga fahk nuh suwos, kowos fin tiac oruh kuhtwena sin ma inge, liye, pruhe lowos wacngihn srihpac, ac mwe pihlacsr nuh suwos, ac kowos oacna mwet wosounkacs suc lahfwekihn luhlahlfongi uh.” (Alma 34:28).
Nga nuhnkuh ofong ke muhtwacn in moul luhk uh. Oasr muhtwacn ac tuhlihk muhtwacn 31 ke sucu lasr ah, muhtwacwacack ke muhtwacn kiyuck uh ac muhtwacwacack in weacng acn nuhtihn tuhlihk muhtwacn sasuc tolu nuhtihk. Limekohsr selos srihk liki yac 12. Ac pa inge toeni se emet lalos ke Conference Center yurin tahmtahel wiyaclos ke Alu luhn Mwet Lahngo. Kais sie fah eis mwe esam lalos sifacna ac orwaclah olwelah lal sifacna ke puhla se inge oyekuh.
Oasr mwe esamyac tolu ac olwelah tolu ma nga finsrakkihn elos in fah esam in moul lalos ac finne ne tok. Mwe esamyac ke puhla uh. Ac olwelah ke ma in oruh.
Sie puhla yohk srihpac emet pa luhngse. Kowos puhla luhngse luhn mwet kol wowo luhn tahmtahel suc sramsram uh. Ac kowos puhla Nguhn lah elos luhngse kowos sahyacn etwekowos ke srihpen elos puhla luhngse luhn Pahpah Lucng ac Mwet Lahngo nuh suwos. Pa oruh elos kena na pwacye in kuhlwacnsapwe kowos ac kena kowos in eis mwe insewowo God el kena nuh suwos uh.
Kowos puhla luhngse luhn mwet sahyac ofong —nuh sin kawuck, mwet lutlut wiyowos, ac finne sie mwet suc kowos sun ke moul lowos, sie mwet sac. Puhla luhngse sacn pa sie mwe sang sin God. Ma suhmuhslah pahngon “luhngse muhtahl” ac “luhngse suwohs luhn Kraist” (Moroni 7:47). Kowos puhla luhngse sacn ofong, ac kowos kuh in eis fusus ke kowos suk uh.
Sie puhla ahkluo kowos eis ofong uh pa mokleyuck luhn Nguhn Muhtahl. Tahmtahel uh olwelah nuh suwos lwen mihsenge uh lah Nguhn Muhtahl fah kol kowos in sokwack kuhlwacnsap Leum El kena kowos in sang nuh sin mwet sahyac ke El. Kowos puhla sin Nguhn lah olwelah lalos uh ma sin Leum ac lah pwacye.
Leum El fahk lah kuht enenuh in sang luhlahlfongi lasr nuh ke Nguhn Lal ma ac kol kuht in oruh ma wo, in oruh suwohs, ac in nuhnuhnkuh suwohs” (liye D&C 11:12).
Sahp kowos eis tari mwe insewowo sacn ofong. Nuh ke mwe srihkasrak, ine se kuh muhta luhn sie mwet enenuh oasr ma kom nuhnkuh ke toeni se inge. Ac kuh in sie nuhnak na fototo, tuhsruhk ke srihpen ma kowos lohng ofong uh, kowos fah pruhe kac, luhlahlfongi lah God El fah kol kowos in oruh ma wo El kena nuh selos kac. Ke kain pruhe inge eklac sie atac in moul lowos, kowos ac mwet sahyac fah eklac wo liki met ah.
Puhla ahktolu se lowos ofong uh pa lah kowos kena in fototoeni nuh sin Mwet Lahngo. Finne tuhlihk muhtwacn srihsrihk se emet inse uh fah puhla ma pwacye ke solsol luhn on: “Fahsruh, ukweyuc, Mwet Lahngo El fahk. Ke ma inge, lwaclah kuht in ukwe srihkasrak lal.”2
Na, ke puhla ingacn, ma se emet kowos enenuh in olwelah in oruh pa in som ac kuhlwacnsap etuh lah kowos tiac som muhkwena. Ke kowos som in ahkkweye ac kuhlwacnsap uh oacna sie mwet luhn Mwet Lahngo, El ahkolah inkacnek sac lowos ye motowos. Ingena, oacna sie misineri fohlohk ofong inge fah fahk nuh suwos, lah tiac kalmeyac pa mwet nuh kwewa tukun sruhngluhl nuh kwewa ahkolah in pain kowos kuh lah mwet nuh kwewa kom srihke in kuhlwacnsapuh uh fah fahk kuloh nuh sum. Tuhsruhk Leum El fah som met liki motowos in ahkolah inkacnek uh.
Pacl nuh ke pacl Prestuhn Thomas S. Monson el fahk lah el etuh ma pwacye ke olwelah luhn Leum uh: “Lah El fah som ye muhtahsr, lah el fahsr oasr lacpoh lacyot sesr ac lacsac sesr, ac Nguhn Lal fah oasr insiyacsr, ac lihpufacn Lal fah raunikuhtlac, in sruhk kuhtyak” (liye D&C 84:88).
Sie inkacnek El tuhkuh nuh ye motowos uh pa in ahkolah insiyacn sie mwet El siyuck suwos in kuhlwacnsapuh. El fah ahkolah insiyowos pac.
Kowos fah oacyacpac sokwack lah Leum El fihliyac mwet kahsruh Lal met siskowos —ke lacyot lowos,ke lacsac lowos, ac rauni kowoslac nohfohn. Kowos tiac muhkwena som in kuhlwacnsapuh mwet sahyac uh nuh Sel.
El oruh ma ingacn nuh sihk ofong. Leum El ahkolah mwe ahkpwacyei puhkantwen uh (Hebrews 12:1), kwewana ke kahs ac on, in orwacni ac ahkyohkye kuh ke ma El kena ngan fahk. Nga enenuh in etuh lah pwacye lah nga kuh in falkeacng ip luhk nuh ke pweng Lal uh. Nga finsrak ac pruhe tuh kowos in puhla tarilacna ac engan ke Leum El fihli kowosi kwewana yurin mwet sahyac in kuhlwacnsap nuh Sel uh.
Ke kowos kwacna eis puhlakihnyuck ingacn uh, ac kowos fah, kowos fah isrwacsr ke akihlen, oacna ke nga oruh, pacl nuh kwewa nga onkihn, “Sweet is the work.” 3
Kowos fah oacyacpac isrwacsr ke kowos esam fuhs inge: “Na Tokosra el ac fahk, ‘Pwayena nga fahk nu suwos, ke kowos oruh ma inge nuh sin sie suc srihk liki nuhkewa sin mwet lik, kowos oruh nuh sihk.” (Matthew 25:40).
Ma se ahkluo kowos enenuh in oruh pa esam Leum ke kowos oruh kuhlwacnsap nuh Sel uh. Leum El tiac som muhkwena ye muhtahsr ac suhpwacma lihpufacn uh in wi kuht kuhlwacnsap, tuhsruhk El oacyacpac puhla ahkkweye kuht sang sin mwet sahyac uh oacna kuht fin sang nuh Sel.
Tuhlihk muhtwacn nuh kwewa nuhtin God suc lohng ac luhlahlfongi pweng ke toeni se inge fah siyuck, “Meac Leum El fah kena ngan oruh in Kahsrwel sang kahsruh nuh sin mwet enenuh?” Ohiyac luhn kais sie tahmtahel siena. Ma ingacn pwacye nuh sin un tuhlihk muhtwacn nuhtihk, muhtwacn sroma nuhtihk, acn nuhtihn tuhlihk muhtwacn nuhtihk, ac acn nuhtin tuhlihk muhtwacn nuhtin acn nuhtihk uh. Nuh selos, ac nuh sin tuhlihk muhtwacn nuh kwewa nuhtin Pahpah Lucng uh, nga kalweni kahs lahlmwetmwet lal Tahmtahel Linda K. Burton ah.
El siyuck suwos in pruhe ke luhlahlfongi in etuh ma Leum El kena kowos in oruh ke ohiyac lowos uh. Ac na el sramsram ke olwelah se ke ahkkweye wolacna Leum Sifacna El sang nuh sin muhtwacn suc ahkkolukyeyuck ke akmuhsrai Insifacl ke mwe akmuhsra yohklac molo ac kuh in kuhkwaclah in kahsruh mwet suhkahsruhp uh.
“Ac Jesus el fahk nu selos, nimet anglol! Efuh kowos kuh lusrongohl? Orekma na wo se pa el oruh nuh sihk inge.
“Mwet suhkasrup uh oasr yuruwos pacl nukewa, ac kuhtwena pacl ma kowos ac lungse in oruh ma wo nuh selos uh kowos kuh in oruh. Ac nga ac tia muhta yuruwos pacl nuhkewa.
“Muhtwacn se inge el oruh ma el kuh in oruh. El mosrwela monuk in akolah meet liki pacl in puckpucki luk.
“Pwayena Nga fahk nu suwos, Lah acn yac ma ac lutiyuk Pweng Wo se inge we fin faclu uh, ma se el orwaclah inge ac fah sruhmunyuck in esamyuck el kac” (Mark 14:6–9).
Ma suhmuhslah fototo sacn el kahs in kahsruh na emwem ac lahlmwetmwet nuh sin tahmtahel yohk luhlahlfongi la ke tohkohsrahi luhn Leum ke pacl okahrkahr. Kowos fah pruhe in etuh suc Pahpah El kena kowos in kuhlwacnsapuh ke luhngse Lal me ac nuh sin Mwet Lahngo lasr. Ac kowos fah tiacna pahngon kuh kena in etweyuck, ukwe srihkasrak luhn muhtwacn ke sramsram se lal Mark uh, suc orekma muhtahl in ahkwoyaclah Mwet Lahngo lfin facluh pa in esamyac tuhsruhk tiac inel.
Finsrak luhk uh pa lah tahmtahel ke sucu lasr uh fah oruh kuhiyaclos ke srihpen luhngse lalos nuh sin God in kuhlwacnsapuh mwet enenuh. Ma ahktolu se nga finsrakkihn elos fah in oruh uh ma in puhsisacl sifacna ke orekma wowo lalos uh. Tuh nga fah pruhe tuh elos fah eis kahs in kahsruh luhn Leum uh; ke El fahk, ma nga puhla puhlaik kuht nuhkwewa enenuh in lohng:
“Liyacacng tuh kowos in tiac oruh orekma wo lowos ye mutun mwet uh elos in liye ma kowos oru.h Kowos fin oruh ohinge, ac fah wacngihn topcke ma inge nuh suwos sin Papa tomowos suc oasr inkusrao.”
Ac na El fahk:
“A ke kowos sang mwe kahsruh lowos nu sin mwet enenuh, oruh ke ohiya se ma wangin na mwet etuh kac:
“Fin ohinge, na ac fah sie ma lukmac, ac Papa tomowos, suc liye ma kowos oruh in lukmac, El ac fah sot molin orekma lowos” (Matthew 6:1–4).
Mwe pruhe luhk nuh sin tahmtahel ke tohkohsrahi, ke acn nuh kwewa elos oasr we kuh ke kuhtwena ohiyac, pa lah luhlahlfongi lalos ke Mwet Lahngo tarilacna nuh ke ac Iwaclah Lal fah kohlohlos in oruh ma nuh kwewa elos kuh nuh sin mwet God El siyuck selos in kuhlwacnsapuh. Ke elos oruh, nga olwelah lah elos fah kapwack inkacnek lalos in eklac muhtwacn muhtahl, suc Mwet Lahngo ac Pahpah tuhmasr Lucng fah painguhlos wo ac fihsrwacsr in opi-iyuck.
Nga fahkwack luhlahlfongi lah pa inge Alu luhn Jisus Kraist sifilpac moulyak sac. El moulyak. El molwelah mwe enenuh ke ma koluk lasr nuhkwewa. Nga etuh mweyen ke El kuht fah sifilpac moulyak ac kuh in eis moul ma pahtpaht. Prestuhn Thomas S. Monson el pa mwet pahluh moul Lal. Pahpah Lucng El lohng ac topuk pruhe lasr uh. Nga mwet lohoh lah kuht kapwack nuh sin Mwet Lahngo ke kuht, oruh ke luhngse nwacsnwacs, kuhlwacnsapuh mwet sahyac nuh Sel. Nga fihliyac nuh suwos mwe loh kuh ke inen Jisus Kraist, amen.