Hum Kya Karein?
Hum raajye ko banate hai jab hum auron ka poshan karte hai. Hum nidarta se bolne se aur sachchi gawahi se bhi raajye ko banante hai.
Ishu ke Ji Uthne aur Upar Jaane ke turant baad, Devdut Peter ne sikhlaaya, “Sabhi … jaan le nishchay hi, ki Parmeshwar ne usi Ishu ko jise tum ne krus par chadhaya, Prabhu bhi tehraaya aur Maseeh bhi.” Tab sunne waale ke hriday chidh gaye aur woh Peter aur shresht preriton se puchne lage, “He bhaaiyo, hum kya karein?”1 Aur unhonne usi prakaar Peter ke shikhshan ka khushi se paalan kiya.
Kal Easter Raviwaar hai, aur mujhe aasha hai ki hamare hriday chidh gaye hai Uddhaarkarta ko maanne, pashchataap karne, aur khushi se paalan karne ke liye.
Is maha sammelan mein, hum prerit nirdeshan ko sunenge Girjaghar netaaon ki or se, donon purush aur mahilaa se. Yeh jaante huwe ki unke shabd hamein pasand aayega, mai tumse aaj raat tumse puchti hoon, “Mahilaaen aur bahanein, hum kya karein?”
Sahayak Sanstha maha adhyaksh, Eliza R. Snow ne ghoshna ki bahanon se 150 varsh pehle, “Prabhu ne hamein unchi zimmedaariyaan saopi hai.” 2 Mai gawahi deti hoon ki uski ghoshna aaj bhi sach hai.
Prabhu ka Girjaghar ko Aatma-nirdeshit mahilaaon ki zaroorat hai jo apne anokhe uphaaron ka istemaal karte hai poshan, sachchaai ki or se bolne aur uska raksha karne ke liye. Hamare prerna aur antar-gyaan bahumulye bhaag hai Parmeshwar ka raajye banane ke liye, jiska matlab hai apni zimmedaari karna Parmeshwar ke bachchon ko uddhaar dilaane ke liye.
Poshan ke zariye Raajye ko Banana
Hum raajye ko banate hai jab hum auron ka poshan karte hai. Haalaanki, sabse pehla Parmeshwar ka bachcha jise punahsthaapit susamachaar mein badhana hai woh hum khud hai. Emma Smith ne kaha, “Meri ichcha hai Parmeshewar ke Aatma se khud ko jaanu aur samjhu, ki mai un parampara ya prakriti se hat saku jo mujhe unnat jiwan na dila sake.”3 Hamein, Uddhaarkarta ke susamachaar mein thos vishwaas paeda karna hai, mandir ke vaado se shakti paa kar, unnat ki or.
Kya hoga jab hamare kuch parampara ka jagah Ishu Maseeh ke punahsthaapit susamachaar mein na ho? Unse dur jaane ke liye jazbaati sahare aur kisi ke poshan ki avashyakta hogi, jaise mere liye tha.
Jab mai paeda hui, mere maata/pita ne ek magnolia/champa ka ped boya tha piche aangan mein taaki mere shaadi ke din magnolia ke phool rahe, hamare purvajon ke Protestant girjaghar mein. Magar, mere shaadi ke din, na to mere bagal mein mere maata/pita the na magnolia phool, kyunki mujhe Girjaghar ka sadasye bane ek saal hua tha, mai Salt Lake Shahar, Utah gayi, apne mandir endowment lene aur apne mangetar David se seal hone ke liye.
Jab mai Louisiana chod aur Utah ke kareeb pahunch rahi thi, beghar hone ka ehsaas mujhe hua. Shaadi se pehle mai David ki sauteli-nani ke saath rehne waali thi, jise pyaar se Aunt Carol kaha jaata tha.
Yeh thi mai, ek ajnabi Utah mein, ek ajnabi ke ghar reh kar—anantta ke—liye seal hone jaa rahi thi ek parivaar mein jinhe mai achchi tarah jaanti nahin thi. (Yeh to achcha hua ki mai apne hone waale pati aur Prabhu ko prem karti aur unpar bharosa karti thi!)
Jab mai Aunt Carol ke ghar ke darwaaze par khadi hui, mujhe laga ki mai choti hoke gaayab ho jaaun. Darwaaza khula—mai wahan ek dari hui khargosh ki tarah khadi thi—aur Aunt Carol ne, bina kuch kahe, mujhe gale lagaya. Woh, jiske paas apna koi santaan nahi tha, jaanti thi—uska poshan karne waala dil jaanta tha—ki mujhe kisi ka saath chahiye tha. Oh, us chan ka chaen aur mithaas! Mera dar gaayab ho gaya tha, aur mujhe laga mai ek dhaarmik rup se surakshit jagah aa pahunchi hoon.
Prem ka matlab hai apne jiwan mein kisi aur ke liye jagah banana, jaise Aunt Carol ne mere liye kiya tha.
Maataen apne shareer mein jagah banati hai ek aanewaale shishu ke liye—aur aasha hai poshan karte samay dil mein jagah banati hogi—magar poshan ka matlab to sirf paeda karna nahin. Eve ko bachcha paeda karne se pehle “maa” kaha gaya tha. 4 Mai vishwaas karti hoon “ki maa banne” ka arth hai “jiwan dena.” Un tamaan tariko ki socho jisse tum jiwan deti ho. Iska matlab ho sakta hai bhauk jiwan aashaheen ko dena ya dhaarmik jiwan shakki ko dena. Pavitra Aatma ki madad se, hum antar dikhe logon, thukraaye logon, aur ajnabi ke liye changaai ki jagah banae. In dayalu par shaktishaali tarikon se, hum Parmeshwar ka raajye banate hai. Bahano, hum sab dharti par aaye in jiwan-dene, poshan karne, maatritav ke uphaaron ke saath kyunki wohi Parmeshwar ka yojna hai.
Unke yojna par chalna aur raajye ko banane waala banne ke liye niswaarth balidaan chahiye. Orson F. Whitney ne likha: “Jo sab hum jhelte hai aur sehte hai, khaaskar jab hum shaanti se sehte hai, … hamare dilon ko swatch karna hai … aur hamein aur dayalu aur daansheel banata hai. … hamare hriday ko saaf karta hai … aur hamein aur komal aur dayalu banata hai, … aur yeh hota hai … parishram aur mushkilon ke zariye, ki hum shiksha praapt karte … jo hamein aur zyaada hamare swarg ke Pita aur Maata ke jaisa banata hai.”5 Ayse saaf karne waale mushkilein hamein Maseeh ke paas laate hai, jo hamein changa karta aur uddhaar ke kaarye ke liye upyogi banata hai.
Raajye ko Banana Uski or se Bolne aur Gawahi Dene Se
Hum tab bhi raajye ko banate hai jab hum sachchaai ki or se bolte aur gawahi dete hai. Hum Prabhu ka yojna apnaate hai. Woh Parmeshwar ke shakti aur adhikaar se bolta aur sikhlaata hai. Bahano, hum bhi kar sakte hai. Mahilaaen aam taur par baate karne aur batorna pasand karte hai! Jab hum diye gaye purohiti ke adhikaar dwara kaam karte hai, hamara baate karna aur batorna susamachaar sikhlaane aur aguwaai karna ban jaata hai.
Bahan Julie B. Beck, jo Sahayak Sanstha ki maha adhyaksh reh chuki hai, ne sikhlaya: “Vyaktigat prakat hone ki kriya ke liye yogye hone, use haasil karne, aur uspar amal karna sabse avashyak nipunta hai jo is jiwan mein haasil kiya jaa sakta hai. … Iske liye ek jaagrut koshish chahiye.”6
Pavitra Aatma se niji praktikaran hamein anant sachchaai —Uddhaarkarta ke sachchaai—ko seekhne, bolne, aur aazmaane ko uksaaega. Hum jitna Maseeh ka maarg apnaaenge, utna hi hum Unke prem aur nirdeshan ko mehsoos karenge; hum jitna unke prem aur nirdeshan ko mehsoos karenge, utna hum Unke jaise sachchaai bolne aur sikhlaane ki ichcha karenge, tab bhi jab virodh ka saamna hota hai.
Kuch saal pehle, maine prarthna kiya tha maatritav ko banaye rakhne ke liye jab mujhe ek anjaana phone call aaya.
Call karne waale ne pucha, “Kya tum Neill Marriott ho, ek bade parivaar ki maa?”
Mai ne khushi se kaha, “Haan!” kaha! Is aasha se ki woh kuch aysa kahegi, “Acha, woh theek hai!”
Magar nahin! Mai uska chirchiraata jawaab phone par kabhi nahin bhulungi: “Mujhe afsos hai ki tum is bheed bhaad waale duniya mein bachche laa rahi ho!”
“Oh,” maine ladkhadaate hue kaha, “mai jaanti hoon tum kaisa mehsoos karti ho.”
Usne gusse se kaha, “Nahi—tum nahin jaanti!”
Tab mai rone jaisi awaaz mein boli, “Achcha, to mai nahin jaanti.”
Woh gusse mein bakti gayi ki mera maa banne ka chunao bewakufi thi. Jab woh bol rahi thi, maine sahayta ke liye prarthna shuru kiya, aur ek shaant vichaar mere mann mein aaya: “Prabhu inse kya kehta?” Mujhe ehsaas hua ki mai sahi kar rahi hoon aur mujhe himmat mila Ishu Maseeh ko yaad karke.
Maine jawaab diya, “Mai khush hoon ki mai ek maa hoon, aur mai tumse vaada karti hoon ki mai woh sab kuch karungi jo mere bas mein hai taaki mere bachchon ka poshan aysa ho ki woh duniya ko behtar jagah bana sakein.”
Usne jawaab diya, “Acha, mujhe aasha hai tum wohi karogi!” aur phone rakh diya.
Yeh badi baat nahin thi—waise to, mai to apne rasoi mein surakshit khadi thi! Magar mere apne chote tarike se, mai parivaar, maataaon, aur poshan kartaaon ki or se bol saki thi do vajah ke kaaran: (1) Mai parivaar par Parmeshwar ke dharamvidhi ko samajhti aur vishwaas karti thi, aur (2) Maine in sachchaaiyon ko bayaan karne ke liye prarthna ki thi.
Duniya ki mahilaaon se nyaara aur alag banne se kuch aalochna milegi, magar hamein khud ko anant siddhaanton mein mazboot karna hai aur unki gawahi dena hai, chaahe duniya kuch bhi kahe.
Jab hum khud se puchte hai, “Hum kya karein?” aao hum yeh sawaal karein: “Uddhaarkarta lagataar kya karta hai?” Woh poshan karta hai. Woh banata hai. Woh badhanti aur achchaai ko protsaahit karta hai. Mahilaaon aur bahano, hum yeh sab kar sakte hai! Praathmik ki ladkiyon, kya tumhare parivaar mein koi tumhara prem aur daya chahata hai? Tum auron ka poshan karke raajye ko bana sakte ho.
Uddhaarkarta ka dharti ko banana, Apne Pita ke nirdeshan mein, ek shaktishaali uddharan tha poshan ka. Usne hamare badhanti aur vishwaas ko viksit karne ke liye ek jagah tayyaar kiya Apne praeshchit ki shakti se. Changaai aur aasha, badhanti aur lakshye ka antim jagah hai Ishu Maseeh aur Unke Praeshchit mein Vishwaas. Hum sab ko ek dhaarmik aur vaastavik sthaan ki tadap rehti hai kisi ke saath ka. Hum, har umra ke bahane, yeh bana sakte hai; yeh ek pavitra sthaan hai.
Hamara sabse badi zimmedaari hai aagyaakaari mahila banna, prerna se poshan karna, aur sachchaai ko bina dar ke jeena. Jab hum Swarg ke Pita se Unke raajye ke banane waale banne ki maang karte hai, Unki shakti hum mein aur hum poshan karna jaan jaaenge, aur ant mein apne swarg ke maata pita jaise banenge. Ishu Maseeh ke naam se, amen.