2010–2019
Ewi Ki Ko im Mālim eo an Priesthood?
Eprōļ 2016


Ewi Ki Ko im Mālim eo an Priesthood?

Mālim eo an priesthood im kii ko an priesthood rej kōjo̧ juon injin, kōppeļo̧k kōjām in lan̄, kōm̧akūtkūt kajoor an lan̄, im kōpooj ial̗an bujen ļo̧k n̄an ippān Jemedwōj Ilan̄.

Ilo juon ālkin rālep ke al ej wanlaļļo̧k itulikin toļ eo eajeeded-elibobo kōn jino, - jikeet ie, tōl eo eļap an m̧̗̗̄ōl̗o ekōmetak jeped im bo̗tid, āinwōt n̄e en jipan̄ ān̄inļo̧k kōm n̄an pukōti kaar im tūrak ko waam ilo jikin wa eo an jikin jikeet eo. Ijo kaar ko waaad rej pād ie, kein kōmmāān̗ān̗ eo ejjab to enaaj kōmeņāān adiin peim im neem. Ainikien an kwōj jino ko rej en̗n̗ōjn̗ōj ilo aolep bun̄tōn neem ekalikkar an kanooj ļap m̗ōl̗o.

Baam̗le eo am ear m̗ōn̗ōn̗ō kōn juon raan in iukkure elem̗ōn̗ōn̗ō ilo jikeet ijo ejepāpe, ilo am tōpartok jōm̗ļo̧kin ijo ekwōj. Tōparļo̧k kaar eo, iaar tal̗um kii eo ilo bōjo̧o̧n kopā eo aō innām bōjo̧ eo juon im eo juon. “Ewi ki ko?” Aolep rōkar kanooj kijōrjōr kōttari ki ko! Bāātōre eo ekajoor, im aolep men ko jet bar kein kōmmāān̗ān̗ eo kar pojak in jerbal, ak eļak jako kii ko, kōjām ko rōl̗ak reban peļļo̧k, eļak jako kii ko injin eo eban letok jarom n̄an wa eo.

Ilo tōre in, jibadbad eo am deeo kar n̄an pukot kūlen am deļo̧n̄e kaar eo im kōmmāān̗ān̗, ak ijaje in et ak kōļmenļo̧kjen̗ wōt—men̄e iien eo wōt—emaron̄ in katak menin. Ilo an ejjeļo̧k kii, men in kabwilōn̄lōn̄ eaiboojoj an rimālōtlōt reļļapļo̧k jān būlajtik im aaen in. Men̄e kaar eo el̗ap an emaron̄, eļak ejjeļo̧k kii, eban kōm̧m̧ane jerbal eo an.

Eļak ļapļo̧k aō ļōm̧nak kake wāween in, eļapļo̧k an m̗wilal̗l̗o̗k ekkatak in n̄an n̄a. Ij bwilōn̄ kōn iakwe eo an Jemādwōj Ilan̄ n̄an ajri ro Nejin. Ij jutak ilo an ļo̧kjenaō kōn an wōr lotok jān lan̄ im visōn ko reļļap an Anij kar leļo̧k ioon Josep Smith. Im ilo m̧ool, buruō eobōrak kōn kam̗m̧oolol kake jepl̗aak tok eo an mālim eo an priesthood im kii ko an priesthood. El̗an̄n̄e en kar jab jepl̗aaktok in, jeban kar maron̄ deļo̗n̄e wa in ej kōjepļaakļo̧k kōj ilo ial̗ in ad n̄an kapijuknen ippān ro Jined im jemād ilan̄ iakwe kōj. Wāween kōm̧adm̗ōd ko an aolep kain̄i ko kake lo̧mo̧o̧r rōkūtbuuj ialen bujen ko ad ļo̧k n̄an im̧aan mejān Jemādwōj Ilān̄ ej aikuj jejjet lolorjaki kōn mālim in kii ko an priesthood.

Ilo Māe in 1829, Jon Ripeptaij ekar waļo̧k ļo̧k n̄an Josep Smith im Oliver Cowdery, leļo̧k ioer Priesthood eo an Aron im leļo̧k ioer kii ko remenin aorōk n̄an priesthood in. Ālkin wōt, Pita, Jemes im Jon rekar leļo̧k n̄an erro kii ko an Melkisedek Priesthood eo.1

Turinļo̧k jimjuon iiō tokālik ilo juon Jabōt ilo Kirtland Tampeļ eo, juon wōt wiik ālkin kar aje eo, “Irooj Jeova ej waļo̧k ilo aiboojoj” n̄an Josep im Oliver, ālkin an Moses kar waļo̧kļo̧k, Elias, im Ilaja, ro raar leļo̧k “ki ko aer im tōrean bōk eddo ko aer.”​2 Bar kōjepļaaktok mālim eo an priesthood im ki kein kar jako ium̗win elōn̄ epepen ko. Ejja ilo wāween eo wōt baam̧le eo aō rekar rekar jab maron̄ deļo̧n̄e kaar eo kōn an jako ki in kaar eo, im barāinwōt aolep ajri ro nejin Jemādwōj Ilan̄ rej lokjak jān kain̄i in lo̧mo̧o̧r kein ilo gospel in an Jisōs Kraist—m̗ae iien menin letok kein rekwojarjar kar bar litok jān enjel̗ jān lan̄. Jaab, jej jāmin bar aikuj kajitōk, “Ewi ki ko?”

Pija
Jikin eo Priesthood eo ekar jepļaaktok ie
Pija
Susquehanna River

Ilo juon raan eaiboojoj ilo iiō eo ļo̧k, iaar loļo̗k būkwōn wōjke ko relur ituiōn̄ rear in Pennsylvania, eo ej kōmlet ilo jeje ko rekwojarjar ke ej Harmony, ijo Jon Ripeptaij ekar waļo̧k ļo̧k n̄an Joseph Smith im Oliver Cowdery im kōjepl̗aaktok Priesthood eo an Aron. Iaar bar jutak itōrerein Susquehanna reba eo ijo Josep im Oliver, raar ekkapit kōn mālim im ki ko, im rekar peptaij. Iturin ejja reba in wōt, ālkin wōt, Pita, Jemes, im Jon rekar waļo̧ktok im leļo̧k n̄an erro Melkisedek Priesthood im ki ko.3

Pija
Mweo imōn Josep im Emma Smith
Pija
Ilowaan visitor center eo ijo Priesthood eo ekar jepļaaktok ie
Pija
Itulikin visitor center eo ijo Priesthood eo ekar jepļaaktok ie

Jikin kein, ekoba m̧weo m̧okta kar imōn Josep im Emma kar bar kōkāļļe, ijo eļap an kar Bok in Mormon ukook ie, ijo epaakeļo̧k m̧weo m̗ōn jinen im jemān Emma im juon im̗ōn kalujooj, kar ukōte n̄an juon m̧ōn jar kāāl, rej kūtbuuj jikin kalujooj kōn ijo Priesthood kar bar kōjepl̗aaktok ie, kar aje jān Būreejtōn Russell M. Nelson ilo Jebtōm̗ba iiō eo ļo̧k. Ijen̗, iaar en̄jake kajoor im m̧ool eo an m̗akūtkūt ko an lan̄ me rekar kōm̧m̧an ioon bwidej ko rekwojarjar. En̄jake eo ekōm̧m̧an menin aō kōl̗menl̗o̗kjen̗, ekkatak im jar kake mālim eo an priesthood im ki ko an priesthood eo, eo ekabwilōn̄ eō kōn juon ikdeleel bwe in kwaļo̧k n̄an jiron̄ im likao ro ilo Kabun̄ in kōn wāween an kar bar jepl̗aaktok mālim in priesthood eo im an ki ko remaron̄ kōjeram̧m̧an er.

M̗okta, meļeļe naan kein emaron̄ l̗ap tokjān. Priesthood eo ak mālim eo an priesthood ej alikkar meļeļein āinwōt “kajoor im mālim eo an Anij”4 im “kajoor ļapļap in ioon lal̗ in.”5 Ki ko an priesthood rej barāinwōt ukook n̄an ad meļeļe barānwōt: “Ki ko an priesthood rej mālim eo Anij ear leļo̧k n̄an ritōl ro n̄an tōl, bōk eddo, kamminene, im kjim̗we kūlen kōjerbal priesthood eo An ioon laļ in.”6 Ki ko an priesthood rej kōjparok kōm̧akūtkūt mālim in priesthood. Kain̄i ko rej ejaaki rekoot ko ilo Kabun̄ raikuj ki im jāmin maron̄ kōm̧m̧an ilo an ejjeļo̧k mālim. Elder Oaks ekar katakin bwe “eļaptata, aolep ki in priesthood rej pād ippān Irooj Jisōs Kraist, eo an priesthood in. E eo ej kālōt ki ta eo ej kōmaron̄ armej im wāween an ki kein naaj kar jerbal.”7

Kiiō, n̄an kom̗ likao im jiron̄ ran̗, iaar l̗ōmn̗ak kōn jilu men ko kom̗ maron̄ “loi ki kein,” ak kōjerbal ki im mālim in priesthood n̄an kōjeram̧m̧an mour eo am̗ im mour eo an ro jet.

Eo M̗oktata Ej n̄an Kōbpopo n̄an Jerbal in Mijinede

Jo̗dikdik ro jeiū im jatū, komaron̄ jab kūle, ak ki kein n̄an aiin tok M̗weo m̧ōn Israel, kar bar kōjepl̗aaktok jān Moses, ekōmaron̄ jerbal in mijinede ilo epepen in ad. Ļōmņak kōn kajoor eo an mijenede ro rej jerbal aolep raan me ewōr jon̄an in 75,000 rej jerbal ium̗win karōk ko an ki kein. Kōn jel̗ā in, keememej bwe ejjāmin lukkuun m̧ōkaj n̄an am̗ kōbpopo n̄an jerbal in mijinede. Ilo For the Strength of Youth, jej riit, “Likao ran̗ ilo Priesthood eo an Aaron, … jerbal tiljōk ilo ami kōpooj kom̗ make n̄an bōk jikin Irooj āinwōt juon mijinede.”8 Jiron̄ ro remaron̄ bar kōppopo, bōtaab kom̗ij “jab pād ium̗win ejja kiel in wōt n̄an jerbal.”9 Ijoke, aolep am̗ pepojakjōk, mekerta kwōj jerbal āinwōt juon mijinede ej jerbal aolep raan ak jaab, kwonaaj amen jeram̧m̧an ko toon wōt am̗ juon mem̗bōr mijinede.

Wāween eo kein karuo n̄an “Lo Ki Kein” Ej n̄an Etal n̄an Tampel̗ eo

Ki in liāp ko kar kwaļo̧k ilo Kallim̧ur M̗okta jān rikanaan Ilijah rekōmaron̄ an kain̄i ko kōm̧m̧an ilo tampeļ ko rekwojarjar. Kain̄i ko kōm̧m̧ani ilo tampeļ kein rekōmaron̄ an armej im baam̗le ko bar jepl̗aakļo̧k n̄an im̗aan mejān jined im jemād Ilan̄.

Jej rōjan̄ kom̗ likao im jiron̄ ran̗ n̄an ami pukot etan ro nukumi im ļoļorjake ami bōk jikier ilo peptaij kake er ilo tampel̗. Jej kūle ke menin eļap an bōk jikin kōn eļļap nōm̗ba ko ipeļaakin laļ in! Jikin peptaij ko rej obrak kōn jiron̄ im likao ro jān jibbon̄ n̄an n̄e ejota. Ki ko rej ro̧o̧l im kōttōprak an baam̗le ko eddāp ippān doon ilo an kain̄i kein rekwojarjar kōm̧m̧an ilo tampel̗ ko.

Komaron̄ ke lo epaak eo ikōtaan bar jepļaaktok eo an ki ko an priesthood im kōjeram̧m̧an ko? Ilo am̗ bōk kon̗aam̗ ilo jerbal in, ij ļōmn̗ak kwonaaj lo bwe Irooj ej pād ilo kōm̧ļeļe kein. Juon en̄jake ej kōmeļeļe menin. Ijkab jel̗ā kiiō kōn juon jinen eo aolep iien ej ān̄inl̗o̗k ajri ro nejin n̄an tampel̗ in kōm̧m̧an peptaij kōn ro remej. Ilo raan jab in, ke baam̗le eo ej kadedeļo̧k aer peptaij im rej diwōjļo̧k jān tampel̗ eo, juon em̧m̧aan ej deļo̧n̄e ļo̧k dān in peptaij eo kōn bwijin etan ro nukun. Ekar kūle ke ejjeļo̧k ekar pād ilo jikin peptaij eo n̄an jipan̄ kōn āt kein etan ro nukun, juon rijerbal in tampel̗ ekar lo an baam̗le eo diwōjļo̧k im kajjitōk ippān ajri ro el̗an̄n̄e remaron̄ pād jidik im bar ekkōn̗ak nuknuk n̄an jipan̄ ilo peptaij kein. Raar em̗m̧ōn̗ōn̗ō im errā im bar deļo̧n̄ ļo̧k. Ke ajri ro rej kōm̧m̧ani paeptaij ko, jineer ej keron̄jake, jino an kūle āt ko im ejab to, kabwilōn̄lōn̄ eo an aolep, kūle āt ko ippān l̗eo rej etan armej ro remej etto bar uwaan baam̗le eo an. Juon tūriam̧o̧, em̧m̧an n̄an er.

Ruo wiik ko rōmoootļo̧k Provo City Center Temple ekar bar aje āinwōt kein 150 tampel̗ an Kabun̄ ej jerbal ilo pel̗aakin laļ in. Jaar lo bwe ke Būreejtōn Monson ekar ekkapit n̄an Rijjilōk ilo1963 eo, ekar wōr 12 tampel̗ ko ilo Kabun̄ in rekar jerbal. Tampel̗ ko rej epaak tok wōt n̄an kom̗. Ijokwe, n̄an ro rej jokwe ijōko rōttoļo̧k ak eapan̄ im ejelet an emmakūjkūj ami ilo̧k n̄an tampel̗, kom̗ij aikuj dāpij wōt wānōk eo ami n̄an etal. Kom̧ maron̄ kōm̧m̧ane jerbal eo eaorōk itulkin tampeļ ko ilo ami kappukōt im jilkinļo̧k etan baam̧le ko ami.

Āliktata, Nōm̗ba Jilu: Wōnm̧aanļo̧k kōn Tōmak

Rikanaan Ebream ilo Kallim̗ur M̗okta ekar bōk eļap kōjeram̧m̧an jān Irooj ilo tōre eo an, eo ekkā ad watōke āinwōt bujen eo an Ebream. Taujin iiō ko tokālik, kōjeram̧m̧an ko an gospel ilo epepen eo an Ebream rej bar jepļaaktok. Menin ekar waļo̧k ke rikanaan Ilias ekar jādeļo̧k n̄an Josep Smith im Oliver Cowdery ilo Tampel̗ eo ilo Kirtland.

Kōn bar jepļaaktok in, kajjojo iami ej wōr an maron̄ n̄an kōjeram̧m̧an kein reļļap kar kallim̧ur kaki n̄an Ebream. Kōjeram̧m̧an kein remaron̄ in am̗ eļan̄n̄e kwonaaj dāpij wōt tōmak im mour wānōk. Ilo bok eo For the Strength of Youth, ej lewaj n̄an kom̧ jet wāween ko ralikkar ikijjien “wōnm̧aanļo̧k ilo tōmak.” Ikar kalikkar waj jet iaan kōkapilōklōk kan̗e: “N̄an jipan̄ kom̗win lukkuun erom ta eo Irooj ekōn̗aan bwe kom̗win erom, bukwelōlō kajjojo jibbon̄ im jota ilo jar n̄an Jemād Ilan̄. … Katak jeje ko rekwojarjar raan otemjej im mour kōn ta eo kwōj riiti n̄an mour n̗e am̗. … Kijejeto raan otemjej n̄an pokake. … Ilo men otemjej, l̗oor katak ko an rikanaan ro. … Ettā im m̧ōn̗ōn̗ō in keron̄jake Jetōb Kwojarjar.”

Kapilōk eo an Būreejtōnji eo kein Kajuon ej itok ālkin kallim̗ur eo ej tōļļo̧k n̄an kallim̗ur ko raar itok jān kōjeram̧m̧an ko an Ebream: “Ilo am̗ kōm̧m̧ani men kein, Irooj enaaj lewaj n̄an eok eļapļo̧k jān am̗ make maron̄. Enaaj kalōn̄ļo̧k iien ko am̗ rem̧m̧an, kōļapļo̧k am̗ loļo̧kjen̗, im kōkajoorļo̧k eok. Enaaj lewaj n̄an eok jipan̄ eo kwoj aikuji n̄an maron̄ tōpar aikuj im apan̄ ko am̗. Enaaj kajoorļo̧k naan in kam̧ool eo am̗ im lo lukkuun lān̄lōn̄ ilo am̗ itok n̄an jel̗ā jōm̧ōm̧ Ilan̄ im Nejin, Jisōs Kraist, im en̄jaake io̗kwe eo Aer n̄an kwe.”10

N̄an kōkaduduiki: m̧aanjabpopo n̄an jerbal in mijenede, etal n̄an tampeļ eo, im wōnm̧aanļo̧k ilo tōmak.

Āliktata

Jen kiō kōjjōm̧ļo̧k kōn ijo jaar ijjino ie, lokjak ijo em̗ōl̗o jikin wa ko im kajjitōk,”Ewi ki ko?” Ak, jo̗teenļo̧k eo ikar lo kabwilōn̄lōn̄ im lo ki ko rekar wōtļo̧k jān bōjo̧ eo aō ioon tol̗ eo. Irooj ej kwaļo̧k n̄an kōj bwe Eban kōtļo̧k ad jutak ijōko rōm̧ōl̗o ilo an ejjeļo̧k ki ak mālim n̄an tōl kōj n̄an kapijuknen eo An.

N̄e āin kwe wōt n̄a, komaroñ emmakūjkūj am̗ lo eok make mour raan otemjej im kajjitōk, “Ewi ki ko?” n̄an wa eo, n̄an wōpij, n̄an em̗ ak abaatmen eo. N̄e men in ej waļo̧k ̄n̄an ̄n̄a, ejjeļo̧k men ij kōm̧m̧ane ak ettōn̄dikdik ilowaaō, bwe ilo aō pukoti ki kein, ij lo aō make ļōmn̗ak kake jepl̗aaktok in ki ko an priesthood im kōn Būreejtōn Thomas S. Monson, eo jaar rejtake āinwōt rikanaan, rillolo, im rikwaļo̧k revelesōn”11 im āinwōt armej eo ej make wōt ioon laļ in ej kabwijer im emālim n̄an kōjerbal aolep ki ko an priesthood. Aaet, ki ko rej ped ippān rikanaan ro, rilolo ro, im rikwaļo̧k revelesōn ro. Rej leļo̧k n̄an er, kōm̧aron̄ er, im ijjitōn̄ n̄an ro jet, ekkar n̄an kōn̗aan an Irooj, ium̗win tōl eo an Būreejtōn eo an Kabun̄ in.

Ij kam̧ool bwe mālim eo an priesthood im ki ko an priesthood rej kōjo̧ juon injin, kōppeļo̧k kōjām in lan̄, kōm̧akūtkūt kajoor an lan̄, im kōpooj ial̗an bujen ļo̧k n̄an ippān Jemādwōj Ilan̄ eo ej iakwe.

Ij jar bwe kom̗, epepen eo ej wanlōn̄tak an jiron̄ im likao, enaaj “wōnm̧aanļo̧k wōt im jutak pen ilo Kraist,”12 bwe kom̗in maron̄ meļeļe ej juon ami kōjeram̧m̧an ekwojarjar n̄an jerbal ium̗win tōl eo an ro rej kabwijōr ki in priesthood eo enaaj kōpeļļo̧k ial̗an kōjeram̧m̧an ko, menin letok ko, im kajoor an lan̄.

Ij kam̧ool kōn Anij Jemād, kōn Rilo̧mo̧o̧r im Ripinmuur, Jisōs Kraist, kōn Jetōb Kwojarjar, im kōn Bar jepļaaktok eo an gospel in ilo raan kein āliktata, ilo etan Jisōs Kraist, amen.

Kakeememej ko

  1. Lale Josep Smith—Bwebwenato 1:68–72.

  2. Katak im Bujen Ko 110, section summary.

  3. Lale Katak im Bujen Ko 128:20.

  4. Bok in Bok Meļeļe 2: Tōl Kabun̄ eo (2010), peij 11.

  5. Boyd K. Packer, “Priesthood Power in the Home” (worldwide leadership training meeting, Feb. 2012), lds.org/broadcasts; barāinwōt lale James E. Faust, “Power of the Priesthood,” Ensign, May 1997, 41–43.

  6. Bok in Bōk Meļeļe 2, 2.1.1.

  7. Dallin H. Oaks, “Kii ko im M̧alim eo an Priesthood,” Liaona, Māe 2014, 50.

  8. For the Strength of Youth (booklet, 2011), 43.

  9. Thomas S. Monson, “Welcome to Conference,” Liahona, Nov. 2012, 5.

  10. For the Strength of Youth, 42–43.

  11. Lale Officers Sustained forms read at annual ward and stake conferences.

  12. 2 Nipai 31:20.