Soun Kadehde en Koht
Ei sawas kumwail en udihsang pwunodiki sou itar kan me kumwail medewe me kumwail ahneki ni amwail kin kalohki rongamwahuwo. Ahpw kapakap pwe kumwail en kak wia [emen suon kadehde] en Koht. Met wia mehkot katapan sang aiahneki pwunod.
Pali laud en Sapwellimen Koht doadoahk kesemwpwal, tohn sampa sohte kilang. Sounpar weneu mwohn Krais ketkihdo marain irail soun madamadau kan me duwehte sounpadahk en China oh Buddah nan Eastern India, manaman en prihsduhd en Koht kohieng pohn Daniel, soukop me sensel nan Babylon nan mwein nahnmwarki Nebukadnesar.
Nahnmwarki Nebukadnesar kupwur toutoukihla ouraman ehu, Ih eri poahngoke sapwellime sounkosotipw oh soun winahni kan en ndahieng ah ouramano oh wehwehn ouramano. Ni mehlel, irail sohte kak kawewehda oh irail kosoia. “Sohte aramas emen nan sampa me kak kawewehda met, pil sohte nahnmwarki men me kak wia soangen kupwur apwal wet.”1Nahnmwarki Nebukadnesar ahpw engiengkihda arail sohte kak kawehwehda ah ouramano oh masanih me sapwellime soun kaweid koaros pahn kamakamala.
Daniel, emen nein nahnmwarkio ohl loalokongko, kapakap oh peki “Sapwellimen … Koht … kupwur kalahngan en kawewehiong irail ouraman rir o.”2
Ni manaman. En nahnmwarkio ouraman rir o ahpw sansalohngehr Daniel.
Daniel ahpw wesiklahngehr rehn nahnmwarkio. “Ke kak kasalehiongie dahme I ouramandahro, oh pil kawewehiong ie?”
Daniel sapeng:
“Ohl loalokong, sounkasawih usu, sounkosotupw kan [sohte kak kawewehiong komwi dahme komw ouramandahro]. …
“Ahpw mie Koht emen nanleng me [kak kasalehda soahng rir kan koaros oh E] ketin kasalehiong komwihier… maing nahnmwarki Nebkadnesar dahme pahn pwarada ansou kohkodoh kan.{nb...
Daniel masanih, “Koht en nanleng” “[pahn] kauwada wehi ehu, [takai ehu ahpw pwupwidi ni ah sohte aramas doahke, ahpw takaio osadahr oh kipehdi sampa pwon,] sohte [pahn] kak ohla … [ahpw e] pahn mihmi kokolahte.
“… Daniel masanih, “iei met pisetik, en ouramano,” oh wewehpe ... ni mehlel.”3
Ni e wewekidahr audepen ouramano, nahnmwarkio ahpw masanih, Omwi Koht me keieu lapalapasang koht koaros oh ihme kaun en nahnmwarki kan koaros.”4
Sang ni manaman oh sawas me Koht ketkiong Daniel karehda kokohp en kopwurpwurdohn rongamwahu en Sises Krais rahnwet ah sansalong sampa, wehi ehu me pahn kokouda “sohte kak ohla … [ahpw e] pahn mihmi kokolahte.”
Nempehn tohn Mwomwohdiso nan rahn pwukat kakete malaulau, ihme Nipahi kohpadahr, ahpw irail pahn audehla wasa koaros nan sampa, oh manaman oh tiahk sarawi en prihsduhd pahn kohieng irail koaros me inengieng ale, oh pahn audehla sampa duwehte dahme Daniel masanihier.5
Nan 1831 [kid welipwiki silihsek ehu] Soukohp Joseph kohpadahr: “Kih koaros en wein Koht [oh kopwurpwurpenehn mehn Isrehl sang keimw pahieu en sampa]mweimweiongher irail ohl akan pohn sampa, eri sang mwo rongamwahu wet pahn lohkseli sampa, duwehte takai ehu me pwupw sang ni nahna ehu ni eh sohte me doahke lau e pahn audehla sampa.”6
Pwukoa Ehu Me Kitail Ahnekipene
Kopwurpwurpenehn mehn Isrehl me kopwuriamwei. E duwehte lapalahn puzzle me kisin piece kan koasoandier ong ni kemwekid kaselel en ketdo keriauwo. Duwehte atail kin pwunodkihda diren piece en puzzle kan, souleng kan kak medewe pwukoah en lohkiseli rongamwahu kopwurpwurdohu pohn sampa wia pwukoah apwal ehu. Ahpw irail tapiada, emen aramas ehu piece en puzzle ansou tehkis, e pahn dierekda dowen ehu ehu piece kan me pahn doadoahk oh pwungehn nan dewe me pahn kaunsekehla doadoahk sarawio. Ekis, ekis, takai me pwupwidi me sohte me doakehu pahn tepda tapwur; sang epwiki lel kid, pil lel nenkei, oh met milien en Souleng en Imwin Rahn-akan wasa koaros nan sampa wiwia doadoahk kesemwpwal en kakonepe pieces kan en puzzle o
Emen emen kitail me wia piece en puzzle o, oh emen emen kitail pahn sewese pwe en kak koasoanehdi piece kesempwalo nan dewe. Mie anahnepomw nan doadoahk wet. E inenen sansal mwahu. Kitail kak kilang soahng kopwuriamwei wet eh kohkolahte mwowe, oh Kauno pahn sewesei kitail ni atail pahn kaimwsekala luhwen doadoahk wet. Eri, “Siohwa Lapalap pahn masanih doadoahk wet imwseklahr,”7oh E pahn pwurala nan mwoale oh linganla.
Presiden Thomas S. Monson masaniher: “Met iei ansou me towehkan oh misineri kan pahn kohpene, oh doadoahk pene … pwehn wahdo aramas akan Reh. … E pahn sewesei kitail nan atail doadoahk ma kitail pahn mwekidki atail pwoson pwehn kapwaiada Sapwellime doadoahk.”8
Kitail souleng koaros pil iangehr pwukoahki pwukoah sarawi me irail misineri kan kin kelehpw wiewia. Kitail koaros anahne iang lokihwei rongamwahu kopwurpwurdohu, oh I kapingki aramas kid kei me kin bapdais nan ehu ehu wihk kan. Ahpw sang ni kapai laud pwukat, kitail kin nsenohkihda riatail kan oh atail inengieng en papah Koht kin mwadangete karehieng atail kin men lohki oh sewesehda wein Koht nan sampah.
Idin Koluhla
Mendahte ma mie ineng kehlail en men pouse rongamwahuwo, ke kak ekis peren pwe ke solahr wia soahng kei me ke kin wia mahs. Ke kak ahneki pepehm duwehte kempoakepahmw me kin nda, “I koasoaiah iengehr ahi peneinei kan oh kempoakepahi kan duwen Mwomwohdiso wet, malaulau me pereniki, ah ekei soikala, I kin namenekida. I ese me ih kak wia laudsang met ahpw I kin tengala, oh ahi pepehm en me I pahtou kin laudla.
I pahn kilang ma I kak sawas.
Pepehm en pahtouki ire kesemwpwal ehu pwehki e kin kasalehieng kitail me kitail anahne wekila, ahpw mie wen sais ehu me pepehm en pahtou kak seweseh kin kitail.
Pahtou duwehte padiri en sdohsa me kin mourki kahs. E kak kaokehda dengkihn sdosahu, kamaurada, oh kaokehda dengki laud ko, ahpw e sohte pahn kak itar kahs ong seiloak reirei. Padiriohte, sohte itarong. Oh e pil luwet.
Ei sawas ken udihsang pwunodiki wekpeseng en dahme ke wiahda oh dahme ke pahn wiahda ni ansou me ke pahn lohki rongamwahuwo. Ihte, kapakap, duwehte dahme Alma padahk ki, pwe en ka mie ansou mwahuwo en wia sounkadedeh en Koht ansou koaros oh ni mehkoaros, oh nan wasa koaros … pwe mehtei kan en iang mourkihla Koht, oh iang irail kan me pahn tepin iasada, oh ahniki mour soutuk.”9 Met mwahu sang douluhl pwunod.
Pwe kitail en wia soun kadedehn Koht ansou koaros wasa koaros pahn sangete dahme kitail kin wia oh kosoia.
Kasalehda ahmw pwoson Krais. Ansou kan me ke pahn kin koasoaia Sapwellime mour, Sapwellime padahk kan, oh Sapwellime kisakis soh pweipweio ong aramas koaros. Pouse Sapwellime manaman mehlel kan sang nan pwuken Mormon. E ketin inoukiong kitail met: “Mehmen … me pahn kadedeie mwohn aramas akan … I pil pahn kadedehda mwohn Semei me ketket nanleng.”10 I inoukiong kumwail ma kumwail pahn kapakap ansou koaros oh mehleliong amwail pwukoah kan en “soun kadehdeh Koht,” ansou mwahu pwukoa pahn kohdo, oh irail kan me raparapahki marain oh loalokong pahn kohieng irail. Ni ahmw pahn kin rong kaweid en palingehn, Ngehn Sarawio pahn walahng ahmw kosoi kan nan mohngiong en mehtei kan, oh ehu rahn Sounkomouro pahn kadedehiuk mwohn Seme.
Doadoahk en Pwihn Ehu
Doadoahk en pali ngehn me kin sewese wahdo aramas akan nan wein Koht wia doadoahk en pwihn ehu. Doadoahngki misineri kan, oh kapakap peki sawas en Koht. Ahpw tamataman, me ansou en emen ah pahn kohdo rehn Kauno kaidehn kowe me wiwia.11
Kamla Persand mehn dekehn Mauritius kan, iang skuhl en toahkte nan Bordeaux, wein France, ansou me se tuhwong nan Pepuari en pahr 1991 [kid duwopwiki duweisek ehu]. Se kapakap nin duwen peneinei pwe sen kak ehukiong rongamwahuwo ihs me raparapahki mehlelo, oh se padahkehngehr nan imwato. I pereniki ahi kaunopada ansou en ah pepdais, ahpw kaidehn kiht me udahn karehda Kamla ah iangala Mwomwohdiso wet, Kempoakepah kan, misneri kan, oh pil tohn ah peneinei pil wia “sounkadedehn Koht” nan ah wehi, oh rahn ehu nan France, wiahier ansou mwahu ong Kamla, oh e wiadahr ah pilipil pwe en bapdais. Sounpar 25[rieiseklimau] mwurin mwo, miehier kapai en pilipilo reh, oh met nah pwutak serve misin nan Madagascar.
Menlau kedeh kilang ahmw wiwia en pouse limpoak en Sounkomouro en kak pweida de soh ahpw en sang ni iamwomwen kempoakepahmw kan arail pahn ahneki pepehm mwahu en ahmw pahn lukeirail en tuwong misineri kan.12 Pwoaren masatail kan, sohte kak kadeik dahme kitail kak wiahda, kitail pil sohte kak pein wiahda atail ansou. Ansou me kumwail pouse Sapwellimen Sounkomouro limpoak, kumwail udahn pahn pweida rehn Kauno.
Ekei kopworment kin irehdi doadoahk en misineri, ihme kin karehieng neitail souleng kan kin kasalehda arail utuht kehlail ni arail “wia sounkadedeh en Koht ansou koaors oh wasa koaros.”
Nadezhda sang Moscow kin kalap kiong aramas ehu Pwuhk en Mormon nan kakon en kisakis kan oh kapilkipene diren kirahka. E koasoia, “I ndahng irail” me ih kisakis keieu iou me mengei eing ie ien kiong irail.”
Ansou mwotomwot mwurinte ah pepdaisla nan Ukraine, Svetlana ahneki pepehm en men pouse rongamwahuwo ong ohl emen me e kilangada nan buso. Ansou me ohlo lel wasa e pahn udi iehu, serepeino idek, “Ke men esehla laud duwen Koht?” Ohlo nda, “Ehng.” Misineri kau padahkiher Victor, oh ih bepdaisla. Ih oh Svetlana katengteng penehr nan Tehnpas Sarawi en Freiberg Germany.
Kanaieng, kapai kan pahn kodohng uhk ni soangen ahl soh kesikpe kei.
Sounpar isuh samwalahro, Ngehi Kathy tuhwong Diego Gomez oh ah peneinei kaselelo nan Salt Lake City. Irail iang kiht kohla ni temple open house o ahpw irail soikala aht lukeirail en esehla mehlel duwen Mwomwohdiso wet. Nan Mei samwalahro, Diego eker ie nan delepon oh ndahngie, Dahme wiawihiero karehiong ah kapakap. E diaradahr misinerihko oh alehier padahk met e ononopehr pwe en pepdais. Ni Suhn 11 [eisek ehu] nekiero kempoakepahi Diego Gomez pepdaislahr oh wialahr werek en Sises Krais. Ah kohdo rehn Kauno mie pein ansawi oh sang ni sawas oh utuht en irail ko me wia “sounkadedeh en Koht”
Luhk Ehu ong me Pwulepwul kan
Ong neitail seri pwulopwul mwahu kan nan sampah, I lukei kumwail en song wia “soun kadedeh en Koht.” Irail kan me mihmi limwahmwail kaunopadahr palingenirail. Ke tamataman puzzle o? Ke sohte kak tapiada doadoahk ehu ahpw sohte teteh ahpw soahng koaros miehier pwe ken doadoahngki. Se anahneiuk; Kauno anahneiuk ong nan doadoahk en kalohki Sapwellime rongamwahu wo.
Sounkomouro Masanih, “Kohla oh padahki tohn wehi kan koaros, pepdaisih iraila ni mwaren Sahm, oh Nah, oh Ngehn Sarawi.”13
E sohte wiahda mehkot ma ke mihmi Africa, Asia, Europe, North Central de South America, nan Pacific, de ekei wasa nan sampa pwe rongamwahuwet pahn lel “wehi koaros, keinek koaros, lohkaia koaros oh aramas koaros.”14
“Koht en nanleng kaunopadahr wehi ehu, [takai me sohte me sairo wialahr lapalahn nahnahieu oh e audelahr sampa] sohte pahn kak ohla ... [ahpw e pahn] mihmi kokolahte.
“… Iei met pisetik en ouramano, oh wewehpe ... ni mehlel.”15
I pahn kaimwsekihla mahsen ehu sang nan Doctrine and Covenants: Lukwerlahng Kauno, me sapwellime wehi pahn mihmi pohn sampa, soahng koaros me mihmi pohn sampah en kousoanla ie, oh kaunopada ong rahn me pahn kodohu, rahn me Sapwellime Iehroso pahn ketdo sang nanleng, me pahn kapwatki sapwellime lingan oh ketdo nan Sapwellimen Koht wehi … pohn sampa.”16 Ni mwaren Sises Krais, amen.