“Mere Prem ko Swikaaroge”
Parmeshwar ka prem anant hai aur hamesha tak rahega, magar hamare liye iska matlab wahi hoga ki kaise hum Unke prem ko lautaenge.
Dharamshaastra hamein yeh batlata hai ki “Parmeshwar prem hai.” 1 Us mein saara prem samaya hai, aur hum sada nirbhar rehte hai is lagataar behne waala aur vishwabhar ka prem par. Jaise Pradhaan Thomas S. Monson ne kaha hai: “Parmeshwar ka prem wahan hamesha hai chaahe tum khud ko uske yogye samjho ya na samjho. Woh toh wahi rahega.”2
Yaha kayi tarike hai divye prem ko samjhane aur batlane ka. Ek waakye aaj hum aksar sunte hai woh hai ki Parmeshwar ka prem “bina shart ka” hai. Jabki ek or se yeh sach hai, yeh pehchaan bina shart ka dharamshaastra mein kahi nahin hai. Balki, Unka prem ko dharamshaastra mein “mahaan aur ashcharyejanak prem,”3 “sampurn prem,”4 “mukti dene waala prem,”5 aur “sada rehne waala prem.”6 Yeh behtar waakye hai kyunki woh shabd bina shart ka galat vichaar vaytit kar sakte hai divye prem ka, jaise, Parmeshwar jo bhi hum karte sehta aur maaf karta hai kyunki Unka prem bina shart ka hai, ya Parmeshwar humse kuch chahata nahin kyunki Unka prem bina shart ka hai ya sabhi ko Parmeshwar ke raajye mein uddhaar milta hai kyunki Parmeshwar ka prem bina shart ka hai. Parmeshwar ka prem anant hai aur hamesha tak rahega, magar hamare liye iska matlab wahi hoga ki kaise hum Unke prem ko lautaenge.
Ishu ne kaha:
“Jaisa Pita ne mujh se prem rakha, waisa hi maine tumse prem rakha: mere prem mein bane raho.
“Agar tum meri aagyaaon ko maanoge, to mere prem ko swikaar karoge; jaisa hi maine apne Pita ki aagyaaon ko maana hai, aur uske prem ko swikaar kiya hai.” 7
Uddhaarkarta ke prem mein “bane rehne” ya “swikaarna” ka matlab hai Unka kripa ko paana aur uske dwara sampurn hona.8 Unke kripa ko paane ke liye, hamein Ishu Maseeh mein vishwaas rakhna hoga aur Unke aagyaaon ka paalan karna hoga, saath saath paapon se pashchataap karna, baptisma lena hoga paapon ko dhone ke liye, Pavitra Aatma ko paana hoga, aur Unke aagyaaon ko paalan karne ke maarg par chalte rehna hoga.9
Parmeshwar tumse hamesha prem karega, par Woh tumhe paapon ke saath nahin uddhaar de paaega.10 Un shabdon ko yaad rakho jinhe Amulek ne Zeezrom se kaha tha ki Uddhaarkarta logon ko unke paapon mein hi nahin mukt karega balki unko paapon se uddhaar karne ke liye,11 vajah yeh hai ki “koi bhi apavitra vastu swarg ke raajye ki adhikaari nahin ho sakti”12 ya Parmeshwar ke upasthiti mein reh nahin sakti. “Aur [Maseeh] ko Param Pita ki or se shakti di gayi hai [apne logon] ko unke paapon se uddhaar dene ke liye pashchataap ke baad; isliye usne apne swarg dut ko pashchataap ke un niyamon ke sandesh ki ghoshna karne ke liye bheja, jo ki Muktidaata ko unki aatmaaon ko mukti pradaan karne mein samarth karta hai.”13
Mormon Dharamshaastra se hum seekhte hai ki Maseeh ke kashton ka vajah kya tha—Unke prem ka aakhri pradarshan—tha “ki woh nyayedand par vijay praapt karne waali daya utpann kar sake, aur manushyon mein pashchataap ke liye vishwaas la sake.
“Is prakaar daya nyaye ki maang ko santusht kar sakti hai aur unhe suraksha ki baanho mein le leti hai, jabki woh vyakti jo apne paapo par pashchataap nahin karta use nyaye vidhaan ka saamna karna padta hai; is kaaran kewal usi ke liye mukti ki anant yojna laayi jaati hai; jo ki apne paapo par pashchataap karne mein vishwaas karta hai.” 14
Pashchataap, phir to, Unka hamare liye uphaar hai, ek bahut mehngi daam mein liya gaya.
Kuch log bahas karte hai ki Parmeshwar sab ko ek samaan ashish deta hai—uddharan mein, Ishu ka waakye Sermon on the Mount ko lekar: “[Parmeshwar] achche aur bure donon par apna surya uday karta hai, aur dharmiyon aur adharmiyon donon par apna meh barsata hai.”15 Vaastaav mein, Parmeshwar Apne sabhi bachchon par jitna Usse ho sake utna ashirvaad deta hai—woh sabhi ashirvaad jo prem aur kanoon aur nyaye aur daya mauka dein dene ko. Aur Woh hamein bhi aagya deta hai ki usi tarah daani bano:
“Mai tumse kehta hoon, apne shatruwon se prem rakho, jo tumhe shraap dein use tu ashish do, jo tujh se nafrat kare uske saath bhalaai kar, aur jo teri buraai kare aur tujhe sataye, uske liye tu prarthna kar;
“Jisse ki tum us Pita ki santaan tehro jo ki swarg mein hai.” 16
Tab bhi, Parmeshwar ke mahaan ashirvaadein aagyakarita se judi hai. Pradhaan Russell M. Nelson ne kaha: “Parmeshwar ke prem ka sundar guldasta—shaamil hai anant jiwan—ismein woh ashirvaadein hai jiske liye hamein yogye hona hai, na ki ayogyata mein milne waale hak. Paapi Unke ichcha ko apne faeda ki or nahin mod sakte aur Unse chaahe ki paap mein ashish dein [dekhiye Alma 11:37]. Agar woh Unke sundar guldasta mein shaamil hona chaahe, unhe pashchataap karna hoga.”17
Iske alawa ek vyakti ko pashchataapi banana maasaam aur paap rahit us vaada ke saath ki woh “antim din ko upar uthaa liye jaaega,”18 ek dusra vajah hai Parmeshwar ke prem ko swikaarne ka. Unke prem ko swikaarne se hamein apna pura sambhaona pata lagega, ki hum Unke hi jaisa bane.19 Jaise Pradhaan Dieter F. Uchtdorf ne kaha: “Parmeshwar ka kripa hamein pehle ki tarah maasoom nahin banata. … Uska lakshye aur uncha hai: Woh chahata hai ki Unke putra aur putriyaan Unhi ke tarah bane.”20
Parmeshwar ke prem ko swikaarne ka yeh matlab hai Unke ichcha ko puri tarah se karna. Uska matlab hai Unke sudhaar ko swikaarna jab zaroorat pade, “kyunki Prabhu jis se prem karta hai use saza deta hai.”21 Iska matlab hai ek dusre se prem karna aur sewa karna jaise IShu ne humse prem aur hamari sewa ki.22 Iska matlab hai seekhna “celestial raajye ke kaanoon ko swikaarna” taaki hum “celestial mahima ko swikaar” sake.23 Taaki Woh hamein woh bana sake jo hum ban sakte hai, hamare Swarg ke Pita humse niwedan karta hai “Pavitra Aatma se akarshit nahin hota, aur apne swabhaawik prakriti ko[tyaag] aur Prabhu Maseeh ke Praeshchit dwara sant [ban jaa], tatha bachchon ki tarah aagyakaari, vineet, deen, sahansheel, prem se paripurn [ban jaata], un saari baato ko jinhe Prabhu unke laabh ke liye laagu karta hai, usi tarah swikaar karta jaisa ek bachcha pita ki baato ko swikaar karta hai.”24
Elder Dallin H. Oaks ne kaha: “Woh Antim Nyaye sirf ek antim ginti nahin hai achche aur bure karmon ka—humne kya kiya hai. Woh ek swikriti hai hamare karmon aur vichaaron ke antim parinaam ka—hum kya ban gaye.”25
Helen Keller ki kahani ek nitikatha ki tarah hai ek sujhaao ki kaise divye prem ichchapurn hriday ko badal sakta hai. Helen 1880 mein Alabama, United States mein paeda hui thi. Jab woh sirf 19 mahine ki thi, use ek anjana rog pakda jisse woh behri aur andhi ho gayi. Woh bahut budhimaan thi aur asantusht hui jab woh apne vaatavaran ko samajhne ki koshish karti thi aur kathinaai ka saamna karti. Jab Helen apne parivaar sadasyon ke chalte huwe hont dekhti aur jaanti ki woh muh se baat karte na ki uski tarah isharo se, “woh itni pareshaan hui [kyunki] woh baat cheet mein shaamil na ho saki.”26 Jab tak Helen che saal ki hui, uski baatein karne ki ichcha aur nahin kar paane ki pareshaani itni zyaada hui ki “har din, kabhi kabhi har ghante par gussa hoti.”27
Helen ke maata-pita ne unke beti ke liye ek teacher bulaya, Anne Sullivan naam ki ek mahila. Jaise hamara Ishu Maseeh mein hai jo hamare kamzori ko samajhta hai,28 Anne Sullivan ne bhi apne gambheer mushkilon ko jhela tha aur Helen ke kamzoriyon ko samajhti thi. Paanch saal ki umra mein, Anne ko ek bimaari hui jisse peeda bhara zakham hua cornea(aankh ka safed hissa) mein aur use zyaadatar andha chod diya. Jab Anne aath ki hui, uski maa ka dehaant hua; uska pita use aur uske chote bhaai, Jimmie ko chod kar chala gaya; aur unhe ek “gareebon ke basne waale ghar” mein bheja gaya jahan stithi itni kharaab thi ki sirf teen mahino mein Jimmie bhi mar gaya. Apne hi lagataar mehnat se, Anne Perkins School for the Blind and vision impaired mein gayi, jahan usne bahut safalta paayi. Ek aapreshan se woh dekh paayi taaki kuch likhawat padh sake. Jab Helen Keller ke pita ne Perkins School sampark kiya apne beti ke shikshak dhoondhne ke liye, Anne Sullivan ko chuna gaya. 29
Shuruaat ka anubhav suhaona nahin tha. “Helen ne apne shikshak ko “maara, chikoti kaati, aur laat maara aur uska ek daat tod diya. [Anne] ne maamla kaabu mein kiya jab woh [Helen] ko lekar Keller jaaedaad par ek chote ghar par le gayi. Dhaerye aur dridh sangati ke saath, usne ant mein bachchi ka dil aur bharosa paa liya.” 30 Usi tarah, jab hum apne Swami par bharosa karna seekh lenge na ki use dur karna, tab Woh hamein jyoti dikhaega aur hamein ek naye sachchaai tak pahunchaega.31
Helen ko shabd seekhne mein madad karne ke liye, Anne jaane maane cheezon ke naam apne ungli se Helen ke haatheli par likhti. “[Helen] is ‘ungli ke khel’ ko pasand karti thi, par woh tab tak na samjhi jab tak woh prasidh chan na aaya jab [Anne] ne ‘w-a-t-e-r’ paani maar kar [Helen] ke haath par likha. [Helen] ne baad mein likha:
“‘Achanak mujhe dhundhle se kuch bhuli hui baat yaad aayi … aur kisi tarah bhaasha ka raaz mujhe pata chala. Tab maine jaana ki ‘w-a-t-e-r’ ka matlab tha woh thandi cheez jo mere hatheli mein beh rahi thi. Us jaagrut shabd se mera jigar jaag utha, use raushni, aasha, anand, rihaai mil gayi thi! … Sab kuch ke paas ek naam tha, aur har naam ek naya vichaar utpann karti. Jab hum ghar pahunche [,] har ek vastu jise mai chuti thi … mein jaise jaan aa gayi ho.’ ” 32
Jab Helen Keller badi hui, use bhasha se prem, likhne mein nipunn, aur uttam sarvajanik boli ke liye jaana jaata tha.
Ek film mein Helen Keller ke jiwan dikhaawe hai, uske maata-pita Anne Sullivan ke kaam se santusht dikhe hai jab usne unke toofaani putri ko kaabu mein laaya itna ki Helen khane ke mez par shishtachaar se baethti, aaraam se khati, aur bhojan ke baad apna tauliya lapet ke rakhti. Magar Anne jaanti thi ki Helen aur bahut kuch karne ke laayak hai aur use mahatvapurn yogdaan dene baaki hai. 33 To bhi, humne apne jiwan mein jo kiya hai usse santusht honge aur hum wahi hai jo dikhta hai, jabki hamare Uddhaarkarta ko maaloom hai hamara vishaal sambhaaona jo hum sirf “darpan mein dhundle se dekhenge.”34 Jo bharpur khushi hamein milti hai jab hum us divye sambhaona ko apne andar ubharta mehsoos karte hai, us khushi ke jaisa hai jo Helen Keller ne mehsoos kiya jab unke liye shabdon mein jaan aayi, uske hriday mein raushni deti hui aur use mukt kiya. Hum sab Parmeshwar se prem aur unki sewa kar sakte hai aur apne saathi ko ashish dene ki shakti paa sakte hai. “Jaisa likha hai, jo aankh ne nahin dekhi, aur kaan ne nahin suna, aur jo baate manushye ke dil mein nahin basi, we hi hai, jo Parmeshwar ne apne prem rakhne waalo ke liye tayyaar ki hai.”35
Hamein dhyaan dena chahiye ki Parmeshwar ke anmol prem ne use kitna takleef hua, Ishu ne batlaaya ki hamare paapon se praeshchit dilane ke liye aur maut se mukti dene ke liye, dono sharirik aur aatmik, Unka kasht unhe, “jo ki Parmeshwar hai, sabse mahaan, ko peeda se tadapna pada, aur har rom se lahu bahaya, aur donon sharir aur aatma mein kasht uthaya, aur kaha ki [Use] woh kadwa pyaala peekar, aur jhijhakna na pade.” 36 Gethsemane aur krus par Unka peedaa itna adhik hoga ki manushye sahan nahin kar sakta.37 Phir bhi, kyunki Woh Apne Pita aur humse prem rakhta tha, Woh ant tak jhela, aur iska parinaam, Woh hamein amaransheelta aur anant jiwan dila saka.
Yeh achchi tarah se jaana jaata hai ki “rom rom se lahu [aaega]” 38 jab Uddhaarkarta ne Gethsemane, jaetun(olive) nichodne ke jagah, par kasht jhela. Uddhaarkarta ke samay mein jaetun ka tel banane ke liye, jaetun ko pehle bade patthar ko unpar chalane se kuchla jaata tha. Usse nikla “mishran” ko narm, halke se bune tokriyon mein rakha jaata ek ke upar ek karke. Unke wajan se sabse pehla aur uttam tel nikalta tha. Phir aur dabaao dala jaata tha un tokriyon ke upar ek loha ya lakdi rakhkar, jisse aur tel nikalta. Ant mein, ekdam aakhri boond ko nichodne ke liye, lohe ke dono kone par patthar rakha jaata taaki zyaada bojh daala jaae, jisse sab tel nikal aaye.39 Aur haan, tel lahu jaisa laal hota hai jab woh pratham baar nikalta hai.
Mai Matthew ke Uddhaarkarta ke kahani ko yaad karta hoon jab Woh us vinaashak raatri ko Gethsemane gaya—ki woh “udaas aur vyakul hone laga. …”
“Phir woh thoda aur aage badhkar, aur muh ke bal gira, aur woh prarthna karne laga, ki He mere Pita, yadi ho sake, to yeh katora mujh se tal jaaye: to bhi jaisa mai chahata hoon waisa nahin, parantu jaisa tu chahata hai waisa hi ho.” 40
Phir, jab kasht zyaada hua, Usne ek dusri baar sahayta ki maang ki aur, ant mein, shaayad Unke sabse zyaada kasht ke samay, ek teesri baar. Usne peeda ko saha jab tak nyaye aakhri boond par hi nyaye ko santushti mili. 41 Yeh Usne tumhare aur mere mukti ke liye kiya.
Divye prem ek anmol uphaar hai! Usi prem se ubhar kar, Uddhaarkarta puchta hai, “Kya tum ab mere pas na lautoge, aur apne paapon se chama maangoge, aur samarpit hoge, ki mai tumhe changaai doon?”42 Komalta se Woh ashwaasan deta, “Dekho, mera kripa ke baanhe tumhare or faeli hai, aur jo bhi aayega … mai apnaaunga; aur jo mere paas aaye unhe ashish mile.”43
Kya tum Unse nahin prem karoge jisne pehle tumse prem kiya? 44 To Unke aagyaaon ko maano. 45Kya tum Unke liye ek dost nahin banoge jisne apna praan apne doston ke liye diya?46 To Unke aagyaaon ka paalan karo. 47 Kya tum Unke prem ko swikaaroge nahin aur woh sab na grahan karoge jo Woh uddaarta se tumhe deta hai? To Unke aagyaaon ka paalan karo. 48 Mai prarthna karta hoon ki mehsoos karenge aur purn rup se Unke prem ko swikaarenge, Ishu Maseeh ke naam se, amen.