Korakora Ibukin Kristo
Ti kakorakora ibukin Kristo ngkana ti mwakuri ma te kakaonimaki, n rinanona ma te ninikoria, n tataro ma te korakora, ao ni karaoia ma te riai.
Tariu ao mwaneu aika tangiraki, n te bong aei I kan taetae nakoia aomata aika kairake n te Ekaretia n airi ma ara mitinare aika raraoi. Bon te koaua, taari ma mwaaneu ake a nano n ataei a butimweaaki ma te kukurei bwaa a na ongora.
N Aokati ae nako 21, Beretitenti Russell M. Nelson e katabua te tembora ae tikiraoi Sapporo Tembora te kateniua n tembora i Tiabaan. Te Sapporo Tembora e kateaki i Tiabaan Meang n te tabo ae aranaki bwa Hokkaido, n aekan Utah, Hokkaido e maekanaki irouia aomata aika mwamwakuri, aika moan roko iai.
Inanon 1876, te tia reirei ae arana Dr William Clark1 nako Hokkaido e kaoaki nako Hokkaido bwa e na reirei. E maeka i Tiabaan tii inanon waniua namwakaina, ma kateina ni Kristian e kitana te mimi ae aki kona n toki iroun ana ataei ae tiaki te Kristian Imwain nakona, e anga na taeka ni karaure nakoia ataein ana reirei are e a tiku inanona n aki bubua.2 E kangai, “Ataeinimwane kam na korakora!”—“Kakorakora ibukin Kristo.” 3 Ana taeka ni “Kakorakora ibukin Kristo” e kona ni buobuoki ni kairi babaire nako ibukiia aika Itiaki ni Boong Aikai.
Tera ae nanonaki n “korakora ibukin Kristo”? Te tabe ni kakorakora ibukin Kristo nanona te kamarurungaki, ni kabanea nanom nako iai, anga nanom nakon am mwakuri. Tabe ni kakorakora ibukin Kristo e na aki bati n nanonaki bwa ti kaokoro ma tabeman. Kakorakora ibukin Kristo nanona bwa ti mwakuri ibukin Kristo ma te kakaonimaki ao te mwakuri korakora i nanon ara uoote, ao n akea te tangitang ao te kukurei ae kaona te nano.
Ara mitinare aika mwakuri ni katobibia te aonnaba bon bwaai ni kakairi aika Tamaroa ibukiia aika kakorakora ibukin Kristo. Tabeua ririki n nako, Titita Yamashita ao Ngai ti mwakuri i Nagoya Tiabaan Mition Ara mitinare a bon kakorakora ibukin Kristo. Temanna mai buakoia mitinare bon te ataeinimwane arana Unimwane Cowan.
Unimwane Cowan akea waena ae te atai bukina bwa e kabuanibwai n te bwatika ngke e uarereke. Tabeua te wiiki imwin rinna n te mition, I karekea te rongorongo n te tareboon mairoun toana. Waen Unimwaane Cowan e ikoaki ngke e bwaatika. Ti uotia nakon te tabo are karaoaki waena iai, ao ikanne n te ruu ae onoti, ao ai bon te moan tai ae I noora iai waena. I ataia bwa e korakora marakina ae tia n rootaki iai. E karaoaki waena, ao e oki nakon ana tabo.
E ngae n anne n taian wiiki aika tia n nako, bwain te wae are karaoaki e a bon reitinako naba uruakina. Te aetuaitia n te bwainaoraki n te tabo e kataua bwa e na oki nako abana ibukin ana mition ae na karaoia. I totokoa te atuaiti aio bukina bwa Unimwane Cowan bon te mitinare ae Tamaroa, ao iai nanona ae korakora n tiku i Tiabaan. Ni waaki ni karaurau, ngkanne Unimwane Cowan. E a moanna n roko n tokin korakorana. Ibukin aio, e aki ngurengure ao n tangitang.
N te taina riki, I tuangaki bwa Unimwane Cowan e na kanakoaki ni mwakuri n te tabo are aki tangiraki iai ni kamanena te bwatika. I rinanon te kanganga aio. I iangoa aron Unimwane Cowan ma ana tai aika a na roko, ao I tataro ibukina. I namakina ae kangai, eng E na okira mwengana Unimwane Cowan ao e na taninga manga kamwakurakina. I tareboniia ao ni kabwarabwara au tangira ao tabeaiangau ao n tuangnga au babaire. E aki atonga te bwai teuana ni kaeka. I tii kona n ongo tangina n te itera are tareboon ma iai. I taku Unimwane Cowan, ko na aki kaekaai ngkai N na manga weteiko ningabong. Taiaoka iangoa au katautau ma te tataro mwaaka.
Ngke I a weteia n te ingabong are imwiina, e nanorinano ni kaeka bwa e na ira au babaire.
Inanon au tai ni maroro ma ngaia, I titirakinna te titiraki aio: “Unimwane Cowan, ko bubuti iaon am bebwa ni bubuti bwa ko na kanakoaki ni mwakuri ike ko na aki manga tokara te bwatika.
E taku, “Eng Beretitenti I karaoia.”
I kaeka, “Unimwane Cowan, ko weteaki nako Japan Nagoya Mition ike ko na kamanena iai te bwatika. Ko tuanga te titeiki beretitenti?”
I kubanako n ana kaeka. E taku, “I aki, I motikia bwa ngkana anneike E weteai iai te Uea, N na nakon te tabo ni kataneiai ao ni kataneia rabwatau n te aro bwa N na kona ni bwatika.”
Ni kainakin ara maroro, e titirakinai te titiraki ma ranimatana, “Beretitenti Yamashita, bukin tera bwa I roko i Tiabaan? Bukin tera I mena ikai.?
I kaeka ma te aki baenikai, “Unimane Cowan, I ata teuana bukin rokom ikai. Ko roko ikai ibukin buokau. I a ataia te ataeinimwane ae korakora ae I mwakuri ma ngaia I kakabwaiaki ngkai I ataiko.”
I rang kukurei n taekinna bwa Unimwane Cowan e a oki nakon mweengana ae tangiraki ao ni manga kamwakuraaki n te tabo are e kona ni kamanena te kaa ibukin ana mwananga. I kakatonga tiaki ti ibukin Unimwane Cowan ma ibukiia naba mitinare inanon te aonnaba ake a mwakuri ma nanoia ni koaua n akea te ngurengure ao te tangitang, Kam rabwa, unimwane ao titita, n ami ungannano, ao nanomi ae korakora ao ami kakorakora ibukin Kristo.
Ana Boki Moomon iai inanona rongorongoia ake a kakorakora ibukin Kristo. Aramwa are te Teei ngke e kairake, e bwainikiriina te Ekaretia ao kain te Ekaretia. Imwina e rinanon te bitaki n nano ae korakora ao e mwakuri bwa te mitinare ae rang mwaaka. E ukoukora ana kairiri te Uea ao e kakabwaiaia raraona ake a mwakuri ma ngaiia. E kakorakora te Uea, ao e tokanikai iaon kataaki aika e kaitarai.
Aramwa aio e angan natina te mwane Ereman reirei aika oti:
“Ake a kaaki aia onimaki iroun te Atua a na boutokaki ni katakiia, ao n aia kanganga ao rawawataia …
“… Kawakin Ana tua te Atua. …
“Maroroo ma te Uea ni baika ko karaoi, ao e na kairiko ibukin te raoiroi.”4
Ara kauoman n nati te mwaane e maiuakina ana bong n ataei i tinanikun n te Ekaretia. Ngke ai 20, iai ana namakin are e na tangiria ni bita maiuna. Ma te tangiria, taian tataro, ao buoka man ana utu ao kain te Ekaretia, ao ni kabaneana rinanon te nanoanga ao ni mimitongin te Uea, e a okira te Ekaretia.
E a weteaki rimwi ni mwakuri n te Washington Seattle Mission. E namakina kurakain te bwaranano ae korakora. Ni katoa tairiki inanon te moan teniua n namwakaina, e na nakon te roki n tebotebo man tang. N aekan Unimwane Cowan, e ukoukora ataakin, “Bukin tera I mena ikai?
Imwiin mwakurina inanon teuana te ririki, ti karekea te iimeeri are kaekan ara tataro. E korea: “N te tai ao ngkai I kona n namakina ana tangira te Atua ao Iesu. N na mwakuri korakora n ai aroia burabeti ni kawai. E ngae ngke I namakinii kanganga aika a bati. I a bon kukurei ni koaua. Te beku ibukin Iesu bon te bwai ae te kabanea n Tamaroa. Akea te bwai ae kamimi riki nakon aei. I a rang kukurei.”
E namakina are karaoia Aramwa: “Ao O, te kimwareirei teraa, ao te oota ae tamaroa teraa are I a nooria; eng, tamneiu ae e a onrake n te kimwareirei ae rianako n aron marakiu!”5
Inanon maiura ti namakinii kataaki, ma ngkana ti kakorakora ibukin Kristo, ti kona n Onimakinna ao n namakina te kukurei I bon i buakoia. Ara Tia Kamaiu bon te katoto ae korakora. E ataa Ana mwakuri ae tabu ao n ongeaba nakon Nanon te Atua te Tama. Ai kakukureira rinean te kakabwaia ae uotia. Ana katoto ae kamimi nakon ara ururing ni katoa wiiki ti kana te toa.
Tariu ao mwaneu aika tangiraki, ti kakorakora ibukin Kristo ngkana ti mwakuri ma te kakaonimaki, n rinanona ma te ninikoria, n tataro ma te korakora, ao ni karaoia ma te riai.
Ti na kakorakora ibukin Kristo ngkai ti kariaia ara kanganga ao kataakira ma te taotaaonannano ao te onimaki ao ni karekea te kukurei ni kawain ara berita.
I kakoaua bwa te Uea e atai ngkami. E atai ami kanganga ao ami iango. E ataia bwa kam tangiria ni beku ibukina ma te nano ni koaua ao, eng, bon te kakorakora. E na kairi ao ni kakabwaiai ngkami n aron are kam tangiria. N aran Iesu Kristo, amen.