“Nakomai, Iriirai” ni Mwakuri inanon te Tangira ni Kiritian ao te Ibuobuoki

Elie Wiesel are e karekea te Nobel Prize e mena n te onaoraki bwa e kamarurungaki imwiin te korokoro ni buroona ngke e kawaraki iroun tibuna te mwane ae nimaua ana ririki. Ngke e tarai matan tibuna te ataeinimwane arei, e noora te maraki. “Kuraenibwa,” e titiraki, “ngkana I kabatia riki tangiram, e na kona ni keerikaaki riki marakim]?”¹ N te bong aei N na titirakiniira te titiraki aei: “Ngkana ti kabatia riki tangiran te Tia Kamaiu, e na kakerikaaka korakaira?”

Ngke e weteia Ana reirei te Tia Kamaiu bwa a na iriiria, a maiuakina ana tua Moote, are “te mata boona te mata, ao te wii boona te wii,”² ma te Tia Kamaiu e roko ni kakoroa te tua anne ma Ana Mwakuri ni Kamaiu. E reirei te reirei ae boou: “Kam na tangiriia ami kairiribai, ao tataro ibukiia akana bwainikirini ngkami.”³

Ana reirei a tuangaki bwa a na bitaki  man iriiran ana reirei te aro n aomata nakon tangiran ao ana kawai n Tararua te Tia Kamaiu n onean mwiin te un nakon te kabwarabure, akoi, ao te nanoanga. Te tua ae boou n “itangitangiri imarenara ”⁴ e aki beebete n tainako kawakinana. Ngke ana reirei a raraoma ibukin rekerekeia ma taan bure ao aekakin nako kurubu n aomata, te Tia Kamaiu e reirei ma te taotaonannano, “Ngke kam karaoi baikai nakon te manna ae moan te mangori ibuakoia tariu aikai, ao kam karaoi naba nako Iu.”⁵ Ke, ae e kabwarabwara te burabeti n Ana Boki Moomon, “Ngkana kam beku ibukiia raomi ao kam bon beku naba iroun Atuami.”⁶

N tibwangara n riki bwa ana reirei te Tia Kamaiu ni boong aika kaitira, ti nako Ina man tangiriia ao ni buokiia natin te Atua. Ngkai ti karaoia, ti na kona n aki kona n totokoi kanganga, karawawataaki, ao korakai n rabwata, ma e na karako korakaira n tamnei. Riki inanon kataakira ti kona ni karekea te kukurei ao te rau.

Ara tangira ni Kiritian ao ara beku e moanaki man te mweenga. Kaaro, kam weteaki bwa kam na riki bwa taan reirei ao mitinare n tangira nakoia natimi ao te roronrikirake. Ngaiia ami aomata. Iai tibwangami ni buokiia bwa a na rairaki. Ni koauana, ngaira ni kabane ti ukoukoria bwa tina rairaki —are nanoan bwa tina kaonaki n ana tangira ara Tia Kamaiu.

N tibwangara n iriira Iesu Kristo, Ana tangira e na kaungaira ni boutokaira ibon iroura inanon maiura n rabwata.⁷ Ti aki kona ni karaoia n ti ngaira. Ko a tia ni kataia ni kakabwaiako? Ko a tia n ongo mai irou n taetae ni Quaker mai imwaina: Ko tabekai ao ngai, I tabekiko, ao tina kaai n tabekakirake n te maiu ae akea tokina ⁸ Ngkai ti riki bwa ana reirei, ti moana karaoan aei ngkana ti bwabetitoaki, ni kaota ingaingan nanora “ni uota rawawatan temanna, bwa e aonga ni beebete.”⁹

“N[reirei] imarenara reirein te abanuea” ¹⁰ bon kawain te tangira ao te ibuobuoki imarenara. Kaaro ao tibu ni kabane, ti kan kaota raraomara n aron te aonaaba—bwa reirei aki reirei aroia ataei aika a raraoi. Ma e mwaiti ae ti kona ni karaoia. Ti kona ni kabongana ara tai n reireiniia ara utu—ti kona ni karaoia ngkai. Tai katibanakoa am tai n reirei. Ngkana e reke am tai n tibwa am iango n taekan te euangkerio ao reirei ibukin te maiu, katikui bwaai ni kabane ao tekateka ni maroro ma natim ao tibum.

Ti riai n aki raraoma ngkai ti bon aki kataneiaki n aro ae mwaait n reireia te euangkerio. Akea te reirei ni kataneiai ke te boki n reirei ae ibuobuoki n aron te kamatebwai ibon iroum iaon Koroboki aika a tabu, tataro, iango, ao n ukoukora ana kairi te Tamnei. E na kairiko te Tamnei. I berita nakoim: te wewete n riki bwa te karo e kairaki ma te bwaintangira n reirei ni kawai aika eti ibukim ao natim. Uringa, Mwaakan te Atua n rootia aika raoiroi bon Ana tangira. “Ti tangiria, ba E tangirira moa.”¹¹

Te roronrikirake, ngkami tabeman ibuakoia ara tia reirei n te euangkerio aika nakoraoi. Kam roko n te Ekaretia n reiakinna bwa kam aonga n okira mweengami n reirei ao ni beku ibukiia ami utu, kain rarikimi, ao raraomi. Tai maaku. Karekea te onimaki ni Kakoaua n te bwai are ko ataia bwa e koaua. Iangoa aron te mitinare ae bwanin ana tai n rikirake ibukina bwa a kakaonimaki ni maiuakina te maiu ae tabu—kabonganai aia tai ao tarena ao ni kaota aia Kakoaua ni beku ao ni kakabwaiaaia tabeman. Ngkai kam tibwai ami koaua n te euangkerio, ami onimaki a na rikirake ao ami koaua e na rikirake!

Tabeua ara beku ni Kiritian a rang korakora ake ti anga bon man kamatebwaian Koroboki aika a tabu n utu, tataro n utu, ao boowi ni Kauntira n utu. N te maan ae raka iaon tebubua te ririki, mataniwi n Ekaretia a tia ni weteira bwa tina katei tai—aika a na aki uruanaki ni katoa wiiki. Ma a mwaiti ibuakora aika a tuai karekei kakabwaia. Kainutu ni katoa tairiki bon tiaki te reirei mai iroun te Tina ke te Karo. Bon ara tai n utu n tibwai reirei aika bebete n Tamnei ao n rinanona, ni buokiia natira n reiakinna ao n Tararua ao n tibwai, kaai ni kukurei, kaoti koaua n ikotaki, ao ni bane n rikirake ao n tokanikai. Man karaoan kainutu ni katoa wiiki, ara tangira ibukira n tatabemaniira e na rikirake ni matoatoa, ao e na karako korakaira.

Ti riai n uringnga: te mwakuri ae moan te kakaawaki ae ti karaoia n ara utu bon man mwaakan te Tamnei ae Tabu. N te tai are ti kanenei bwanaanara n un, te Tamnei e kitaniira ao ara utu. Ngkana ti taetae n tangira, te Tamnei e na raoniira. Tina uringnga naba bwa natira ao tibura a taua abwakin ara tangira man mwaitin ara tai are ti kabanea ibukiia. Ae kakaawaki riki, tai bwarannano n taotaonnano ao tai taenikai!

Ni Koroboki aika a tabu a tuangiira bwa ngkana tabeman natin Tamara are i Karawa a rineia n aki ira Ana baire, kain karawa a tang.¹² Tabeman kaaro ake a tangiriia ao n reireiniia natiia a tang naba ngkana natiia ae ea ikawai e rineia n aki ira ana baire te Uea. Tera ae a kona ni karaoia kaaro? Ti aki kona n tataro bwa e na anaaki inaomatan temanna. Uringnga taman te nati ae bakatae, are e taotaonakinnano n tataninga natina bwa e na “[oki] nakoina,” n te tai naba are e tarataraia. Ao“ngke e taonnako,”e birii nakoina.¹³ Ti kona n tataro ibukin kairara n te bwai are ti na taetae iai ao are tina taekinna, ao n te tai are tina aki karongoa iai. Uringnga, natira ao kain ara utu a kaman rineia bwa a na iriira te Tia Kamaiu imwain ae a roko n te maiu aei. N tabetai bon ti man aroia n rinanon te maiu are a manga namakinna riki. N tokina, te rinerine n tangira ao n iriira te uea a riki bwa aia bwai.

Iai naba te kawai ae onoti are a kaotia ana reirei n aia tangira ibukin te Tia Kamaiu. N te bong aei I kamoamoaia ni kabane ake a beku ibukin te Uea ake a tararuaia aoraki ke mwauku n aekaia nako. E na kanga te Uea e rang n tangiri ngkami! Inanon am beku ae aki nooraki, e berita bwa ngkana ko I iriria; ao “Tamam ae noora ae raba, e na anganiko kanuangam n aki karaba.”¹⁴

N au iangoa buun kaain rarikiu are te aine e rootaki n te Mwamwaninga. Ni katoa Tabati e buokia ni karina ana kunnikai n taromauri, kaara irana, karaoan ana meikabu, ao ni kanim taningana. Ni karaoan ana beku aei, e bon riki bwa te banna ni katoto nakoia mwane ao aine n ana uoote—ti, ibukin te aonnaba. N te bong teuana e tuanga buna, “I ti tangiria ni kan noora riki kainnabau ni maeka ma ngaia.”

E kaeka, “Ngai kainnabam.”

E kaeka ma te kukurei, “O, e rang tamaroa!”

I aki kona n taetae iaon te Tararua n aki kaitaua te tia Tararua maiu—te Tia Kamaiua ana reirei ae onoti nakoiu—kainnabau ae akea tokina. Mary. E a tia n anganai nikabane te nanoanga n tobwa ao te tangira. Baina a kauringai Ana tangira Te Tia Kamaiu, tikuna ae teimatoa. N na bon aki kona ni mena ikai ngke arona bwa akea ngaia. Ao ngai mangaia, Na bon kabaeaki mangaia n te maiu ae akea tokina.

Ngkana ko rangi ni korakai, ma tabeman ke n ti ngkoe, I kauringngko kariaia te Tia Kamaiu bwa e na tararuaiko. Katan iaan Ana tangira ae korakora.¹⁵ Butimwaea Ana kakoaua: “I bon aki kitani ngkami ni motika romi: I a okiri ngkami.” E berita.¹⁶

Tariu ao mwaneu, ngkana kam tuai raoi ni bitaki, tina bitaki man ni kaniira riki nakon te kabwarabure, akoi, ao te tangira. Ti na kanakoi maraki n nano ake a ririki inanora n aomata ao n tataekina ana Tararua Kristo, tangira, ao n rau. ¹⁷

Ngkana “kam a tia n ataa taekan mimitonging [ao tamaroan] te Atua”¹⁸ ao aron naba “te mwakuri ni kamaiu are e a tia ni katauraoia imwain katean ann te aonaaba,”¹⁹ “ao e na aki reke te nano ni kan kaikoaka temanna, ma ti te kan maeka inanon te rau. … Ao kam na aki kariaia bwa a na baki natimi ao … ana aki urui ana tua te Atua, ao n un man uneaki imarenaia, … ma kam na … reireiniia bwa a na itangitangiri imarenaia, ao a na ibuobuoki imarenaia.”²⁰

Bon imwain Taurakin te Tia Kamaiu, E reireiniia Ana Abotoro: “I angani ngkami te tua nabangkai, ba kam na i tangitangiri; n ai arou ngke I tangiri ngkami”²¹ ao “Ngkana kam tangirai, ao kam na tou mwin au tua.”²²

I Kakoaua bwa ana namakin ae koaua te Tia Kamaiu nakoira e kaotaki n te bou are ThorvaldsenChristus. E reitinako n taakin Baina,²³ ae nanoanga, “Mai, irirai.” Ti ririmwiina man ara itangitangiri ao ara ibuobuoki imarenara ni kawakin Ana tua.

I kaota au Kakoaua ae onoti bwa E maiu ao e tangiriira ma te tangira ae kororaoi. Aio Ana Ekaretia. Thomas S. Monson bon Ana burabeti iaon te aba n te bong aei. Ti na tangira Tamara are I Karawa ao Natina ni karaka riki, ao e na karako korakaira, bon au tataro. N aran Iesu Kristo, amen.