Weliepe kan ong Mwomwohdiso

Me keren emen lih kiripw, me I pahn kahdaneki Molly, pwurodo ni imwehu sang doadaohk ahpw kilangada diren pihl wen ins riau (sendimihder 5) audelahr pohn tatenpahn ihmw en imwehu. Liho mwadangete medewe me tohn mpe kan me mwein wiahier lapalahn lopwolopw oh duhdu kahrehda pihl pwuradahng nan paip en kakusala samin me irail kin doadoahngkipene oh kerelong nan imwehu.

Mwurin Molly ekerehr emen kempoakepah lih pwehn sewese, ira tepda limakeiei pihlo oh dahlumw. Ni asnouohte letelet ehu pa wiawi ni wenihmwo. Kempoakepahu pa nda, “Ahmw sounpadahk en peneineiko mwo!”

Molly kouruhr oh sapeng. “Rahn wet iei keimwseklahn rahn nan sounpwonget, ahpw I kak kamelehiong uhk me kaidehn ahi sounpadahk en peneineiko mwo.”

Ni eh adasi, rausis wisekesek, piten moange pirapirkipene likou, oh pehkau mi nan dehpwukuro, Molly ritingada wenihmwo. Ahpw sang ni mwoamwe ni eh pahn karasahiong irail kan me keskesihnen mwohn mese. “Iei eh sounpadahk en peneinei ko mwo!”

“Ke kakete poakihkin iehdi ehu mehn kakus paipen! Mwuri e ndahngie. “Met wia ehu manaman en kasukuhl en peneinei” liho nda, “soangen irair me Ohl Souleng kan kin ehukihda nan kapokon lap!” E doula koasoia: “Ahpw ni ai medemedewe ma I pahn pwole irahdi de kieng ira ehu mehn dahlimwo, ira pa inda, ‘Wei Molly, menlau mahk. Se kak kilang me ke kedirepw. Se sohte men kedirepweiuk; se nek pwuredo ehu ansou en.’ Oh ira eri samwalahr.”

“Ihs mwo?” kempoakepahu likwerkihdahdo sang pahn ihmwo.

“I mentehno inda, ‘Mehlel kaidehn mehn Nihpai Silimeno mwo,’” Molly peihn wehkada, “ahpw I kanengamahieng oh nda ni meleilei me, ‘Iei ahi sounpadahk en peneineiko mwo, ahpw ira pehm me e sohte wia ansou mwahu en wia ara kasukuhl.’”¹

Riei ohloko, kitail song kasawi mahs pwukoahn prihsduhd me kawehwehdier me “iei ih keieun elen sawas sang Mwomwohdiso” ong toweh kan oh peneinei kan.² Tuhkehn nan wel akan paldier pwehn wiahda doaroapwe me pahn koasoanehdi oh pil pwurehng koasoanehdi pwukoah wet. Kapahrek kid kei wiawiher pwehn utungada oh kangoange pwukoahn padahk en peneinei. Ni mehel sohte aramas semen men de kemwekid ehu kak wiahng aramas emen en ahnikihdi pepehm en pwukoahkihdi mehkot iou me pahn duwehte pwukoahn padahk en peneinei kak (wiahng uhk). Ahpw lel met kitail saikinte patowanda uwen sawas me sapwellimen Kauno koasoned me kin apwalihki Mwomwohdisou ansou koaros”³ sang ni pwukoahn prihsduhd en padahk en peneinei.

Kisehn kahpwal me kitail sohpai iei wekpeseng en irail tohn Mwomwohdiso kan. Kitail ese me towehkan ansou wet ieiang ward oh branch me tohto sang 30,000, me pato nan wehi laud oh wehi tikitik kan pahn mihmi ni wen meh 188, iei met me kahrehda e apwalehng kitail en pas nan peneinei en riatail ohl oh lih akan sang ni ansou me Mwomwohdiso wet kokouda ni ansou me tohn ehu ehu wasa kin kak kasukuhlpene nan pwungarail, me kin kahdaneki “padahk en nan pwungen ahl inen riau.”

Iei me pil patehng, wasa tohto nan Mwomwohdiso kokokol prihsduhd malaulau pwehn kak wia kasukuhl en peneinei, likin irail akan me kak sewesehda wen peneinei 18 de 20 —de tohtohsang—pwehn apwaliala. E pil kin mie kahpwal en seilok en wasa doh kan, pweilaud en kahs, oh sou itar en mehn peidaid, oh wen ereihn rahn oh wihk en doadoahk me emenemen kin doadoahngki pwehn apwalihki mahs peihn ah peneinei. Pateng mepwukat iei tiahk en ekei wasa me keinapwi pwarek en ni ihmw me ke sohte lukehng oh keper en ekei wasahn kouson kan nan sampa—met kitail tepier kilang wen apwal en kahpwal wet.

Riei ohloko, Mwomwohdiso kin utung ni atail wia wen atail kak nan irair de wasa me kasukuhl en peneinei kin kak wiawi pak ehu nan ehu sounpwong rehn ehu ehu peneinei. Ahpw nan wasa tohto nan sampa uwen kasukuhl wet sohte kin kak wiawi oh pweida kahrehda irail me sohte kak lel uweo kin medemedewe me arail doadoahk sohte mwahu ma kitail peki irail en wia dahme sohte kin kak pweida, kahrehda Presidensi Keieu ntinglahngehr kaun en prihsduhd kan en Mwomwohdiso nan Tihsempe 2001 oh kiheng irailehr irehn sawas pwukat: “Mie wasa kei nan Mwomwohdiso, me kasukuhl en peneinei ong peneinei koaros nan sounpwong koaros kin sohte kak wiawi pwehki sou itar en prihsduhd kan me wie doadoahk oh pwehki kahpwal teikan. Se kasalehdahr ekei irail. “Ni ansou me irair pwukat kin pwarada,” irail kin kohkohweite, “kaun kan anahne wia uwen arail kak koaros oh doadoahngki dahme mie rehrail pwehn sewesehki towehkan.”⁴

Riei ohloko, ma I kin sohpai soangen kahpwal pwukat nan ahi wardo de brancho, ngehi oh iengei Prihsduhd en Aronik kan kin idawehn kaweid en Presidensi Keieuo (me wialahr kisehn koasondi en doadoahk nan pwuken kaweihd) ni soangen mwoahmw wet. Keieu, mendahte uwen reirei en eh kak pweida, se kin idawehn kaweid en pwuhk sarawi “en pas ni imwen peneinei koaros,”⁵ koasonehdi nan kalander aht ansoun tuhpene ni uwen aht kak. Kapatahieng sketuwelo iei koasonehdi sen tuong irail kan me keieu anahnei kit—irail me saikinte towehla Mwomwohdiso me misineri kan kin kaskasukuhli, me apwtehn pepdaisla, irail me soumwahu kan, me kelkelehpw kan, me solahr iang sarawi, pahpa de nohno kiripw me neirail serihkan mihmihte nimwarail kan, oh mehteikan.

Ni aht ideidawehn aht koasondihn pwarek oh kasukuhlih koaros peneinei kan, me kin kak reireiki sounpwong kei pwehn kanekehda, se pil kin doadoahngki soangen wiepe teikan me Kauno ketin kapikadahr nan mwehi wet pwe sen kak tuong irail kan me se kin pas rehrail. Mehlel se kin tetehk aht peneinei kan ni ihmw sarawio oh, nin duwen me pwuhk sarawi mahsani, kin “koasoi ong irail me pid iren arail mour kan.”⁶ Se pil kin eker irail nan delepwohn, kadar email oh mehnkair teikan, de pil kadar doropwehn rahnmwahu kan oh wiepe tohto teikan me kin kak dierek nan wasahn tuhpene kan nan internet. Pwehn sewese anahn teikan, se pil kak kadar ehu lepin kahs, de kisehn ehu padahk nan kapokon lap de Mormon Message me kin dierek nan LDS.org. Ihme mie nan kair me Presidensi Keieu wiadahro, kitail pahn wia uwen atail kak wia nan irair kan oh doadoahngki dahme miehier rehtail.

Riei ohloko, I peki rehmwail pwongpwong wet kumwail en kadaiala amwail pwukoahn kasukuhl en peneinei. Menlau, ni koasondi kapw kan ni amwail pahn wia weliepen Kauno ong Sapwellime serihkan. Met wehwehki dehr pwurupwurur mwahl, limeidihdki koasondi kan me rasehng Kosoned en Moses, pwururiki amw pahn kiengete peneinei kan me ke pas reh padahk sang rehn emen aramas tohrohr en nan makesihn en Mwomwohdiso me irail wadekehr pwe ken kanekehlahte sounpwongo. Se koapworopworiki me kumwail pahn koasonehdi ehu irair en doadoahngki rongamwahu wet pwehn kaweid towehkan, tetehk oh sewese irail ni wiepe mwau kan, me pahn pid anahn en palingenirail oh paliwererail ni wiepe me kak sawas.

Now, as for what “counts” as home teaching, every good thing you do “counts,” so report it all! Indeed, the report that matters most is how you have blessed and cared for those within your stewardship, which has virtually nothing to do with a specific calendar or a particular location. What matters is that you love your people and are fulfilling the commandment “to watch over the church always.”⁷

Ni Mei 30 en sounpar nekiero, kempoakepahi Troy Russell wawai kohiei sang nimweu pohn were pikapo pwehn wahla dipwisou kei me e sawas kihong Deseret Industries. E kehn me nah daiahn mwurio tangada pohn mehkot ehu. E medewehiong me mwein mie mehkot pwupwdihsang mwurin sidohsau, ih eri doudi oh diar na pwutak kesempwal sounpar duwau, Austen, wonohn wekdekdi nan pwehlo. Weriwer kan, kapai en prihsduhd, irail kan me kin kihda sawas karuaru ong ansou en kahpwal akan, oh tohn doadoak en imwen wini kan—irail me iang mih mwo solahr sawas me irail kak wia pwehn apwaliala kahpwal wet. Austen kapelsalehdalahr.

Sohte kak meir, sohte kak diar meleilei, Troy solahr kak nsenamwahula. E nda me wen insensued me e ahniki e solahr kakehng oh e solahr men wie momourki. Ahpw nan eilepen eh wie insensued, soahng silu wiawi.

Keieu, iei limpoak oh ngehn en Samatail Nanleng, ehu kaudiahl me pwaradahsang Ngehn Sarawio me kansenamwahuwiala Troy, padahk kih, poakehng, oh mwengininginkiheng me Koht ketin mwahngi mehkoaros me pid kapelsalehdalahn Ieros lingan oh unseko. Keriau sang ah pwoud Deedra, me pwolehdi Troy poakohng ih oh katamanehng ih me e pil iang nainiki Austen oh e sohte pwungki ah pwoudo en pil kohkohla. Kesilu nan soai wet iei John Manning, sounpadahk en peneinei kaselelo.

I sehse ansou da me John oh iengeu kin pas ni imwen Russell ko, de soangen padahk da me ira kin wia ni ara lel mwo, de ia mwomwen ara kin pakairki dahme ira wia. Dahme I ese me ni ansouo Brother Manning pengdi oh pwekada Troy Russell sang nan kahpwalo duwehte en Troy eh pwekada kisin Austen. Duwehte eh wia sounpadahk en peneinei men de silepe men de kempoakepah men nan rongamwahuo e konehng en wia, John alehda epwel pen prihsduhd, oh apwalihki Troy Russel. E tepda ni eh nda, “Troy, Austen mwauki ken pousehla mour me ke anihki ansou wet—iangahki nan wasahn paskedo—pwe I pahn kin lel me minit 15 daulih kuloak 5 ni menseng koaros. Onopada pwe I sohte men kapiruhkada—oh I eseme Deedra pil sohte men I en iang wia soahngo.”

Mwurin mwo Troy ahpw indahieng ie, “I sohte men kohla mwo,pwe I kin kalapw wa Austen kohla mwo nimenseng kan oh I ese me I pahn medekila ni ei pahn kin tamanda. Ahpw John ngidingidki, ngehi eri kohla. Sang ni tepin rahno kohdo, se koasoi—de ngehi me lokaia—oh John kin rong. I wie koaskoasoi lao se lel ni imwen sarawio oh pwuredo ni ihmwo. Ekei ansou I kin koaskoasoi ansou me se wie peipei oh kilekilang en ketipino eh kin dakada pohn Las Vegas. Ni tapio eme apwal, ahpw mwurihsang I diarada me I kehlaildahr sang ni ahi kin ieiang soun pasked men me piht 6 inses 2 (1.88 m) sang Mwomwohdiso me wawai oh sehse lus, me poakepoke ie oh kin wie rongorong ie lao ketipino pwurehng dakerada ahi mour.”⁸

Riei ohl en prihsduhd sarawih kan, ni atail kin koasoia kasukuhl en peneinei de sewesewese de kalohk en prihsduhd de mour en tohnpadahk en Souleng—de soangen ahd me ke men kadaniki—iei met me kitail koasokoasoia. Se peki rehmwail ni amwail wia sounpadahk en peneinei kei en wia weliepen Koht kei ong tohn Sapwellime serihkan, pwehn poakohng, nsenohki oh kapakapki aramas akan duwehte aht kin poakehng, nsenohki oh kapakapkin kumwail. Kumwail en kin ngongki apwalih seri en Koht kan ni mwoahmw kan me duwehte pein amwail. I kapakapki, ni mwarehn Silepen Sihpw Mwahuo ong kitail koaros, me I wia sounkadehdehpe iei Kauno Sises Krais, amen.