N̄an Eddōkļo̧k im Ekkatak eo ad ilo Jetōb

Ke ikar juon ļaddik jidikdik, jinō im jema rekar bōk juon mennin letok eo ekar katioklimo eō im David ļaddik eo jatū. Menin letok in ekar juon men edik jekjekin wōt gold pileej ko Rikanaan Josep Smith ekar bōke jān enjeļ Moronai. Ilo aō keememej, pileej kein ekar wōr 10 ak pileej ko ewōr jeje ioer. Ijoko, pileej kein rekar jab men ko rekar kaitoklimoim.

Kōm̧ kar rūttoļo̧k ron̄jake bwebwenato in Jepļaaktok eo. Kōm̧ kar jeļā im kar al kake ilo Būraimere kōn pileej gold kein kar ņoji iturin juon toļ im kar liļo̧k n̄an Josep Smith jān juon enjeļ.¹ Ke itoklimo eo am̧ro ekar ļapļo̧k, ekar wōr juon men kōm̧ro ekar lukkuun kōņaan loe: ta ko rekar jeje ilo jākjen jidikdik eo ioon pileej ko emōj liāpi ippān ruo aaen ko reddik?

Pileej kein rekar pād ilo jem̧ļo̧kin tebōļ eo ium̧win jejjo raan ko m̧okta jān am̧ kar itoklimo in kōjerbali. Men̄e kōm̧ kar lukkuun meļeļe bwe men kein rekar jab m̧ool in pileej ko Moronai ekar litok, kōm̧ kar kōņaan loe ijo me emōj liāpe. Ilo jejjo iien ko, kōm̧ro ļaddik eo jatū kar kajjieon̄ kōjerbal bakbōkin bōta ko, jibuun ko rem̧o̧r, im jabdewōt men kōm̧ro maron̄ kōjerbale n̄an kōjere m̧wen̄an eo emōj liāpe ilo pileej ko bwe kōm̧ro en lo ta ko ie—ak ejjeļo̧k juon men emaron̄ kōjer teeb ko reddik. Ekar bwe am̧ro mālōtlōt bwe kōm̧ro en jab likūt jabdewōt jenok in ta eo kōm̧ro kar kōm̧m̧ane n̄an kaļok kōņaan eo am̧ro. Jān illu im inepata eo am̧ro, kajjieon̄ kein n̄an “kōjar pileej ko” aolep iien rekar jab tōprak.

N̄an kiiō ijjab jeļā ta—eļan̄n̄e—ekar wōr jabdewōt men rekar pād ium̧win m̧ōttan eo emōj liāpe. Ak ijo ekajookok ilo bwebwenato in am̧ro n̄an rainin, ikar jab jeļā ta eo ekar jeje ilo m̧ōttan eo ilo pileej ko kar aikuj in riiti. Imaron̄ wōt pijaiki peij kein epād bwebwenato in Jepļaaktok eo im naan in kam̧ool ko an Josep Smith im Rikam̧ool ro Jilu, ro rekar m̧ool in loe pileej ko Moronai ekar litok.

Jān Kōm̧anm̧an eo an laļ in, Jemed Ilan̄ eo ej iakwe kōj ekar letok n̄an kōj tōl, ritōl, im kōmeļeļe ko n̄an ajri ro Nejin kōn rikanaan ro. Naan ko An rekar lilaļtak n̄an rikanaan ro im kar kōjparoki āinwōt jeje ko rekwojarjar n̄an eddōkļo̧k im ekkatak eo ad. Nipai ej kōmeļeļeik menin ilo wāween in:

“Bwe aō ej lan̄lōn̄ ilo jeje ko rekwōjarjar, im buruō ej koļmānļo̧kijeņ kaki, im jei n̄an katakin im em̧m̧anļo̧k eo an ro nejū.

“Lo, aō ej lan̄lōn̄ ilo men ko an Irooj; im buruō ejjab jem̧ļo̧k an lin̄ōri men kein ko iaar loi im ron̄.”²

Ilo kakkobaba, ilo epepen ko rej m̧ootļo̧k im ilo epepen in āliktata an tarlep in tōre kein, membōr ro rereeo an Kabun̄ eo an Irooj rekar jeraam̧m̧an kōn jem̧jerā eo an Jetōb Kwojarjar eo, eo ej jipan̄ ilo eddōkļo̧k im ekkatak eo ad.

Kōnke ļaddik eo jatū edikļo̧k ej juon armej emālōtlōt, ij ļōmņak ej bwe ej riiti aolep naan ko kar je ioon pileej ko ilo m̧weo imōn jinem̧ im jemem̧. Ijoke, ikar meļo̧kļo̧k m̧ool kein reļam waan im aiboojoj im ijjelo̧kin aō kōjerbal aolep aō kajoor pukōt men ko rekar jab aikuj in waļo̧k.

Kabūrom̧ōjm̧ōj, eddōkļo̧k eo im ekkatak eo ad emaron̄ in ilo jet iien rum̧wij ak bōjrak kōn wōt juon ikdeleel eo ejjab ekkar in “kōjar pileej ko.” Makūtkūt kein remaron̄ kōm̧m̧an bwe jen pukōt men ko rejjab menin aikuj bwe jen meļeļe kaki ilo juon tōre, ilo ejja iien wōt jej kōjekdo̧o̧n m̧ool ko raiboojoj me rekar ekkar bwe ren waļo̧k n̄an kōj im jekjek ko jepād ie—m̧ool ko Nipai ej kōmeļeļeiki rekar jeje n̄an ad ekkatak im em̧m̧anļo̧k eo ad.

Jekab ļaddik eo jatin Nipai ekar katakin: “Lo, reļļap im kabwilōn̄lōn̄ jerbal ko an Irooj. Ewi jon̄an an pen turin m̧wilaļ in men ko rettino An; im armej rej jab maron̄ jeļā aolep iaļ ko An.”³

Naan ko an Jekab rej katakin kōj bwe jejjab maron̄ “kōjar pileej ko” ak kipel men ko rettino an Anij bwe ren waļo̧k n̄an kōj. Ijjelo̧kin, men ko rettiņo̧ an Anij rej waļo̧ktok n̄an kōj ekkar wōt n̄an Ankilaan im jān kajoor eo an Jetōb Kwōjarjar.⁴

Jekab ej wōnm̗aanļo̧k wōt:

“Im ejjeļo̧k juon ejeļā kōn iaļ ko An n̄e jab kwaļo̧ke n̄an e; kōn menin, jeiū im jatū, eļļo̧k jab jān revelesōn ko an Anij.

“Bwe lo, jān kajoor in An innaan armej eaar itok imejān laļ. … O innām, etke jab maron̄ jiron̄ laļ, ak eļtan Pein ioon mejān, ekkar n̄an ankilaan im An kōņaan?

“Kōn menin, ro jeiū im jatū, pukot jaab n̄an kapilōk Irooj, ak n̄an bōk kapilōk jān Pein.”⁵

Bwe jen meļeļe men ko rettino an Anij, ak men ko me jemaron̄ meļeļe itok wōt jān revelesōn, jej aikuj ļoor waanjon̄ak eo an Nipai, eo ekar ba “āinwōt ke iaar inono otem inono, mekarta n̄a iaar ļap ilo ānbwin, im barāinwōt ļap aō ikdeelel n̄an jeļā kōn men ko rettino an Anij, kōn menin, iaar kūr n̄an Irooj; im lo Eaar lotok eō; im Eaar kōm̧m̧an bwe buruō en bārōk bwe in maron̄ tōmak naan ko jema eaar kōnono.”⁶ Irooj Make eaar kōnono bwe Nipai, kōn tōmak eo am̧, bwe kwaar pukot Eō ilo tiljek, kōn bōro eo ettā im kōjparok kien ko Aō.⁷

Waanjon̄ak eo an Nipai ilo pukōt jeļāļo̧kjeņ ekoba (1) juon ikdeleel em̧ool, (2) ettā bōro, (3) jar, (4) lōke ilo rikanaan eo, im kōjerbal (5) tōmak, (6) tiljek, im (7) pokake. Wāween kappok in eļap oktak ie n̄an aō kajjieon̄ “kōjar pileej ko” ak kajjieon̄ kipel n̄an meļeļe juon men ejjab ekkar bwen waļo̧k ekkar n̄an iien eo Irooj ekar karōke im jān kajoor eo an Jetōb Kwojarjar.

Ilo tōre kein, jej kōtmāne bwe jeļāļo̧kjeņ in emaron̄ im eaikuj itok n̄an kōj iien eo emōkajtata; n̄e meļeļe eo pidodo jeļā kake ak tōpare, ekkā wōt kōwaane ak kajejtokjen. Kōnke ļap in meļeļe ko, jet rejjab jeļā ak releļo̧k kōnke rej ļōmņak jipan̄ ko relōke er ak rejjab jeļā kake er ijjelo̧kin aer pedped wōt ilo jon̄ak ko an Irooj n̄an bōk revelesōn ko aer make. Jekab emaron̄ kar kōmeļeļeik tōre kein ad ke ekar ba: “A lo, [er] ro raar juon armej kijn̄en̄e kōnwaer; im raar dike naan ko realikkar, im kar m̧an rikanaan ro, im kappukot men ko raar jab maron̄ meļeļe. Kōn menin, kōn pilo eo aer, pilo eo eaar itok jān reilo̧k jān kakōļļe eo, rej aikuj wōtlo̧k; bwe Anij Eaar bōkļo̧k alikkar eo An jān er, im bōkļo̧k n̄an er elōn̄ men ko rejjab maron̄ meļeļe, kōnke raar kōņaan e.”⁸

Ilo keidi n̄an kōkpilōklōk in an Būreejtōn Dieter F. Uchtdorf. Ekar kōnono kōn mijenede ro, ak naan ko an rej lukkuun iookļo̧k aolep ro rej pukōt m̧ool eo ilo jetōb. “N̄e … mijenede ro ewōr aer tōmak ilo Jisōs Kraist,” ekar ba, “er renaaj lōke Irooj im ļoor kien ko An—mekarta rejjab lukkuun meļeļe un ko n̄an er. Tōmak eo aer enaaj waļo̧k jān tiljek im jān jerbal.”⁹

Ilo kar kweilo̧k eo eļap Eprōļ eo ļo̧k, Elder Dallin H. Oaks ekar kōmeļeļeiki: “Kabun̄ in ej kōm̧m̧ane kijejeto ko reļļap n̄an kōpeļļo̧k ļo̧o̧k ko ewōr ippād, bōtaab ālkin aolep men ko jemaron̄ kwaļo̧ki, membōr ro ad rej jet iien ilo̧k kōn kajjitōk ko reļam waan me rejjab maron̄ ņa mejļan kōn ekkatak. … Jet men jemaron̄ katak kaki jān wōt tōmak.”¹⁰

Rikanaan ro etto rekar katakin ejja pedped in katak in wōt, kōmeļeļeiki bwe ium̧win elōn̄ iiō piktokin armej ejjan̄in kar oktak im bwe jon̄ak eo an Irooj kōn ekkatak ejjeļo̧k jem̧ļo̧kin. Ļōmņak kōn jabōn kōņaan in ilo Kallim̧ur Mokta: “Kwōn lōke Irooj kōn aolepān būruom̧, im kwōn jab atartar ioon jeļāļo̧kjeņ eo am̧.”¹¹

Aiseia ekar kōmeļeļeiki, “Bwe āinwōt lan̄ ko re utiej jān laļ, āindein iaļ ko ami, im ļōmņak ko Aō jān ļōmņak ko ami.”¹²

Nipai ekar kobaiktok bar juon kam̧ool ke ekar kwaļo̧k, “O Irooj, iaar likūt aō lōke ilo Kwe, im inaaj lōke Kwe indeeo.”¹³

Tōmak im lōke ilo Irooj eaikuj ad kile bwe malōtlōt eo An eļapļo̧k jān kōj. Jej aikuj kile bwe karōk in An ej letok jibadbad ko reļļap im em̧m̧an n̄an eddōkļo̧k ilo jetōb im ekkatak.

Ejjeļo̧k kar ad kōtmāne “n̄an bōk juon [meļeļe] eweeppān kōn jabdewōt men” ilo mour in kanniōk in. Ijjelo̧kin, ekar wōr ippād kōtmāne bwe “tōmak ej n̄an kōjatdikdik kōn men ko jab loe ak ko rej m̧ool.”¹⁴

Mekarta Nipai ekar ļap an tōmak, ekar kile likjab im jab meļeļe eo an ke ekar uwaake enjeļ ro kōn wōn eo ekar kajjitōk ippān, “Kwojeļā ke ettā eo an Anij? Nipai ekar uwaak, “Ijeļā bwe E ej iakwe aolep ro nejin; ijo wōt ke, ijjab jeļā meļeļein aolep men.”¹⁵

Ejjeļo̧k oktak, Alma ekar kwaļo̧k menin n̄an Hilamōn ļaddik eo nejin, “Kiiō men kein rettino̧ rejjab aolep kar kwaļo̧k n̄an eō; kōn menin inaaj bōjrak.”¹⁶

Ij kwaļo̧k aō kam̧ool bwe Jemed Ilan̄ ej iakwe ajri ro nejin, im kiiō, āinwōt Nipai im Alma, ijjab jeļā meļeļein men otemjej. Barāinwōt aikuj in jeļā men otemjej barāinwōt inaaj bōjrak im inaaj kōttare wōt Irooj, jeļā “Ippa ewōr men otemjeļo̧k āinwōt juon kam̧ool ke men kein rem̧ool; im barāinwōt ewōr ippam̧ men otemjeļo̧k āinwōt juon kam̧ool n̄an eok bwe rem̧ool. …

“… Jeje ko rekwōjarjar repād im̧aam̧, aaet, im men otemjeļo̧k rej kam̧ool ewōr juon Anij; aaet, em̧ool laļ in, im aolep men otemjeļo̧k ioon mejān, aaet, im an m̧akūtkūt, aaet, im barāinwōt aolep planet rej em̧m̧akūt ilo iaļ ko karōki rej kam̧ool bwe ewōr juon Rikōm̧anm̧an Ekajoor Bōtata.”¹⁷

Ilo ad kwaļo̧k bwe jej kōm̧anm̧an ko an juon Jemed Ilan̄ eo emālōtlōt im ewūjlepļo̧k, “O innām, etke jab maron̄ jiron̄ laļ, ak eļtan Pein ioon mejān, ekkar n̄an ankilaan im An kōņaan?¹⁸

E ej mour. Jisōs Kraist ej Nejin Wōt Eaar Keotak im Jitōnbōro Nejin im Ripinmuur eo an armej. Kōnke Pinmuur eo eļap an Kraist, Ewōr ippān mālōtlōt im maron̄ n̄an kajim̧we n̄an tōl kōj ilo raan kein āliktata. Josep Smith ej rikanaan eo An, kar kālet e n̄an kōjepļaaktok aelōn̄ in kiin̄ eo An ioon laļ in ilo tarlep in. Thomas S. Monson ej rikanaan eo An emour im ej kōnono rainin. Jān menin ij kwaļo̧k kam̧ool eo aō ilo etan Jisōs Kraist, amen.