2010-2019
Chauthi Manzil, Aakhri Darvaaza
October 2016


Chauthi Manzil, Aakhri Darvaaza

Parmeshwar “Apne khojne waale ko prathifal deta hai,” to hamein khatkhatate rehna chahiye. Bahano, haar math maniye. Parmeshwar ko apne pure dil se dhundo.

Mere priye bahano, priye saheliyon, hum kitne abhaari hai is vishwavyapi sammelan mein ikattha hone ke liye hamare priye bhavishyevakta aur Pradhaan, Thomas S. Monson ke nirdeshan aur aguwaai mein, Pradhaan aapse prem aur samarthan karte hai! Hum jaante hai aap Girja ke bahano se prem karte hai.

Mujhe Maha Sammelan ke is ati-uttam sabha me bhaag lena bahut pasand hai jo Girja ke bahano ke liye rakkha gaya hai.

Bahano, jab mai tumhe dekhta hoon, mai apne aap ko rok nahi saktha un mahilaaon ke baare me sochthe hue jo mere jeewan mein prabhaavshaali rahi hain: meri nani aur maa, jo pehli thi Girja ko jaanchne ka nimantran swikaar karne ke liye.1Wahan meri pyaari pathni, Harriet hai, jisse mujhe pahali nazar se pyaar ho gaya. Wahan hai Harriet ki maa, jo apne pati ke Cancer se marne ki kuch hi samay baad Girja ka sadasya bani. Phir meri bahan, meri beti, meri poti, aur meri par poti—yeh sabhi log parishkaran taur se prabhaavshaali rahein hain. Yeh sach much mere jeewan mein khushyaali laati hain. Woh mujhe prerit karti hai ek behtar aadmi banne mein aur ek dil ko chu lene waala Girja neta. Unke bina meri zindagi kitni alag hoti!

Shaayad yeh jaanna mujhe vineet karta hai ki yahi prabhaav Girja mein laakho baar dohraya jaata hai aap vishwaaskaari behano ki kabiliyat, gunn, gyaan aur gawahi dwara.

Aap mein se kuch, shayad is tareef ke yogya nahi mehsoos karengi. Aap shayad sochengi ki aap bahut maamuli hain kisi par prbhaavshaali hone ke liye. Shayad aap apne aap ko ek “vishwaaskaari naari” nahi maanthi kyonki aap kabhi kabhi darr aur shakk ka shikaar hoti hain.

Aaj, main aap se baath karna chahunga jinhone kabhi aisa mehsoos kiya hoga—aur isme shayad hum sabhi kabhi na kabhi shaamil the. Meri ikcha hai vishwaas par baate karne ki—wah kya hai, wah kya kar saktha yah nahi kar saktha hai, aur hume kya karna chahiye apne jeewan mein vishwaas ke taqat ko kriyashaali banane ke liye.

Vishwaas Kya Hai

Vishwaas jis cheez ko hum maanthe hain uspar pakka yakeen hai—ek ithna pakka yakeen ki wah hume woh karne ki taqat deta hai jo hum kabhi nahi karthe. “Ab vishwaas ashaa ki hui vasthuwo ka nischay aur undekhi vasthuwo ka pramaan hai.” 2

Jab ki yah vishwaaskari logon ko samajh atha hai, avishwaaskariyon ke liye yah pechida hai. Weh apna sar hila kar puchte hai, “Koi undekhi cheez ko lekar ithna pakka vishwaas kaise rakh saktha hai?” Unke liye yeh dharam ki avivektha ka sabuth hai.

Weh yeh samajhne me asafal hai ki aankho ke elawaa aur kai tareekho se dekha ja saktha hai, haatho ke elawaa kai aur tareeko se mehsoos kiya ja sakta hai, kaano ke elawaa kai aur tareeko se suna ja sakta hai.

Yeh kuch us jawaan ladki ki anubhav ki tarah hai jo apni daadi ke saath saer par thi. Chidiyon ke geet is ladki ke liye suhaana tha, aur woh har awaaz apni daadi ko ishare se dikhati.

“Kya tum sun sakti ho?”us choti ladki ne baar baar pucha. Par uski daadi thodi bahari thi aur awaaz sunn na saki.

Anth me, daadi ne ghutno ke bal ho kar kaha, “Mujhe maaf karna beti. Daadi acchi tarah sunn nahi sakti.”

Uthejith ho kar, choti ladki ne apni daadi ke chahare ko apne haath se pakad kar, gaur se unki aankho me ankh daalthe hue kaha, “Daadi, acchi tarah se sunno!”

Is kahani me abhyaas hai dono vishwaaskari aur avishwaaskaari ke liye. Sirf is liye ki hume kuch sunai nahi deta iska matlab yah nahi ki waha sunne ke liye kuch bhi nahi hai. Do log ek hi sandesh ko sun yah pad sakte hain, yah ek hi dharamshstra ko padh sakte hain, aur ek ko Prabhu ki Aatma ki gawahi mehsoos hogi, aur dusre ko nahi.

Dusri or, humari koshis apne priyejano ko Pavitra Atma, aur Ishu Maseeh ke anekh, anant Susmachaar ki khubsuarti ko anubhav karne ka prayaas mein, unse yah kehna “acchi tarah se sunno” shayad bahut laabdayak tarkeeb na ho.

Shayad acchi salah—sabhi ke liye jo vishwaas badhaane chahate ho—anokhitarah sunna hai. Devdut Paul ne hume purothsahith kiya hai ki hum us awaaz ko dhunde jo humari aatma se baate karti hai, naaki sirf humari kaano se. Unhone sikhlaya, “Paranthu sharirik manushya Parmeshwar ke aathma ki baathe grahan nahi kartha, kyonki weh unki drishti me muraktha ki baathe hain, aur nah wah unhe jaan saktha hai kyonki un ki jaanch aathmik rithi se hotha hai.” 3 Ya shaayad hum Sant-Exupéry’s Little Prince ke shabdon ko yaad karein, jisne kaha: “Ek vyakti spasht rup se sirf dil se dekhta hai. Aur kuch avashyak aankhon ko nahin dikhta.”4

Vishwaas ki Taqat aur Paabandiyaan

Kabhi kabhi is prakrithi duniya me rahathe hue aathmik cheezo par vishwaas ayojith karna asaan nahi hai. Par yeh koshis yogya hai kyonki humare jeewan me vishwaas ki taqat gahari hogi. Dharamshastra hume sikhlati hai ki vishwaas dwara is jagat ki prakrithi hui thi, paani ko hataya gaya, murdo ko jeewith kiya, aur nadiyon aur pahado ko apni jagah se hataya gaya. 5

Phir bhi kuch log puchenge, “Agar vishwaas ithna taqatwar hai, tho kyon main apne dilbhare prathna ka jawaab nahi paa raha? Mujhe samudra ko alag yah pahado ko hattha nahi dekhna. Mai sirf chahatha hoon ki meri bimari door ho jaye, yah mere mata pitah ek dusre ko maaf kar de, yah mera nirantart jeewan saathi mere darvaaze par ek haath me phulo ka guldastha liye hue aur dusri me sagai ki anguthi liye aa jaaye. Mera vishwaas yeh kyon nahi haasil kar sakta hai?”

Vishwaas, taqatwar haiaur aksar chamatkaar me prabhavith ho jaata hai. Par chahe humare paas kitna bhi vishwaas na ho, do cheeze hai jo vishwaas nahi kar sakti hai. Pahala, wah kisi aur ke chunao ka ulangan nahi kar sakti.

Ek aurat ne kayi saalo tak prathna ki, ki unki bigdi beti Maseeh ke raaste par laut aaye aur niraash ho gayi ki unki prathna unsuni reh gayi. Unhe takleef hoti thi is baat ko jaan kar ki aur bigde hue bacche paschyataap kar chuke the.

Isme kam prathna yah vishwaas ki samasya nahi thi. Use yeh hi samajhna tha ki, humare Pitah Parmeshwar ke liye kithne peeda ka kaam hai, par weh kisi ko bhi sacchai ke raaste ko chunne ke liye dabaav nahi dalenge. Parmeshwar ne Apne hi bachcho ko uska kaha karne ke liye zabardasti nahi ki is jiwan se pehle. Kitna kam Woh hum par zabardasti karega jab hum is maransheel jiwan se guzar rahe hai?

Parmeshwar amanthrith karenge aur manayenge. Parmeshwar bina thakawat ke pyaar aur prerna aur uthejan se hum tak pahuchenge. Par Parmeshwar kabhi jabardasthi nahi karenge—kyonki yeh humare niranthar badhanthi ki yojna ko kokhla kar degi.

Dusri cheez jo vishwaas nahi kar sakti hai woh hai jabarjasthi se humari iccha Parmeshwar par daalna. Hum Parmeshwar par apne iccha jabarjasthi nahi daal sakte—chahe hum pure dil se prathna karein yah yeh soche ki hum sahi hain. Paul ke anubhav par gaur ki jiye—jinho ne apne vyaktigat imtihaan se rahat ki kai baar vinathi ki thi, jise usne “shareer me kaata” kaha tha. Par wah Parmeshwar ki iccha nahi thi. Anth me, Paul ko ahesaas hua ki unka imtihaan ek ashirvaad tha, aur unhone Parmeshwar ko dhanyevaad diya ki Unhone unki prathna ka jawaab nahi diya jis tarak wah chahata tha. 6

Bharosa aur Vishwaas

Nahi, vishwaas ka maksad Parmeshwar ke iccha ko badalnanahi balki hume shakti dena hai jisse hum Parmeshwar ki iccha par amal kar sake. Vishwaas bharosa hai—bharosa ki Parmeshwar ko woh sab dikhta hai jo hume naahi diktha aur yah ki Woh sab jaante hain jo hum nahi jaante. 7 Kabhi kabhi, apne drishti aur vichaar par bharosa karna kafi nahi hota hai.

Jab mai ek vimaanchalak tha aur mujhe badalo yah kuhra me udaan bharna hota tha aur mujhe kuch hi dur dikhai deta tha tab maine is paat ki seekha. Mujhe apne instruments par nirbhar hona padtha tha jo mujhe batlati thi ki mai kaha hoon and aur mujhe kaha jana hai. Mujhe air traffic control ki awaaz ko sunna padtha tha. Mujhe kisi ke margdarshan par amal karna padtha tha jinke paas mujhse behatar jaankaari thi. Koi jise mai dekh nahin sakta par jispar bharosa karna maine seekh liya tha. Koi jo woh dekh sakta tha jo mujhe nahin dikhta tha. Mujhe vishwaas karna padtha tha ki agar mai bharosa karoon usi tarah se jaankaari par amal karoon, to mai apni manzil tak surakchit pahunch jaunga.

Vishwaas ka arth ki hum sirf Parmeshwar ke buddhi par nahi par yeh ki hum Unke Pyaar par bhi bharosa karein. Iska matlab hai bharosa karna ki Parmeshwar hume parishudi se pyaar karthe hain, ki jo kuch bhi Weh karthein hain—sabhi ashis Weh dete hai aur sabhi ashis Weh, thodi samay ke liye, rok dete hai—humari nirantar khusiyaali ke liye hai. 8

Is tarah ke vishwaas se, chahe hum samaj na paye ki kyoon kuch cheeze hoti hain aur kuch prathnao ka jawaab nahi miltha, hum jaan sakte hai ki ant mein  hamein sab samajh me ayega. “Jo log Parmeshwar se prem rakthe hain unke liye sab kaam achcha hi [hoga].” 9

Sab sahi kar diya jayega. Sab theek hoga.

Hum nischinth ho sakte hain ki jawaab milega, aur hum nidarta se jaan sakte hain ki na sirf hum jawaab se sahmath rahenge par hum unke upkaar, daya, udaartha, aur pyaar jo humare Swarg ke Pitah humare liye, Apne baccho ke prathi rakthe hain usse ashcharyechakit ho jayenge.

Khatkhatate Raho

Tab tak, humare paas jo kuch vishwaas hai hum usse chalte rahe, 10apne vishwaas ko badhane ki iccha se. Kabhi kabhi yeh asaan parikcha nahi hoti hai. Jo jo adheer, swathantra, yah laparwah hai ko vishwaas maayavi lagegi. Jo aasaani se haar maan jaate hain yah bahak jaate hain ko yeh anubhav mushkil se hoga. Vinamra, parishrami aur tikau logo ko vishwaas milthi hai.

Yah unhe milthi hai jo vishwaaskaari hone ka mulya chukate hain.

Yeh Sach do jawaan prachaarak ke anubhav se sachitra hota hai jo Europe me sewa kar rahe the, jis chetra mein kam convert baptisma tha. Mere khayaal se shaayad yeh samajhne wali baath thi agar weh sochte ki weh kuch antar nahi la sakte hain.

Par in do prachaarak ke paas vishwaas tha, aur weh is karye mein jute the. pura karne ke liye prerith the. Unka rawaiya tha ki agar koi unke sandesh ko na sune, woh is liye nahi hoga kyonki wah mehnat nahin kiye the.

Ek din unhe aysa laga ki weh eh ek khubsoorat chaar-manzil waale apartment building ke logo se paas jaaye. Unhone pahale manzil se shuru ki aur har darvaaze par Khatkhatate diya, Ishu Maseeh aur Unke Girja ka Punahsthaapna ka sandesh bayaan karthe hue.

Tasveer
Bahan Uchtdorf ka bachpan ka apartment ka imaarat

Pahale manzil par unko koi sunne waala nahi tha.

Unka yeh kahana kitna asaan hota, “Hum ne koshis ki. Ab yahi par ruk jaate hai. Ao chale aur kisi aur building par koshish karein.”

Par in do prachaarakon ke paas vishwaas tha aur woh kaam karna chahate the, aur isiliye unhone dusre manzil ke sabhi darvazo par khatkhataya.

Ek baar phir, koi sunne waala nahi tha.

Teesra manzil bhi waisa hi tha. Aur chautha bhi—jab tak, unhone chauthi manzil ke akhri darvaaze par nahin khatkhataya.

Jab wah darvaaza khula, ek jawaan ladki ne unhe dekh muskaraate hue kaha taharo taaki wah apni maa se puch sake.

Uski maa sirf 36 saal ki thi, ne haal hi me apne pati ko kho diya tha, aur Mormon prachaarako se baathe karne ki mizaas me nahi thi. Isliye usne apne beti se kaha ki unhe jaane ko kahe.

Par wah beti unse minnathe karne lagi. Yeh jawaan purush bahut acche hai, usne kaha. Aur inhe kuch hi pal lagega.

Tab, jijagthe hue, maa maan gayi. Prachaarako ne apna sandesh sunaya aur maa ko ek kitaab diya—Mormon ki Pustak.

Unke jaane ke baad, maa ne nirnay liya ki wah usme se kuch panno ko zaroor padhegi.

Kuch hi din me usne pure kitaab ko pad daala.

Tasveer
Bahan Uchtdorf ka parivaar prachaarakon ke saath

Uske kuch hi samay baad, yeh sundar ek-maa/baap waala parivaar baptisma ke paani mein daakhil huwe.

Jab is chote se parivaar ne Frankfurt, Germany me apne sthaanye ward me bhaag liya, ek jawaan deacon ne un me se ladki ki khubsurati dekhi aur apne mann me socha, “Yeh prachaarak behtareen kaam kar rahe hain!”

Us jawaan deacon ka naam Dieter Uchtdorf tha. Aur wah akarshak jawaan mahila—jisne apni maa se prachaarako ko sunne ki minnathe ki thi—ka sundar naam Harriet hai. Jinse woh milte hai woh sab use pasand karte hai jab woh mere saath yaatra karti hai. Usne kayi logon ke jiwan mein ashish laaya hai susamachaar ke prati apne pyaar se aur apne akarshak vyaktitva se. Woh sach me mere jiwan ki khushiyaali hai.

Tasveer
Bahan Uchtdorf Norway mein bhaashan deti hui

Kithni baar maine dil se un do prachaarko ko dhanyevaad diya ki pahali manzil ke baad ruke nahi! Kithni baar mera dil unhe dhanyevaad deta hai unke vishwaas aur kaam ke liye. Kithni baar maine dhanyevaad diya ki woh aage badhte gaye—chauthi manzil ke, aakhri darvaaze tak.

Wah Tumhare Liye Khulega

Humare tikau vishwaas ki khoj me, humari Parmeshwar aur Unke lakshye se parichit hone mein, hum Prabhu ke vachan ko yaad rakhe: “Khatkhatao, to tumhare liye khola jayega.” 11

Kya hum ek ya do darvaaza khatkhatane ke baad haar maan jayenge? Ek ya do manzil?

Yah hum dhoondthe rahenge jab tak hum chauthi manzil, aakhri darvaaze tak na phunch jaye?

Parmeshwar “apne khojne waale ko prathifal deta hai,” 12 par wah pratifal hamesha pahale darvaaze ke piche nahi hota hai. To hamein khatkhataate rehna chahiye. Bahano, haar math maniye. Parmeshwar ko apne pure dil se dhundo. Vishwaas aazmaao. Sacchai ke raah par chalo.

Mai vaada karta hoon ki agar aap aysa karengi—chauthe manzil, aakhri darvaaze tak—aap ko wah jawaab milega jo aap dhoond rahe hain. Aap ko vishwaas milega. Aur ek din aap raushni jo badthi hai usse bhar jayengi “unjaala aur unjaala parishud din ki tarah.” 13

Maseeh me meri bahano, Parmeshwar asali hai.

Weh jeewith hain.

Weh aap se prem karta hai.

Weh aap ko jaanthe hain.

Weh aap ko samajthe hain.

Weh aap ke dil ke khamosh vinathiyon ko jaanthe hain. Unho ne aap akela nahi choda hai. Weh aap ko nahi tyaagenge.

Usne tumhe choda nahin hai.

Woh tumhe chodega nahin.

Meri yeh gawahi aur devdut ke rup mein ashirvaad hai aap sab ke liye ki aap is param sach ko tumhara hriday aur mann mehsoos karega. Vishwaas ke saath jiyo, priye saheliyon, priye bahano, aur “Prabhu [hamara] Parmeshwar tumhe hazaar guna [dega] aur jaisa vaada kiya waisa hi ashish dega!” 14

Mai aap ke sang apna vishwaas, apni abhisansa, aur apni pakki aur sthir gawahi deta hoon ki Parmeshwar ka kaarye hai. Humare priye Udhaarkarta ke pavitra naam se, Ishu Maseeh ke naam se, amen.