Te Kakaitau n te Bong ae te Tabati

Tariu ao mwaaneu aika tangiraki ake kam mena ni kabuta te aonaaba n ana Ekaretia Iesu Kristo ibukiia aika Itiaki ni Boong aika Kaitira. I kakaitau ni butiakiu iroun Beretitenti Thomas S. Monson bwa N na taetae n te maungatabu n te Tabati aei. I tataro bwa te Tamnei ae Raoiroi e na uotii au taeka nako nanomi.

N te bong aei I tangiria n taekina au namakin mai inanou. Teuana N na kabanea nanou iaona bon te kakaitau—ai moarara riki iaon te bong ae te Tabati.

Ti namakina te kakaitau ibukin baika mwaiti: ana akoi te ianena, te amwarake ngkana ti baki, te bwaranta ae mwauu ni katan atuura man te angibuaka, te mwaoto n rii are a kamaoaki, ao tangin ni korakai te merimeri ae e a tibwa bungiaki. Angiina ibuakora a na uringnga n namakina te kakaitau n taai n aron akanne.

Ibukiia Aomata aika Itiaki, te Tabati bon te tai, riki te bong, ni kakaitau ao n tangira. Te Uea e tuangiia Aomata aika Itiaki i Jackson County, Missouri, n 1831 bwa aia tataro ao aia kakaitau a riai ni kaineta te Atua. Aomata aika Itiaki ake ngkoa a anganaki kaotioti bwa a na kanga ni kawakina te bong ae te Tabati ao a na kanga n aki mamatam ao n tataro.¹

Ngaiia, ao ngaira, ti tuangaki iroun te Uea bwa ti na kanga n taromauri ao n anga te kakaitau n te Tabati. N aron ae ko kona n nooria, te bwai ae rang kakawaki riki te tangira are ti namakinna ibukiia taan anga bwaintangira. Aikai ana taeka te Uea bwa ti na kanga n anga ara kakaitau ao ti na kanga n tangira te bong ae te Tabati.

E anganiira te tua, ni kangai: Ti na tangira te Uea ae Atuara ma nanora ni kabanea, ma mwaakara ni kabanea, ara iango, ao korakorara; ao n aran Iesu Kristo ti na toro irouna. …

“Ti na kakaitaua te Uea ae Atuara ni bwaai ni kabane.

“Ti na riai n anga karea nakon te Uea Atuara inanon te raoiroi, e ngae ngke n te nano ae uruaki ao te tamnei ae raraoma.²

Ao ngkanne te Uea e waaki nako ni kauring ibukin te kaangaanga ngkana ti kabwaka n aki kaitaua te Tama are i Karawa ao Iesu Kristo ngkai taan anga bwaintangira: “N taekinna bwa akea te bwai ae e na kauna te Atua, ke akea ae e na kaitara unin nanona, ma tii naake a aki kaoti buren baia ni bwaai ni kabane, ao n aki ongeaba n ana tua.”³

Angiina ibuakomi ake a kaman kunea kakukurein te Tabati ngkai te bong n ururing ao n anga te kakaitau nakon te Atua ibukin kakabwaia. Kam uringa te kuna ae kinaaki:

I karekei reeta ao kawarakiu irouia Aomata aika Itiaki aika kakaonimaki ake a katabeaiangaki ni bwain aonteaba. Tabeman a bon uakaan ma anne, tao ae mwaiti ibukiia, a iangoi maunaia ni kabane. Au kantaninga ao au tataro bwa ae N na taekinna ibukin te kakaitau iaon te Tabati e na ibuobuoki ni kaakeai burem ao ni waakina am anene mai nanom.

Teuana te kakabwaia are ti na kakaitau iai bwa ti mena ikekei n te bootaki n toa ni bwanin, n ikotaki ma ae e raka riki nakon temanna ke uoman Ana reirei n Arana. Iai tabeman ake a kan mena n te tabo ake ti mena iai ma oneamwiin anne a mwakuri n te onaoraki ni kawakiniira n anga maiuia inanon te rereua ke n te buakonikai. Te koaua are ti kona ni kaira temanna te Aomata ae Itiaki ao ni butimwaea te toa e na buokiira ni moanna n namakina te kakaitau ao te tangira ibukin ana akoi te Atua.

Ibukin te Burabeti Iotebwa Timiti ao te euangkerio are e kaokaki, teuana riki te kakabwaia are ti kona ni warekia bwa iai ara tai ni butimwaea te toa ni katoa wiiki—ae tauraoi, e kakabwaiaki, ao ni kabutaki irouia ana toro te Atua ake a kariaiakaki. Ti kona ni kakaitau ngkana e kamatoa nakoira te Tamnei ae Tabu bwa taekan te tataro n toa, a atongaki man kariaiakaki mairouia kaain te nakoanibonga aika nanorinano, a karineaki iroun Tamara are i Karawa.

Ibukin ni kabane kakabwaia ake ti wareki, mai buakona ae korakora bon namakinan te kabwarabure are e roko ngkana ti butimwaea te toa. Ti na namakina te tangira ae korakora ao te kakaitau ibukin te Tia Kamaiu, are ana anga karea ae akea tiana e kangaraoi itiakira man te bure. Ngkana ti butimwaea te kariki ao te ran, ti uringnga bwa E korakai ibukira. Ao ngkana ti namakina te kakaitau ibukin te bwai are E a tia ni karaoi ibukira, ti na namakina Ana tangira ibukira ao ara tangira Ibukina.

Kakabwaia ibukin te tangira are ti karekea e na kabebeteira ni kawakin tua n “aki toki n ururingnga.”⁵ Kam na namakina naba ami tangira ao ni kakaitau, n aron ae I karaoia, ibukin te Tamnei ae Tabu, are e berita ibukina te Tama are i Karawa bwa e na memena iroura n taainako ngkana ti teimatoa ni kakaonimaki nakon berita ake ti a tia ni karaoi. Ti kona ni wareki kakabwaia akanne ni kabane ni katoa Tabati ao n namakina te kakaitau.

Te Tabati bon te tai naba ae kororaoi n uring berita ake ti karaoi n te ran ni bwabetito n tangiriia ao ni beku ibukiia natin te Tama are i Karawa. Ni kakoroa nanon te berita anne n te Tabati e na irianaki ma iriiran te kiraati ke n te kooram ma nanomi ni kabane ni katea ami onimaki ma ara tangira ibuakoia tarira ao mwaanera akana ikanne irarikira. E raonaki te berita anne ma te kukurei ni kakoroa nanon weteara.

I kakaitau ibukin mwaitin Tabati are I reirei iai n te kooram n riikan i Bountiful, Utah, n ai aron naba te kiraati n te Reirei n Tabati i Idaho. Ao I uring naba taai ike I beku bwa te tia ibuobuoki nakon buu n te neetiuri, are oin tabeu N na tibwatibwai bwai n takakaro ao n anai ni kaokii.

Inanon ririki imwaain ae I ataia rinanon te Tamnei bwa au ibuobuoki ibukin te Uea ae bebete ae iai manenana ni maiuia natin te Tama are i Karawa. Ni miimiu, tabeman a uring ao ni karabwaai ibukin okiokin te ririki n rikiraken au kekeiaki ni beku ibukin te Mwaatita ni bongin Tabati akanne.

Tii n tabetai ngkai ti aki kona n noori mwiin ara mwakuri n ibuobuoki ake ti anga n te Tabati, ti bae n aki noori rikiraken mwiia ibukiia ana toro te Uea ake tabeman. Ma te Uea e katea abanueana ni karaurau rinanoia Ana toro aika kakaonimaki man nanorinano, ao e kaotia, nakon te botanaomata ni kamimiin tenga n ririki aika a na roko. E kaira te Tamnei ae Tabu bwa e na noora rikiraken mimitongina.

I rikirake n iriirakin te bootaki n toa ni mwaangan New Jersey ae rang uarereke ma tabeman kaain te aro ao teuana te utu, oin au utu Itibwi-ma nimaua te ririki n nako, I bwabetitoaki i Philadelphia n ana umwantabu ae kateaki te Ekaretia ae ti kona ni kawaria i Pennsylvania ke New Jersey. Ma iai teuana te mwaanga ae uarereke i Princeton, New Jersey, iai ngkai uoua uoote aika bubura. Ao tabeua boong aika nako, tenga kairake n aomata a karaoa aia kamataku imwaain bukamaruan Temboran Philadelphia Pennsylvania.

Ngke I ataeinimwaane, I weteaki bwa te mitinare n te mwakoro are ti taromauri iai n te Tabati n umwantabun Albuquerque, New Mexico. N te bong aei iai te tembora ao titeiki aika aua.

I kitana Albuquerque n nako n reirei i Cambridge, Massachusetts. Iai teuana te umwantabu ao te mwakoro are e raababanako riaon Massachusetts ao Rhode Island. I buti iaon taian tabuki n te aba ane tamaroa anne nakon te bootaki n toa ni mwaanga aika uarereke, angiina n auti aika kabooaki ke ni mweenga aika a manga moan kaboouaki. Ngkai iai ana tembora te Atua ae tabu i Belmont, Massachusetts, ao taian titeiki ake a raababanako ni kabuta te aba.

Te bwai are I kona n nooria ae mataata ngkanne bwa te Uea e urakina Tamneina iaoia aomata ni bootaki n toa akana uarereke akanne. I kona n namakinna ma I aki kona n noora mwaitin ao ana tai te Uea ni katea ao ni kamimitonga Ueana. Te burabeti, man te kaotioti, e noora ao n tau mwiin baike ti kona n nooriira iai. E taku Nibwaai bwa bootan te mwaiti e aki kona ni korakora ma keeraken te anainano ae tamaroa e kona ni kakukurei:

“Ao e koro bukina bwa I a noora naba ana Ekaretia Ana Tiibu te Teei te Atua, aika a karako. …

“Ao e koro bukina bwa Ngai Nibwaai, I a noora naba korakoran mwaakan Ana Tiibu te Teei te Atua, ae e ruo nako aoia aika a Itiaki aika kain ana ekaretia te Tiibu te Teei, ma iaoia ana aomata inanon te berita ae tabu te uea, ake a maenako nako aon te aonaaba; ao a irianaki n te raoiroi ma mwaakan te Atua ao te mimitong ae korakora.”⁶

Ni koron boong, te taetae ni burabeti ae ti te arona ibukin arora ao taai aika imwaaira e koreaki mwiina n te Doctrine ao Covenants:

“E taku te Uea bwa ti aki oota bwa a kanga kakabwaia ake inanon baina ao ni katauraoi ibukira;

“Ao tiaki kona ni kaitarai bwaai ni kabane ngkai; ma e ngae n anne, ti riai ni kabebetei nanora, bwa e na kairiirira. Ara bwai te abanuea ao kakabwaia ake a taekinaki bon ara bwai ao kaubwai ae akea tokina bon ara bwai.

“Ao are e karekei bwaai ni kabane ma te kakaitau e na kamimitongaki; ao bwain aonteaba a na raonaki nakoina, tebubua mwaitina, eng, e na nako riki.”⁷

I namakinna bwa bitakin rikiraken te kakaitau ibukin taian kakabwaia ao tangiran te Atua e rikirake ni kabuta te Ekaretia. E taraa ni birimwaaka ibuakoia kaain te Ekaretia n taai ao n taabo ike a kataaki iai aia onimaki, ike a na bubuti nakon te Atua ibukin buokaia bwa a na waaki nako.

Taai aika ti maiu inanona a na mena iai kataaki aika kaangaanga ake a riki nakon ana aomata Aramwa iaan te buakaka are Amuron, are e katoka te rawawata iaoia are aikoa kona ni uotia:

“Ao e koro bukina bwa e roko irouia bwanaan te Uea inanon aia tai n rawawata, ae kangai: Tabeki atuumi ao kabebetei nanomi, bwa I ataa te berita ae tabu are kam a tia ni karaoia nakoiu; ao N na berita n ae tabu ma au botanaomata ao N na kamaiuia man te tautoronaki.

“Ao N na kabebetei naba taian uota ake a katokaki iaon angami, bwa kam na aki kona n namakin iaon nukami, n ami tai n tautoronaki; ao N na karaoa aio bwa kam aonga n riki bwa taan kakoaua ibukiu imwiin aio, bwa kam aonga n ataa te koaua bwa Ngai te Uea ae te Atua, I bon kaakawariia au botanaomata inanon aia tai n rawawata.

“Ao ngkai e koro bukina bwa taian rawawata ake a katokaki iaon Aramwa ma tarina a kabebeteaki; eng, ao e kakorakoraia te Uea bwa a na kona n uota uotaia ma te beebete ao a karaoi nanon te Uea ma te kukurei ao te taotaonakinnano.”⁸

Ngai ma ngkoe bon taan kakoaua bwa te tabo ike ti kawakina ara berita ma te Atua, ai moarara riki ngkana e matoatoa, E a tia n ongo ara tataro ni kakaitau ibukin baike e a tia ni karaoi ibukira ao n tia ni kaekai ara tataro ibukin te korakora n teimatoa ma te kakaonimaki. Ao n riaon riki te tai ae bati E a tia ni kakukureira ao ni kakorakoraira naba.

Kam bae naba ni miimi tera ae kam kona ni karaoia ni maiu ao n taromauri n te Tabati ni kaota ami kakaitau ao ni kakorakorai ngkami ao tabeman ibukin kataaki ake imwaaira.

Kam kona ni moanna n te bong aei ma te tataro n utu ae onoti ni kakaitau ni baike e a tia ni karaoi te Atua ibukimi. Kam kona n tataro n ataia bwa tera ae tangiria te Uea bwa kam na karaoia ni beku Ibukina ao tabeman. N ae onoti, kam kona n tataro ni karekea te Tamnei ae Raoiroi n tuangkami temanna are e maroaa ke are e kainnanoa buokana are e na kanakoi ngkami te Uea nakoina.

I kona ni berita nakoimi bwa ami tataro a na kaekaaki, ao ngkai kam mwakuri kaeka ake kam karekei, kam na kunea te kimwareirei n te Tabati ao nanomi a taonako ma te kakaitau.

I kakoaua bwa te Atua te Tama e atai ngkami ao e tangiri ngkami. E mate ibukimi te Tia Kamaiu, te Uea Iesu Kristo. Ngaiia, te Tama ao te Nati, a atai arami ngkai a ataa aran te Burabeti Iotebwa Timiti ngke A kaoti nakoina. I kakoaua bwa aei ana Ekaretia Iesu Kristo ao E na karinei berita ake kam karaoi ao ni kabou ma te Atua. E na bitaki raoi anuami n riki n ai aron te Tia Kamaiu. Kam na kamanoaki ni kaitarai kairiiri ao ni kaitarai namakin n nanououa ibukin te koaua. Kam na kunea te kimwareirei n te Tabati. I berita nakoimi n aran te Uea Iesu Kristo, amen