“Si Bo A Konose Mi”

Pa ehersé fe den Jesucrito ta konfia riba su méritonan, miserikòrdia, i grasia.⁷ Nos ta kuminsá konosé e Salbador ora nos lanta nos fakultatnan spiritual i eksperimentá riba su enseñansanan, hasta te ora ku nos duna lugá den nos alma pa un porshon di Su palabranan.⁸ Ora ku nos fe den Señor krese, nos ta konfia den Dje i tin konfiansa den Su poder pa redimí, kura, i fortalesé nos.

Fe berdadero ta enfoká den i riba Señor i semper ta guia na akshonnan rekto. “Fe [den Kristu ta] e promé prinsipio den religion revelá, ... e fundeshi di tur rektitut ... i e prinsipio di tur akshon den sernan inteligente.”⁹ Pasobra aktua di akuerdo ku e prinsipionan korekto e Redentor a proklamá ku ta sentral pa risibí i ehersé fe berdadero, “fe sin obra ta morto.”¹⁰ Nos mester ta “hasidó di e palabra, i no skuchadó solamente.”¹¹

Skuchando Dios su palabra i risibí e don spiritual di fe den e Salbador ta estrechamente relashoná, meskos ku “fe ta bin pa medio di skucha, i skucha pa medio di e palabra di Dios.”¹² Nos ta bira familiar ku ne i Su bos ora nos studia i disfrutá di Su palabra den eskrituranan,¹³ hasi orashon na e Tata den Su nòmber ku berdadero intenshon,¹⁴ i buska pa e kompaño konstante di e Espíritu Santo.¹⁵ Siña i apliká den nos bida e doktrina di Kristu ta un rekisitu pa risibí e don di fe den Dje.¹⁶

Ehersiendo fe den Señor ta un preparashon nesesario pa siguié.

“I Jesus, kanando banda di e laman di Galileo, a mira dos ruman, Simon yamá Pedro, i Andres su ruman, tirando nan nèt den laman: pasobra nan tabata piskadó.

“I e la bisa nan, Bin sigui mi, i ami lo hasi bo piskadó di hende.

“I mesora nan a laga nan nèt, i siguié.”¹⁷

Pedro i Andres ta ehèmpelnan hopi fuerte di skucha i sigui e Maestro.

Señor tambe ta instruí abo i ami, “Si algun di boso bin mi tras, lag’e ninga su mes, i tuma su krus, i sigui mi.”¹⁸ Pa tuma bis krus ta nifiká ninga bo mes di tur loke ta impuro i kada deseo karnal i warda e mandamentunan di Señor.¹⁹

E Salbador a amonestá nos pa bira manera E ta.²⁰ Kermen, sigui Señor ta inkluí imit’é. Nos ta kontinuá na konosé Señor ora nos ta buska pa medio di e poder di Su Ekspiashon pa bira manera E.

Den su ministerio mortal, Jesus a marka e kaminda, guia nos den e kaminda, i pone e ehèmpel perfekto. Un idea korekto di Su karakter, perfekshonnan, i atributonan²¹ ta proveé propósito duradero i direkshon kla ora nos ta siguié riba e kaminda di disípulado devoto.

Siguiendo Señor ta abilitá nos pa risibí un konosementu real ku e kurso di bida nos ta siguiendo ta di akuerdo ku e boluntat di Dios.²² Tal konosimentu no ta un misterio skondí i no ta enfoká primeramente riba nos buskedanan temporal òf preokupashonnan mortal ordinario. Mas bien, progreso sigur i sostené riba e kaminda di konvenio ta e kurso di bida ku ta plasentero pa ku ne.

Lehi su soño den e Buki di Mormon ta identifiká e kaminda ku nos mester sigui, e desafionan ku nos lo enkontra, i e rekursonan spiritual disponibel pa asistí nos den sigui i yega serka e Salbador. Bayendo pa dilanti riba e kaminda smal i angosto ta loke E lo laga nos hasi. Purbando e fruta di e palu i bira profundamente “konvertí na Señor”²³ ta e bendishonnan ku ta deseá pa nos risibí. P’esei, e ta yama nos pa, “Bin, sigui mi.”²⁴

Ámbos, ehersé fe den i sigui Jesucristo ta preparashonnan nesesario pa sirbié.

Kon un hòmber por konosé e maestro ku e no a sirbi, i ku ta un hende straño p’e, i ta leu for di e pensamentunan i intenshonnan di su kurason?”²⁴

Nos lo konosé Señor mas mihó ora nos ta sirbié i traha den su reino. Ora nos ta hasi esei, e lo bendishoná nos generosamente ku ayudo selestial, donnan spiritual, i un kresementu den kapasidat. Nunka e lo laga nos, nos so miéntras nos ta traha den su obra.

E la deklará, Lo mi bai dilanti di bo. Lo mi ta na bo man drechi i na bo man robes, i mi Espíritu lo ta den bo kurasonnan, i mi angelnan lo rondoná bo, pa karga bo.”²⁶

Nos ta bin konosé Salbador ora nos hasi nos esfuerso pa bai kaminda E ke pa nos bai, ora nos ta esforsá pa bisa loke e ke pa nos bisa, i bira loke e ke pa nos bira.²⁷ Ora nos rekonosé sumisamente nos dependensia total na Dje. E lo engrandese nos kapasidat pa sirbi aun mas efektivamente. Gradualmente, nos deseonan lo ta kompletamente pareu ku Su deseonan, i Su propósito lo bira nos propósito, asina nos “no ta pidi loke ta kontrario na su boluntat.”²⁸

Sirbi Señor ta rekerí nos kurason, poder, mente i forsa.²⁹ Konsekuentemente, sirbiendo otro desinteresadamente ta kontrarestá e tendensianan egoséntriko i egoista di e hòmber natural. Nos lo krese ta stima esnan ku nos ta sirbi. I pasobra sirbi otronan ta sirbi Dios, nos stimashon pa E i nos rumannan lo krese aun mas profundo. Un amor asina ta e manifestashon di e don spiritual di karidat, hasta e amor puru di Cristo.²⁹

Hasi orashon na e Tata ku tur bo energia di kurason, pa bo por ta yena ku su amor, ku e la duna na tur ku ta berdadero disípulo di su Yu, Jesucristo: pa bo por bira e yunan di Dios; pa ora e aparesé nos lo ta manera e, pasobra nos lo mir’e manera e ta; pa nos por tin e speransa aki; pa nos por ta purifiká hasta manera e ta puru.³¹

Nos lo bin konosé Señor ora nos ta yená ku Su amor.

Ta posibel pa ehersé fe den Dje, siguié, sirbié, i tòg no ker’é?

Mi konosé miembronan di Iglesia ku ta akseptá komo berdadero e doktrinanan i prinsipionan den e eskrituranan i proklamá for di e pulpito aki. I asina mes nan tin difikultat di kere e evangelio berdadero ku ta apliká spesífikamente den nan bida i nan sirkunstansianan. Ta parse ku nan tin fe den Señor, pero nan no ta kere Su bendishonnan prometé ta disponibel pa nan òf por funshoná den nan bidanan. Tambe mi ta topa ku hopi rumannan ku ta sirbi diligentemente pero di kua e evangelio restourá ainda no a bira un realidat bibu i ku ta transformá den nan bida. Nos ta bin konosé Señor ora no solamente nos ta kere den dje, pero tambe kere e i su siguridat.

Den e Tèstamènt Nobo un tata a puntra e Salbador pa kura su yu. Jesus a kontesta:

“Si bo no por kere, tur kos ta posibel pa esnan ku ta kere.

“I mesora e tata di e mucha a ekslama, i a bisa ku lagrima, Señor, mi ta kere; yudami den mi falta di kreensia.”³²

Mi a reflekshoná hopi biaha riba e petishon di e tata: “Yuda mi falta di kreensia.” Mi ta puntra mi mes si e intenshon di e plegaria di e hòmber no tabata primeramente pa yude kere den Jesus komo nos Redentor i den Su poder pa kura. Ya kaba e por a rekonosé Cristo komo e Yu di Dios. Pero kisas e tabata tin mester di kere ku e poder di sanashon di e Maestro por ta asina individual i asina personal pa bendishoná su propio yu stimá. E por a kere den Cristo generalmente pero no kere Cristo spesífikamente i personalmente.

Hopi bia nos ta testifiká di loke nos sa ta bèrdat, pero kisas e pregunta mas relevante pa kada un di nos ta si akaso nos ta kere den loke nos sa.

Ordenansanan sagrado hasi pa medio di e outoridat apropiá di saserdosio ta esensial pa kere e Salbador, bini na Dje pa konosé, i, finalmente, kere den loke nos sa.

“I e saserdosio Melkisedek ta ministrá e evangelio i tin e yabinan di e misterionan di e reino, hasta e yabi di konosementu di Dios.

“P’esei, den e ordenansanan di esaki, e poder di deboshon ta wòrdu manifestá.”³³

Nos ta kere i bin konosé Señor ora e yabi di e konosementu di Dios atministrá pa e Saserdosio Melkisedek ta habri e porta i hasié posibel pa nos tur risibí e poder di deboshon den nos bida. Nos ta kere i bin konosé Señor ora nos ta siguié dor di risibí i fielmente honra ordenansanan sagrado i mas i mas tin su imágen graba den nos semblante.³⁴ Nos ta kere i bin konosé Cristo ora nos ta eksperensia personalmente e poder ku ta transformá kurá, fortalesé, i santifiká di su Ekspiashon. Nos ta kere i bin konosé e Maestro ora “e poder di su palabra ta krea rais den nos,”³⁵ ta skibi den nos mente i kurason.”³⁶ i nos “entrega tur nos pikanan na Dje.”³⁶

Kere E ta konfia ku su bendishonnan abundante ta disponibel i aplikabel den nos bidanan individual i familiar. Kere E ku tur nos alma ³⁸ ta bin ora nos sigui pa dilanti riba e kaminda di konvenio, entrega nos boluntat na E, i someté nos mes na Su prioridatnan i tempu pa nos. Kere E – akseptá komo bèrdat Su poder i promesanan – ta invitá perspektiva i pas i goso den nos bidanan.