Ngwetlah nuh ke Puk an, Ngwetlah kuh ke Leum
Yac kowos kuh in liye lah Puk luhn Mormon pa yot in fihl lom, ke infulwacn kuh luhn nguhn lom?
Mary Elizabeth Rollins
Ke insiyuck, nga nuhnkuh keiwos mwet fuhsr suc liye kuh lohng toeni luhlahp se inge finne acn yac kowos oasr fin facluh. Nga kena sruhmuhn nuh suwos sramsram pwacye soko, sramsram soko ma kuh in kwewana srihkasrak ac mwe lutlut. Ac kuh in ahkkahlwemye nuh suwos lah kowos kuh in fototo nuh yurin Leum fuhkah, ac eis kuh yohk likina met in lain mwe sruhf.
Sramsram soko inge ma ke tuhlihk muhtwacn se, muhta New York, suc ke el soenna yac tolu pahpah tuhmwacl ah misac ke oak okwacl ah tihlmackihnyac ke luhluh luhlahp ah. El, ninac kiyacl, mukul wiyacl mahtuh, ac muhtwacn wiyacl fuhsr fuhfahsryucsr nuh ke acn sasuc ke stet sasuc in muhta yurin ma wiyacn ninac kiyacl ac mukul tuhmwacl. Kuhtin pacl tukun sucu an sun acn we ah, misineri ac mempucr ke alu sasuc tuhkuh nuh ke acn lalos ke pweng wo se ke Fohlohkyak luhn wosasuc an. Elos fahk ke sramsram wowo ke lihpufacn sang puk mahtuh nuh sin mukul fuhsr inel pa Joseph Smith, puk se el luhngaslah ke kuh luhn God. Mwet muhtwacta luo, Oliver Cowdery ac John Whitmer, elos liye nuh pwacye plwet ma taflweyucklac ke puk mahtuh se ke muhtahlos, ac Whitmer el ahklohye muh el sruokyac plwet kol inge ke pahol. Puk se inge tuhfahna printiyucki, ac Tamuhlwel Whitmer el us tuhkuh puk se yohrohl. Inen puk se inge, pwacyena, pa Puk luhn Mormon.
Ke Mary, yac 12, lohngwack misineri an sruhmuhn ke puk se, el puhlakihn puhla sacohk ke insiyacl. Finne Puk luhn Mormon uh yohk ac page puhkantwen, Mary el kena yohk tuh in riti. Ke Tamuhlwel Whitmer el fahlac, el sang Puk sacohk sefanna nuh sel Tamuhlwel Isaac Morley, suc kawuck luhn mukul tuhmuhn ma wiyacl ninac kiyacl Mary ac mwet kol luhn Alu sasuc ah.
Tok Mary el sihmihs: “Nga fahlac nuh ke lohm sel [Tamuhlwel Morley] … ac siyuck in liye Puk se; [el] sang ke pouk, [ac] ke nga ngwet nuh kac, Nga puhla kena yohk in riti, tuh nga tiac kuh in tiac siyuck sel elan lwelah ngan in eislah puk se nuh ke lohm ah in riti. … El fahk … wacngihn pacl lal in riti sifacna sapta se , ac tamuhlwel ekahsr na tuh liye tari, tuhsruhktuh nga kwacfe ke kuhiyuck nohfohn, oruh el fahk, ‘tuhlihk, kom fin fohlohkkuhnma puk se inge nuh lohm uh met liki mongo in lututacng lutu, kom kuh in eislah.’”
Mary el kahsruhsr nuh lohm sel ah ac luhngse puk yohk oruh el riti fong nohfohn. Ke lututacng tok ke el fohlohkohnlah puk sac, Tamuhlwel Morley el fahk, “Nga nuhnkuh kom tiacna riti yohk kac” ac “Nga tiac luhlahlfongi kom kuh in fahk nuh sihk kahs sefanna kac.” Mary el tuyak suwohs ac fahk suwohs ke esam lal fuhs se met ke Puk luhn Mormon. Na el fahk nuh sel sramsram soko luhn mwet pahluh Nephi. Tohkoh ah Mary el sihmihs, “El ngwetma ke lut, ac fahk, ‘tuhlihk, eis puk se an nuh lohm ah ac ahksahfye, nga kuh in sano.’”
Pacl na sa tohkoh, Mary el ahksahfyelah riti ke puk an ac el pa mwet se emet ke acn lal ah in riti puk sac nohfohn. El etuh puk ah pwacye ac lah puk se tuhkuh sin Pahpah Inkuhsrao. Ke el ngwetlah nuh ke puk, el ngwetlah nuh sin Leum.
Mahlwem se tohkoh, mwet muhtwacta sacohk tuhkuh nuh lohm sel ah. Pa inge ma Mary el sihmihs ke muhtwacta esamwack ke lwen ah: “Ke [Joseph Smith] el liyeyuc el ngwetma ke nuhnak suwohs. … Tukun minute se kuh luo el … use nuh sihk mwe insewowo yohk … ac oruh tuh puk ah in mwe sang se nuh sihk, ac fahk lah el ac sang nuh sel Tamuhlwel Morley sie sahyac. … Kuht nuh kwewa puhla lah el sie mwet luhn God, mweyen el sramsram ke kuh, ac wal yohk ma oasr in el.”
Muhtwacn fuhsr se inge, Mary Elizabeth Rollins, el liye usrnguck pucspucs sahyac ke moul lal ac pacl nuh kwewa sruokyac luhlahlfongi lal ke Puk luhn Mormon.1 Sramsram soko inge yohk srihpac nuh sihk mweyen el pa ma wiyacn pahpah mahtuh ahkalkosr tuhmuhk. Ke srihkasrak lal Mary, wiwina ma puhlakihnyuck ke moul luhk uh, nga etwaclah lah mwet se el tiac kuh in fuhsrlaclac in suk ac eis luhlahlfongi sifacna ke Puk luhn Mormon.
Yot in Fihl ke Luhlahlfongi Lom
Oasr mwe lutlut sifacna nuh sum ke sramsram lal Mary. Kais sie suwos mukul fuhsr, muhtwacn fuhsr, ac tuhlihk kuh in puhla oacna el. Ke kowos riti Puk luhn Mormon ac pruhe ke kena yohk in etuh fin pwacye, kowos kuh pac in puhla ke insiyowos oacna Mary el puhla. Kowos fah konwacack lah ke kowos tuyak ac fahk mwe loh ke Puk luhn Mormon, kowos fah puhlakihn nguhn se in ahkkahlwemye pwacye. Nguhn Muhtahl El ac fah sramsram nuh ke insiyowos. Kowos kuh in oacyacpac puhla nguhn se in ahkkahlwemye pwacye inge ke kowos lohngwack mwet sahyac akacsruhi luhlahlfongi lalos ke Puk luhn Mormon. Kais sie mwe loh luhn nguhn kuh in kol nuh ke Puk luhn Mormon in yot in fihl ke luhlahlfongi lowos.
Lwelah ngan ahkuhtweyac. Mwet pahluh Joseph Smith, suc luhngaslah Puk luhn Mormon ke “mwe sang ac kuh luhn God,” ahkuhtweyac muh Puk luhn Mormon pa “puk se ma pwacye emet sin kuhtwena puk fin facluh, ac pa yot in fihl luhn alu lasr uh.”2
E ke Puk luhn Mormon printiyucki emet ke yac 1830, puhs liki puk million 174 ma printiyucki nuh ke kahs 110, ma ahkkahlwemye lah Puk luhn Mormon an srackna pa yot in fihl luhn alu lasr uh. Tuhsruhk meac kalmacn ma inge nuh suwos kais sie?
Ke kahs luhn mwet architect sie yot in fihl pa ip yohk srihpac emet ke arch soko. El pa yot ma oacna wedge se ke infulwac ac luhng ke arch soko an. El pa yot yohk srihpac emet mweyen el kahsruh yot sahyac in muhtana kuh, ac tilac puhtatlac. Ac el pa ip ke structure an ma karihngihn in lwelah sruhngucl, kuh acn ikack ten uh, tuh mwet uh kuh in fahsr kac.
Ke kahs in wosasuc sie mwe sang ac mwe insewowo sin Leum lah yot in fihl ke Alu lasr uh sie ma kuh in sruokyucki ac kahlwem se oacna Puk luhn Mormon an ac lah kowos kuh in sruokyac ac kuh in riti kac. Yac kowos kuh in liye lah Puk luhn Mormon pa yot in fihl lom, ke infulwacn kuh luhn nguhn lom?
Prestuhn Ezra Taft Benson el sruhmuhn ke mwe luti inge lal Joseph Smith. El fahk: “Oasr ohiyac tolu ma Puk luhn Mormon pa yot in fihl ke alu lasr uh. El pa yot in fihl nuh ke mwe loh lasr ke Kraist. El pa yot in fihl nuh ke mwe luti lasr. El pa yot in fihl nuh ke luhlahlfongi lasr.”
Prestuhn Benson el kalweni luti: “Puk luhn Mormon an luti kuht ma pwacye [ac] fahk mwe loh ke Kraist. … Tuhsruhktuh oasr pac ma sahyac. Oasr kuh ke puk se ma muhtwacack in orekma in moul lowos ke pacl se kom muhtwacack in lutlut pwacye ke puk an. Kowos ac fah konwacack kuh in lain mwe sruhf. … Kowos ac fah konwacack kuh in muhtana ke inkacnek suwohswohs ac srihk.”3
Mwe Loh Luhk Sifacna
Ke srihke luhk Puk luhn Mormon uh eklac yot in fihl nuh ke luhlahlfongi luhk ke kuhtuh yac ac ke puhla ekahsr. Sie sin puhla kuh ma muhsaheack luhlahlfongi luhk sikyak ke nga misineri fuhsr kuhlwacnsap ke area se met luhk: Kumamoto, Japan. Companion luhk ac nga fahsr lohm nuh ke lohm in luti. Nga ohsun nuh sin ninac mahtuh se suc kuhlwacng in suli kuht in utyak nuh in lohm sel ah, ma pahngpahng genkan ke kahs Japan. El use nuh sesr mwe nihm ohu se ke lwen fohl. Nga tuh muhta Japan ke pacl fototo, ac nga tuhfahna ahksahfye riti Puk luhn Mormon nohfohn ac nga pruhe yohk in etuh pwacye fin pwacye.
Mweyen nga sasuc fin acn Japan, nga nihkihn kahs Japan wo. Ac pwacye, nga nihkihn fin muhtwacn se inge kahlwem kuhtwena kahs nga sruhmuhn. Nga muhtwacack in lotwel ke Puk luhn Mormon, sruhmuhn ohiyac ma Joseph Smith el eis sin lihpufacn puk mahtuh se sihmlac ke plwet ac ohiyac el luhngaslah ke kuh luhn God.
Ke nga fahkwack luhlahlfongi luhk nuh sel lah Puk luhn Mormon uh kahs luhn God ac siepac wuhlweacng ke Jisus Kraist, nga eis puhla fokoko, wiwina puhla fihsrack ma mihslac ac wowo ke insiyuck, ma ma suhmuhslah ahkkahlwemye ke insiyom fihrihryak ke insiom.4 Puhla se inge ahkpwacye nuh sihk ke ohiyac kuh lah Puk luhn Mormon uh kahs pwacye luhn God. Ke pacl sacn puhla luhk fokoko oruh oasr sronin muhtuhk ke nga sramsram nuh sin ninac mahtuh Japan se inge. Nga tiac kuh in muhlkuhnlah puhla sacohk ke lwen se inge ah.
Mwe Loh Lowos Sifacna
Kais sie suwos kuh in eis pac luhlahlfongi sifacna ke puk se inge! Yac kowos akihlen lah Puk luhn Mormon sihmlac keiwos—ac ke lwen lowos an? Puk se inge uh mwe insewowo ke moul ke pacl ma kuht pahngon fihlin pacl ke fohnlahiyacn ma uh. Finne Puk luhn Mormon sihmlac sin mwet eis fwackyuck, ac mahtuh—pucs selos suc mwet pahluh—elos ac mwet ke lwen lalos tiacna eis mwe sang luhn puk se inge nohfohn in riti. Fihsrwacsr nuh suwos in eis puk muhtahl se inge lah mwet pahluh, prist, ac tohkohsrah tuh sackoi, sruok, ac karihngihn! Kowos eis mwe sang in sruokyac ke poum Puk luhn Mormon nohfohn. Ke nuhnak wo, sie sin mwet pahluh ke Puk luhn Mormon, Moroni, el liye lwen lasr—lwen lom. El liye pwacye kowos, ke sie mwemwe, yac puhs tari ah! Moroni el sihmihs:
“Liye, Leum El ahkkahlwemye nuh sihk ma yohk srihpac ac wolacna ke … pacl sacn ke ma inge,” kalmac pa Puk luhn Mormon, “ac fah tuhkuh nuh inmahsrlowos.
“Liye, nga sramsram nuh suwos oacna in muh kowos oasr inge, ac tuhsruhk kowos tiacna, Tuhsruhk liye, Jisus Kraist El ahkkahlwemye keiwos nuh sihk, ac nga etuh oruh lowos an.”5
In kahsruh Puk luhn Mormon in eklac yot in fihl nuh ke luhlahlfongi lowos an, nga usot nuh suwos sie solsol. Nga tuhfahna etwaclah lah mwet fuhsr elos is ao itkohsr lwen nuh kwewa in ngwetlah nuh ke TV, computer, ac cell phone.6 Ke ma inge oasr ke nuhnak lasr, yac kowos ac oruh eklac srihsrihk? Yac kowos ac eislah kuhtuh pacl in screen—pacl ma kowos lohacng nuh ke social media, internet, mwe sritacl, kuh television—in riti Puk luhn Mormon? Fin mwe lutlut nga sruhmuhn kac uh pwacye, fihsrwacsr kowos in is pacl lwen nuh kwewa in lutlut ke Puk luhn Mormon finne minute 10 lwen nuh kwewa. Ac kowos kuh in lutlut ke ohiyac lah lwelah kowos in engan kac ac kahlwem kac—finne oasr ke computer lom kuh ke puk se. Prestuhn Russell M. Nelson el tuhfahna luti, “Kuht tiac kuh in lwelah riti ke Puk luhn Mormon in luhman oacna kunohkohn upac se, oacna ke mwet se sa in nihm ono ma ema koluk ke srihpen el siyuckyuck in oruh.”7
Ke kuhtuh suwos ma tuhlihk srihsrihk, kowos kuh in riti yurin pahpah kuh ninac, pahpah kuh ninac mahtuh, kuh mwet luhngse. Fin sapta se, fuhs, kuh ip se upaclaclac nuh suwos ahluhkwelah na nuh ke ma se tohkoh, nuh ke ma se tok ac ma se tok. Nga petsacelah insifuck kowos ukwe srihkasrak lal Mary. Nga petsacelah kowos rahrah in konwacack pacl ac acn mihs in riti Puk luhn Mormon. Nga liye kowos in konwacack top, puhla mwe kol, ac eisyang luhlahlfongi lom sifacna ke Puk luhn Mormon ac luhlahlfongi ke Jisus Kraist. Ke kowos ngwetlah nuh ke puk an, kowos ngwetlah nuh ke Leum.
Kowos ac fah riti ke ma sihmlac ke puk sacohk ac puhlakihn Mwet Lahngo luhngse lom, ac Leum Jisus Kraist, in sun sra nohfohn. Luhmweyuck tuh oasr sie ohiyacn Inel orekmakihnyuck pacl se ke fuhs 1.7 nuh kwewa.8 Kraist El sifacna fahk loh ke pwacyeiyacn ma inge ke lwen sahflah inge, fahkwack, ke Leum lom ac God lom moul ma inge pwacye.9
Nga tarilacna ke solsol ac olwelah lah Leum El tuh use sin mwet pahluh Moroni nuh suwos kais sie—ac nuh sin mwet nuh kwewa suc riti Puk luhn Mormon. Nga ahksahfyelah in riti solsol se inge ac olwelah ac wi pac luhlahlfongi luhk: “Ac ke kowos fah eis ma inge [ke Puk luhn Mormon], nga kena kwacfe nuh suwos tuh kowos in siyuck sin God, Pahpah Ma Pahtpaht, ke inen [Jisus] Kraist, fin ma inge tiac pwacye; ac fin kowos siyuck ke inse pwacye, kena in etuh na pwacye, luhlahlfongi Kraist, El fah ahkkahlwemye pwacyeiyacn ma inge nuh suwos, ke kuh luhn Nguhn Muhtahl.”10
Nga fahkwack luhlahlfongi luhk ke Fohlohkyak luhn wosasuc ke lwen sahflah inge ac ke Puk luhn Mormon ke mwe loh suwohs ke Fohlohk se inge. Oacna kahs ke puk se inge kahsruh muhtwacn fuhsr yac 12 ah in eis Alu fohlohkyak luhn Jisus Kraist yac lofoko tari ah, ma pwacye kowos fah konwacack kac fah sruhkwack ac sang nuhnak wowo nuh suwos ke ohiyac oacna sie. Fah ahkfokokoye luhlahlfongi lowos an, nweklah nguhn lowos ke kahlwem, ac ahkolah kowos nuh ke pacl fahsruh ke ohiyac nuhnak kowos tiac kuh in kahlwem.
Ke page luhn puk se inge, kowos fah konwacack luhngse ma pahtpaht ac pahkotwen yohk luhn God. Ke kowos srihke in ukwe mwe luti kowos konwacack kac, engan lowos fah yohkwelihk, kahlwem lowos fah yohkwelihk, ac top kowos suk nuh ke ma upac ma moul uh use nuh sesr fah ikacklah nuh suwos. Ke kowos ngwetlah nuh ke puk an, kowos ngwetlah nuh sin Leum. Puk luhn Mormon uh kahs sruhmuhnyuck sin God. Ke ma inge nga fahkwelihk, ke insiyuck nohfohn ac nguhn, ke inen Jisus Kraist, amen.